ދެވުނީ ވޭނޭ 43

އެލާމުގެ އަޑަށް ޒަވިއަން އެނދުން ތެދުވިއެވެ. ރޭގައި ރަނގަޅަށް ނުނިދޭތީ އޭނާގެ ދެލޯ ކައިރި ވަނީ ކަޅުވެފައެވެ. ސޯފާ އާއި ދިމާލަށް ބަލަން އިރުކޮޅަކު އޮވެފައި އޭނާ ތެދުވިއެވެ. ކޮޓަރީގެ ކޮންމެ ދިމާއަކަށް ބަލައިލިއަސް އޭނާގެ ހަނދާނަށް އަންނަނީ އަރީނެވެ. މި ހަތަރު ފާރު ތެރޭ ހުރެ އޭނާ އަރީނަށް ގޯނާ ކުރި ގޮތެވެ. އެއިން އެންމެ ފަހަރަކު ވެސް އަރީން އޭނާ އާއި ޖަދަލުކުރަން މަސައްކަތް ނުކުރާ ކަމެވެ. ފިރިއެއްގެ ހައިސިއްޔަތުން އަރީނަށް އަދާކޮށްދޭން ޖެހޭ ޙައްޤުތައް ޒަވިއަން ފުރިހަމައަށް އަދާނުކުރިއެއް ކަމަކު އަރީން ޒަވިއަންގެ ޙައްޤުތައް އަދާކޮށްދިން ހަނދާނެވެ. “މީ އެންޑް މައި ޑޭމްން ޓެމްޕާ” އަމިއްލަ މޭގައި އަތުން ޖަހާލަމުން އޭނާ ގޮސް ފާޚާނާ އަށް ވަނެވެ.

ފަތިސް ނަމާދަށް ދާން ތައްޔާރު ވެގެން ޒަވިއަން ގެއިން ނުކުތެވެ. ސައިކަލަށް އަރައިފައި އޭނާ އެ ދުއްވާލީ ކައިރި މިސްކިތަށް ދާށެވެ. ޖެހެމުން ދިޔަ ފިނިފިނި ވައި ރޯޅިތަކުން އޭނާގެ ބޮލުގެ ރިހުން ލުއިވެގެން ދިޔައެވެ.

ނަމާދަށް ފަހު ކަސްރަތު ކުރަން ދިއުމުގެ ބަދަލުގައި ޒަވިއަން ސައިކަލު ދުއްވަމުން ދިޔައެވެ. ހައިވޭ ހުރަސްކޮށް ބްރިޖަށް އެރިއިރު ވެސް އެ ސިކުނޑީގައި އެތައް ޚިޔާލެއް ދައުރުވަމުން ދިޔައެވެ. ބުރިޖުން މާލެ ފޭބި ވަގުތު އެ ލޮލުގައި ލޮނުޒިޔާރަތް ޕާކު އަޅައިގަތުމުން ސައިކަލު ހުއްޓާލެވުނެވެ. އަދި ރަނގަޅަށް އިރު ނާރާތީ އެހާ އައްޔެއް ނޫނެވެ. އެ ތަނުގައި ކުރިން ކަމެއް ހިނގިކަން ޔަގީންކަމާއި އެކު އެނގޭތީ ސައިކަލުން ފައިބައިފައި ކުރިއަށް ހިނގާލިއެވެ. ޒަވިއަނަށް ހަނދާން ކުރަން އުޅުނު ކަންތައް ވިސްނުމަށް އައީ ވަކި ހިސާބަކުން ދަގަނޑު ފެންސެއް ފެނުމުންނެވެ.

“އަހަރެންނަށް އެ ފިރިހެނާ އަށް އަދި ރަނގަޅު އަދަބެއް ނުދެވޭ. ކީއްވެބާ އެ ރޭ ރީން ކިޑްނެޕް ކުރީ. ވަރަށް ރީނާއި ހެދި ވެފަ ހުރެގެން އެރޭ އެއްޗެހި ކީ. އެކަމަކު ދެވަނަ ފަހަރަށް ފެނިގެން ތާ ފޮޓޯ އެއް ނަގައިގެން ވިޔަސް އިލެވެން ލައްވާ ކާކުތޯ ބެލޭނީ. ސެކްސައިން ކަހަލަ ޑްރަގެއް ބޭނުން ކުރި މީހަކަށް ވިއްޔާ ރީން ވާނީ ނުރައްކަލެއްގެ ތެރޭގައި.” ޒަވިއަން އެ ފެންސު މަތީގައި އަތް ހިންގާލިއެވެ. އޭނާ އަނބުރާ ސައިކަލަށް އެރީ އިރުކޮޅަކު އެ ތަނުގައި ހުރެފައެވެ.

ފަތިސް ނަމާދަށް ހޭލައިފައި އަރީން ސުމައްޔާ އަށް ގޮވިއެވެ. މޯޅިއަކަށް ދެމިލަމުން ސުމައްޔާ ތެދުވުމުން އަރީން ގޮސް ފާޚާނާ އަށް ވަނެވެ. މޫނު ދޮވެ ވުޟޫކޮށްލައިގެން ނުކުމެ އަރީން ނަމާދަށް އަރަން ތައްޔާރު ވެލިއެވެ. އޭނާ ނަމާދު ކުރަން ފެށީ ސުމައްޔާ އައުމުން އޭނާ އާއި އެކުގައެވެ. ދެ މިތުރުން ނަމާދުކޮށް އަވަދިވުމުން ތެދުވިއެވެ.

“ދެން ދަނީ. އޮފީހުގައި ބަލައިގެން އުޅެއްޗޭ. އެ ނާއިލް ޑެވިލް އާއި ވީހާ ވެސް ދުރުދުރުން އުޅެވޭތޯ ބަލާތި.” ސުމައްޔާ އަރީންގެ ބޮލުގައި ފިރުމާލަމުން ބުނެލިއެވެ. އަރީން ހިނިތުންވެލަމުން ބޯ ޖަހާލިއެވެ. ގިނަ ދުވަސްތަކާ ޚިލާފަށް މިއަދު އެ ހިނިތުންވުމުގައި ވަނީ ހިތްހަމަޖެހުމެވެ.

ސުމައްޔާ ދިއުމުން އަރީން އުޅުނީ ލޯވް ފާރމަށް ދާން ތައްޔާރު ވާށެވެ. އެއަށްފަހު ފޮށި ނަގާ އަންޕެކް ކޮށްފައި އެ ތަން ހަމައަކަށް އަޅުވާލިއެވެ. ކޮނޑުގައި ދަބަސް އަޅުވާލައިފައި ހެނދުނު ކެއުމަށް އޭނާ ދިޔައީ ހޮޓެލްގެ ރެސްޓޯރެންޓަށެވެ.

ފުލުސް ތޮފި އަޅާލަމުން ސުމައްޔާ އެޕާޓްމަންޓުން ނުކުތެވެ. ސިޑިން ތިރިއަށް ދާން ބޭނުންވެފައި ހުރުމުން އޭނާ ސިޑި ގޮޅިއާއި ދިމާލަށް މިސްރާބު ޖެއްސެވެ. އެތަނުން ތިރިއަށް ދުވެފައި ފައިބައިގެން ދިޔަ އިރު ބިރެއްގެ ކަންފުޅެއް ވެސް ނެތެވެ. މިއަދު ވެސް އޭނާ ފުލުސް ސްޓޭޝަނަށް ދާން މިސްރާބު ޖެހީ ފައިމަގުގައެވެ.

“އަރާ.” އިޙުސާނު ސުމައްޔާގެ ކައިރިއަށް ކާރު ހުއްޓާލަމުން އެއް ފަރާތު ބިއްލޫރިގަނޑު ތިރި ކޮށްލަމުން ބުނެލިއެވެ. ރައްޓެހިވިފަހުން ކޮންމެ ދުވަހަކު މިހެން އެ ސޮރު އަންނާނެއެވެ. ކޮންމެ ފަހަރަކު ވެސް ސުމައްޔާ ކުރާނީ އިންކާރެވެ. “ބްރޯ ދޭބަލަ. މަ ހިނގައިފައި ދަނީ ކަސްރަތަށޭ. އެހެން ނޫނަސް ބައްޕަ އަށް ފެނިދާނޭ.” އަބަދު ވެސް ދޭ ރައްދު ހަމަ އެ ރާގުގައި ސުމައްޔާ ދިނެވެ.

“އެންމެ ދުވަހަކު ތި ކަސްރަތު ނުކޮށްލިޔަސް ގޮތެއް ނުވާނޭ. ދެން ބައްޕަ ދޯ. ހިނގާބަލަ ބުނަން. އަހަރެން ބޭނުމޭ މެރީ ކުރަން.” އިޙުސާނު ބުނެލިއެވެ. ސުމައްޔާ ދެލޯ އަޅާލިއެވެ. މަގުމަތިން ހިނގާފައި ދިޔަ އެހެން މީހުންނަށް އިވޭ ވަރަށް ބުނުމުން ދެން ލަދު ނުގަނެ ހުންނާނެ ހެއްޔެވެ؟

“ޝަޓް އަޕް. މީހުންގެ ތެރޭ ތިހާ ބާރަށް ތިހެން ނުކިޔަބަލަ. އެހެންޏާ ވެސް ބުނާހެން މަޑުމަޑުން ބުނެވިދާނެއްނު.” ސުމައްޔާ އިޙުސާނުގެ ކާރު ކައިރިއަށް ޖެހިލަމުން ވައި އަޑުން ބުނެލިއެވެ. “އޯހް. އެ ދޯ ބޭނުންވި ޓްރިކަކީ. ހާދަ ދުވަހަކުންނޭ އެނގޭ ވަރު މިވީ.” ފުރަތަމަ ވައި އަޑުން އެ ސޮރު ބުނެލިއެވެ. ސުމައްޔާ މޫނުގައި އަތް އަޅާލިއެވެ. ބޯ ހޫރާލައިފައި އޭނާ ކުރިއަށް ހިނގައިގަތެވެ.

“އައި ލަވް ޔޫ.” އެ ހިސާބަށް އިވޭ ވަރަށް އިޙުސާނު ބުނެލިއެވެ. ސުމައްޔާ އަށް ސިހިފައި ބަލައިލެވުނެވެ. އޭރު އެ ހިސާބުގައި ތިބިހާ ބައެއްގެ ނަޒަރުތައް އޭނާ އަށް އަމާޒުވެފައި ހުއްޓެވެ. ސުމައްޔާ ގަތް ލަދުން ބިން ފަޅައިފައި އަޑިއަށް ދެވޭނެ ނަމައޭ ހިތަށް އެރިއެވެ. އެ ސޮރު ދެވަނަ ފަހަރަށް އެއްޗެއް ބުނަން ވާއިރަށް އޭނާ ގޮސް ކާރަށް އަރައިފިއެވެ. އިޙުސާނު ހިނިގަނޑެއް ޖަހާލަމުން ބިއްލޫރިގަނޑު މައްޗަށް ދަމާލިއެވެ. މި ފުރުސަތަށް ބަލަބަލާ ހުރި ސުމައްޔާ އިޙުސާނުގެ ކަނދުރާގައި އަޅުވާ ދަމާލިއެވެ. “އައްދިޔޯތް. ސަންތީ. މަ މަރުވެދާނޭ. ދޫކޮށްލާ.” އިޙުސާނު އާދޭހުގެ ރާގަކަށް ބުނެލީ އެ އަތް ނައްޓާލަން މަސައްކަތް ކުރަމުންނެވެ.

“ދެން ވެސް މަ ލަދުނުގަންނަވާތި. ސަންތިއޯ މިހާރު އަނެއްކާ އަހަރެންނަށް އިތުރު ވައްތަރު ވައްތަރުގެ ނަން ހަދަން ފެށީތަ؟” ސުމައްޔާ އިންޒާރުގެ ނަޒަރެއް ދީފައި އިށީނދެ ސީޓު ބެލްޓު އަޅުވާލީ ހިތްހަމަޖެހޭ ވަރު ވުމުންނެވެ. “އެއީ ލޯބިންނޭ. ފަތަފޮޅިއަށް ވުރެ ސޫމޯ އަށް އެ ނަން ކަމުދޭ ދޯ. ސޫމޯ ދި ސަންތި. އާނ. އަހަރެންގެ މީހަކަށް ވީމަ ދެން ޚާއްޞަކޮށްލަން ކިޔާނީ ސަންތި.” އިޙުސާނު ކަނދުރާގައި ފިރުމަމުން ލާނެތް ރާގަކަށް ބުނެލިއެވެ. ސުމައްޔާ ކަޅި އަނބުރާލަމުން ތުން އޫކޮށްލައިފިއެވެ.

“ރީން ކިހިނެއް.” އިޙުސާނު ސުވާލެއް ކޮށްލީ އިރުކޮޅެއް ފަހުންނެވެ. “މިހާރު ހަމަ ބަރާބަރު. އެ އީވިލް ޖާރކްގެ ކިބައިން ސަލާމަތްވެގެން ގެއިން ނުކުތީ ވިއްޔާ. ހާދަ ހިތަށް ފަސޭހަ ވިއޭ ފުރަތަމަ ފަހަރަށް ރީން އަމިއްލަ ނަފްސު ދިފާއު ކުރީމަ. އެކަމަކު މައްސަލަ އަކީ އެ ވަރުން ވެސް އެ މައްސަލަ ހުށަހަޅަން ދެކޮޅު ހެދީމަ. އަޅެ އެ ފިރިހެނާ އަށް ހެޔޮ ވިސްނުމެއް ލިބެނީ މިހާ ވަރު ކޮށްގެންތަ؟” ސުމައްޔާ ވާހަކަ ދައްކަމުން ގޮސް ދެއަތް މުއްކަވާލެވިއްޖެއެވެ.

“ހަމަ ދުނިޔޭގެ ހަތް އަޖައިބު ތެރޭ ހިމަނަން ޖެހޭ ވަރުގެ ހިތް ތިރި މަންޖެއެއް ދޯ. ޒެވް ނަފްރަތުގެ ބާބެއް ލިޔަމުން އެ ފަކީރަށް ހުރިހާ ރޯޅިއެއް އެ ބޭލީ. އޭނާ އަށް އަޒާޔާގެ ޤާތިލުންނަކީ އެހެން ބައެއް ކަން ޤަބޫލުކުރެވުނީ ހެއްކާއި އެކު ދެއްކީމަ އޯ. ހެކި ވެސް ހުރި އިރު ކީއްވެގެން ބާ ޒިޔާދުބޭ މެން އެ މައްސަލައިގަ ނުހިފީ. ގައިމު އަމިއްލަ އަންހެން ދަރި ވިއްޔާ. އިންސާފު ހޯދަން މަސައްކަތް ކުރިއްޔާ ކީއްތަ ވާނީ.” އިޙުސާނު ބުނެލިއެވެ.

“އުންމަތުލް ވަބާ! އެއީ ބްލޫ ވޯޓާސް އޭ. އެ ބީޑަބްލިއު ގޭންގަކީ ވަރަށް ނުރައްކާތެރި ބައެކޭ. މި ކަހަލަ ލާއިންސާނީ ކަންކަން ރާވާ މީހުންނެއް ނޫނޭ އަސްލު ކަންތައް ކުރާނީ. ކިހާ ބޭކާރު ކަމެއްތަ މިނިއަންތައް ގޮޅިއަށް ލުމަކީ. އޭރުން އަނެއްކާވެސް އެހެން ބަޔަކު ހޯދާފަ ދެގުނަ ބޮނޑި އަޅާލާނެ. ދެން ދިރި ތިބި މީހުންނަށޭ އެމީހުން އަމާޒު ކުރާނީ. ފުރަތަމަ ޖެހޭނީ ބަރުދަން ހުރި ހެކި ހޯދަން. އެއީ އަދި އެހެން ލެވެލް އެއްގެ ކްރިމިނަލްސް ތަކެކޭ. ހަނދާން އެބަހުރިތަ އާރބަން ޑިވެލޮޕާސް މަތިން. އަހަރެމެން ފަހެއްގަ އުޅެނިކޮށް އިނދަ ޖެހުނު ވިޔަފާރިއެއް. އެ މީހުން ބްލޫ ވޯޓާސް އަށް ގޮންޖެހީމަ އެ ތަނުގެ ވެރިޔާގެ އަންހެނުން މަރާލާފަ، އެއް ދަރި ފްރޭމްކޮށް އުމުރަށް ޖަލަށް ލާފަ، އަނެއް ދަރި އަދިވެސް ކޯމާއެއްގަ ކަންނޭނގެ. ދެން އެ ޗެއާރމަން ދޯ. އޭނާ ޕެރަލައިޒް ވާ ވަރު ކޮށްފަ ދޫކޮށްލީ. ޖަލަށް ލެވުނު އެމީހުންގެ މިނިއަންތައް މިހާރު އުޅެނީ ކިހާ މިނިވަންކަމާއި އެކުގަތަ؟” ސުމައްޔާ އިޙުސާނު އިސްބޯދަށުގައި އަޅުވާލަމުން ބުނެލިއެވެ.

“އަތް އިސްނުކޮށް ވެސް ބުނެވިދާނެއްނު. ކިހިނެއް ސޫމޯ އަށް ތި ހުރިހާ ކަމެއް އެނގެނީ؟” އިޙުސާނު ކުޑަކުއްޖެއް ހެން އަނގަ ހަދާލަމުން ބުނެލިއެވެ. “ސޮރީ މައި ކްރައިބޭބީ. ތަން ކޮޅެއް ބޮޑު އެއްޗެއް ދޯ މި ބުނެވުނީ. ބްރޯ އަތުން އަހަރެން ކޯޑެއް ޖަހައިގަނެފައި ޕޮލިސް އިންޓެލް އަށް ހެކް ކޮށްލީ މި ކަމުގައި. އެ ބްލޫ ވޯޓާސްގެ ބާރު ނައްތާލަން. މިހާރު ޕަޒްލްގެ ބައެއް ޕީސްތައް ހޯދިފަ މި މައުލޫމާތު އެނގޭ. އަދިވެސް ހެކި މަދީ. ނުބުނާތި އެހެން މީހެއް ކައިރީ. ވަރަށް ސިއްރިޔާތުގައި މިކަން ކުރަން ޖެހޭނި.” ސުމައްޔާ އިޙުސާނުގެ ބޮލުގައި ފިރުމާލަމުން ބުނެލިއެވެ.

އަބާޔާއެއްގެ ބަދަލު މިއަދު އަރީން ލައިގެން ދިޔައީ ކަކުލުން ތިރިއަށް އަރާ ވަރުގެ ގަޔަށް ދޫ ހެދުމެކެވެ. އެހެނަސް ބަނޑުމަތިން އައްސާލެވިފައިވާ ބަންދު ވާކޮޅުގެ ސަބަބުން އެ ބައްޓަން އެނގެން ހުއްޓެވެ. އޭނާ ނާއިލްގެ ކެބިނަށް ވަދެފައި އެ މޭޒު ކުރިމަތީގައި ހުއްޓުނެވެ.

“ވަޓް ދަ **. މެޓާރނިޓީ ލީވް އޭ. އަރީ ކޮން އިރަކު ބަނޑުބޮޑުވީ” ނާއިލަށް ސިހިފައި ކޮޅަށް ތެދުވެވުނެވެ. އަރީން ހިންދިރުވާލިއެވެ. ނާއިލަށް މިކަން އެނގުމުން ކޮށްލާނެ ގޯނާއެއް އޭނާއަށް ޚިޔާލަށް ގެންނަން ވެސް އުނދަގުލެވެ. މިތަނުގައި ގިނަ އިރު ހުރުމަކީ ރަނގަޅު ކަމެއް ނޫން ކަމަށް އެ ސިކުނޑިން އެލާމު އަޅަން ފެށިއެވެ.

“ޕާރސަނަލް ވާހަކަ ހިއްސާ ކުރުމަކީ ވަޒީފާގަ ހިމެނޭ ކަމެއް ނޫން. މި ހަފްތާ ނިމުނީމަ ބޭނުން ލީވް ނަގަން.” އަރީން އެހެން ބުނެފައި އަވަހަށް އެތަނުން ނުކުންނަން ދިޔައެވެ. ނާއިލް ތެދުވެގެން ގޮސް އަރީންގެ ހަށިގަނޑުގައި ފަހަތުން ބައްދާލިއެވެ. އަރީންގެ ކޮނޑުގައި ދަތްދޮޅި އަޅުވާލަމުން ނާއިލް އެއް އަތް އަރީންގެ މޭމަތީގައި ހިންގާލިއެވެ. އަރީން ނާއިލްގެ އަތް ނައްޓުވާލަން މަސައްކަތް ކުރިއެވެ. “ބޭބީ ކާމް ޑާއުން. ތި ބަނޑުގައި އޮތް އެއްޗަށް ގޮތެއް ވެދާނެ. ކީއްވެތަ ޒަވިއަނަށް ތި އުފާ ޙާސިލުކުރުމަށް ފުރުސަތު ދިނީ. އޭނާ އަކީ އަރީއަށް ނަފުރަތު ކުރަން ޖެހޭ މީހެކޭ. އެކަން ހަނދާން ނައްތާލައިފައި ތި އަގުބޮޑު ހަށިގަނޑުގެ ފޮނިކަން އަހަރެންނަށް ވުރެ ކުރިން ދެކެން ޖެހޭތަ؟ ބުނެބަލަ. އަހަރެން އަރީ ބުނާ ކޮންމެ ކަމެއް ވެސް ކޮށްފާނަން. ހެޔޮ ތި ޒަވިއަންގެ އެތި ބަލަން ޖެހުނަސް. އަރީ ޒެވް ދޫކޮށްފަ މަ ގާތަށް އާދޭ. ހަމަ މާދަން ވެސް މެރީ ކުރެވިދާނެ. އޭރުން ކޮންމެ ރެއަކު އެ އުފާ ލިބިގަނެވޭނެއްނު. އަރީ އަށް ފުރިހަމަ މިނިވަންކަން ވެސް ލިބޭނެ. ހަމަ އެކަނި ކުޑަކުޑަ ކަމެއް. ވަރިއަށް އެދިފަ އަހަރެންގެ ގާތަށް އަންނަންވީ. އެހާ ދީނަށް ލޯބި ކުރައްޏާ އިއްދަ ނިމެންދެން ވެސް މަޑު ކުރެވިދާނެ.” ނާއިލް އަރީންގެ ކަންފަތް ދޮށުގައި ބުނެލިއެވެ.

“ހުއްޓާލާ. ނާއިލް ބޭނުން ވިޔަސް ދުވަހަކު ވެސް އަހަރެން ކަލޭ ގާތަކަށް ނާންނާނަން. އަހަރެންގެ ގައިގަ އަތް ނުލާށޭ ބުންޏަސް ތި ދެކަންފަތަށް އަޑު ނީވެނީތަ؟ އޭނ.” އަރީން ވަރަށް މަސައްކަތުން ނާއިލްގެ އަތް ނައްޓުވާލިއެވެ. “ދެން އަރީ…” ނާއިލް އަރީންގެ އަތުގައި ހިއްޕެވެ. އަރީން އެ އަތް ފޮޅުވާލައިފައި އެ ތަނުން ނުކުމެގެން ދިޔައެވެ.

“ރީން؟ ކިހިނެއްވީ ހާދަ ހާސްވެފަ.” ޝައިނާ އަށް ނާއިލްގެ ކެބިނުން ނުކުމެގެން ދިޔަ އަރީން ފެނި އެ ދިމާލަށް ދެވުނު ގޮތެއް ވެސް ނޭނގުނެވެ. “އަމް… ކަމެއް ނުވޭ. މެޓާރނިޓީ ލީވް އަށް އެދިފަ މި އައީ. ޔެސް އައިމް ޕްރެގްނެންޓް. ހަތާވީސް ހަފްތާ.” އަރީން ރައްދުގައި ބުނެލިއެވެ.

“މަރުހަބާ. އޭރު ވެސް ހަމަ އަހަރެންނަށް އެނގުނޭ.” އަރީންގެ ހަށިގަނޑުގައި ކުޑަކޮށް ބައްދާލަމުން ޝައިނާ ބުނެލިއެވެ. “ހެހެހެ. ޝައި އަށް ކަމެއް ސިއްރު ކުރަން ފަސޭހަތަ؟ މޫނު މައްޗަށް ބަލާލާފަ އެކަނި ވެސް އަހަރެންގެ އިހުސާސްތައް ދެނެގަނޭ.” އަރީން ރައްދުގައި ބުނެލިއެވެ. “ގާރލް އައިމް އަ ލޯޔާރ. ފަސޭހައެއް ނުވާނެ އަހަރެންނަށް އޮޅުވާލާކަށް. މިހާރު ވެސް ތި ހުރީ ކޮންމެވެސް ކަމަކާ ކަންބޮޑުވެފަ. ރީން ގިނައިން ހުންނަނީ އެހެން. އަހަރެން އެއްޗެއް ނުބުނެ ހުންނަނީ ނޭނގޭތީއެއް ނޫނޭ. ތި މޫނުމައްޗަށް ގެންނަ ފޯރސްޑް ސްމައިލް ދެކެން ބޭނުން ނުވާތީ. އެހިޔަސް ރީން އަމިއްލަ ޕްރޮބްލެމްސް ހިއްސާ ނުކުރަމެއްނު.” ޝައިނާ އިސްޖަހާލަމުން ދެރަވެފައި ބުނެލިއެވެ.

“އެއީ… އެއީ ޝައި ހާސްކުރަން ބޭނުން ނުވާތީ” އަރީން ބުނެލިއެވެ. “އެހެންނޭ ކިޔާފަ އަމިއްލަ އަށް ހުރިހާ ކަމަކާ ކުރިމަތިލާން ޖެހޭތަ؟ އަހަރެން މާ އުފާވާނެ ރީން އަހަރެންނަށް ބަރޯސާ ވަންޏާ. ރީން ބޭނުން ކޮންމެ ކަމެއްގައި އެހީވާން އަހަރެން މި ހުރީ ތައްޔާރަށޭ.” ޝައިނާ އަރީންގެ އަތުގައި ހިފާލަމުން ބުނެލިއެވެ. “އަސްލު.. ނާއިލް އަހަރެންނަށް ހެރޭސް ކުރާތީ ކުއްލިއަކަށް ނުކުމެގެން އައީ. އޭނާ އަހަރެންނަށް ވަރަށް ބެހޭނެ.” އަރީން ވައިއަޑުން ޝައިނާގެ ކަންފަތް ދޮށުގައި ބުނެލިއެވެ. “ވަޓް؟ އެ ކީއްވެ؟ ދެން ތި މައްސަލަ ހުށަނާޅަންތަ؟” ޝައިނާ ސުވާލުގެ ރާގަކަށް އެއްސެވެ. “ނުކެރޭނެ. އޭނާ ހުރީ އަހަންނަށް ވުރެ މަތީ މަޤާމެއްގަ. ފަހުން އެ ވާހަކަ ކިޔައިދޭނަން.” އަރީން ރައްދުގައި ބުނެލިއެވެ.

ރޭގަނޑުގެ ވަގުތެވެ. ޒަވިއަން އަށެއް ޖެހުމަށް އަރީން މަސައްކަތް ކުރާ ލޯވް ފާރމް ކައިރިއަށް އައެވެ. ކާރުގައެއް ނޫނެވެ. ސައިކަލުގައެވެ. ހެލްމެޓް އަޅައިގެން ހުރުމުން އަރީނަށް ފާހަގަ ނުވާނޭ ހިތާއެވެ. މިރޭ ކުރަން ހުރި މަސައްކަތް ކެންސަލު ކޮށްފައި އައީ އަރީންގެ ޙާލެއް ބަލާށެވެ. އެހެނަސް ދިމާލަށް ދާން ނުކެރޭތީ ދުރުން ބަލައިލަން އައީއެވެ.

އަރީން ލޯވް ފާރމުން ނުކުތީ ނުވައެއް ޖެހި ފަހުންނެވެ. އޭރު ގިނަ މުވައްޒަފުން ގެއަށް ދިޔަތާ ކިތަންމެ އިރެކެވެ. އަރީން ހިނގައިފައި ދިޔައީ ބަސް ސްޓޮޕާއި ދިމާލަށެވެ. އޭނާގެ ނަސީބު ދެރައީއެވެ. މި ތަނުން ވެސް މި ދިމާވީ ނާއިލާއިއެވެ. “އެކަނި ދާނެ ކަމެއް ނެތް. އަހަރެން ގެންގޮސްދީފާނަން.” ނާއިލް އަރީންގެ އަތުގައި ހިފާލިއެވެ.

ނާއިލްގެ ޙަރަކާތްތަކަށް ކަޅި އަޅާލައިގެން ހުރި ޒަވިއަންގެ ހިތުގައި ޙަސަދައިގެ ހުޅުކޮޅެއް ރޯވިއެވެ. އެއީ ކުރިން އަރީން ކިޑްނެޕް ކުރި ފިރިހެން މީހާ ކަން އެނގުމުން ދަތްކުނޑި ވިކާލެވުނެވެ. ފޯނު ނަގާ އޭނާގެ ފޮޓޯތަކެއް ނެގިއެވެ. އެއަށްފަހު އެ ފިރިހެނާގެ ކިބައިން އަރީން ސަލާމަތް ކުރުމުގެ ނިޔަތުގައި ސައިކަލުން ފޭބިއެވެ.

“ނާއިލް! އޮފީހުން ބޭރުގަ މިހެން ވެސް އަހަރެންނަށް އުނދަގޫ ކުރަން ޖެހޭތަ؟ އަހަރެންނަށް އަމިއްލަ އަށް ބަހުގަ ވެސް ދެވިދާނޭ.” އަރީން ނާއިލްގެ އަތް ފޮޅުވާލައިފައި ގޮސް ބަހަށް އަރައިފިއެވެ. ޒަވިއަނަށް މި މަންޒަރު ފެނި ހިތްހަމަޖެހުނެވެ.

“ކަލޭ ރީން އަށް ނުބެހޭތި. އޭނާގެ ގައިގައި އިނގިލި ކުރި ޖައްސާލިއަސް ނިމުނީ. ނާއިލް ޢަލީ އަހުމަދު. ކަލޭ ހުރީ ތާކުން ހޯދާފަ ބަދަލު ދޭނަން.” ޒަވިއަން ގޮސް ނާއިލްގެ ގަމީހު ގިރުވާނުގައި ހިފާ އޭނާގެ އެމްޕްލޯއީ ކާޑު ބަލައިލިއެވެ.

“ޒަވިއަން ކަލޭތަ؟ މިހާރު ކޯއްޗެކޭ ހިތަށް އަރައިގެން މަށާ ދިމާލަށް ތި އަންނަނީ. މިހާރު އޭނާ އަށް ނަފުރަތު ނުކުރަނީތަ؟” ނާއިލް ޒަވިއަންގެ ކިބައިން ސަލާމަތް ވެގެން ދަމުން ބުނެލިއެވެ.

“ކުރިން ވެސް އޭނާ ބުނި މަ ރީން އަށް ނަފުރަތު ކުރަން ޖެހޭނޭ. މި ނާއިލަކަށް ކޮން އެއްޗެއްތަ މި އެނގެނީ؟” ޒަވިއަން ހިތާހިތުން ބުނެލިއެވެ. ސައިކަލަށް އަރައިފައި ދެން އޭނާ ދުއްވާލީ ތިން ވަނަ ފިޔަވައްސަށް ދިއުމަށެވެ.

ސައިކަލު ޕާކިން ޒޯނަށް ދޫކޮށްލައިފައި ޒަވިއަން ގޮސް ޑައިމަންޑް ސްކައި އެޝޫރަންސްގެ އިމާރާތަށް ވަދެގެން ދިޔައެވެ. އޭނާއަށް ޚާއްޞަ ލިފްޓަށް އަރައިފައި އެންމެ މަތީ ފިތަށް އޮބާލިއެވެ. ފިންގަރ ޖަހާލުމުން އެ މައްޗަށް އަރަން ފެށިއެވެ. އެންމެ މަތީ ފްލޯ އަށް ލިފްޓު ހުއްޓުމުން ޒަވިއަން އެއިން ފައިބައިގެން ދިޔައެވެ.

“ބްރޯ ކަމެއް ކޮށްދީބަލަ. މި ގޮލާ އަކީ ކާކުކަން ހޯދަބަލަ. އެންޑް އެޗް.އެކްސް ލޯވް ފާރމްގެ ސެކިޔުރިޓީ ސިސްޓަމަށް ހެކްކޮށްލަބަލަ. ކެމެރާ ހުންނާނެއްނު. މަށަށް އެނގޭ ގޮތުގައި ކެބިން ތަކުގައި ވެސް ހުރޭ އެއް ކެމެރާ. އެ އެއްޗެހީގެ ފުޓޭޖްތައް ފެންނާނީ ހަމަ އެކަނި ޗެއަރމަން އަށް. ސޯ އެ ބޭފުޅާގެ ޚާއްޞަ ސިސްޓަމަށް ވެސް ހެކް ކޮށްލަން ޖެހޭނެ. މިހާރު އެ ކަހަލަ ކަންކަމަށް ފަރިތައެއްނު.” ފޯނުން ނާއިލްގެ ފޮޓޯއެއް ދައްކާލަމުން ބުނެލިއެވެ. “ނަމަކީ ނާއިލް ޢަލީ އަހުމަދު.” ޒަވިއަން އިތުރަށް ބުނެލިއެވެ.

“އަނެއްކާ ކިހިނެއްވީ؟ މާދަމާ ރެއަށް ނިންމާލެވިދާނެ.” ލީވާން ރައްދުގައި ބުނެލިއެވެ. “މާދަމާއޭ. ނޫނޭ މާ ލަސް. މިހާރު ފަށައިގެން ނިންމޭތޯ ބަލާބަލަ.” ޒަވިއަން ބުނެލިއެވެ. “ދެން މި މަސައްކަތޯ؟ މި ހުރިހާ ޑޭޑާ އެނާލަސިސްތައް ރިވިއު ކުރަން އެހާ ވަގުތު ދެޔޭ.” ލީވާން ރައްދުގައި ބުނެލިއެވެ. “ތެދުވޭ. އަހަރެން ތިކަން ކޮށް ނިންމަފާނަން. އަރީން މަސައްކަތް ކުރާ ތަނުގަ އުޅޭ ސޮރެއް ވީމައޭ. ކޮންމެވެސް ލެވަލް ދޭއްގެ ޗީފް އެކޯ. އޭނާ އަރީނަށް ކަމެއް ކުރޭތޯ ނޫންތޯ ބަލާލަން ކަމަށް.” ޒަވިއަން ލީވާންގެ ގޮނޑީގައި ހިފާ ދުރަށް ޖައްސާލިއެވެ. ލީވާން އިތުރަށް އެއްޗެއް ބުނާކަށް ނޫޅުނެވެ. އޭނާ ހެކު ކުރަން ގެންގުޅޭ ލެޕު ނަގައިފައި ތައްޔާރު ވެލިއެވެ. ޒަވިއަން ފަރިތަކަމާއި އެކު ޑޭޓާ އެނާލަސިސްތައް ބަލާ އިންސްޓްރަކްޝަންތައް ފޮނުވަމުން ދިޔައެވެ.

ލީވާން މަސައްކަތް ކުރަމުން ދިޔައިރު އިރު އިރު ކޮޅާ ދަތްކުނޑި ވިކާލެވެއެވެ. ޒަވިއަން ބޭނުންވާނެ ކްލިޕްތައް ނަގާ ފޯލްޑާއަކަށް އަޅައިފައި ނާއިލްގެ ޒާތީ މައުލޫމާތު ވެސް އޭނާ ހޯދިއެވެ.

“މި ހުރީ. ބަލާ.” ލީވާން އޭނާގެ ލެޕުން އެ ފޯލްޑާ ހުޅުވާލައިފައި ދައްކާލިއެވެ. ނާއިލް އަރީނަށް ބެހޭ މަންޒަރު ފެނި އޭނާގެ ރުޅިގަނޑު ފަޅައިގެން ދިޔަ ކަހަލައެވެ. އޮފީހުގައި ވެސް އަރީން ބައެއް ފަހަރު މި ތަހައްމަލު ކުރަން ޖެހޭ އުނދަގޫ ކަންތައްތައް ފެނި ދެރަވިއެވެ. އަރީން ފަކީރު އުޅޭ ނިކަމެތި ޙާލު ފެނި ހިތުގައި ޖެހުނެވެ. މި ކަންކަމުން އަރީން ރައްކާތެރިކުރަން ޖެހޭނެ މީހަކީ ޚުދު އޭނާއެވެ. އެހެނަސް ޒަވިއަނަށް ވެސް އަރީނަށް ދެވުނީ އިތުރު ދެރައެކެވެ.

ޒާތީ މައުލޫމާތުތައް ކިޔަމުން ގޮސް އޭނާއަށް ދެލޯ ބޮޑުކޮށްލެވުނީ މެދަކާއި ހިސާބުން ފެނުނު އެއްޗަކުންނެވެ. “ވަޓް ދަ **. މި ވެސް އެ މީހުންނާއި ގުޅުން ހުރި އެއްޗެއްތަ؟ ލައިކް ފާދަރ ލައިކް ސަން.” ޒަވިއަން ގޮށްމުއްކަވައިފައި މޭޒުގައި ޖަހާލަމުން ބުނެލިއެވެ. ލީވާނަށް އަނގަ ޗޭ ކޮށްލެވުނީ ޒަވިއަނަށް އެ ވީ ގޮތުންނެވެ.

– ނުނިމޭ –

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.