ހިތުގެ ނާރުތަކުގާވެސް ތިބާ… 20

“އާރް.އޯ.އެސް.ސީ. ޝީޒް ބެކް” ފުންނޭވާތަކެއް ލަމުން ހިޔާން ބުންޏެވެ. އޭރު ހިޔާން ދިޔައީ އޮށް ދާ ހިތްލަމުންނެވެ. “ޔާން… މަގޭ ޒިވީ…” ހިޔާން އަވަސް ފަރުވާ ދޭ ކޮޓަރިން ނުކުތުމުން ނުހާ ގޮސް ހިޔާން ހަށިގަނޑުގައި ބައްދާލާފައި ރޯން ފެށިއެވެ. “ހުއްޓާލާ. ޒިވީ މިހާރު ރަނގަޅު. ބޯފެޅިފަ އިންތަން ފަހާލަނީ މިހާރު.. އެކަމަކު ނަފްސާނީ ގޮތުން އަސަރު ކޮއްފަ ހުރުމުގެ ފުރުސަތު ވަރަށް ބޮޑު” ހިޔާން އިސްޖަހާލާފައި ބުންޏެވެ. އަދި ހިޔާނަށް ފެނުނު މަންޒަރު ކިޔައިދިނެވެ.
(20 ވަނަ ބައި)
“ކޮންތާކުތަ މިހާރު މަގޭ ދަރި ގަޔަށް އަރަން އުޅުނު އިފުރީތުވީ؟” އޭރު ނުހާގެ އަޑުގައި ރުޅިވެރިކަން އިންތިހާއަށް ވިއެވެ. “ހާސް ނުވޭ. އެމީހުން ފުލުހަށް ގެންގޮއްސި” ހިޔާން ނުހާގެ ކޮނޑުގައި ފިރުމާލިއެވެ.
އެވަގުތު ނިމްރާ، ކަޔާން، މާވީ، އަދި ކައިލް ހޮސްޕިޓަލަށް ވަނެވެ. “ދޮންތި މޮޔަވީތަ ކީއްވެ މަންމަމެން މީހެއް ގާތުގައި ނުބުނީ؟” ކައިލް އައިގޮތަށް އަހިސް ނުހާގެ ހަށިގަނޑުގައި ބައްދާލިއެވެ. “އިއްލުގެ ޕާޓީގެ މޫޑް އޮފް ނުކޮއްލަން” ނުހާ އިސްޖަހާލިއެވެ. “އެކަމަކު ވެސް ބުނަންވާނުން؟ ޒިވީ ކިހިނެތްތަ މިހާރު؟” މާވީ ސުވާލު ކޮއްލިއެވެ.
“އަލްހަމްދުލިއްލާހ…