ހިތުގެ ނާރުތަކުގާވެސް ތިބާ… ޓްރެއިލާރް

ކިޔުންތެރިންގެ ސަމާލު ކަމަށް…

މިވާހަކައިގެ ފުރަތަމަ ބައި ގެންނަން ހަމަ ޖެހިފައިވީ ދުވަހަކީ މާދަމައެވެ.. ނަމަވެސް އަޅުގަނޑު ވަރަށް ބޮޑަށް ހުން އަންނާތީ އުޅޭތީ، މިވާހަކައިގެ ފުރަތަމަ ބައި ކިޔާލެވޭނީ އަޅުގަނޑުގެ ސިއްހަތު ރަނގަޅު ވުމުންނެެވެ. ހުރިހާ ކިޔުންތެރިންނަށްވެސް އަންޑަސްޓޭންޑް ވާނެ ކަމަށް އުންމީދު ކުރަން…! ♡

ފުރަތަމަ ބަޔަށް އިންތިޒާރު ކޮއްލައްވާ…

***

ކުޑަކުޑަ ކޮޓަރިއެކެވެ. އެކި ކަހަލައިގެ މެޝިންތައް ގުޅުވާފައި އޮތް މެދު އުމުރުގެ މީހަކު އެނދުގައި އޮތެވެ. އޭނާގެ ދެލޯ މެރިފައިވީ އިރު އޭނާގެ ހަށިގަނޑުގައި ފުރާނަ ހުރިހެންވެސް ހީނުވެއެވެ.

ހަށިގަނޑުގެ އެތަންމިތާނގައި ލަކުނުތައް ހުރި އިރު ހަށިގަނޑުގައި އެއްވެސް ދިރުމެއް ނެތެވެ. ޖަހާލި ބާރު ގުގުރިއާއި އެކު އޭނާ ދެލޯ ހުޅުވާލިއެވެ. ދެފަރާތަށް ބަލާލާފައި އޭނާ ތެޅިގަތެވެ. ނަމަވެސް އެވަގުތު ކޮންމެވެސް މީހަކު އަހިސް އޭނާ ހަމައަކަށް އެޅުވޭތޯ މަސައްކަތް ފެށިއެވެ.

ހަމައެވަގުތެވެ. ގެއިން ނިކުމެގެން ހިނގައިގަން ނުހާ ފެންނަމުން ދިޔައީ ހިޔަންޏެއް ފަދައިންނެވެ. ޖަހާލާ ބާރު ގުގުރިއާއި އެކު ސިއްސަ ސިއްސައިގެން ދިޔަ ނަމަވެސް ނުހާގެ ހިނގުމެއް ނުހުއްޓެއެވެ. ބަރު ފިޔަވަޅު ތަކެއްގައި ނުހާ ގޮސް ވަނީ ރަށުގެ މީހުން ނޫޅޭ ހިސާބެއްގައި ހުރި ޖަންގައްޔެއްގެ ތެރެޔަށެވެ.

ވެފައި ހުރި ވަރުބަލިން ނުހާ ގާތުގައި ހުރި ބޮޑު ނިކަގަސް ބުޑުގައި އިށީނެވެ. ބިންމަތީގައި ހުރި ވެލިގަނޑުގައި އިނގިލިތައް ބާރުކުރަމުން ނުހާ ދިޔައީ ރޮމުންނެވެ. ވެހެމުން ދިޔަ ހިމަފޮދުވާރޭގެ ސަބަބުން ތެމިފައިވުމުން ހީކަރުވަމުން ދިޔަވަރުން ތެދަތްޕިލަ ނުޖެހޭއިރު ދެލޮލުން ހޯސްލާފައި ކަރުނަ އަންނަމުން ދިޔައެވެ.

ތިރީ ތުންފަތުގައި ދަތް އަޅާފައި ނުހާ ދެލޯ މަރާބާރު ކޮއްލިއެވެ. ނުހާގެ ހަޅޭކުގެ އަޑާއި އެކު ޖަހާލި ބާރު ގުގުރިއަށް ފަހު ދެން އިވިގެން ދިޔައީ ތުއްތު ފުރާނައެއްގެ ރުއިމުގެ އަޑެވެ.

***

ރޭގަނޑުގެ ވަގުތެވެ. ހޮސްޕިޓަލު ތެރެވަނީ ހަލަބޮލި ކޮއްލާފައެވެ. އަވަސްފަރުވާދޭ ކޮޓަރީގައި އޮތް 6 އަހަރުގެ ކުޑަ ކުއްޖާގެ ދެލޯ ވަނީ މެރިފައެވެ. އޭނާ ގާތުގައި ފުދޭވަރަކަށް ގިނައިން ނަރުހުންނާއި ޑަކްޓަރުންވެސް ތިއްބެވެ.

“ޑަކްޓަރް ހާރް ބީޕީ އިސް ޑްރޮޕިން” ނަރުހުންގެ ތެރެއިން ކުއްޖަކު ބުންޏެވެ. “ޕޯލްސް؟” ސީ.ޕީ.އާރް ދިނުން ހުއްޓާލާފައި ޑަކްޓަރު އެއްސެވެ. “ނަތިންގް” ނަރުސް ކުއްޖާ ކަރު އެލުވާލާފައި ބުންޏެވެ. އެއާއި އެކު ހިތްވަރު ކޮއްލާފައި އަނެއްކާވެސް ޑަކްޓަރު ސީ.ޕީ.އާރް ދޭން ފެށިއެވެ.

އޭރު އަވަސްފަރުވާދޭ ކޮޓަރީގައި އޮތް ކުއްޖާގެ މަންމަ ދޮރުމަތީގައި ހުރެ ރޮމުންދިޔައެވެ. “މަގޭ ދަރިފުޅު…” 6 އަހަރުގެ އެކުއްޖާގެ މަންމަގެ ރުއިމުގެ އަޑުއިވޭ ކޮންމެ މީހެއްގެ ހިތްވެސް ފަޅައިގެން ދާނެކަން ގައިމެވެ. އޭރު ބޭރުގައި ތިބި ހުރިހާ ޑަކްޓަރުންނާއި ނަރުހުންވެސް އޭނާއަށް ބަލަމުން ދިޔައީ ހަމްދަރުދީގެ ލޮލަކުންނެވެ.

އެކޮޓަރި ތެރޭގައި ފަރުވާ ދެވެމުން އެދަނީ ކާކަށް ބާއެވެ؟

ނުހާ ބަނޑުބޮޑުވީ ކޮން އިރަކު ހެއްޔެވެ؟

ނުހާއަށް ލިބުނީ ޔަޝްއަލްގެ ނުވަތަ ޒެވިއަންގެ ދަރިއެއް ބާއެވެ؟

އިވިގެން އެދިޔައީ ހަމަ ނުހާގެ ދަރިފުޅުގެ ރުއިމުގެ އަޑު ހެއްޔެވެ؟

އަވަސްފަރުވާ ދެމުން އެދިޔައީ ކޮން ކުއްޖަކަށް ބާއެވެ؟

ރޮމުން ދިޔަ ކުއްޖާގެ މަންމަ އަކީ ކާކު ބާއެވެ؟

ރޮމުން ދިޔަ ކުއްޖާގެ ބައްޕަ ކޮބާ ބާއެވެ؟

ޔަލާން އެނބުރިއައީ ބާއެވެ؟

ނިލީޝާއަށް ޔަލާން ހާސިލް ވާނެބާއެވެ؟

ކައިލްއަށް މާވީ ހާސްލް ވާނެބާއެވެ؟

ދެން ކަންތައްތަށް ކުރިއަށް ދާނީ ކިހިނެތްބާއެވެ؟

~♡~

މިސުވާލު ތަކުގެ ޖަވާބު ހޯދާލެއްވުމަށް އަޅުގަނޑުގެ 8 ވަނަ ދިގުވާހަކަ “ހިތުގެ ނާރުތަކުގާވެސް ތިބާ…” ، “ފުރާނައިގެ ދިރުމޭތިއީ ސީޒަން 3” އަށް އިންތިޒާރު ކޮއްލައްވާ. 

އައްސަލާމު އަލައިކުމް! މިވާހަކައަކީ އަޅުގަނޑު އެސްފިޔަ ޕްރޯއަށް ލިޔާ ވާހަކައެކެވެ. މިވާހަކައިގެ ފުރަތަމަ 5 ބައި ހިލޭ ކިޔާލަން ލިބޭނެ ވާހަކަވެސް ބުނެލަމެވެ. މިވާހަކަވެސް ހުރިހާ ކުދިންނަށް ކަމުދާން ކަމަށް އުންމީދު ކުރަމެވެ.

ފުރާނައިގެ ދިރުމޭތިއީ: ސީޒަން 1

ޒެވިއަން: ސީޒަން 2

ހިތުގެ ނާރުތަކުގާވެސް ތިބާ: ސީޒަން 3 (ފަހު ސީޒަން)

~♡~