“ލޯބިވާ މަންމަ”

އަހަރެންގެ ހަޔާތުގައި އެންމެ މުހިންމު މީހަކީ އަހަރެންގެ މަންމަ. އަހަރެން ދުނިޔެއަށް އައި ދުވަހުން ފެށިގެން މިއަދާ ހަމައަށް ވެސް އަހަރެންގެ މަންމަ ވަނީ އަހަރެންނަށް ޓަކައި ވަރަށް ގިނަ ޤުރުބާނީތަކެއް ވެފަ. ބައްޕައެއްގެ އެހީތެރިކަމެއް ނެތި، އެކަނި މައިމީހެއްގެ ގޮތުގައި އަހަރެން ބޮޑުކޮށް، ތަރުބިއްޔަތު ކުރުމަކީ ފަސޭހަ ކަމެއް ނޫން.

ކުޑައިރުއްސުރެ އަހަރެންގެ މަންމަ އަހަރެންނަށް ދަސްކޮށްދިނީ ރަނގަޅު އަޚްލާޤާއި، ހިތްވަރާއި، ކެތްތެރިކަން. އަހަރެން ކުޑައިރު ބަލިވެއްޖެ ނަމަ، މުޅި ރޭ ނިދުމެއްނެތި އަހަރެންގެ އަރިހުގައި އިނދެ، އަހަރެންނަށް ބޭސްދީ، އަޅާލައި ބަލަހައްޓަމުން ގެންދިޔަ. އަހަރެންގެ ކޮންމެ ކާމިޔާބީއެއްގައި އުފާކޮށް، ކޮންމެ ނާކާމިޔާބީއެއްގައި ހިތްވަރުދީ، އަބަދުވެސް އަހަރެންގެ ފަހަތުގައި ހުރި.

މަންމަގެ ލޯބި އަހަރެންނަށް ލިބުނު ވަރަކަށް، އަހަރެންގެ ހިތުގައި ވެސް މަންމަ ދެކެ އޮންނަ ލޯބި އިތުރުވަމުން ދިޔަ. މިއަދު އަހަރެންނަކީ ކާމިޔާބު މީހަކަށް ވެފައި ވަނީ ހަމައެކަނި މަންމަގެ ޤުރުބާނީތަކާއި ލޯބީގެ ސަބަބުން. އެހެންކަމުން، މި މަންމައިންގެ ދުވަހުގައި އަހަރެންގެ މަންމައަށް މި ވާހަކަ ހަދިޔާ ކުރަން. މި ވާހަކައިގެ ޒަރީއާއިން އަހަރެން ބޭނުންވަނީ މަންމައަށް ބުނަން، “މަންމާ، އަހަރެން ދެކެ ވަރަށް ލޯބިވޭ. އަހަރެންނަށް ޓަކައި ކޮށްދެއްވި ހުރިހާ ކަމަކަށް ޝުކުރު އަދާކުރަން. މަންމައަކީ އަހަރެންގެ ހަޔާތުގެ އަގުހުރި ހަދިޔާ.”