ބޭވަފާތެރިވިކަމުގެ ކުލަ މިހިތުގައި ފެވިއްޖޭ 1

އަހަރެންގެ އުމުރުން އެންމެ 2 އަހަރުގައި އަހަރެންގެ މައިންބަފައިން ވަނީ އިހާނެތިގޮތަަކަށް މަރާލެވިފައެވެ. އެއަށްފަހު އަހަރެން ބަލަމުން އައީ އަހަރެންގެ ލޯބިވާ ބޮޑުދައިތަ ރާނިޔާއެެވެ. އަހަރެން ބޮޑުދައިތަ އާ އެކީ ލ.ކުނަހަންދޫ އަށް ބަދަލު ވީމެވެ. އޭގެ އަހަރުތަކެއް ފަހުން އަހަރެން އެ ރަށު ސްކޫލުގައި ގްރޭޑު 7 ހަމައަށް ކިޔެވުމަށްފަހު ރަށަށް ބަދަލުވީމެެވެ. އަަހަންނަށް އެ ރަށު ސްކޫލުގަ ކެތްނުކުރެވިގެންނެވެ. ވަނީ ވެސް އެހެންތާއެވެ! މައިންބަފައިން ނެތުމުން އަަހަންނަށް ބުލީކޮށް އެކަމުގެ ޝިކާރައަކަށް ވީއެވެ. އެ ވަރުން ނުފުދިގެން އަހަރެން ސްކޫލުން ނިމޭގަޑި ބަަލައި އެ ރަށުގައި އޮންނަ ގޭންގު ތަކުން އަހަންނަށް ބިރުދައްކަން ވެސް ފަށައިފިއެވެ. މިއިން އެއް ވާހަކަ އެއް ވެސް އަހަރެން ބޮޑުދައިތައަކަށް ކިޔައެއް ނުދެމެވެ.

* * * މީގެ 2 އަހަރު ކުރި *****

އަަހަރެން ސްކޫލުން ނިމިގެން ގެއަށް ދާން ނުކުތްއިރު އަހަރެންގެ ބައިސްކަލު މަތީގައި މެދު އުމުރު ފުރައިގެ ދެ މީހަކު ތިބިއެވެ. ” އޭ މަންޖެ އާދެބަލަ!” އެތަނުން އެކަކު އެހެން ބުނި ނަމަވެސް ބިރުގަންފަ ހުރި ލެއް ބޮޑުކަމުން އަހަންނަށް ހަދާނެ ގޮތެއް ނޭނގިގެން ފަހަތައް ފިޔަވަަޅެއް އެޅުނެވެ. ” ހާދަ ބިރުން ތި އުޅެނީ… ހަހަހާ..” އަހަރެން ހަދާނެ ގޮތެއް ނޭނގިގެން ހާސްވާން ވެސް ފަށައިފިއެވެ. އިރުއޮއްސެން މާ ގިނައިރު ނެތްކަމުން މަގުތައް އަންނަނީ އަނދިިރިވަމުންނެވެ. މީހުން މަދުން ހިނގާ މަގެއް ކަމުން ފެންނަ ހިސާބުގައި ވެސް ހުރީ ދެ ތިން މީހެކެވެ. އެއީ ވެސް އަހަރެންގެ މައިންބަފައިން ނުތިބޭތީ އެ ކަމާ މަލާމާތްކުރާ ބައެކެވެ.

އަހަރެންނާ ދިމާލަށް އެ ދެމީހުން މަޑުމަޑުން އަންނަހެން ހީވުމުން ދުއްވައިގަންނަން ގަސްތުކުރީމެވެ. އެޅުނީ އެންމެ ދެ ފިޔަވަޅެވެ. އެތަނުން އެކަކު އައިސް އަހަރެންގެ އަނގަ މަތީގައި ފޮތިގަނޑަކުން އަަޅާ ހާްސް ކޮއްލިއެވެ. ބޮލަށް އެނބުރުން އަރައިގަނެެގެން ވެއްޓުނީއެވެ. އަހަންނަށް ހޭލެވުނު އިރު އޮތީ ފަޅުގެއެއް ފަދަ ތާކުއެވެ. ރަނގަޅަށް ހަމަ ބިމަށް އައި އިރު އަހަރެންގެ ގައިގާ ފޭރާމޭ ކިޔުނު އެއްޗެއްހާ ހިސާބު ވެސް ނެތެވެ. ކުށްލިއަކަށް އެ ތަނަށް އައި މީހާގެ މޫނު ފެނުމުން އަހަންނަށް އަޑުގެ ނެތް ކޮޅަށް ރޮއެގަނެވުނެވެ. އެ މީހާއަކީ އަހަރެންގެ……..

( ނުނިމޭ )