ފުރާނައިގެ ދިރުމޭތިއީ 28

“ލުބާ؟ ވާހަކަ ދައްކަން ޓްރައި ކޮއްލަބަ” ޒެނިއާ ބުންޏެވެ. ލުބައިނާއަށް ހިންދިރުވާލެވުނެވެ. އަނެއްކާވެސް ވާހަކަ ނުދެއްކިދާނެ ކަމުގެ ބިރު ސިކުނޑި ވަށާލިއެވެ. އެހެން ކަމުން ވާހަކަ ދައްކަން މަސައްކަތް ކުރާނެ ހިތްވަރުވެސް އެލުނެވެ. “އިޓްސް އޯކޭ ލުބާ. ޓްރައިޓު ޓޯކް” ޒެނިއާ ހިތްވަރު ލައިދިނެވެ. ކައިރީގައި ހުރި ޒެވިއާރްވެސް ބޯޖަހާލީ ހިތްވަރު ދޭފަދައިންނެވެ.

“ޒެ.. ޒެ..ވި..އަ..ން..؟” ލުބައިނާ ބުންޏެވެ. ޒެވިއާރްއަށް ދެލޯ މަރާލެވުނެވެ. ޖާދޫވީ އަޑެކެވެ. އެއަޑު އަހާއަހާ އޭނާ ދުވަހަކުވެސް ފޫހި ނުވާނޭކަން ގައިމެވެ. ދެލޯ ހުޅުވާލަމުން ޒެވިއާރް ލުބައިނާއާއި ދިމާލަށް ބަލައިލިއެވެ. މަގޭ ނަން ކިޔާލަބާލާށޭ ބުނާފަދައިންނެވެ. “ޒެވް؟” ލުބައިނާ އަނެއްކައިވެސް ބުންޏެވެ. ވީއުފަލުގައި ޒެވިއާރްއަށް ގޮސް ލުބައިނާގެ ހަށިގަނޑުގައި އޮޅުލައިގަނެވުނެވެ. ލުބައިނާގެ ދެލޮލުންވެސް ނިރާލީ އުފާވެރިކަމުގެ ކަރުނެވެ. “އަލްހަމްދުލިއްލާހި” ލުބައިނާ މަޑު މަޑުން ބުންޏެވެ.

“ބާން.. އަލޫ ވާހަކައެއް ބުނަންބޭނުން..” އަލަކާ ބުންޏެވެ. އަލަކާގެ އަޑުގައިވީ ވޭން އިވިފައި ލުބާންގެ ރުޅިގަނޑު ދިޔަތަނެއްވެސް ނޭނގުނެވެ. ވަގުތުން ގޮސް އަލަކާ ގާތުގައި އިށީނެވެ.

“އަލޫ ކުޑައިރު… ބައްޕަ އަލޫއަށްވެސް ހެދިއެހެން. އެންމެ ތުއްތު އިރުން ސުރެވެސް.. ހަނދާނެއް ނުހުރޭ އަލޫގައިގައި އެހެން ބައްޕަ ނުބެހޭއިރެއް… އެހެން އުޅެމުން.. އަލޫއަށް 6 އަހަރުގަ ބައްޕަ އަލޫގަޔަށް އެރީ.. އޭގެ ފަހުން ކޮންމެ ރެއަކު.. އަލޫއަށް 10 އަހަރު ވަންދެން ހަމަ ކޮންމެ ރެއަކު…” އަލަކާއަށް ރޮވުނެވެ. ލުބާންގާތައް އައީ އަމަށަކު ރުޅިއެއްނޫނެވެ. “ދެން މައްސަލަ ޖައްސަންވީނުން؟” ލުބާން އެއްސެވެ. “ނޫން.. އަލޫ ބޭނުންވަނީ ލާޔާއަށް އެހެން ވިޔަނުދޭން.. އޭރުން އަލޫ ހެޕީ..” އަލަކާ ދެކޮޅު ހެދިއެވެ. އެންމެ ފަހުން ލުބާންވެސް އެއްބަސް ވިއެވެ.

މެންދުރުގެ ވަގުތެވެ. އާދިލްއާއި އެކު ހުސެން އިނީ ކޮފީއެއްގައެވެ. “މިއަދު ކަލޭ ހާދަ އުފާވެފައި ހެން ހީވެޔޭ؟ ކިހިނެތްވީ؟” ހުސެން ވައްކަޅިން ބަލައިލަމުން އެއްސެވެ. “ހަހަ. އެހެންނުން ވާނީ؟ ލުބާ ސްޕެއިންއަށް ގޮސް ސާޖަރީ ހެދީ.. އަލްހަމްދުލިއްލާހި، މިހާރު ލުބާއަށް ވާހަކަދެއްކޭ.” އުފަލާއި އެކު އާދިލް އެވާހަކަ އޭނާގެ އެންމެ ގާތް މިތުރާއަށް ހިއްސާ ކޮއްލިއެވެ. “އެހެންތަ؟ މަރްހަބާ. ނަސީބެއްނުންދޯ؟ ލުބައިނާ ހަމަ މަންމައަކަށް ވީއިރަށްވިއްޔާ އެރަނގަޅުވީވެސް” ހުސެން ހިނިތުންވެލަމުން ބުނެލިއެވެ.

ހަވީރުގެ ވަގުތެވެ. ކޮޓަރިތެރޭގައި އޮތް ޔައިލް ސިހުނީ ޖެހިގެން އިން ކޮޓަރިން އެއްޗެހި ހަލާކުވާ އަޑަށެވެ. އަވަސްކޮއްފައި ނިކުމެ އެކޮޓަރިއަށް ވައިން އިރު ކަމަކަކު ދާކަަށް ނެތެވެ. މުޅިކޮޓަރިތެރެ ވަނީ އެފުއްމިފުށައް ޖަހާލާފައެވެ. “ބައްޕާ؟” ޔައިލް ހާސްވެފައި ހުރެ އެއްސެވެ. “ތާހިރެއްނުން؟ ލުބައިނާ ސްޕެއިންއަށް ގޮސް އެސާޖަރީ ހަދައިފި. މިހާރު އޭނައަށް ވާހަކަދެއްކޭ” އޭނާ ރުޅިވެރިކަމާއި އެކު ބުންޏެވެ. ޔައިލްއަށް އަތް މުއްކަވާލެވުނެވެ.

ލުބައިނާ އެނބުރި ރާއްޖެއައުމުން ކަން ކުރާނޭ ގޮތް ދެމީހުން ނިންމިއެވެ. ކޮޓަރިއަށް އެނބުރިވައިން ޔައިލްގެ މޫނުމަތީގައިވީ ރުޅިވެރިކަމެވެ. ކޮންމެ ފަހަރަކުވެސް ލުބައިނާ ސަލާމަތް ވަނީ ކީއްވެހެއްޔެވެ؟ އެކަން ވާންވީ އެހެން ނޫންހެއްޔެވެ؟ މިއަދު ޔައިލްގެ ދިރިއުޅުން ހަލާކުވެފައިވީ މައިގަނޑު މަގްސަދަކީވެސް އެއީއެވެ. އެއީ ކީއްވެގެން ބާއެވެ؟ ޔައިލްއާއި ލުބައިނާ އޮތީ ކޮންގުޅުމެއް ބާއެވެ؟ ކުރީގެ ލޯބިވެރިންބާއެވެ؟ މިހިސާބުން ޔައިލްގެ މާޒީގެ ސަފްހާތައް ހުޅުވާލަމާ ހިނގާށެވެ.

**18 އަހަރު ކުރިން**

ވިއްސާ ކޮޓަރި ދޮރުމަތީގައި ހުރި އަހުމަދުގެ ނިއްމަތީގައި ދާތިކިތައް ބަބުޅަމުން ދިޔައެވެ. ދެކޮޅަށް ހިނގާލަ ހިނގާލަ ހުރި އިރު އޭނާގެ މޫނުމަތިން ދިޔައީ ހާސްކަން ފެންނަމުންނެވެ. އަހުމަދުގެ ހިތް ބާރަަށް ތެޅިގަތީ ނަރުސްކުއްޖަކު ނުކުތުމުންނެވެ. “މަރްހަބާ. އަންހެން ކުއްޖަކާއި ފިރިހެން ކުއްޖެއް” ނަރުސް ކުއްޖާ ހީލަމުން ބުނެލިއެވެ. ވަގުތުން އަހުމަދުގެ ތުންފަތް މައްޗައް ވެރިވީ މަކަރު ވެރި ހިނިތުންވުމެކެވެ.

5 ދުވަސް ފަހުން އައިޝާ ގެއަށް ދޫކޮށްލެވުނެވެ. އައިޝާ ހީވަނީ އުފަލުންގޮސް އެހެންފަދަކަމެއް ހެންނެވެ. “މި ދެކުދިންނަށް ކިޔާނީ އަލަކާއާއި އަލޫކް. ލޯބިދޯ؟” އައިޝާ ހީލަމުން ބުންޏެވެ. ފިކުރު ތަކުގައި އިން އަހުމަދަކަށް އެއަޑެއް ނީވުނެވެ. “އަހުމަދޫ؟” އަހުމަދު ކޮނޑުގައި މަޑުމަޑުން ޖަހާލަމުން އައިޝާ ބުންޏެވެ. “އާން.. މަބުނީ. ފިރިހެން ކުއްޖާ އެޑޮޕްޝަންއަށް ދޫކޮށްލަންވީނުންހޭ؟” އެއްވެސް އަސަރެއްނެތި އަހުމަދު އެއްސެވެ. ވަގުތުން އައިޝާގެ ދެލޯ ބޮޑުވިއެވެ.

“އަހުމަދު މޮޔަވީތަ؟ ނޫން. އަލަކާވެސް، އަލޫކްވެސް ހުންނާނީ އަހަރެން ގާތުގައި” އައިޝާ ދެކޮޅު ހެދިއެވެ. ހަމަ އެސިކުންތުގައި އަހުމަދުގެ އަތުގެ ހަމަލާއެއް އައިޝާގެ މޫނަށް އެރިއެވެ. އައިޝާއަށް ވީގޮތްވެސް ނޭނގުނެވެ. ކައިވެނި ކޮއްގެން ވީހާދުވަހެއްވީއިރުވެސް ދުވަހަކު ބާރަށް އެއްޗެއް ނުބުނި ތާނގައި އައިޝާގައިގައި ޖަހައިފައިވެސް ނެތެވެ. “މަބުނީމަ ބުނާގޮތް ހަދާނީ! ނޫނީ…” އަހުމަދު އަމުރު ކޮއްލިއެވެ.

“ނޫން. އަޅެ ހެޔޮނުވާނެ ނޫން. އަހަރެން ކިހިނެތް ގާތުންބޯ ކުއްޖަކު ދުރުގައި ބާއްވާފައި ކެއް ކުރާނީ؟ ނޫން. އަޅެ ހެޔޮނުވާނެ ނޫން” އަހުމަދު ފައިބުޑަށް ވެއްޓި އައިޝާ އާދޭސް ކުރަންފެށިއެވެ. ވާނީވެސް އެހެން ނޫންހެއްޔެވެ؟ އެއީ މައެއްގެ ލަނގޮޑިއަށް ކެއްވާވަރު ކަމެއް ހެއްޔެވެ؟ “4 އަހަރު! ކަލެއަށް ލިބޭނީ 4 އަހަރު. ދެން ކަން ކުރާނީ މަ!” އަހުމަދު އަތުގެ އިނގިލި ތަކުން 4 ދައްކާލަމުނ ބުންޏެވެ.

ދުވަސްތައް ފާއިތު ވަމުން ގޮސް 4 އަހަރު ފާއިތުވިއެވެ. ފަހުން އަހުމަދު އެވާހަކަ ނުދައްކާތީވެ އައިޝާ ހުރީ ހަމަޖެހިލައިގެންނެވެ. ނަމަވެސް……

އެއްރެޔެއްގެ ދަންވަރެވެ. އަހުމަދުނޫން އެހެން އެންމެން އޭރު އޮތީ ނިދާފައެވެ. އަހުމަދު ލަސްލަހުން  ކޮޓަރިއަށް ވަދެ ނިދިފައި އޮތް އަލޫކް އުރާލިއެވެ. އަދި އޭނާ ގޮވައިގެން ވަނީ އަހުމަދަށް ހަމަޖެހިފައިވީ ކޮޓަރިއަށެވެ. ތަޅުންގަނޑު މަތީގައި އަލޫކް ބާއްވާލުމައްފަހު އަހުމަދު އެރީ އެކުއްޖާގެ ގައިމައްޗަށެވެ. ހަމަ އެސިކުންތުގައި އެއްވެސް ރަހުމެއް ނެތި އަލޫކްގެ ކަަރަށް ވާން ކޮއްލިއެވެ. ވަގުތުން އަލޫކްދެލޯ ބޮޑުކޮއްފައި ހޭރިގަތެވެ. އެކަމަށް ތައްޔާރުވެގެން ހުރި އަހުމަދު ވަގުތުން އޭނާގެ އަނގަމަތީގައި ފޮތިކޮޅެއް އެއްސިއެވެ.

“ހަޅޭ ނުލަވާ މަޑުން އޮވެބަލަ. ޕްލީޒް.. ނުވާނެ މާގިނަ އިރެއް. އިރުކޮޅަކުން ހުއްޓޭނެ. އިހިސާބުން ހުރިހާކަމެއް ނިމުނީ” އަހުމަދު ބުންޏެވެ. ހިނދުކޮޅެއްގައި އަލޫކްގެ ދެލޯ މެރި ހަތަރިސްފައި ބިންމައްޗައް ދެމުނެވެ. އަހުމަދުއަށް ހަމަޖެހުމުގެ ނޭވާއެއް ލެވުނީ ދެނެވެ.

ގޯންޏަކަށް ލައިގެން އަލޫކްގެ ހަށިގަނޑު ގެންގޮސް އަހުމަދު ކަނޑު ފެއްތިއެވެ. ހަމަޖެހިލާފައި އޭނާ ހިނގައިގަތެވެ. ނަމަވެސް އަހުމަދަށް ނޭނގުނު ނަމަވެސް އެމަންޒަރު ބަލަން ކޮންމެވެސް މީހަކު ހުއްޓެވެ. އޭނާ އަލޫކްގެ ހަށިގަނޑު ސަލާމަތް ކުރިއެވެ.

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.