ލިބިދޭތޯ އިންނާނަން ލޯބިން-9

ޖިޔާން މިސްރާބުޖެހީ ނާއިލް ކައިރިއަށް ދިއުމަށެވެ. އޭނާ އައް ގުޅުމުން ބީޗްގައި ކަމަށް ބުންޔެވެ. ޖިޔާން ބީޗްއަށް ދިޔައިރު އެތާއިން ޖޯއްޔެއްގައި ނާއިލް އޮތެވެ. ޖިޔާން ގޮސް ނާއިލް އާއި ޖެހިގެން ހުރި ޖޯލީގައި އޮށޯތެވެ. “ކަލޭ ތިއުޅެނީ ކިހިނެއް ވެގެން..؟” ޖިޔާން ނާއިލް އައް ބަލަން ހުރެ އަހާލިއެވެ. “މަށަށް ކަމެއް ވެއްޖެތަ..؟” ނާއިލް ފަރުވާކުޑަ ގޮތަކަށް ބުނެލިއެވެ.

“މިހާރު މާޔާ އުޅެނީ ކަލޭ ފޯނު ނުނަގާތީވެ ދެރަވެގެން.. މިހާރު މުޅިންހެން ތިހުންނަނީ އޭނަ އިގްނޯ ކޮށްލައިފަ.. އެފަކީރާ އައް ރަގަނޅަށް މަސައްކަތެއްވެސް ނުކުރެެވެ..” ޖިޔާން ބުނެލިއެވެ. ނާއިލް އޮތީ އަޑު އިވޭކަމައްވެސް ހަދާނުލާ އަނެއްފަރާތަށް މޫނު އަނބުރާލައިގެންނެވެ. “އޭނަ ހޮސްޕިޓަލައް އައިސް ގޮސް އުޅެންޖެހެނީ އެކަނި..” ޖިޔާން އިތުރު ކޮއްލިއެވެ. “ކަލޭ ތިހުރީނު އޭނަ ގެނެސްދޭން.. ކުރިން ދުވަހަކު ވެސް އޭނަ ގެޔަށް ލައިދޭން ދިޔައީމެއްނު..” ނާއިލް ރުޅިވެރި ނަޒަރަކުން ބަލާލި އެވެ. “އެހެންމީހަކު ނެތިއްޔާ.. އޭނަ އެހި ކުރިން ކަލޭ އޭނަ ދޫކޮށްލައިފަ ދިޔައީ ކީއްވެހޭ، ދެން މަ ބުނީ..” ޖިޔާން މިހެން ބުނުމާ އެކު ނާއިލް ފުންމައިގެން ތެދުވި އެވެ. “ކަލޭ ކީކޭ..!!” ނާއިލްގެ މޫނު މަތިން ފެންނަންހުރީ ހައިރާން ކަމާއި ރުޅިވެރި ކަމެވެ. “އެންޑް ގެސްވަޓް ޟީ އޯލްސޯ ލައިކްސް ޔޫ..” ޖިޔާންގެ ފަހު ޖުމްލައިން ނާއިލް ހުއްޓުން އެރި އެވެ. އަނެއްކާ ޖިޔާން މިހަދަނީ ތެދު ބާވައެވެ. ނޭންގެ  އެވެ. އެކަމަކު މާޔާގެ ބަޔެއް ހަރަކާތްތަކުން އޭނާ ވެސް ނާއިލް އާއި ގަޔާވާހެން ހީވާ ފަހަރުވެސް އާދެ އެވެ.

“މަޖައެއް ނޫނޭ..” ނާއިލް އިތުރަށް ރުޅި އަންނަން ފެށިއެވެ. “މަ މިކުރަނީ ސަމާސާ އެއް ނޫނޭ.. ގަބޫލު ނުކުރައްޔާ އަމިއްލަ އައް ގޮސް މާޔާ ކައިރީ އަހާބަލަ.. މިރޭ އޮންނާނީ އޭނަގެ ރޭގަނޑު ޑިއުޓީ.. މަ ދާކައް ނުޖެހޭ.. އެހެންމަ ކަލޭމެން ދެމީހުންނަށް އެކަހެރި ވަގުތު ކޮޅެއްވެސް ލިބޭނެ..” ޖިޔާން ނާއިލް އައް ވިސްނައިދޭން މަސައްކަތް ކުރިއެވެ. ނާއިލް ފާޑަކަށް ބަލަން ހުއްޓެވެ. ޖިޔާން އިތުރަށް މަޑުނުކޮށް ދިޔަ އެވެ.

މާޔާ ކޮޓަރީގައި އޮތީރު ބޮޑު ހައިޖާނު ގަނޑެއް އުފެދެމުން ދިޔައެވެ. އޭނާ ނާއިލް ކައިރީ އަހާނީތޯވެސް ހިތަތް އަރައެވެ. ނާއިލް އޭނާގެ އިހްސާސްތައް ކިޔައިނުދިނީ ކީއްވެ ބާވަ އެވެ. އެއްމެ ފަހުން މިރޭ ނާއިލް އާއި ބައްދަލު ކުރާނީ އެވެސް ހިތަތް އެރިއެވެ.

ނާއިލް ގެޔަށް އައިސް ޒަހާ އައް ހުރިހާ ވާހަކައެއް ހިއްސާ ކުރިއެވެ. “ދެޓްސް ސޯ ކިއުޓް.. މާޔާ ވެސް ނާލް ދެކެ ލައިކް ވާތީ.. ދޮންތި އެއްވެސް ހީވަނީ ދެންވީ މާޔާއާއި ބައްދަލު ކޮއްފަ ނާލް ދެކޭގޮތް ވެސް ބުނަން..” ޒަހާ އޭނާ ދެކޭގޮތް ބުންޔެވެ. “ހޫމްމް މިރޭ ތިޖެހުނީ މާޔާގެ ޕެއިޟެންޓް އެއް ގޮތުގަ ދާން..” ނާއިލް އިސްތަށިގަނޑު ތެރެ އައް އަތް ހިންގާ ލިއެވެ.

އެހެން ރޭތަކެކޭވެސް އެއްފަދައިން މާޔާ ރީތި ވެލައިގެން ހޮސްޕިޓަލައް ދިޔައެވެ. މާޔާ ދިޔައިރު އިނީ އެއްމެ ޕެއިޟެންޓް އެކެވެ. އެޕޭޟަންޓް ބެލުމައްފަހު މާޔާ ބަލާލީ އެހެން ޕެއިޟެންޓް އަކު އިންތޯއެވެ. އޭރު ގޮނޑި ބަރީގައި މީހަކު އިނުމުން ވަންނަން އެދުނެވެ. އެމީހަކު ކެބިންތެރެ އައް ވަނުމުން މާޔާގެ ގަޔަށް ފިނިގަޑެއް އަރައިގަތެވެ. ލާންއުޅުނު ނޭވާވެސް ކަރުތެރޭ ތާށިވިއެވެ. އެވަގުތު ނާއިލް ވެސް މާޔާ އައް ބަލާލި އެވެ. ދެމީހުންގެ ހަތަރު ކަޅި ހަމަވި ވަގުތު ބުނަން ނެއިންގޭ އިހްސާސް އެއް ކުރެވުނެއެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.