ވާހަކަ ލިޔުންތެރިޔާ

ވާހަކަ ލިޔާ މީހުންނަކީ ވަރަށް ހެއްވާ ބައެކެވެ. އެމީހުން ނުބެހޭ ކަމެއް ނޯވެއެވެ. މީހުން ބުނެ އުޅެއެވެ. ވާހަކަ ލިޔާނީ މޮޔައިންނެވެ. ވާނީވެސް އެހެން ނޫން ހެއްޔެވެ؟ އެމީހުން އަބަދުވެސް އިންނަނީ އެމީހުންގެ “ވާހަކައިގެ” ދުނިޔޭގައެވެ. “ސްކިޒޯފްރެނިއާ” ހުންނަ ކަހަލަ ބައެކެއްނުން ހެއްޔެވެ؟ ދެން އަހަރެން މިހެން ބުނީމަ ހޭން ފަށާށެވެ. އަހަރެންނަކީވެސް ވާހަކަ ލިޔުންތެރިއެކެވެ. އަހަރެންނަކީ އަންހެން ކުއްޖެކެވެ. އުމުރުން 16 އަހަރެވެ. އަހަރެން ބޮޑުވީ މިބުނާ “ފޮތުގެ” ދުނިޔޭގައެވެ.

ބޮޑުވަމުން އައި ވަރަކަށް އަހަރެން ވިސްނީމެވެ. އަހަރެންގެ ހަޔާތުގައި އަހަރެން ކުރާނީ ކީއްބާއެވެ؟ އަހަރެންގެ “ޓެލެންޓް” އަކީ ކޮބާބާއެވެ؟ އަހަރެންގެ ކުޅަދާނަކަން ހޯދުމަށް އަހަރެންގެ ހިތުގައި ޝައުގު ވެރިކަން އުފެދެމުން ދިޔައެވެ.

ހުވާ ކޮއްފައި ބުނަމެވެ. އަހަރެން އުޅެ ބޮޑުވީ ފޮތުގެ ތެރޭގައެވެ. ވާހަކަ ކިޔުމަކީ އަހަރެން ވަރަށް ކުރާހިތުން ކުރިކަމެކެވެ. ނަމަވެސް ލިޔުންތެރިއަކަށް ވުމަށް އަހަރެންގެ ޝައުގު ހުރެދާނޭ ކަމަށް އަހަރެން ދުވަހަކުވެސް ހިޔެއް ނުކުރަމެވެ.

އާދައިގެ ދުވަހެކެވެ. އަހަރެން އިނީ އިސްކޯލުގައެވެ. ދުވަހަކީ ދިވެހި މުދައްރިސް ވާހަކަ ލިޔަން ހަވާލު ކުރި ދުވަހެކެވެ. ކިލާސް ކުދިންތައް ލިޔާނެ އެއްޗެއް ނޭނގިގެން ފޫހި ވެފައި ތިއްބެވެ. ނަމަވެސް އަހަރެން ވާހަކައިގެ ފެށުން ނިމި ވާހަކައިގެ މައިގަނޑާ ހަމައަށް ދިޔައީ 5 ވަރަކަށް މިނިޓް ތެރޭގައެވެ. މުދައްރިސްއަށް އަހަރެންގެ ހުރި އަވަސްކަން ފެނި އަހަރެންގެ ވާހަކައިގެ ފުރަތަމަ ޕެރެގްރާފް ކިޔާލިއެވެ. އަތް ޖަހާލާފައި މުދައްރިސް އަހަރެންނަށް މަރްހަބާ ކިއެވެ. ފެށުން ވަރަށް ރީތި ކަމުގައި ބުންޏެވެ. މުދައްރިސް އަހަރެންގެ ވާހަކައިގެ ފެށުން ކިލާސް ކުދިންނަށް އިއްވާލިއެވެ. ހުރިހާ ކުދިންގެ ތައުރީފުގެ ބަސްތަށް އަހަރެންނަށް ލިބެން ފެށީ ބަސް ބުނާހާ އަވަހަށެވެ. އެކަން ވެގެން ދިޔައީ އަހަރެންގެ “ކޮންފިޑެންސް” މަތި ވެގެން ދިޔަ ކަމަކަށެވެ. އަހަރެން އަހަރެންގެ އަމިއްލަ ނަފްސަށް ޓަކައި ފަޙުރުވެރިވީމެވެ.

ދުވަސްތައް އޭގެ އެންމެ ހަލުވި މިނުގައި ދައުރުވަމުންގޮސް ގްރޭޑް 10 ގެ ފަހު ސެމިސްޓާރ އަށް އާދެވުނެވެ. އޭގެ މާނަ ދެން އެނގެއެއް ނުން ހެއްޔެވެ؟ ފެންވަރަންވީވެސް ދެން ސުކޫލުގައެވެ. ހީވަނީ ޓީޗަރުން އަބަދު އަހަރެމެން މަތިން “މިސް” ވާހެންނެވެ. އަޅެ ނޫން ހެއްޔެވެ؟ ދެން އޮތީ އަނެއް ކަންތަކެވެ. އަބަދު ފާޑެއްގެ ސްޓަޑީ ކޭމްޕު ގަނޑެއް ބާއްވާނެއެވެ. ހީވާނީ ދެން އެހެން ފަދަ ކަމެއް ހެންނެވެ.

އެގޮތުން އަހަރެމެންނަށްވެސް ދިވެހި ޓީޗަރަކު ސްޓަޑީ ކޭމްޕް އަކަށް ގެެނެސްދިނެވެ. އެއީ މޮކް އެގްޒާމް ވަރަށް ކައިރިވެފައި އޮއްވައެވެ. އަހަރެންގެ ދިވެހި ޓީޗަރު އެ މުދައްރިސް އާއި އެކު “ޕްރައިވެޓް” ލެސަންއެއް ނެގުމަށް ފުރުސަތު ހުޅުވާލަދިނެވެ. ވާޙަކަ ލިޔަން އަހަރެންގެ ހުރި ޝައުގު ފެނި އެމުދައްރިސްވެސް އުފަލާއި އެކު އެކަމަށް އެއްބަސްވިއެވެ.

އަހަރެންގެ ވާހަކަ އެއް ކިޔާފައި އެމުދައްރިސް ބުންޏެވެ. “މަސައްކަތް ކޮއްފި ނަމަ ތިއައީ ލިޔުންތެރިއަކަށް ވެވިދާނެ ކުއްޖެކެވެ” އަހަރެންނަށް ވަރަށް ހިތްވަރު ލިބުނެވެ. ނަމަވެސް އަހަރެންގެ “މަސައްކަތަކީ” ކޮބައިބާއެވެ؟ އަހަރެން އެހީމެވެ. އެމުދައްރިސް އަހަރެންނަށް އިރުޝާދު ދިނީ އޮންލައިންކޮއް ވާހަކަ ލިޔާ ސައިޓެއްގައި ވާހަކަ ލިޔުމަށެވެ. އެދުވަހު އަހަރެން ގެއަށް އައީ ހޫނު ގަދަ އަވީގައިވެސް ފުމެމުންނެވެ. އަހަރެން ހުރީ އެހާވެސް އުފަލުންނެވެ.

އޭގެ ދުވަސްކޮޅެއް ފަހުން އަހަރެންގެ ފުރަތަމަ ވާހަކަ ޕަބްލިޝް ކުރީމެވެ. ކިޔުންތެރިންގެ ކޮމެންޓުތައް ކިޔާފައި އެކުރުވާޙަކަ ދިގު ވާހަކައަކަށް ބަދަލު ކުރީމެވެ. އަލްހަމްދުލިއްލާހިއެވެ. މިއަދު އަހަރެން ވާހަކަ ލިޔާތާ 1 އަހަރުވީއެވެ. ކިތުންތެރިންގެ ފަރާތުން ލިބެމުން ދިޔަ ބަދަލެއް ނުވާ ހިތްވަރުން އަހަރެންނަށް މިކަން ކުރުން ފަސޭހަ ވެގެން ދިޔައެވެ. ނުފެނިގެން އުޅުނު އަހަރެންގެ “ޓެލެންޓް” އަހަރެންނަށް ހޯދުނެވެ. އަލްހަމްދުލިއްލާހިއެވެ. މިއަދު އަހަރެންނަކީ އެސްފިޔަ ވާހަކަ ސައިޓުގައި މަގްބޫލު ލިޔުންތެރިއެކެވެ. ތަފާތު ވާހަކަތަކުން ކިޔުންތެރިން އުފާކޮއްދިން ލިޔުންތެރިއެވެ. މިއީ އަހަރެންގެ ވާހަކައެވެ. މިއީ ޝިހާގެ ވާހަކައެވެ.

(ނިމުނީ)

އަލްހަމްދުލިއްލާހް، މީގެ އެއް އަހަރު ކުރިން އަޅުގަނޑު އެސްފިޔައިގެ ލިޔުންތެރިއެއްގެ ގޮތުގައި ދަތުރު ފެށީމެވެ. މިއަދު 18.02.2025 ގައި އަޅުގަނޑު ހިތްހަމަ ޖެހޭވަރުގެ ކުރިއެރުމެއް ލިބިއްޖެއެވެ. އަޅުގަނޑަށް މިކަން ކުރުމުގައި ހިތްވަރު ލައިދިން އަޅުގަނޑުގެ މަންމަ، އަޅުގަނޑުގެ އެދިވެހި ދެމުދައްރިސް، އަދި އަޅުގަނޑު ލޯބިވާ، މައީ، މާޝް، އަދި މައިއްކޮ އަށް ފައްފަށުން ޝުކުރު އަދާ ކުރަމެވެ. އޭގެ އިތުރުން، އަޅުގަނޑަށް ހިތްވަރު ލައިދީ ވާހަކައިގައި ކޮމެންޓު ކޮއްދިން ކުރިހާ ކިޔުންތެރިންނަށްވެސް ފަށްފަށުން ޝުކުރުއަދާކުރަމެވެ. އިންޝާ ﷲ ކުރިއަށް އޮތް ތަނުގައިވެސް ތަފާތު އެކި އެކި ވާހަކަ ކިޔާލަން ލިބޭނެ ކަން އުފަލާއި އެކު ހާމަ ކުރަމެވެ.

🥰❤️