ފުރާނައިގެ ދިރުމޭތިއީ ޓްރެއިލާރ

ފަތިހުގެ ފިނިކަން ފިލައި ޖައްވައް އިރުގެ ހޫނުކަން މަރްހަބާކީ އިރު، އެކި އުމުރު ފުރައިގެ ކުދިންތައް ސުކޫލައް ދިޔުމައިގެން ފިޔަވަޅުތައް ހަލުވި ކުރަމުން ދިޔައެވެ. އުމުރުން 16 އަހަރުގެ ލުބައިނާވެސް މިކުދިން ތެރޭގައި ހިމެނުނެވެ. ސްކޫލް ޔުނީފޯމުގައި ހުރި އިރު އަތުގައި ގްރޭޑް 10 ގެ ޕާސްޓް ޕޭޕަރުތައް އޮތެވެ. އިސްޖަހާލައިގެން ހިނގާލާފައި ދިޔަ އިރު ސުކޫލު އެކި ފިރިހެން ކުދިންގެ ލޯތައް ލުބައިނާއައް ހުއްޓެމުން ދިޔައީ ސަބަބެއް ނެތިއެއް ނޫނެވެ. ހުންނަލެއް ދޮންކަމުން މޫނު ކޯތާފަތުގައި ޖަންބުކުލަ އަރާފައިވީ އިރު، ކުޑަ ދެލޮލުގައިވީ އެސްފިޔަތައް ދިޔައީ އޭނާގެ ތޫނު ދެލޯ ފޮރުވައިދެމުންނެވެ. ކުޑަކުޑަ ތުންފަތުގައި ގުތުރަތީގޮތުން ރަތްކަން އެކުލެވިފައިވާއިރު ވައްތަރީވެސް ބޭރުކުއްޖަކާއެވެ.

މެންދުރުވާން ގާތްވިއިރު ކަޅުބޯވިލާތަކުން އިރުގެ އަލިކަން ކަޝްފުކޮއްލިއެވެ. ވައިގަދަވަމުން ދިޔައިރު ދޭތެރެދޭތެރެއިން ޖަހާލާ ގުގުރިއާއި އެކު ގައިގައި ހުރި ހުރިހާ ލޯލިތައް ކޮޅަށް ޖެހިލައެވެ. ކުލާސްތައް ނިމުމާއި އެކު ލުބައިނާ އަވަސްވެގަތީ ގެޔައް ދިޔުމަށެވެ. ވާރޭ އޮއްސާލުމުގެ ކުރިން ގެޔާއި ހަމަޔަށް ވާސިލުވޭތޯއެވެ.

ބާރު ހިނގުމުގައި ހިނގާފައި ދިޔަ ލުބައިނާގެ ފިޔަވަޅުތައް މަޑުޖެހުނީ ފަހަތުން މީހެއްގެ ހިލަމެއް ވާހެން ހީވެގެންނެވެ. ފަސްއެނބުރިފައި ދެކޮޅުބަލައިލީ އިރު މޫނުމަތިން ކޮންމެވެސް ވަރަކަށް ބިރުވެރިކަން ފައުޅުވަމުން ދިޔައެވެ. “ކަ..ކާކު؟” ލުބައިނާގެ ޖާދޫވީ އަޑުގައި ތުރުތުރުލުމެއް ލައިފިއެވެ. ދެފަރާތް ބަލަމުން ދިޔަ ލުބައިނާގެ ދެލޯބޮޑުވީ ފަހަތުން މީހަކުއަހިސް އަނގަމަތީގައި ފޮތިކޮޅެއް އެޅުމުންނެވެ. ހުރެވުނު މަގުގައި އެއްވެސް މީހަކު ނެތްކަން ރެއަކާލުމުން ލުބައިނާގެ ހިތުގައިވީ ބިރުވެރިކަން ދެގުނަވެގެން ދިޔައީ އެޔެއްމިޔެއް ބަލާފައެއްނޫނެވެ.

އެމީހަކު ލުބައިނާ ދަމާފައި ގެންގޮސްވެއްދީ ފަޅުގެޔަކަށެވެ. އެކުޑަ ޖިފުޓި ގަނޑުގައި އެއްވެސް އެއްޗެއް ނެތް އިރު އެތަނުގައިވީ އަނދިރިކަމުން އިތުރަށް ބިރުވެރި ކޮއްލާފަދައެވެ. އެމީހާގެ އަތުގައި އަންގިއަޅާފައި ހުރި އިރު އަޅާފައި ހުރި މާސްކުން ފެންނަނީ އެބިރުވެރި ދެލޮލާއި ތުންފަތް އެކަންޏެވެ.

“ތީ..ކާ..ކާކު؟” ބިރުން ހުރި ލުބައިނާގެ ހިތުގެ ތެޅުން އޭނާގެ ކަންފަތައްވެސް ދިޔައީ އިވެމުންނެވެ. ލުބައިނާ ވާޙަކަ ދައްކަން ފެށުމުން އޭނާ ޖީބުން ނެގި ކުޑަވަޅި ލުބައިނާގެ ކަރާދިމާކުރިއެވެ.

“ޝޫޝް.. އެއްވެސް އަޑެއް ލައްވާލިޔަސް ނިމުނީ!” އެމީހާ އަމުރުކޮއްލިއެވެ. ބިރުންގޮސް ލުބައިނާއަށް ގިސްލަގިސްލާފައި ރޮވުނެވެ. އެވަގުތު އޭނާގެ ތުންފަތައް ނުލަފާ ހިނިތުންވުމެއް ވެރިވިއެވެ. “ހެހެ ބުނިންދޯ އެއްވެސް އަޑެއްނުލައްވައްޗޭ؟” އޭނަ ލުބައިނާގެ ކަރަށް ވަޅިހަރާލީ އެއްވެސް ރަހުމެއް ނެތިއެވެ. ޖަހާލި ބާރުގުގުރިއާއި އެކު ލުބައިނާގެ ހަޅޭކުގެ އަޑުވެސް ފަނޑުވެލިއެވެ.

ލުބައިނާގެ ފުރާނަ ސަލާމަތް ވާނެބާއެވެ؟

ލުބައިނާއަށް އެހެން ހެދީ ކާކު ބާއެވެ؟

އެމީހަކު ލުބައިނާއަށް ދިމާ ކުރީ ކޮން ސަބަބަކާއި ހުރެ ބާއެވެ؟

މިކަމުގެ ސަބަބުން ލުބައިނާގެ ހަޔާތައް އަންނާނީ ކޮންކަހަލަ ބަދަލު ތަކެއްބާއެވެ؟

މިސުވާލުތަކުގެ ޖަވާބު ހޯދެއްވުމަށް އަޅުގަނޑުގެ 5 ވަނަ ދިގުވާހަކަ “ފުރާނައިގެ ދިރުމޭތިއީ” އަށް އިންތިޒާރު ކޮއްލައްވާ…

(ނުނިމޭ)

އައްސަލާމު އަލައިކުމް،

“މަގޭ މާއިލް” “ބްލަޑް 1 އަދި 2” “ބީވެދާކަށް ނޭދެން ހުވާ” “ބޭވަފާތެރިޔަކީމޭ” އެކޭ އެއްފަދައިން މިވާހަކައިގަވެސް ހުރިހާ ކިޔުންތެރިންގެ ސަޕޯޓު ލިބޭނެ ކަމަށް އަޅުގަނޑު އުންމީދު ކުރަން. މިވާހަކައިގެ ފުރަތަމަ ބައި ގެނެސްދޭނީ 05.02.2025 ގައެވެ.

އިންތިޒާރު ކޮއްލައްވާ 🫶🏻