ޑައިރީ ( އެ އަންހެން ކުއްޖާ 2)

އަހަރެންނަކީ  އާއިލާ ގައި ހުރި ހަމަ އެކަނި ދަރިފުޅެ . އަހަރެން އެއްބަނޑަކު އެކަކު ވެސްނެތެއެވެ . އެހެންވެ އަހަރެން ގެ މައިންބަފައިން ވަރަށް ވެސް ބަލަމުން ގެންދެއެވެ . އަހަރެންގެ އުމުރުން 27 އަހަރު ވެގެން ދިޔަ އިރު ވެސް އަހަރެންނަށް މިހާ ބޮޑަށް އެއްވެސް އަހެންކުއްޖަކަށް ނުވިސްނަމެއެވެ . އަހަރެން ގެ މި ހިޔާލު ތަކާ ދުރު ވެލަން އަހަރެން ސައިކަލް ދުއްވާލުމަށް އަހަރެން ގެއިން ނިކުތީމެއެވެ . އަދި އަހަރެންގެ ރައްޓެހި ކުދިން ކޮބައިތޯ ބަލާލީމެއެވެ .

ސައިކަލް ސްޓާރޓް ކުރުމުގެ ކުރިން  އަހަރެންގެ  ޖީބުން ފޯނު ނެގުމަށް ފަހު އަހަރެންގެ ރައްޓެހި ( ކައިލް ) އަށް ޑައިލް ކޮއްލީމެއެވެ . ކަން ދިމާ ކުރި ގޮތުން ކައިލް ފޯނު އޮތީ ނިއްވާލާފައެވެ . އަހަރެން ހިތާ ހިތުން ކިޔާލެވުނެއެވެ . މިއީ އަހަރެންނަށް ކަންތައް ދިމާވާން ހުރި ގޮތް ބާވައެވެ .

އެ ހިޔާލުގައި އެ ހިތްދަތި ކަމުގައި އަހަރެން ސައިކަލް ސްޓާރޓް ކޮއްލުމަށް ފަހު ދުއްވާލީމެއެވެ . ރަށުގެ ބޮޑު މަގުން ލާފައި އަހަރެން މީހުން ނޫޅޭ ހިސާބަށް ދިޔާމެއެވެ . އެއީ އަހަރެން ހިތް ހަމަ ޖައްސާލުމަށް އަބަދު ވެސް ދާ އެއް ދިމާލެއެވެ . އެ ހިސާބުގައި އުދޯއްޔެއް ހުންނާނެއެވެ .

އެއީ ރަށުގެ ފުއްޓަރު ފަރާތެއެވެ . ކަމަކާ ވިސްނަން ބޭނުން ނަމަ އަހަރެން އަބަދު ވެސް އުޅެމުން ދަނީ އަހަރެން ރަސްކަން ކުރަމުން އަންނަ ތަނަށެއެވެ .

އަނެއްކާވެސް އަހަރެން ޖީބުން ފޯނު ނެގުމަށް ފަހު ކައިލް އަށް ޑައިލް ކޮއްލީމެއެވެ . ” ހަލޯ … ކިހިނެއް ވީ .. މާ ވަރަކަށް ގުޅާފާ … ” ކައިލް ފަތި ފައްޗައް އަމުނާލިއެވެ …. އަހަރެން ޖަވާބުގައި ދިނީމެއެވެ . ” ބުރޯ އާދެބަލަ އަހަރެންގެ މަރުކަޒަށް . އަހަރެން އަބަދު ވެސް އިންނަ އެއް ތަނަށް ” . ” އާ އޯކޭ މި ދަނީ ” އެހެން ބުނުމަށް ފަހު ކައިލް ފޯނު ކަޑަލިއެވެ .

އިރު ކޮޅެއްގެ ފަސް .. ކައިލް އަހަރެން ހުރި ހިސާބަށް އައިސްފިއެވެ . ” ކިހިނެއް ވީ . އަނެކާ އާއިލާ މީހަކަށް ކަމެއް ދިމާވީ ތަ ؟ ” ކައިލް ސައިކަލުން ފައިބަމުން ބުނެލިއވެ .

އަހަރެން ފާޑަކަށް  ” އާ ބަސް ބުނެލީމެއެވެ . ” ވެގެން އުޅޭ ގޮތް ކިޔާދީބަލަ ” ކައިލް އަވަސް އަރުވާލާފައި ބުނެލިއއެވެ .

އަހަރެން ކައިލް އަށް އަކުރުން އަކުރަށް ކިޔާ ދެމުން ދިޔާމެއެވެ . ކައިލް އަހަރެން ދައްކާ ވާހަކަ . ކަނުލައި އަޑު އަހަމުން ގެން ދިޔައެވެ .

“ތި ކަމަށް އޮތީ އެންމެ ކަމެއް . މިކަންތައް ކޮއްލީމާ އޯކޭ ވާނެއެވެ . ” ކައިލް އެހެން ބުނުމުން އަހަރެން އެއި ކޮންކަމެއް ތޯ ސުވާލު ކުރުމުން . ކައިލް ހިނިގަނޑެއް ޖަހާލުމަށް ފަހު ބުނެލިއެވެ . ” ތި އަންހެން ކުއްޖާ އަށް ލޯބި ހުށަ އަޅާށެއެވެ .  ކިހަވަރަކަށް ބުރޯ ލޯބި ވާ ވަރު ބުނެދޭށެއެވެ . ”

އަހަރެން ހިތާ ހިތުން ކިޔާ ލެވުނެއެވެ . އެ ބުނީ ވެސް ތެދުވާހަކަ އެކެވެ. ނަމަވެސް އަހަންނަށް އެތަކެއް ދުވަހު މަސައްކަތް ކުރެވިގެން ދެވުނެއެވެ . އެތަކެއް ފަހަރު ލޯބި އެ އަންހެން ކުއްޖާ އަށް ހުށައެޅުނެއެވެ . އޭގެއިން އެއްވެސް ނަތީޖާ އެއް އަހަންނަކަށް ނުލިބުނެއެވެ . އަބަދު ވެސް ދެކެވެމުން ދަނީ ދުނިޔެވީ ވާޙަކައެވެ . އަހަރެން ލޯބިވޭ ބުންޏަސް އޭނަގެ ފަރާތުން އެއްވެސް ކަހަލައިގެ އިޝާރާތެއް ނުފެނެއެވެ .

އާ ދުވަހަކަށް އިރު އަރާފިއެވެ . އަހަރެން ނިދިން ހޭލެވުނީ އަހަރެން ގެ ފޯނަށް މީހަކު ގުޅާ އަޑަށެއެވެ . އަހަރެން ލޯ އުގުޅަމުން އަހަރެންގެ ފޯނަށް ބަލާލެވުނެއެވެ . އެއީ އަހަރެންގެ އެންމެ ގާތް އެއް އެކުވެރިޔާ ކަމަށް ވާ ކައިލް އެވެ .

އަހަރެން ނިދި އަޑުން ” ކީކޭ ބުރޯ ؟ ކިހިނެއް ވީ އޭ ” ،..  ” އަދިވެސް ނިދަނީ ދޯ … ތެދުވެބަލަ … އެބައިނޭ  ވާހަކަ އެއް ދައްކާލަން ވެފާ ”  ކައިލް ހިނި އަންނަ ރާގަށް ބުނެލިއެވެ . ” އާ އޯކޭ … މި ދަނީ އަހަންނަށް ދީ 15 މިނެޓް … ” އެހެން ބުނުމަށް ފަހު އަހަރެން އަވަސް ވެ ގަތީ ފާހާނާ އަށެއެވެ . ފާހާނާ ކުރުމަށް ފަހު އަހަރެން ހިގައި ގަތީ ކައިލް ބުނި ރެސްޓޯރެންޓް އާ ދިމާ އަށެއެވެ .

” އޭ ކީކޭ ؟ ވަރަށް އަވަސް ކޮށްލާފާ މި އައީ .. އެއްވެސް އެއްޗެއް ނުމެ ނުކާ މި އައީ …” އެހެން ބުނުމަށް ފަހު އަހަރެން ރެސްޓޯރެންޓް ގެ ވެއިޓަރ އަށް ގޮވާލުމަށް ފަހު ..  ކާން ގެންނަން ވީ އެއްޗިހި ބުނެލިއެވެ .

” އަސްލު މަ މިތަނަށް މި ގެނެއީ ވަރަށް ވެސް މުހިއްމު ވާޙަކައެއް ދައްކާލުމަށް . މި ވާހަކަ އެކަކު ކައިރި ވެސް ނުބުނުމަށް އެދުނެއެވެ . ” ކައިލް މި މޭރުމުން ވާހަކަ ފެށިއެވެ . އަހަންނަށް އިދެވުނީ ވާނުވާ ނޭންގިފައެވެ . އަދި ބުނާނެ އެއްޗެއް  ނޭންގިފައެވެ .

އަހަރެން އާއެކޭ ބުނާ ގޮތަށް ބޯ ޖަހާލުމުން ކައިލް ވާހަކަ ފެށިއެވެ .  ކަން ވާން ވި ގޮތާ ކަން ކުރަން ވީ ގޮތް ކައިލް ކިޔާ ދިނެއެވެ . އަދި  އަހަރެން ކަމަކާ ވިސްނާ ކަން މީގެ ހަފްތާ އެއް ކުރިން ކައިލް އަށް އިގޭ ކަމަށާއި އަދި ކައިލް އެ ވާޙަކަ ނުދައްކާ ހުރީ އަހަރެންގެ އަގައިން އެ ވާހަކަ ތައް ކިޔާދޭނެ ކަމަށް ބަލާފައެވެ . ކަން ދިމާ ކުރި ގޮތުން އަހަރެންނަށް ކައިލް ކައިރީގައި މި ވާހަކަ ތައް ކިޔާދެވުނެއެވެ .

އަހަންނާއި ކައިލް އޯޑަރ ޖެހި އެއްޗިހި އަހަރުމެން ދެ މީހުން ތިބި މޭޒު ކައިރިއަށް ގެނެސްފިއެވެ . އަދި  ކާން ގެނޭ އެއްޗިހި އިންސާފް ކުރަން ފެށީމެއެވެ .

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.