ނޭވާ ލާ ހިނދުު ހީވޭ ގާތުގައި ވާހެން (ޓްރެއިލާރ)

އެއްދިމާލަކަށް ބަލަހައްޓައިގެން ހުރިއިރު އެދެލޮލުގައި ވަނީ ބަޔާން ކުރަން ދަތި އަސަރުތަކެކެވެ. ފޮރުވިފައިވާ ހިތާމަތަކެއް ވާފަދައެވެ.

“ޒެވިއަލް” ފާރުގައި ލެގިލައިގެން ހުރި ޒެވިއަލްގެ ސަމާލުކަން ހުއްޓުނީ ދޮރުން ވަދެގެން އައި ޖަލު ބަލަހައްޓާ އޮފިސަރަށެވެ. ބަލާބެލުމަށް އެ އެއީވެސް އެއުމުރުގެ ޒުވާނެކެވެ. އޭނާ ފެނުމުން ޒެވިއަލްގެ މޫނުމަތިން ކުޑަ ހިނިތުންވުމެއް ފާޅުވިއެވެ.

“ޒެވިއަލް..އަހަރެން ވަރަށް ހަނދާން ވާނެ . ހީކުރަން މިތަނުން ދަސްވި ކަންތަކާއި އުނގެނުން އިލްމުގެ ބޭނުން ހެޔޮގޮތުގައި ހިފާނެ ކަމަށް.. އަހަރެން މިތާގައި ހޭދަ ކުރި ހަތް އަހަރުގެ ތެރޭގައި އަހަންނަށް ދިމާވި އެންމެ ތަފާތު ޒުވާނާ ތިޔައީ.. އުއްމީދުކުރަން ޖަލުން މިނިވަންވި ނަމަވެސް އަހަރެންނާއި އޮތް ރަޙްމަތްތެރިކަމުގެ ގުޅުން ކަނޑާނުލާނެ ކަމަށް..ތިއީ އަހަންނަށް ލިބުނު އެންމެ ގާތް އެކުވެރިޔާ” އޮފިސަރު ކަޔާން ހީލިއިރު ޒެވިއަލް އާއި ސަލާމް ކޮށްލަމުން އެއަތުގެ ތެރެއަށް ކަރުދާސްކޮޅެއް ލައްވާލިއެވެ. ޒެވިއަލް ހައިރާންވެފައި ބަލަހައްޓާއިގެން ހުރިއިރު ކަޔާންއަށް އިތުރު އެއްޗެއް ނުބުނެވިގެން އުޅެނިކޮން އެތަނައް އައިސް ވަނީ އިތުރު ދެ އޮފިސަރުންނެވެ.

**

“އަލާރާ މުހައްމަދު އަޒީޒް” އޮފެރޭޝަން ތީ އޭޓަރުގެ ތެރެއިން ނުކުމަތް ޑޮކްޓަރާއި އެކު ހުރި ނަރުހުގެ އަޑަށް  ތީއޭޓަރުގެ ބޭރުގައި ތިބި ދެމީޙުން ދުވެފައި ކަހަލަ ގޮތަކަށް އެދިމާލަށް ދިޔައެވެ. “ޑޮކްޓާރ..އަޅުގަނޑުގެ ދަރިފުޅު ސްޓޭބަލް ތޯ” އަވަސް އަވަހަށް އަހައިލިއިރު އަޒީޒް މޫނުމަތީގައިވަނީ ހިތްދަތިކަމުގެ އަސަރެވެ. އެދެލޮގައިވަނީ ކަރުނައިގެ އަސަރެވެ.

“ﷲ އިރާދުކުރެއްވީތީ އަލާރާގެ އޮޕަރޭޝަން ކާމިޔާބު.. ނަމަވެސް އެކްސިޑޭންޓްވެ ޖެހުނު ގޮތުން ނުހަނު ބޮޑަށް ބޮލާއި ލޮލުގެ ނާރުތަކަށް ވަނީ ގެއްލުންވެފަ.. ހާއްސަކޮން ލޮލުގެ ފެނުމުގެ ހިއްސު ބަލަހައްޓާއިދޭ ނާރު ކަމަށްވާ އޮޕްޓިކް ނާވްގެ އެއިޓީ ޕަސެންޓްވަނީ ޑެމޭޖް ވެފަ.. ކޯމާއަކަށް ވެސް ދިޔުމަކީ އެކަށީގެންވާ ކަމެއް.. އަދި މިވަގުތު ޕޭޝަންޓް ހޭ ނާރާތީވެ ވަކި އެއްޗެއް އަޅުގަނޑުމެންނަށް ބުނަން ދަތި.. އިތުރު ސުވާލެއް އެބައޮތްތޯ” ޑޮކްޓާރުގެ ވާހަކަތަކުން އަޒީޒްއަށް ހުރިދިމާލަށް ތިރިވެވުނެވެ.

***

އައްސަލާމް އަލައިކުމް

މިއީ އަޅުގަނޑު މިސައިޓަށް ލިޔާ ތިންވަނަ ވާހަކައެވެ. އަޅުގަނޑުގެ އެހެން ވާހަކަތައް ފަދައިން މިވާހަކައަށް ވެސް ކިޔުންތެރިންގެ ތަރުހީބު އެންމެ ފުރިހަމައަށް ލިބިގެންދާނެކަމަށް ހީކުރަމެވެ. މިވާހަކައިން އިން ފެނިގެންދާނީ އަލާރާ އަދި ޒެވިއަލްގެ ހަޔާތުގައި ދިމާވާ ކަންތައްގަނޑެވެ.  މިވާހަކައިގެ ފުރަތަމަ އެޕިސޯޑު އިންޝާﷲ ވަރަށް އަވަހަށް ކިޔާލަން ލިބޭނެއެވެ.