އެޕިސޯޑު (42 )
****
ދުންގަނޑު ސާފްވިއިރު އެމީހުންނަށް ތިބެވުނީ އައްޒާމްމެންގެޔާއި ދިމާ ވަލުތެރޭގައިއެވެ.
” ހިނގާ ދަމާ.. މިޙާރު އެއޮތް އިރު އޮއްސެން ކާރި ވީ .. މާދަން ނޫން އަނެއް ދުވަހު ވެޑިން އޮތީ..” ޔާސިރް ގެ ފަހަތުން ދެންތިބި މީހުން ވެސް ދިޔައެވެ. އިޒާންމެންގެޔަށް ވަން އިރު އައްޒާމް އާއި ސިފްރީނާ ސިޓިން ރުމުގައި ތިއްބެވެ.
ދެ ކާރުގައި އެމީހުން މިސްރާބު ޖެހީ ޔާސިރް މެންގެޔަށެވެ. ހުރިހާ އެންމެން ވާނީ އެގޭގައި ކަން ޔާސިރްއަށް އެނގެއެވެ.
ދިޔަ މަގުމަތީގައި ޔާސިރް ، ދާނިޔަލް އާއި މާޔާއަށް ހުރިހާ ވާހަކައެއް ނުހަނު ތަފްސީލްކޮން ކިޔާދިނެވެ. ޔާސިރްގެ އާއިލާ ވާހަކާއާއި ޔަޒަކް އާއި މިލާންގެ ގުޅުމުގެ ވާހަކަ އަދި އިޒާން، މިލާން ސަލާމަތް ކޮށްގެން ބެލި ގޮތް ވާހަކަ ވެސް ކިޔާދިނެވެ. ބިރުގަންނަމަވެސް ދެމީހުންނަށް ވެސް އުފާވެރިކަން ލިބުނީ މިލާން ހުރީ ސަލާމަތުން ކަން އެނގުމުންނެވެ. އެދެމީހުން ހިތުގެ އަޑިން މިލާންއާއި ޔަޒަކް ގެ ގުޅުމަށް އެއްބަސް ވިއެވެ.
***
“ޒެކް .. ކޮބާ މިންމި ދިޔައީ ތަ.. މިއޮތީ ޑްރެސް ގެނެސްފަ…..” ޔަޒަކް ގެ ކޮޓަރިޔަށް ވަން އީން އަހައިލިއެވެ. އޭނާގެ ފަހަތުން ޔަމްހާ ވެސްވަނެވެ. އޭރު ޔަޒަކް، އިޒާން އަދި އޭނާގެ އިތުރު ދެ ރަހްމަތްތެރިންނާއި އެކު ކޮޓަރީގެ ބެލްކޮނީގައި ކޮފީ ބޯން ތިއްބެވެ. އީންގެ އަޑު އިވުމުން ޔަޒަކް ނުކުތެވެ.
“އޭނަ ދިޔައީ ސައިބޯން.. މަންމަޔާ ޔޫމީ އާ އެއްކޮން ދިޔައީ….” ޔަޒަކް، އީންގެ އަތުގައި އޮތް ހެނދުމަށް ބަލައިލިއެވެ. އީން ބޯޖަހައިލަމުން ޔަޒަކްއަތައް ހެދުން ދިނެވެ.
“އީން ގަދައޭ.. ހަމަ އެކަނި ޑޮކްޓަރެއް ނޫނޭ މީ ދޯ.. ހެދުން ޑިޒައިނާރ އަކަށް ވެސް މިވަރެއް ނެތް .. ވޯހް..” ޔަޒަކް، މިލާންގެ ހެދުމަށް ބަލަހައްޓާއިގެން ހުރި އިރު އޭނާގެ އަނގައިން ތައުރީފް ހުސްނުވެއެވެ.
މިލާންގެ ކައިވެނީގެ ހެނދުން ތައްޔާރު ކޮށްދިނީ އީންއެވެ. އީންގެ މަންމަ އާޔާގެ ފަރާތުން ހެނދުން ފެހުމުގެ ހުނަރް ވެސް ވަނީ އީންއަށް ލިބިފައެވެ. އާޔާއަކީ ފެހުމަށް ނުހަނު ކުޅަދާނަ އަންހެނެކެވެ.
އީންގެ ހުނަރުން ޔަމްހާވެސް އާޝޯހްކޮށްލިއެވެ. އެންމެން ތައުރީފް ކުރަން ފެށުމުން އީން ހުރީ ލަދުގަންނަ ގޮތް ވެފައެވެ. އެހެން ހުއްޓާ އަލާނިޔަލް ގުޅިކަން ވެސް ނަސީބެކޭ ހިތައް އެރިއެވެ. ޔަޒަކް އާއި ޔަމްހާއަށް ފޯނު ދައްކާލައިފާ ޔަޒަކްގެ ކޮޓާރިން އީން ނުކުތެވެ. ފޯނު ނަގާފައި އޭނާ މިސްރާބު ޖެހީ ޒީވާގެ ކޮޓަރިޔަށެވެ.
“ހަލޯ.. ކޮންތާކު.. އަހަރެން ހާދަ ގު..” އެކޮޓަރިން ބޭރަށް ނުކުމެ ހިނގައިގަންނަމުން އީން ކަންފަތުގައި ފޯނު ޖަހައިލިއެވެ. ފޯނުން ދައްކަ ދައްކާ ހުއްޓާއި ކުއްލިޔަކަށް އީން ސިހުނީ އޭނާގެ އަތައް މީހަކު ދަމާލުމުންނެވެ. ޖެހުނު ގޮތުން ނޭފަތައް ތަދެއް ވެސް އެރިއެވެ. ނޭފަތުގައި އަތް އަޅާއިގެން ހުރެ އިސް އުފުލާލި އީންގެ ދެލޮލުން ފެންވެސް ހުރީއައިސްފައެވެ. އީން ބަލައިލި އިރު އަލާނިޔަލް އެވެ. ސިއްސައިގެން ދިޔަވަރުން އީންއަށް ހަޅޭއްލަވައި ނުގަނެވުނީ ކިރިޔާއެވެ..” ޑިފީ … ކިރިޔާއޭ ބިރުން ހަލާކު ނުވީ.” އަލާނިޔަލްގެ މޭގައި އީން އަށް ތަޅާއިގަނެވުނެވެ. އަލާނިޔަލް ހިނިއައިސްފައި ހުރެ މާފަށް އެދެމުން އީންގެ އަތުގައި ހިފާގެން އެންމެ ކާރިޔަށް ހުރި ޔޫމީންގެ ކޮޓަރީގެ އެތެރެއަށް ވަދެ ދޮރު ޖެހިއެވެ. ޔޫމީން ކޮޓަރީގައި ނެތް ކަން ވެސް ނަސީބެކޭ އީންގެ ހިތައް އެރިއެވެ.
އީން ހައިރާންވެފައި ހުރެ އަލާނިޔަލްގެ މޫނަށް ބަލައިލިއެވެ. އަލާނިޔަލްގެ ތޫނު ނަޒަރު އީންގެ މޫނަށް ހުއްޓިފައި ހުރުމުން އޭނާގެ މޫނަށް ޖަންބުކުލަ ފާއްދައިލިއެވެ.
“އައި މިސްޑް ޔޫ …”‘ އަލާނިޔަލް ނުހަނު ބާރަށް އީންގެ ގައިގާ ބައްދާލިއެވެ. އީން ވެސް ހީލައިފައި ހުރެ އޭނަގެ ގައިގާ ދެއަތް ވަށައިލިއެވެ.
“އެކަމް އަދި ދިހައެއް ޖެހީ ހެނދުނު.. އިރު އެރިފަހުންވެސް ހަތަރު ފަހަރަށް ފެނިއްޖެ.. ޑިފީ އަހަރެން ދެކެ ތިވަނީ އާދައިގެ ލޯތްބެއް ނޫން އެހެން ވީމަ..” އީން ހޭންފަށަމުން ބުނެލިއެވެ. އަލާނިޔަލް ދުރުވެލާފައި އީންގެ ކޯތާފަތުގައި ދެއަތުން ހިފާލިއެވެ. “އަހަރެން އީންގެ ކުރިމަތިން ސިކުންތަކަށް ދުރަށް ދިޔަސް އަހަރެން މިސް ވޭ.. އައި ރިއަލީ ލަވް ޔޫ.. ހީ ނުވަނީތަ ލޯބިވާ ހެން..” އަލާނިޔަލް ، އީން އާއި ކުރިޔަށް ވުރެން ގާތައް ޖެހިލަމުން އީން ގެ މޫނާ އޭނާގެ މޫނާ ޖެހޭ ނުޖެހޭވަރަށް ކާރިކޮށްލިއެވެ.
އަލާނިޔަލްގެ މޫނު އެހާ ގާތުން ފެނުމުން އީންގެ ގައިގާ ވީހާ ލޯއްޔެއް ކޮޅަށް ޖެހުނެވެ. އަލާނިޔަލްގެ އެތޫނު ނަޒަރު އޭނާގެ ހިތައް ހީވީ ބިންހެލުމެއް ގެނައި ހެންނެވެ. ހިތް ތެޅެމުންދިޔަ އަޑު އަލާނިޔަލްއަށް ނީވޭނެ ކަމެއް ވެސް ނޭނގެއެވެ. “ތެދެއް .. އީން ހީނުވަނީތަ…”އިންގެ އަނގައިން ޖަވާބް ނައުމުން އަލާނިޔަލް އަނެއްކާވެސް އަހައިލިއެވެ.
“ނު..ނޫން އިނގޭ ލޯބިވާ ކަން…އެންޑް އައި ލަވް ޔޫ މޯ.. ” އީން ކުޑަކޮން ހީލައިގެން ހުރެ އަލާނިޔަލްގެ ތުންފަތުގައި ބޮސްދިނެވެ. ދެވަނަ ސިކުން ލަދުގަންވަރުން އީން އުޅުނީ ދުއްވައިގަންނާށެވެ. ނަމަވެސް އީން އަށް ދެވުނީ ކުޑަ ތަންކޮޅަކަށެވެ. އީން ލަދުގަނެފައި ހުރިވަރު ފެނުމުން އަލާނިޔަލްގެ ގާތަށް ހިނިއައެވެ. އޭނާ ބޭނުންވީ އީން އިތުރަށް ލަދު ގަންނަވާލާށެވެ.
އަލާނިޔަލް އީން އަތުގައި ހިފާ ދަމާލަމުން އޭނާ އީންގެ މޫނުއި ދިމާލަށް ގުދުވިއެވެ. ދެތިން މިނެޓްފަހުން ދުރުވެލާ އީންގެ މޫނަށް އަލާނިޔަލް ބަލައިލިއެވެ. އީން ދެލޯ މަރައިލާގެން ހުރި ތުންފަތުގެ ރަތް ކަން ދެގުނައެވެ. އީންގެ ކޯތަފަތުގައި އަލާނިޔަލް ބޮސްދިނުމުން އީން ލޯ ހުޅުވާލިއެވެ.
” ހިނގާބަ އަހަރުމެން ވެސް މެރީ ކުރަން .. އައި ކާންޓް ވެއިޓް..” ލަދުން ވިރެން ކާރިވެފައި ހުރި އީންގެ އުނަގަނޑުގައި އަތް އަޅުވާލަމުން އޭނާގެ މޫނަށް ބަލައިލާ އަލާނިޔަލް އަހައިލިއެވެ.
“ހަމަ ކުރަންވީ.. ” އީން އިސްޖަހައިގެން ހުރެ ކިރިޔާ އަލާނިޔަލްއަށް އަޑު އިވޭވަރަށް ބުނެލިއެވެ.
“އޯހް އިޓްސް ޑަން … މާދަން އީންގެ މަންމަގާތައް ހުއްދަ ހޯދަން ދާނަން ..” އަލާނިޔަލް އީންގެ ގައިގާ ބައްދާލި އިރު އޭނާގެމޫނުން ފެނިގެންދަނީ އުފާވެރިކަމެވެ. އީންވެސް ހީލައިގެން ހުރެ އަލާނިޔަލްގެ ބޮލުގައި އަތް ހިންގާލިއެވެ.
އެކަކު އަނެކަކުގެ އަތު ތެރެއަށް ގެއްލިފައި ތިބި އަލާނިޔަލް އާއި އީންއަށް ސިހުމެއް ލިބުނީ އެކޮޓަރީގެ ދޮރު ހުޅުވާލައިފާ ވަން ޒީވާގެ އަޑުންނެވެ. އޭނާގެ ފަހަތުން ވަން ކައިވަން އާ ޔޫމީން ވެސް ދިޔައީ ސިހިގެންނެވެ. ކައިރިގައި ހުރި ނީކިޔާ މޫނުމަތީގައި އަވަސް އަވަހަށް ޔޫމީން އަތް އަޅައިލިއެވެ. “ކޮކީ ހިނގާ އަހަރުމެން ދާން..” ނީކިޔާ ގެ މޫނުގައި އަތް އަޅައިގެން ޒީވާ ނުކުންނަމުން އީން އާއި ދިމާކޮށްލަމުން ލާނެތް ގޮތަކަށް ހީލއެވެ.
އީން ލަދުގަންވަރުން އަލާނިޔަލްގެ ބަނޑުގައި ވިކާލިއެވެ. އަލާނިޔަލް ވެސް ހެވިފައި ހުރެ އީންއަށް ލޯމަރައިލިއެވެ.
“މި ދެމީހުން މީ ދޯ ނުފެނިގެން މިއުޅޭ ކަމަކީ.. ހީވަނީ ކުރެވެން އުޅެނީ މިދެމީހުންގެ ކައިވެނި ހެން .. ” ޔޫމީން އެމީހުންނާއި ދިމާކޮށްލިއެވެ. ކައިވަން ވެސް ޔޫމީން ގެ ވާޙަކައިން ހޭން ފެށިއެވެ. އެކަކު އަނެއްކަކާ ދިމާކުރުމުގައި ތިބެފައި ޒީވާ ގޮވަން ފެށުމުން ހަތަރު މީހުން އެކުގައި ނުކުމަތެވެ.
އެހެން މީހުންނެކޭ އެއްފަދައިން ޔޫމީން ވެސް އަލާނިޔަލްގެ ގާތުން މާފަށް އެދި އެދެމެދުގައި މަދު ދުވަސްތަކެއްގެ ތެރޭގައި ނުހަނު ގާތް ގުޅުމެއް ވަނީ އުފެދިފައެވެ.
***
” މިންމި ހަމަ އޯކޭ ދޯ.. ދުލެއް ނޫން ދޯ..” ޒީވާގެ ކޮޓަރީގައި ހުރި ބޮޑު ލޯގަނޑެއް ކާރީގާއި ކައިވެނީގެ ހެދުން ހެޔޮވަރު ކުރަން ހުރި މިލާންގެ ގާތު ވަށައިގެން ހިނގާލަމުން އީން ބުނެލިއެވެ. މިލާން ހަތަރު ވަރަކަށް ރައްޓެހިން ވެސް އެދުގައި އިށިނދެގެން ތިއްބެވެ. އެ ބޮޑު ހުދު ހެދުމުގައި މިލާން ރީތިކަމުން އެމީހުން ތިބީ އާޝޯހްވެފައެވެ.
“ވޯހްހް.. މިންމީ ޔޫ ލުކް ވޯވް..ސޯ ޕްރެޓީ ” މިލާން ގެ ރަހްމަތްތެރި ލިސާ ނުހުރެވިގެން ތައުރީފް ކޮށްލިއެވެ. މިލާން ލުއި ގޮތަކަށް ހީލަމުން ލޯގަނޑަށް ބަލައިލިއެވެ. އިސާހިތަކުން ލަދުން މޯޅިވިއެވެ. ޔަޒަކް ގެ އަންބަކަށް އޭނާ ވާން ދެދުވަސް ވެސް ނެތްކަން ހިތައް އެރުމުން ތުންފަތުގައި ދައިގަނެވުނެވެ. ނަމަވެސް ދެވަނަ ސިކުންތުގައި ލޮލަށް ކަރުނަ ޖަމާވީ ދާނިޔަލް އާއި މާޔާގެ މަތިން ހަނދާން ވުމުންނެވެ. ހުރި ހަމަ އެކަނި ދަރިފުޅުގެ ކައިވަނީގައި އެމީހުންނަށް ވެސް ބައިވެރި ނުވެވުމުން އޭނާ ފަދައިން އެމީހުން ވެސް ދެރަ ވާނެ ކަން އިހްސާސް ވިއެވެ.
މިލާންގެ ކަރުނަތައް ފެނުމުން އީން އާއި މިލާންގެ ރަހްމަތްތެރިންނަށް އެކަމުގެ އަސްލު އެނގުނެވެ. އެހެން ކަމުން މަޖާ ވާހަކައެއް ފަށާ އެންމެންވެގެން މިލާން ހެއްވާލިއެވެ.
“ދެން ދޭ ޗޭންޖް ކޮށްގެން އަންނަން … އަދި އޮތީ ނު.. ކޮބާ ތިމީހުންގެ ޑްޜެސް ތައް ލިބިއްޖެތަ .. ” މިލާން ފާހާނާއަށް ފޮނުވާލުމަށްފަހު އީން، މިލާންގެ ރަހްމަތެރިންގާތު އަހައިލިއެވެ.
***
“ދެން ޒާން އުޅޭ ނިންމަން .. ޒެކް އެ އޮތް ބިޒީ ވެގެން އުޅޭ މީހާ ވެސް އެ ނިންމާލަނީ މިހާރު.. ” ސޯފާގައި އީށީން އިޒާން އާ ކައިވަން ކާރީގައި އިށީންނަމުން ކުލްސޫމާ ބުނެލިއެވެ. ކާރީގައި ތިބި ލަވާލް އާ ޔަމްހާ ވެސް އެއީ ދެތެކޭ ބުނެލިއެވެ. އެމީހުންގެ ވާހަކައަށް ބޯ ޖަހަމުން ދިޔަ ލަވާލް ވެސް އިނީ ހިނި އައިސްފައެވެ. އޭނާ އެއްޗެކޭ ބުނެފިނަމަ އިޒާން ލަދު ގަންފާނެއޭ ހިތައް އަރާ އޭނާ ހިމޭނުން އިނެވެ.
“ދެން ކުރަން ވީ..” ލަވާލް އާ ދިމާ ބަލައިލަމުން އިޒާން ބުނެލިއެވެ. ވަގުތުން ލަވާލް ހެދީ ނީނގޭ ކަމަށެވެ. އޭނާ ދުރުބަލައިލި ގޮތުން ޔަމްހާ ގާތައް ވެސް ހިނި އައެވެ.
“ތިއެއް ނޫނޭ ޒީހާން މެން ކިހިނެތްތަ.. ވާ ގޮތެއް ވޭތަ.. ޔިރާ އަށް މިނީ ވެސް ހަމަ ލޮލަށް ނުފެންނަތާ ދުވަސް ގަނޑެއް ވެއްޖެ ދޯ” ޔަމްހާއަހާލިއެވެ. “ޑޮކްޓަރުން ބުނެފަ އޮތީ އިންޝާﷲ ރަނގަޅުވާނެ ކަމަށް …ނަސީބެއް ކުރީކޮޅު ކެންސަރު ކަން އެނގުނު ކަން.މާލޭކޮޅުން ބެލި ޑޮކްޓަރ ލާސްޓް ސްޓޭޖް އޭ ބުނީމަ އެމީހުން ބިރުން އެއުޅުނީ…ދެން ކެނެޑާއަށް ގޮސްފަ ބެލީމަ އެނގުނީ ފުރަތަމަ ސްޓޭޖްކަން. .. ދެން އިނީ އެންމެ ފަހު ޓްރީޓްމެންޓް..ކީމޯ ވެސް ދޭ ބަރާބަށް… ޔިރާ ވެސް ކޮންމެ ދުވަހަކު މިނީ އަށް ގުޅާއިގެން ރޯނެ ..ވީޑިއޯ ކޯލް ކުރަނީ އެކަމް ވެސް އެހެން ބަލައިލާ ގެން ކިހިނެތް ހިތްހަމަ ޖައްސާލާނީ ދޯ.. ހަމަ ލޮލަށް ނުފެންނަތާ ދެ އަހަރު ވަނީ މިއޮތް.. އެކަމަކު ކީއް ކުރާނީ.. ޒީހާންގެ ބައްޔަށް ފަރުވާ ކުޑަކޮށްފަ އެއް ވެސް ނާދެވޭނެ އެންނު.. ” ކުލްސޫމާ ވެސް ނުހަނު ދެރަ ވެފައި ހުރެ ކިޔާދިނެވެ. ” އާން އެހެން ދޯ ވާނީ.. ކުލްސޫމާ މެން ކިތަންމެ ލޯބިން ބެލިނަމަވެސް އަމިއްލަ ދަރިފުޅާ ދޭތެރޭގަ ވިސްނޭނެއް..އެއީ އަދި ތުއްތު ތުއްތު ކުއްޖެއް..” އަމިއްލަ ތަޖުރިބާގެ މަތިން ހަނދާން ލަވާލް ވެސް ކުޑަކޮން ޖަޒްބާތީ ވިއެވެ. ކުލްސޫމާ މެންގެ އަތްމައްޗަށް ޒީވާ ދިޔަ ގޮތް އޭނާ ހަނދާންވީޢެވެ. އޮލަ ވާހަކައިގާ އެމީހުން ތިއްބާ ކުއްލިޔަކަށް ސިހުނީ ޔާސިރްގެ އަޑުންނެވެ.
“މިންމި ކޮބާ.. ދޭބަލަ ކޮންމެވެސް އެކަކު މިންމި ހޯދައިގެން ގެންނަން ..” ޔާސިރްގެ އަޑު ބާރުވެފައި ސީރިޔަސް ކަމުން ލަވާލް އާއި ޔަމްހާ އެކަކު އަނެއްކަކުގެ މޫނަށް ބަލައިލެވުނީ ހައިރާން ވި ވަރިންނެވެ.
“ބައްޕާ .. ކިހިނެތް ވީ.. މިންމި ވެއްޖެ އީން އާ އެކު ހެދުން ހެޔޮވަރު ކުރަން ގޮސް…” ކޮފީ ތައްޓެއް ހިދާއިގެން ބަދިގެއިން ޔަޒަކް ވެސް ނުކުތީ ސިޓިންގް ރޫމުގައި މާ އަޑު ގަދަ ވެގެންނެވެ. އިޒާންވެސް ޔާސިރް އާ ދިމާ ބަލައިލީ ކިހިނެތް ވީހޭ އަހާ ފަދައަކުންނެވެ. ހުރިހާ އެންމެންނަށް އިތުރު ސިހުމެއް ލިބުނީ މާއިސް އާއި އައްޒާމް އާ އެކު ވަދެގެން އައި ސިފްރީނާ އާއި ދާނިޔަލް އަދި މާޔާ ފެނިއެވެ. ދެލޯ ބޮޑުވެފައި އެންމެން ތިބި އިރު ސިފްރީނާގެ ގާތުގައި ދެން އެތިބީ މިލާންގެ މައިންބަފައިން ކަން ހުރިހާ މީހުންނަށް އެނގުނެވެ. އެމީހުންނަށް ކުރިންވަނީ މިލާންގެ މައިންބަފައިންގެ ފޮޓޯ ފެނިފެއެވެ.
ކުލްސޫމާ އިޝާރާތް ކޮށްލުމުން ކައިވަން މައްޗަށް އަރައިގެން ދިޔައީ މިލާން ހޯދާށެވެ. އީން އާއި މިލާން ކޮޓަރީގައި މިލާންގެ އެކުވެރިންނާ އެކު ތިއްބާ ކައިވަން ވަދެ މިލާންގެ އަތުގައި ހިފައިގެން ނުކުތެވެ. މިލާންވެސް ހައިރާންވެ ހުރެ ވީ ކީއްތޯ އެހުމުންވެސް ކައިވަން ޖަވާބެއް ނުދިނެވެ. އީން ވެސް އެމީހުންގެ ފަހަތުން ނުކުމަތީ މިލާންގެ އެކުވެރިންގާތު މަޑުކޮށްލުމަށް ބުނެފައެވެ.
“ކައި ކިހިނެތް ވީ.. ކަމެއް ވީތަ..ބުނެބަލަ..”ލިފްޓުން ފޭބެންދެން މިލާންގެ ސުވާލްތައް ނުހުއްޓެއެވެ. ލިފްޓުން ބޭރަށް އެޅި ފުރަތަމަ ފިޔަވަޅާއެކުފެނުނު މަންޒަރުން މިލާންއަށް ހީވީ މުޅި ދުނިޔެވެސް އެނބުރުނު ހެންނެވެ. މިލާންއަށް ހުރި ދިމާލަށް ތިރި ވެވުނެވެ. ސާދަ އަހަރަށް ފަހުން އަމިއްލަ މައިންބަފައިން ހަމަ ލޮލަށް ފެނުނީ އެވެ. ސަލާމަތުން ތިބި ނަމަވެސް މާޔާ އާއި ދާނިޔަލް ތިބި ހާލުން މިލާންގެ ހިތްފަޅާއިގެންދާ ވަރުވިއެވެ. “މަންމާ ..ބަ..ބައް..ބައްޕާ..” މިލާންގެ ބަޑިފަޅާއިގެން ދިޔަ މަންޒަރު ފެނި ދާނިޔަލް އާއި މާޔާ ދުވެފައި ގޮސް މިލާންގެ ގައިގާ ބައްދާލިއެވެ.
“މަންމަގެ ދަރިފުޅާ..” މިލާން ކޮޅާށް ނަގަމުން މިލާން ގެ ގައިގާ ބައްދާލައިގެން ހުރި މާޔާ ގިސްލެވުމުން ދިޔައިރު ދަނިޔަލްވެސް ހުރީ ރޮވިފައެވެ.
އެ މަންޒަރު ފެނުމުން ޔަޒަކްއާ އެހެންމީހުންގެ ލޮލުން ވެސް ކަރުނަ ފާއްދާލިއެވެ. މަތީގައި ނީކިޔާ ގޮވާގެން އުޅެފައި އެތަނައް ޔޫމީން އާއި ޒީވާ އައި ވަގުތުވީ ބޭރުން އައިސް އަލާނިޔަލްއަށް ވެސް އާދެވުން ވަގުތެވެ. އެމީހުންނަށް ވެސް ލިބުނީ ވަރުގަދަ ޝޮކެކެވެ.
އަލާނިޔަލްގެ ރުޅިގަނޑު ހިލޭގޮތްވީ އެތާގައި ހުރި ސިފްރީނާ ފެނިއެވެ. އީން ހިފެހެއްޓުމުން ވެސް އީންގެ އަތް ފޮޅުވާލައިފާ އަލާނިޔަލް އެދިމާލަށް ބާރު ހިނގުމުގައި ދިޔައެވެ.އަލާނިޔަލް، އީންގެ އަތް ހޫރާލި ލެއް ބާރު ކަމުން ކައިރިގައި ހުރި ބިއްރޫލި މޭޒެއްގައި އީންގެ އަތް ޖެހުނެވެ.
ވަގުތުންއިޒާން ގޮސް އަލާނިޔަލްގެ ގައިގާ ހިފަހައްޓާފައި ހަމަޖެހެން ބުނެލިއެވެ. “ކިހިނެތްއަހަރެން ހަމަ ޖެހޭނީ… މީނަ މިތަނައް ގެނައީ ކާކު ..” އަލާނިޔަލް، އިޒާން ގެ އަތްފޮޅުވާލަން އުޅުނުނަމަ ވެސް އިޒާންގެ ބާރު އިހްށާސްވެ އެކަމެއް ނުވިއެވެ. “ހަމަ ޖެހިބަލަ ޑިފީ..” ރުޅި އައިސްގެން ގޮސް ތުރުތުރު އަޅަމުންދިޔަ އަލާނިޔަލް ފެނި އިޒާންއަށް ހިންދިރުވާލެވުނެވެ. އައްޒާމް ވެސް އައިސް އަލާނިޔަލްގެ ގާތު ސިފްރީނާގެ ވާހަކަ އަޑު އެހުމަށްބުނެލިއެވެ.
“ދަރިފުޅުމެންނޭ.. މާމަ އަށް މާފް ކުރޭ.. މަންމަ އާ އެއްބައިވެގެން ކަމެއް ނުކުރިޔަސް މާމަ އަށް ހަނު ހުރެވުނީމަ މިހާރު މާމަ ދެރަ ވޭ..” ރޮވިފައި ހުރެ އިޒާން އާއި އަލާނިޔަލް ފައިބުޑަށް ވެއްޓެމުން ސިފްރީނާ އެތައްފަހަރަކު މާފަށް އެދުނެވެ. ނަމަވެސް އެދެމީހުންގެ މޫނުމަތިން ފެންނަނީ ނަފްރަތެވެ. އެމަންޒަރު ފެނި ފެނި ސިފްރީނާގެ ހިތް ފަޅާއިގެން ދާވަރުވިއެވެ.
“މިހާރު ތިހެން ބުނީމަ އަހަރުމެން ވީ ގަބޫލް ކުރަންތަ..އަހަރުމެންނަށް މާމަ އާއި ކާފަ ކިޔާދޭން ޖެހޭ މީހަކު ނުހުންނާނެ.. އަހަރުމެން ކާފަ ވަނީ މަރުވެފަ ކަލޭމެން އަތްދޮށުން… ކަލޭމެންނާ ހެދި ލައްކަ ދުވަހު އަހަރުމެން ކަރުނަ އޮއްސާފިން .. މިގޭ އެންމެން ކަލޭމެންނަށް މާފް ދިނަސް މަށެއް ނުދޭނަން.. އަހަރެން ހައިރާން ވޭ ބައްޕަ މެން މީނަ ގެނައީމަ ވެސް.. ” އިޒާން މަޑުމައިތިރިކަމާއެކު ވާހަކަ ދެއްކިނަމަވެސް އޭނާ ރުޅިއައިސްފައި ހުރިވަރު އެ މޫނު މަތިން ހާމަވެއެވެ. ރުޅިގަދަ ވި ވަރުން އިޒާންގެ ގަދަ އަޅިކުލައިގެ ލޮލަށްވަނީ ކްރިމްސަން ކުލަ ވެރިވެފައެވެ. ސިފްރީނާ ގެނައުމުން އައްޒާމްއާއި ޔާސިރް އަދި މާއިސްއަށް އޭނާ ބަލައިލީ ރުޅިވެރިކަމާއެވެ.
“ހަމަ ޖެހޭ ޒާން .. ޑިފީވެސް.. އަދި ރުޅި އަންނާކަށް ނުވެޔޭ.. ބައްޕަ މެން ވާހަކަ ދެއްކިޔަ ދީބަލަ…ކަމެއް ނުވެއެއް ތިދެމީހުންގެ މާމަ އެއް މިތާކަށް ނުގެންނާނެ ދޯ އަޅޭ.. ގަބޫލް ކުރަން ދަތި ވިޔަސް އެއީ ހަމަ ޒާން އާއި ޑިފީގެ މާމަ..” ޔަޒަކް އައިސް އެދެމީހުންގެ މެދުގައި ހުއްޓުނީ ދެމީހުން އަތުން ފައިން ގޯހެއް ހަދާ ފާނެތީއެވެ.
ޔަޒަކް ގެ ވާޙަކަ އިވި ދެމީހުން ޔަޒަކްއަށް ބަލައިލީ ގަބޫލް ނުކުރެވޭ ފަދައަކުންނެވެ.
“ޒެކް .. އަހަރެން ހަމަ ހައިރާން ވޭއްޖެ… ޒެކް ވެސް އެމީހުންގެ އަވައިގަ ޖެހުނީ ދޯ.. ހަނދާނުން އެހާ އަވަހަށް ކައްސާލީތަ އެއްބަނޑު އެއްބަފާ ކޮއްކޮއަށް އެމީޙޫން ކޮށްލިވަރު.. އަމިއްލަ މަންމައަށް ދިން އަނިޔާވެސް ހަނދާނުން ފޮހެލީތަ… ” އަލާނިޔަލްގެ ރުޅިވެރި އަޑު އިވުމުން ޔަޒަކް ވަގުތުން ނޫނެކޭ ބުނެލިއެވެ.
“ދަރިފުޅު މެންނޭ .. ހަމަ ޖެހިބަލަ… އަޑުއަހާ..” މަސްލަހަތު ގޯސްވާން ފެށުމުން ސިފްރީނާ ގާތު އިށީންނުމަށް ބުނެ އައްޒާމް ވީގޮތް ކިޔާ ދޭން ފެށިއެވެ. އެމީހުން ގެ ދަތުރުގެ ވާޙަކަ ތަފްސީލާއި އެކު އައްޒާމް ކިޔައިދިނެވެ. ކެރާ އާއި ޒިރާސް ފިލި ވާހަކަ އާއި އަދިވެސް އެމީހުން ހޯދަ ވާޙަކަ އައްޒާމް ބުނެލިއެވެ.
ހުރިހާ މީހުންގެ މޫނުމަތިން ފެނިގެންދަނީ އެވާހަކައިން ޝޮކްޖެހިފައި ތިބި ވަރެވެ. އިޒާން އާއި އަލާނިޔަލް ވެސް ދެފަރާތައް ބޯހޫރާ ލެވުނީ ގަބޫލް ނުކުރެވުމުންނެވެ.
“ތި ވާނީ އެމީޙުން ބުނެގެން މީނަ ޖެއްސި ސްޓަންޓަކަށް .. އަހަރެންނަށް ތި އީ އާބައެއްނޫން .. ” އިޒާން އެވާހަކާ އާ މުޅިން ދެކޮޅެވެ. ސިފްރީނާ ހެޔޮހިތުން މާފަށް އެދެފާނެ ކަމަކަށް އޭނާ ގަބޫލެއް ނުކުރެއެވެ.
“ނޫން ދަރިފުޅާ.. ކެރާ އާއި ދަރިފުޅުމެންގެ ކާފަ އެ ގަންނަމުން ދިޔަ ގަނޑުގައި މާމަ ބައިވެރިވެފައެއް ނޯންނާނެ.. އާން މާމަ ގެ މައްސަލަ އެއީ އެކަން އެނގިހުރެ ނުހުއްޓުވުން.. އެކަމް މާމަ ބުންޏަސް އެހާ ނުބައި ބަޔަކު ހުއްޓާނެތަ.. ދަރިފުޅުމެން ހަމްދޫންކާފަ ހައްޔަރު ކުރި ރޭވެސް މާމަ ވަރަށް މަސައްކަތް ކުރުން ހަގީގަތް ހާމަ ކުރަން .. އެހެންވިޔަސް މާމަގެ ބަސްވިކޭނެތަ..” ރޮމުން ސިފްރީނާ ކުރަމުން ދިޔަ އާދޭސް ތަކައް ބީރު ކަންފަތެއް ދެމުން އިޒާން ހިނގައިގަތެވެ. އެހެންމީހުންނަށް ވެސް ސިފްރީނާގެ ވާހަކަ ތައް ގަބޫލް ކުރެވުނެވެ. އަލާނިޔަލްގެ ހިތުގައި ވެސް ސިފްރީނާ އާއި މެދު އުފެދިފައިވި ނަފްރަތުތައް މަޑުމަޑުން ފުހެވެން ފެށިއެވެ. ސިފްރީނާ ހަގީގަތް ހާމަ ކުރިނަމަވެސް އޭނާގެ ބަސް ނުވިކޭނެ ކަން ހުދު އަލާނިޔަލް ވެސް ގަބޫލް ކުރިއެވެ.
“ޒާން.. ފޯރ މީ އިޒާން ގެ މާމަ އަށް ފޮގިވް ކޮށްބަލަ.. އައި ތިންކް ޝީ އިޒް ސެއިން ޓްރުޓް.. ޒިރާސް އާއި ކެރާގެ އަނިޔާ ވެރިކަން އެއީ އެކަކަށްވެސް އާއެއްޗެއް ނޫން އެކަމް ސިފްރީނާ ކަމެއް ކޮށްގެން އަހަރުމެންނަށް އަޑެއް އިވިފައެއްނެތް.. އެންމެން ވެސް ހީކުރަނީ އޭނާވެސް އެމީހުންގެ ކަންކަމުގައި ބައިވެރި ވެދާނެއޭ.. އިޒާންގެ މާމަ ގެ މުސްކުޅިވެ ގައިބާރު ނެތް މިހާރު. ބައްޕަ މެން ވެސް އެބުނިއްޔެއްނު މާމަގެ ސަބަބުންނޭ އަހަރުމްންނަށް މިއަދު މިކާމިޔާބު ލިބުނީ…” ދޮރު ނުކުމެ ނުކުމެ ހުރި އިޒާންގެ އަތުގައި ޒީވާ ހިފާލަމުން ޒީވާ ދައްކަން ފެށި ވާހަކައިން އިޒާން ގާތައް ރުޅިއައެވެ. ނަމަވެސް އެތައް ވަރަކުން ވިސްނައިދޭން ފެށުމުން އިޒާންއަށް ޒީވާގެ ވާހަކަ މަޑުމަޑުން ގަބޫލް ގަބޫލް ކުރެވުނެވެ. އެހެން ނަމަވެސް ސިފްރީނާ އާއި ވާހަކަ ދައްކާ ހިޔާލެއް އިޒާން ނުކުރެއެވެ. ޒީވާ އާދެސް ކޮށް ކޮށް އެންމެފަހުން ހުއްޓާލިއެވެ. ޒީވާ ރޮވޭ ގޮތަކަށް އެންމެ ފަހުން ބުނެލުމުން ދާދި ފަސޭހައިން އިޒާން އެއްބަސް ވިއެވެ. ކާމިޔާބީގެ ހިނތުންވުމެއް ވެރިކޮންގެން ހުރި ޒީވާ ފެނި އިޒާން ކތަންމެ ސީރިޔަސް ވެފައި ހުރިނަމަވެސް ހެވުނެވެ. ޒީވާގެ އަތުގައި ހިފައިގެން އިޒާން ގޮސް ސޯފާ ގައި އިށީނެވެ.
“އަހަރެން މާފް ކޮށްފިން..’..”އަލާނިޔަލްގެ ޖުމްލަ އަޑުއިވިފައި ސިފްރީނާ އުފަލުން ފޮޅުނެވެ. އިޒާންއަށް އަނގަހަދައިލުމުން ޒީވާ ވަގުތުން އިޒާންގެ ފަލަމަސްގަނޑުގައި ވިކާލިއެވެ.
“ކޮބާ ޒާން ވެސް ބޮޑާ ނުހާކާ ދެން މާމަ އަށް މާފް ކުރޭ.. އަހަރުމެން މީ މުސްލިމުން…މާފް ކުރާ މީހާ އާއި މާފަށް އެދޭ މީހައަށް ނުހަނު ގިނަ ސަޥާބް ލިބޭ.. ބައްޕަ މިބުނީކެޜާ އާއި ޒިރާސްއަށް މާފް ކުރާށެކޭ ނޫން.. ބޯހަރު ނުވެ މާމައަށް މާފް ކުރޭ ..” އައްޒާމް އިޒާންގެ ގާތައް ހުއްޓި އިޒާންގެ ބޮލުގައި މަޑުމަޑުން ޖަހާލިއެވެ. ކިރިޔާ އައްޒާމް އަށް އިވޭވަރަށް ހޫމް ލައްވާލިއެވެ. އަދި އަނގަޔައިން ބަހެއް ބޭރު ނުކޮށް ހުރެ ސިފްރީނާއާއި ދިމާ ބަލައިލަމުން ބޯ ޖަހައިލިއެވެ. ސިފްރީނާ އަށް އެވަރު ވެސް ފުދެއެވެ. އިޒާންގެ އަތުގައި ހިފާލައިގެން ހުރެ އޭނާ ނުހަނު ލޯބިން ސުކުރު އަދާކުރިއެވެ. “ތި މާފަށް އެދުނީ ..” އިޒާން ކަންތައް ކުރި ގޮތުން ލަވާލްގާތައް ހިނިއައެވެ. އިޒާން ވަގުތުން ބޯޖަހައިލިއެވެ.
“ކޮބާ އެންމެން އޯކޭ އެންނު މިހާރު.. މިއަދު މިއީ މިންމިގެ ދުވަސް .. މަރުހަބާ ދަރިފުޅާ..” ލަޥާލް ހިނިއައިސްފައި ހުރެ މިލާން އާއި ދާނިޔަލް އަދި މާޔާ އިށީންދެ ތިބި ސޯފާގެ ކުރިމައްޗަށް އިން ސޯފާގައި އިށީނެވެ.
“ލަވާލް.. އަހަރެން މި ދަރިފުޅަށް ރަނގަޅާށް ބަލާ ދޭތި.. އަހަރެންގެ ފުރާނަ މީ” މާޔާ ، ލަވާލްގެ އަތުގައި ހިފާލަމުން ބުނެލިއެވެ. ލަވާލް ވެސް މާޔާގެ އަތައް ބާރުކޮށްލަމުން ހާސް ނުވުމަށް ބުންޏެވެ. ” މިންމި އެއީ އަހަރެންގެ ދަރިއެއް ހަމަ..މާޔާ ހާސް ނުވޭ….ހިނގާ އެއްޗެއް ކާލަން މިހާރު ހުންނާނީ ބަނޑުހައިވެސް ވެފައެންނު.. ” ލަވާލް، ސިފްރީނާ އާއި މާޔާ ގެ އަތުގައި ހިފައިގެން ބަދިގެޔާއި ދިމާލަށް މިސްރާބް ޖަހަމުން ދާނިޔަލްގެ ގާތު ވެސް އައުމަށް ބުންޏެވެ. އެމީހުންގެ ފަހަތުން ކުލްސޫމާ އާއި ޔަމްހާ އާއި ޔާސިރް އާއި އައްޒާމް އަދި މާއިސްވެސް ވަނެވެ.
ހުރިހާ ޒުޥަނުންއެއްތަން ވުމުން މިލާންއަށް މަރުހަބާ ކިޔެވެ. އީން ވެސް މިލާންއަށް މަރުހަބާ ކިޔާފައި އެއް ކާރިޔަށް ޖެހިލީއަތުން ނަގަމުން ދިޔަ ދިލައިން ކެތް ނުވުމުންނެވެ. ކުޑަ ހުޅު ކާރިން ނުހަނު ބޮޑަށް ތަންގަނޑެއް ކަފައިގެން ގޮސްފައި ވާއިރު އީން ލާފައި ހުރި ވައިލެޓް ކުލަގެ ސްވީޓް ޝާޓްގައި ވެސް ވަނީ ލެޔެވެ. ގެތެރޭގެ ހާލަތު ނާޒުކު ކަމުން އެކަކަށްވެސް އީންއަށް ލިބުނު އަނިޔާއެއް ލޮލުގައި އަޅާއި ނުގަނެއެވެ.
މިލާންމެންނާއި ފުރަގަސް ދެމުން ޓީޝާޓުން އަތުގައި ލައްވާލިއެވެ. އީން ހިފައިގެން ހުރި ޓިޝޫވެސް ލެއިން ފޯވެއްޖެއެވެ. އީން ފުރަގަސް ދިންނަމަވެސް ކައިވަން އަށް އެ މަންޒަރު ފެނުނެވެ. އޭނާއަށް އީންގެ އަތް ބިއްލޫރި މޭޒުގައި ޖެހުންތައް ފެނުނެވެ. ނަމަވެސް ފަހުން އީން ސޯފާގެ ބިއްދޮށުގައި ހުރުމުން ލިބިފައި ހުރި ޒަހަމްހުރީ ފޮރުވިފައެވެ. ފަހުން ގޭތެރެ އޮތް ގޮތުން އޭނާ ވެސް އީންއާ ދިމާ ބަލައިލަން ހަނދާނުން ކައްސާލިއެވެ.
“ޔޫމީ ކޮބާ ފަސްޓް އެއިޑް ބޮކްސް … ..” ކައިވަން ބުނެލުމުން ޓީވީ ރެކް ގެ ކާރީގައި ކުޑަ ކަބަޑުން ގެނައި ފަސްޓް އެއިޑް ބޮކްސް ޔޫމީން ދިއްކޮށްލަމުން ކިހިނެތްވީތޯ އަހައިލިއެވެ. ކައިވަން ފުރަގަސްދިގެން ހުރި އީން ދައްކާލަމުން އީންގެ ގާތައް ދިޔައެވެ.
އީންގެ އަތުގައި ހިފައި ކައިވަން އަނބުރާލުމުން އެންމެންނަށް ލިބުނީ ސިހުމެކެވެ. ހާއްސަކޮން އަލާނިޔަލް އެވެ. އީންގެ ކާރިޔަށް ދާން ނެގި ފިޔަވަޅު ހުއްޓާލެވެނެވެ.
ފެންކަޅި ވެފައި ހުރި އީންގެ އަތުގައި އިން ބޮޑު ޒަހަމް ގަނޑުން ފައިބަމުން ތިޔަ ލޭތައް ޓައިލްސްއަށް ވެސް ތިކި ޖަހަމުން ދިޔައެވެ.
“ތަދު ވޭތަ ” އީން ސޯފާގައި ބޭންދި އެވެ. ކައިވަން އީންގެ އަތުގައި ބޭސް އަޅަމުން އަލާނިޔަލް އާއި ދިމާ ބަލައިލިއެވެ. ކައިވަން ހުރީ ހިތްހަމަ ނުޖެހޭ ގޮތްވެފައެވެ.
“އީން ކިހިނެތް ހަދާފަ މިއޮތީ..” އިޒާން އަހައިލިއެވެ. އޭނާގެ ފަހަތުން އެހެން މީހުން ވެސް ދިޔައެވެ. ނަމަވެސް އަލާނިޔަލް ހުރި ފިޔަވަޅު މަތީގައި ހުއްޓެވެ. އޭނާގެ ސަބަބުން އީން އަށް އެހާ ބޮޑު އަނިޔާއެއް ލިބުމުން އަލާނިޔަލްގެ ހިތައް ބަޔާން ކުރަންދަތި އަސަރު ތަކެއް ކުރިއެވެ. ލޯ ފެންކަޅިވެގެން ދިޔައީ ބަސްބުނާހާ ކުޑަވަގުތުކޮޅެއްގެ ތެރޭގައެވެ.
ކައިވަން ވީ ގޮތް ކިޔާ ދޭން އުޅޭފައި ވެސް އަލާނިޔަލް ހުރި ގޮތް ފެނުމުން އެހިޔާލް ދޫކޮށްލިއެވެ. ކައިވަންގެ އެ އަމަލުން އިޒާންއަށްބަލައިލެވުނީ އަލާނިޔަލް އާ ދިމާލެވެ.
“އެކަމަކު ހާދަ ބޮޑަކަށެ މިއޮތީ ގޮސް .. ހޮސްޕިޓަލަށް ނުގޮސް ވާނެތަ..” މިލާން އީން ގެ ސަލާމަތުން އޮތް އަތުގައި ހިފާލަމުން ބުނެލިއެވެ.
“އާނ ވާނެ.. ހުސް ޑޮކްޓަރުންނޭ މިތާގަ މިތިބީ..” އީން ގަދަކަމުން ހީލަމުން ބަލައިލީ އަލާނިޔަލް އާއި ދިމާލެވެ. އީން ބަލައިލުމުން އަލާނިޔަލް މިސްރާބް ޖެހީ ގެއިން ނުކުތުމަށެވެ. އެކަކު ވެސް އޭނާ ހުއްޓުވަން ނޫޅުނީ އެކަނި ވާން ބޭނުން ވެފަހުރިހެން ހީވުމުންނެވެ.
“ޒެކް ދޭބަލަ އެޕިޑްރަލް ސްޓެރޮއިޑް އިންޖެޝަނެއް ގެންނަން .. ތަދު ކަނޑުވާލަން އިންޖެކްޝަނެއް ޖަހާލަން ޖެހޭނެ..”އިޒާން ގެ ވާހަކަ އަހާފައި ޔަޒަކް ގޮސް އައީ އޭގެ އިންޖެކްސަނެއް ހިފައިގެންނެވެ.
އީންގެ އަތުގައި ބޭސް އަޅާނިމުމުން ޔޫމީން އަނެއްކާ ވެސް ކިހިނެތް ވީ ތޯ އަހައިލިއެވެ. “މި ޑިފީ ގަސްދުގަ ކުރި ކަމެއް ނޫން.. އޭނާ އަންނާނޭ އާދަޔާ ހިލާފް ރުޅިގަނޑެއް..ސިފްރީނާ ފެނުނީމަ އެހެން ވެދާނެ ދޯ ހަމަ އަހަރުމެންނަށް ވެސް …. އީން.. އީންއަށް އެންމެ ރަނގަޅާށް އެކަން އެނގޭނީ އޭނާގެ އެ ރުޅިގަނޑު.. އޭނާ އެބައިން މަށައް މެސެޖް ކޮށްފަ އީން ގެޔަށް ލާދޭތި އިނގޭ ވެޔޭ ބުނެފަ.. ހީ ސެއިޑް ބުނާށޭ އީން ގާތު ވަރަށް ބޮޑަށް ސޮރީ.. އޭނާ އެދިޔައީ އޭނާގެ ގެޔަށް.. ” އަލާނިޔަލް ކޮށްފަ އިން މެސެޖް އީން އަށް ދައްކާލަމުން ކައިވަން ކުޑަ ކޮން ވީ ގޮތް ކިޔާދިނެވެ.
“ޑިފީ ކިހާ ލޯބިވޭ އީން ދެކެ..” ޒީވާ އީންގެ ބުރަކަށީގަ އި ފިރުމާލަމުން ބުނެލިއެވެ. “މަ ވެސް ތިކުއްޖަ ދެކެ ކިހާ ލޯބި ވޭ ” ޒީވާގެ މޫނަށް ބަލަން ހުރެ އިޒާން ބުނުމުން ޒީވާގެ މުޅި މޫނު ރަތް ވެގެން ދިޔައެވެ. އެއާކު އިވިލީ އެންމެންގެ ހުނުމުގެ އަޑެވެ.
ޒީވާ ވެސް ލަދުގަންވަރުން އިޒާން އާ ދިމާލަށް ލޯ އަޅާލުމަށްފަހު އެތަނުން ދިޔުމަށް މިސްރާބް ޖެހިއެވެ. އިޒާން ވެސް ލާނެތް ގޮތަކަށް ހީލިއެވެ.
ދާނިޔަލް އާއި މާޔާ ކައި ނިމުމުން މިލާން ދިޔައީ އެމީހުންގެ ގެޔަށެވެ. އެތައް އަހަރެއް ފަހުން އަމިއްލަ ގެޔަށް ވަދެވުމުން ހުރިހާ މީހުންގެ ލޮލުގައި ބަބުޅަމުންދިޔައީ އުފާވެރިކަމުގެ ކަރުނައެވެ.
ޔަޒަކް ވަނީއެގޭ އަލުން މަރާމާތު ކޮށްފައެވެ. ގެޔަށް ގެނެސްފައި ހުރި ބަދަލުން ދާނިޔަލް އާއި މާޔާގެ ހިތް، ޔަޒަކް އަށް ސުކުރުން ފުރުނެވެ.
****
ދެދުވަސް ނުހަނު ހަލުވި ކަމާއެކު ފާއިތުވިއެވެ. ޔަޒަކް އާއި މިލާން ގެ ކައިވެނި ކުރެވެން އޮތް ދުވަހެވެ. ހެނދުން ފެށިގެން ނުހަނު އަވަދިނެތި އެންމެން އެކި ކަންކަމުގައި އުޅެންފެށިއެވެ. ކައިވެނި ކުރަން ހަމަޖެހުނީ މިލާން މެންގޭގައެވެ. ނަމަވެސް ހަފްލާ ބާއްވަން ހަމަ ޖެހުނީ ޔަޒަކް މެން ގޭގެ ގޯތި ތެރޭގައެވެ. ޔަޒަކް އާއި މިލާން ކިތަންމެ ކުޑަކޮން ބާއްވަން އުޅުނު ނަމަވެސް ދާނިޔަލް އާއި ޔާސިރް ބޭނުން ވީ ނުހަނު ބޮޑުކޮން ބާއްވާށެވެ.
އަލާނިޔަލް ވެސް ޔަޒަކް އާއި މިލާން ހުންނަން ހަމަ ޖެހިފައިވާ ސްޓޭޖް ޑެކަރޭޓް ކުރަން އުޅުނު ގްރޫޕް ކައިރީގައި ހުރެފައި އެކި ދިމަ ދިމާ ބަލައިލީ އީން ފެނޭތޯ އެވެ. އީންގެ އަތް ޒަހަމްވި ދުވަހުން ފެށިގެން އަލާނިޔަލް އަދި އީން އަކާއި އަނގަޔަކުން ނުބުނެއެވެ. އެތައް ފަހަރަކު އީން ވާހަކަ ދައްކަން މަސައްކަތް ކުރި ނަމަވެސް އަލާނިޔަލް އީން އަކަށް އެ ފުރުސަތު ދީފައެއް ނުވެއެވެ. ނަމަވެސް މިއަދު އޭނާ ނިންމައިގެން ހުރީ އީންގެ ކިބައިން މާފަށް އެދުމަށެވެ. އޭނާ އީންގެ ފޯނަށް ގުޅާލިއެވެ.
***
“ޕޮއް..” އިސްތިރި ކުރަން ދޮރާއި ފުރަގަސް ދީގެން ހުރި ޒީވާ ސިހުނީ އިޒާންގެ އަޑުންނެވެ. ސިއްސާއިގެން ދިޔަވަރުން ހަޅޭއްލަވާގެންފައި އިޒާން ގެ ބަނޑުގައި ޖަހާލިއެވެ.
“ވަޓް ދަ…އަބަދު އަހަންނަށް ހާޓް އެޓޭކް ޒާން ދެނީ..”މާ ނޭވާ ލަމުން ދިޔަ ޒީވާ މޭގައި އަތް އަޅާލަމުން އިޒާންއަށް ލޯ އަޅާލިއެވެ. އިޒާން ހީލާފައީ އިސްތިރިން ކަރަންޓް ކަނޑާލިއެވެ. ޒީވާ އެއްބުމަ ހިއްލާލީ ކިހިނެތް ވީހޭ އަހާ ފަދައަކުންނެވެ. “އައި މިސްޑް ޔޫ ސޯ މަޗް ބޭބީ..” އިޒާން ޒީޥާގެ ގައިގާ ނުހަނު ބާރަށް ބައްދާލިއެވެ. ޒީވާ ވެސް ހިނިތުންވެލާފައި އިޒާންގެ ގައި ގާ ދެއަތުން ވަށާލިއެވެ.
” މިސްޑް ޔޫ ޓޫ..ބިޒީ ކަމުން ރޭގަ ވެސް މީޓް ނުކުރެވުން..ނީޑް މޯ ހަގްސް..” އިޒާން ދުރު ވެލުމުން ޒީޥާ ދުން ދަމާލަމުން އަނެއްކާ ވެސް އަތް ދިއްކޮށްލިއެވެ. ޒީޥާ ތުންދަމާލި ގޮތައް އިޒާން ވެސް ތުން ދަމާލައިގެން ހުރެ ޒީވާގެ ގައިގާ ބައްދާލިއެވެ.
“ޕިސް ޕިސް .. މިތިބަ ދެ ބޭބީ އެއް… އަހަރެން ފާހާނާގަ އުޅޭކަން ވެސް ހަނދާނެއް ނެތް ދޯ ޒިވީ..” ޒީވާގެ ކޮޓާރީގެ ފާހާނައިން ނުކުމަން އީން ހޭންފަށަމުން ބުނެލިއެވެ. އެއަޑަށް ވަގުތުން އިޒާން އާއި ޒީވާ ދުރުވެލިއެވެ. ޒީވާއަށް އަށް އަމިއްލަ ބޮލުގައި ޖަހާލެވުނީ އެކަން އޭނާގެ ހަނދާނުން ކައްސާލީމައެވެ.
“މިހިރަ މީހާ ނުބުނެއޭ މަ ފަހަރި ހުރި ވާހަކައެއް..” އިޒާން ވެސް ހޭންފަށަމުން ޒީވާގެ ބޮލުގައި މަޑުމަޑުން ޖަހާލިއެވެ.
“ޒީވާ..” ދޮރު ހުޅުވާލައި އަލާނިޔަލް ވަން އަޑަށް ތިންމީހުންނަށް ދޮރާއި ދިމާ ބަލައިލެވުނެވެ. އީން ނުފެންނަ ކަމަށް ހަދާފައި ޒީވާ ކުރަން ފަށާފައިހުރި ހެދުން އިސްތިރި ކުރަން ފެށިއެވެ. އަލާނިޔަލް އެއްމިޔަކަނުން ހީލަމުން އީންއާއި ދިމާބަލައިލިއެވެ.
އިޒާން އިޝާރާތް ކޮށްލުމުން ޒީވާ އެނދުން ތެދުވިއެވެ. ” އީން ތީތި ކޮށްލާ އެބަ އަންނަން ޔޫމީ އުޅޭ ހާލެއް ބަލާލާފަ… ހުރިހާ ކުޑަކުދިން ގޮވާގެން އެބޯޅެ ..” ޒީވާ، އީންގެ ޖަވާބަކަށް ވެސް މަޑުނުކޮށް ނުކުތެވެ. އިޒާން ވެސް އަލާނިޔަލްއަށް ހީލާފައި ނުކުތެވެ.
” އީން .. ” އަލާނިޔަލް މަޑުމަޑުން ހިނގާލައިފާ ގޮސް އީންގެ ގާތުގައި ހުއްޓިލިއެވެ. ނަމަވެސް އީންގެ އަނގަޔަކުން ބަހެއް ނުނިކުތެވެ.
އަލާނިޔަލް އީންގެގާތުގައި ހުއްޓި އީންގެ އުނަގަނޑުގައި ހިފަހައްޓާލިއެވެ.
އީން އެހުރިހާއިރު ހިފަހައްޓާއިގެން ހުއްޓާވެސް ރޮވެންފެށުނެވެ. އިސްޖަހާއިގެން ހުރިއިރު ލޮލުން ފައިބަމުން ދިޔަ ކަރުނަތައް ވީ އިތުރެވެ. އަލާނިޔަލް އީންގެ ގައިގާ ފަހަތުން ވަށާލާ އީންގެ ކޮނޑުގައި ބޯ އަޅާލިއެވެ.
“އަމް ސޯ ސޮރީ…އަނިޔާއެއް ދެވުނީމަ ވެސް އަނެއްކާ ވެސް ހާޓް ކުރެވުނީ އިތުރަށް .. ޕްލީޒް ފޮގިވް މީ.. ވަރަށް ބޮޑަށް ސޮރީ.. ދެން ނުހަދާނަން އެހެންނެތް ..” އަލާނިޔަލްގެ އަޑު ކުރެހިގެން ދިޔުމުން އީން ވަގުތުން އަލާނިޔަލް އާއި ކުރިމަތިވާ ހެން އެނބުރުނެވެ. އަލާނިޔަލް ހުރި ގޮތް ފެނުމުން އީންގެ ހިތައް ނުހަނު ތަދު ވިއެވެ. އޭނާގެ ދެލޮލުން ހޯސްލާފައި ފައިބަމުން ދިޔަ ކަރުނަތައް ފުހެދެމުން ނުރޯށޭ ބުނެ އީން ދެފަރާތައް ބޯ ހޫރާލިއެވެ.
“އިޓްސް އޯކޭ..” އަލާނިޔަލްގެ ބުރަކަށީގައި ދެއަތް އަޅުވާލަމުން މަޑުމަޑުން އީން ބުނެލިއިރު އޭނާގެ ދެލޯ ވެސް ވަނީ ފެން ކަޅިވެފައެވެ. އަލާނިޔަލް ވެސް އީންގެ ގައިގާ ބައްދާލަމުން އީންގެ ނިތުގައި ބޮސް ދިނެވެ.
“ދެން ނުވާނެ އެހެންނެއް.. އަސްލު އެހާވަރަށް އަހަންނަށް އިގްނޯރ ކުރެވުނީ އެދުވަހު އަނިޔާ އެއްދެވިފަ ވެސް އެކަން ރެއަކާ ނުލީމަ … އަދި އެހާ އިރު ވީ އިރުވެސް އީން ކޮބާތޯ ބަލާނުލެވުނީމަ .. އެހެންވެ ދެވުނީ.. އެކަމް މި ރުޅިގަނޑު ކޮންޓްރޯލް ކުރަން އަހަރެން މަސައްކަތް ކުރާނަން.. އައި ނީޑް ޔޯ ހެލްޕް… ހެލްޕް މީ އީން.. އެންޑް އަމް ސޮރީ އެގެއިން..” އީންގެ ދެލޮލަށް ބަހައްތައިގެން ހުރެ އަލާނިޔަލް ބުނެލި އެވެ. ” އައިލް ހެލްޕް.. އިޓްސް އޯކޭއޭ.. އަހަރެން ނަމަވެސް އެހެންކަންނޭގެ ހެދޭނީ..” އަލާނިޔަލްގެ ދެލޮލުން ފޭދުނު ކަރުނަތިކި ފުހެލަމުން ވަރަށް ލޯބިން އީން ވާހަކަދެއްކިއެވެ.
ލޯބީގެ ވަގުތުކޮޅެއް ހޭދަކޮށްލުމަށްފަހު ޒީވާ ގެންގުޅުން ހެދުން އިސްތިރި ކޮށްލާފައި އީން، އަލާނިޔަލް އާއެކު ބޭރަށް ނުކުތެވެ.
****
“ސަޕްރާއީޒް..” ފެންވަރާއިގެން ފާހާނާއިން ނުކުމެ ނުކުމެ ހުރި ޔަޒަކް ދިޔައީ ސިއްސައިގެންނެވެ. ކުރިމަތީގައި ނީކިޔާ އުރާލައިގެން ހިނިއައިސްފައި ބަލަން އެހުރީ ޒީހާން ނޫން ދެވަނަ މީހެއް ނޫނެވެ. ޝޮކު ޖެހިފައި ހުރި ނަމަވެސް ދެވަނަ ސިކުންތުގައި ޔަޒަކް އުފަލުން ހަޅޭއްލަވައިގަތެވެ.
އެތައްކެއް ބޭސްތަކެއް ކާންޖެހުމުން ޒީހާންގެ ބޮލުން އިސްތަށިފައިބަމުންގޮސް އެއްކޮން ވަނީ ތަލަވެފައެވެ. ކުރިޔަށް ވުރެން ހިކިހެން ވެސް ހީވެއެވެ. އޭނާގެ ފަހަތުގައި އިޒާން ހިނިއައިސްފައި ބަލަން ހުއްޓެވެ.
“މޭން .. ކޮންއިރަކު އައީ.. އަހަރެން ހީކުރީ ނާންނާނެ ކަމަށް..” ޔަޒަކް، ޒީހާންގެ ގައިގާ ބައްދާލައިފައި ބުނެލިއެވެ.
” ހެނދުނު އާދެވިއްޖެ… ކިހިނެތް ނައިސް ހުންނާނީ.. މިނީ ދެކި ނުލާވެސް ލައްކަ ދުވަސް ވަންދެން ދުރުގަ ހުރެފިން ..ދެން ޒެކް ގެ ވެޑިންގެ ހަބަރު ދިނީމަ ނައިސް ނުހުރެވިގެން މިއައީ..” ޒީހާން ހުރީ ޔަޒަކް އުޅޭގޮތުން ހިނިއައިސްފައެވެ. އިރުކޮޅެއްފަހުން ޔިރާ އައިސް ނީކިޔާ ގެންދިޔުމުން ތިންމީހުން ވާޙަކަ ފެށިއެވެ. ތިން އެކުވެރިން ވާޙަކައިގާ ތިއްބާ އަލާނިޔަލްވެސް އައިސް ވަނެވެ.
“މީނަ ލަދުން މިހިރަ އުޅޭ ވައްތަރެއް ބަލާބަލަ..ފިރިހެނަކަށް ވެސް ނުވޭނު.. މިންމި އަށް ވުރެން މީނަ ކަންތައް ބޮޑު … ދެފައި އެއްތާކު ނުޖެޙޭ މިއަދު ހަމަ… ” އަލާނިޔަލް ހޭންފެށީ ޔަޒަކް ކޮޓަރި ތެރޭގައި ހިނގަ ހިނގާފައި އުޅޭންފެށިގޮތުންނެވެ. “މަށެއް ނުގަނޭ ބިރެއް ” ޔަޒަކް ނޫން ކަމަށް ހަނދާފައި ތައްޔާރުވާންފެށިއެވެ.
“އެކަމެއް ނޭނގޭ އަވިހި ކަމުން ހީވަނީ ތެޔޮ އެއްޗަކަށް މެއްސެން ވެއްޓިގެން އުޅޭހެން.. ބްރޯ ކޫލް ޑާއުން..” އިޒާން ވެސް ހޭންފެށިއެވެ. އެމީހުން ދިމާކުރަން ފެށުމުން ޔަޒަކް ވެސް ބޯކަހާލިއެވެ.
“ދޭބަލަ ބަލާލަން ކާކު ތޯ ..” ދޮރުގައި ޓަކި ޖަހަން ފެށުމުން ޔަޒަކް ބުނެލިއެވެ. އިޒާން ގޮސް ހުޅުވާލިއިރު ޒުވާން ފުރައިގެ އަންހެން ކުއްޖަކާ ފިރިހެން ކުއްޖަކު ތިއްބެވެ. ފިރިހެން ކުއްޖާގެ ކޮނޑުގައި ބެކްޕެކް އެއް އޮތެވެ. “މިއޮތް އައީ މޭކަޕް ކުރާ ކުދިން .. އަވަސްކުރޭ ” އިޒާން، ޔަޒަކަށް ގޮވާލިއެވެ. ޔަޒަކް ހުދު ކުލައިގެ ގަމީސް ލުމުން އެކުދިންގާތު ވަންނަން ބުނެފައި އިޒާން މެންވެސް ދިޔައީ ތައްޔާރު ވުމަށެވެ.
***
އަސުރު ނަމާދު ކޮށްލާއިގެން ޒީވާ ތައްޔާރުވާން ފެށިއެވެ. ކައިވެނި ކުރެވެން އޮތީ ހަތަރުގަޑި ފަނަރައިގައި ކަމުން ޒީވާ އަތްމަތި ހުރީ ނުހަނު އަވަސް ކޮށެވެ. “މަލްބެރީ” ކުލައިގެ މެކްސީ ގައި ޒީވާ ނުހަނު ރީއްޗެވެ. ހެދުމުގެ މެޔާއި ހިސާބުން މައްޗަށް އެތެރެއިން ވިދާ ހަމަ އެކުލައިގެ ފޮތިލާފައިވާއިރު އޭގެ މަތިން އެކުލައިގެ ލޭޒް ފޮތި ލާފައި ވެއެވެ. ހެދުމުގެ މެޔާއި ހިސާބުގައި ބާގަންޑީ ކުލައިގެ “އޮބި ބެލްޓެއް” އަޅާފައިވާ އިރު ބަނޑާއި ހިސާބުން ތިރި ވެސް މަލްބެރީ ކުލައިގެ ލޭސް ފޮތިން ވެއެވެ.
އާންމުކޮން މޭކަޕް ނުކުރިނަމަވެސް އެދުވަހަށް ހާއްސަކޮން ލުއި މޭކަމެއް ޒީވާ ކޮށްލިއެވެ. އޭނާގެ ފަންއިސްތަށިގަނޑު ފަހަތައް ވަނީ ދޫކޮށްލެވިފައެވެ. ހިތްފުރެންދެން ސެންޓް ޖަޙާލުމަށްފަހު މަލްބެރީ އާއި ބާގަނޑީކުލައިގެމާތަކުން ވާ “ބްރައިޑްސްމެއިޑް ބުކޭ” ހިފައިގެން ނުކުތެވެ. އޭރު ޔޫމީން ވެސް އޭނާގެ ކޮޓަރިން ނުކުންނަނީއެވެ. ޔޫމީން ފެނި ޒީވާ ދެލޯ ބޮޑުކޮށްލައިގެން ހުރެ ކާރިޔަށް ދިޔައެވެ.
“ވޯޙް ވޯހް..ކައި ގެ އަނގައިން ސޮނިފައިބާ ވަރުވެފަ ހުންނާނީ މިރޭ” ޒީޥާ ޔޫމީންއަށް ތައުރީފް ކުރަން ފެށުމުން ޔޫމީން ލަދުން ހުރެ ލޯ އަޅާލިއެވެ. ޔޫމީންގެ ހެދުން ވެސް ޒީވާޣެ ހެދުން ފަދައިން ހުރި ނަމަވެސް އެހެދުމުގެ ތަފާތަކީ ވިދާފޮތީގެ ބަދަލްގައި ބަނޑާއި ހިސާބުން މަތި ވެސް ހުރީ ތިރީގައި ބޭނުން ކޮށްފައި ހުރި ލޭޒްއެވެ. ބެލްޓްގެ ބަދަލްގައި ބަނޑާއި ހިސާބަށް ވަށައިގެން ވަނީ ކުދި ކުދި ރޫ ޖައްސާފައިރަބަރު ލާފައެވެ.
“މަ އެކަނި ތަ .. ޒިވީ ވެސް ބަލާ ރީތި ކަން ..މާޝާ ﷲ.. ޒާންބެ ތަލިން ވެސް ކުޅު ހިކޭނެ މިރޭ..” ޔޫމީންގެ ވާޙަކަ އިވި ޒީވާ ހޭންފެށިއެވެ. ދެމީހުން ތިރިޔަށް ފޭބި އިރު ލަވާލްމެން އޭރު މިލާންމެންގެ ގެޔަށް ވީ ގޮހެވެ. “ދޮންބެ ކޮބާތަ..” ޒީވާ އަހައިލިއެވެ. “ހީވަނީ މިހާރު ދާނެހެން ހިނގާ ދަމާ .. ކައި ވެސް ބުނެފި އޭނާ މަންމަމެން ގޮވައިގެން ދިޔަ ވާހަކަ..” ދެމީހުން ގޯތި ތެރެއަށް ނުކުން އިރު ތައްޔާރު ކޮށްފައިވާ ސަރަހައްދު ރީތިކަމުން ދެމީހުން އާޝޯހްކޮށްލިއެވެ.
ދެމީހުން އަށް މިލާން މެންގެޔަށް ދެވުން އިރު އެދެމީހުން ނޫން އެންމެން އެތާގައި ތިއްބެވެ. ކައިވެނި ކުރެވެން އޮތީ ގޭގެ ސިޓިންގްރޫމުގައި ކަމުން އެތަން ވަނީ އެކަމަށް ތައްޔާރު ކޮށްފައެވެ. ހުދުކުލައިގެ ފޮތިގަނޑެއް މޭޒުގައި އަޅާފައި ވާއިރު ކައިވެނި ފާޓީގެ ދެކުލަ ކަމުގައިވާ”ބާގަންޑީ” އަދި” މަލްބެރީ” ކުލައިގެ ފިނިފެންމާ ބިއްލޫރި ވާސް ޖަހާފައި މޭޒުގެ މެދެއްހާ ހިސާބުގައި ބަހައްޓާފައި ވެއެވެ. ކައިވެނި ކޮށްދޭ މީޙާއާއި އޭނާގެ ބައިވެރިން އަދި ހެކިވެރިން ، އޭރު މޭޒު ދޮށުގައި ތިއްބެވެ. އާއިލާ މީހުންނާއި ރައްޓެހިން ދުރުގައި ހުރި ގޮނޑިބަރިތަކުގައި ވެސް ވަނީ ފުރާލެވިފައެވެ. އިޒާން އާއި އަލާނިޔަލް އާއެއްކޮން ވަން ޔަޒަކްގެ ރީތިކަން ނުހަނު ފުރިހަމައެވެ. ބާގަންޑީކުލައިގެ ކޯޓް ފަޓުލޫނުގައި ހުރި އިރު އެތެރޭން ލާފައި ހުރި ހުދު ގަމީހުގެ ޖީބާއި ދިމާލުގައި ދެކުލައިގެން ދެމާ އިން އެތިކޮޅެއް ހަރުކޮށްލާފައި ވެއެވެ. ރީތި ގޮތަކަށް އިސްތަށިގަނޑު ޖެލްލާގެން ހިއްލާލައިފާ ވެއެވެ.
ޔަޒަކް މޭޒު ދޮށުގައި އިށީނުމުން އިޒާން އާއި އަލާނިޔަލް ވެސް ދުރުގައި ހުއްޓިލާ އެމީހުންގެ ބައިވެރިން ފެނޭތޯ ދިމަދިމާލަށް ކަޅި އުކިއެވެ. ނަމަވެސް ޒީވާ އާއި އީން ނުފެނުމުން ދެމީހުން މާޔޫސްވިއެވެ.
އިޒާން ފޯނު ނަގާ ޒީވާއަށް ގުޅި އިރު ފޯނު ނުނަގައެވެ. ޒީވާ ހޯދަން ދާން އުޅެފައިވެސް ދާނިޔަލްގެ އަތުގައި ހިފާލައިގެން އަންނަމުންދިޔަ މިލާން ފެނި އަލާނިޔަލް އާއި އެކު ތަންކޮޅެއް ކުރިޔަށް ޖެހިލިއެވެ.
މިލާން ފެނި އެންމެނަށްވެސް ލިބުނީ ވަރުގަދަ ޝޮކެކެވެ. ހުދުކުލައިގެ ކައިވެނީގެ ހެދުން މަތިން ހުދުކުލައިގެ ހިޖާބު ރީތިގޮތަކަށް އަޅާލައިފާ ވާއިރު ހީވަނީ އަރަބި މޮޑެލްއެއްހެންނެވެ. އެންމެންގެ އަނގައިން މިލާންއަށް ތައުރީފް އޮހެމުންދިޔައެވެ.
ޔަޒަކް ހުރީ އަނގަހުޅުވިގޮތައް ލައްޕަން ވެސް ނޭގިފައެވެ. މިލާންއަބަދުވެސް ބުރުގާ އަޅާހިތްވާ ވާހަކަ ޔަޒަކްގެ ގާތުގައި ބުނެއެވެ. ނަމަވެސް މިއަދު ބުރުގާ އަޅަން އުޅޭކަމުގެ ކުޑަވެސް ހިލަމެއް އޭނާއަކަށް ނުވެއެވެ. ކޮންމެއަކަސް ޔަޒަކް އަށް، ކައިވެނީގެ ދުވަހުގެ މިލިބުން “ސަޕްރައިޒް” ނުހަނު ކަމުދިޔައެވެ. މިލާން ލަދުރަކި ހިނިތުންވުމެއްގައި ހުރެ ޔަޒަކްގާތުގައި ގޮނޑިގައި އިށީނދެލިއެވެ. “ކިހިނެތް ސަޕްރައިޒް.” މަޑުމަޑުން އަހައިލިއެވެ. ޔަޒަކް ބަލަހައްޓާއިގެން ހުރުމުން މިލާން ލަދުން އިސްޖަހާލިއެވެ. “ބޭބް ޔޫ އާ ސޯ ޕްރިޓީ ..” މިލާންގެ އަތުގައި ހިފާލަމުން މިލާންއަށް ކިރިޔާ އިވޭވަރަށް ޔަޒަކް ބުނެލިއެވެ.
މިލާން ލުއި ގޮތަކަށް ހީލިނަމަވެސް އޭނާގެ ހިތް ތެޅެމުންދިޔައެވެ. ޔަޒަކް ގެ އަނބިމީހާގެ މަގާމަށް އާދެވެން މާގިނައިރެއް ނެތެވެ. މަޑު ތުރު ތުރު މިލާންގެ އަތުގައިވާ އިރު އަތް ވެސް ނުހަނު ފިންޏެވެ. އެކަން އިހްސާސް ވެގެން ޔަޒަކް ލާނެތް ގޮތަކަށް ހީލިއެވެ.
ޔަޒަކް އަށް އިތުރު ހައިރާން ކަމެއް ލިބުނީ ބާގަންޑީކުލައިގެ އަބަޔާ މަތިން މަލްބެރީ ކުލައިގެ ސިލްކް ޝޯލެއް އަޅާއިގެން ހުރި ލަވާލް ފެނުމުންނެވެ. “ވަޓް.. މަންމަ ވެސް،..” ބުރުގާގައި ފެނުނު ލަވާލް ފެނުމުން ޔަޒަކްގެ އަނގައިން އިހްތިޔާރެއް ނެތި ބޭރުވިއެވެ. ބުނެވުނީ ކިހާ ބާރަކަށް އިހްސާސްވީ އެންމެން ހޭންފެށި އަޑު އިވުމުންނެވެ. މިލާން ވެސް ހެވިފައި އިނދެ ޔަޒަކްގެ ގައިގާ ވިކާލިއެވެ. އެންމެން ބަލަން ފެށުމުން ޔަޒަކް ލަދުގަންނަ ގޮތް ވިއެވެ. ލަވާލް ވެސް ހިނިއައިސްފައި ހުރެ ލާނެތް ގޮތަކަށް ޔަޒަކްއަށް އެއްލޯ މަރައިލިއެވެ.
މާގިނައިރެ ނުވެ ކައިވެނި ކޮށްދޭން ފެށިއެވެ. “އަނބި ގަބޫލް ކޮށްފިން ..”މިލާންގެ އަތައްބާރުކޮށްލަމުން މިލާން އާއި ހަތަރު ކަޅި ހަމަކޮށްލަމުން ޔަޒަކް ބުނެލިއެވެ. މިލާންގެ ދެލޮލަށް އުފާވެރިކަމުގެ ކަރުނަ ޖަމާވާން ނެގީ މަދު ސިކުންތުކޮޅެކެވެ. ކައިވެނި ކޮށްދީ ނިމުމުން އެންމެން ޔަޒަކް އާއި މިލާން އަށް މަރުހަބާ ކިއެވެ.
އެންމެން ވެސް ލަސްނުކޮށް ޕާޓީ ފެށޭ ގަޑީގެ ކުރިން ޔަޒަކް މެންގެޔަށް ދިޔައެވެ.
މުޅި ހޯލް ތެރެ ވަނީ ބާގަންޑީ އަދި މަލްބެރީ ކުލައިން ޖަރީކޮށްފައިއެވެ. މޫސުމަށް ބަދަލެއް އައިސްފާނެކަމަށް ވިސްނާ މުޅި ސަރަހައްދު ވަނީ ހިޔާ ކޮށްފައެވެ. އެތައް ބައިވަރު ފެއަރީ ލައީޓެއް މަތީގައިދަމާފައި ހުރި އިރު ބިން ފޮރުވާލައިފާ ވަނީ އެދެކުލައިގެ ފިނިފެންމާ ފިޔައިންނެވެ. ހަތަރު މޭޒުން ހަތަރު މޭޒުން، މޭޒު ޖަހާފައި ހުރި އިރު މޭޒު މަތީގައި ހުދު ވިދުމެއް ހުރި ފޮއްޗެއް އަޅާފައިވެއެވެ. އޭގެ މަތިން މެދަކަށްވާހެން ބާގަންޑީ ކުލައިގެން ޑިޒައިނެއް ހުރި ފޮތިކޮޅެއް އެއްކޮޅުން އަނެއް ކޮޅަށް އަޅާފައިވާއިރު އެ ފޮތިކޮޅު މަތީގައި ޕާޓީގެ ދެކުލައިގެ ތާޒާ ފިނިފެންމާ ބިއްލޫރި ކުލައިގެ ވާސްއަކަށް ޖަހާފައިވާއިރު އޭގެ މެދާހިސާބަށް ފެން އަޅާފައި ހުއްޓެވެ. ކާރީގައި ކުދިކުދި އުއްބައްތި ރީތި ގޮތަކަށް އަތުރާފައި ހުއްޓެވެ. މޭޒުކައިރީގައި ހުރި ގޮނޑި ތަކުގައިވެސް ހުދު ފޮތި އަލާފައިވާއިރު ބާގަނޑީ ކުލައިގެ ފަލަ ރިބަނެއް ގޮނޑީގެ މެދުގައި އައްސާފައި ހުއްޓެވެ.
ޔަޒަކް އާއި މިލާން ތިބެން ސްޓޭޖްކޮޅެއް ހަދާފައި ހުރި އިރު އެތަންވެސް ހުރީ މަލްބެރީ އަދި ބާގަންޑީކުލައިންޖަރީކޮށްފައިއެވެ. ހުދުކުލައިގެ ސްޓޭޖް ކޮޅުމައްޗަށް ބިންފޮރުވޭ ވަރަށް ވަނީ އެދެ ކުލައިގެ ފިނިފެންމާ އަޅާއިފައެވެ. “ބެކްޑްރޮޕް” ވެސް އެދެ ކުލައިގެ ފިނިފެންމަލާއި ހުދުކުލައިގެ ލޭޒްފޮތި އަދި އެކި ޑިޒައިން ތަކަށް ހުރި ލޯގަނޑު ކޮޅު ތައް ބޭނުން ކޮށްގެން ވަރަށް ފުރިހަމައަށް ވަނީ ތައްޔާރު ކުރެވިފައެވެ.
ޔަޒަކް އާއި މިލާން ސްޓޭޖް ކޮޅުގައި ތިބި އިރު މެހެމާނުން ވަންނަމުން ދިޔައެވެ. ހުދުކުލައިގެ ބޮޑު ވެޑިން ޑްރެސްގައި މިލާން ހޫރެއްފަދައެވެ. މިލާންގެ ހިމަ އުނަގަނޑުގައި ހިފާލައިގެން ޔަޒަކް ހުރި އިރު ބަލާ ފޫހިނުވާހާ އެމަންޒަރު ރީއްޗެވެ. ކޮންމެ މީހެއްގެ ދުލުން ވެސް އެދެމަފިރިންނަށް ތައްރީފް އޮއްސާލައެވެ.
އާއިލާގެ އެންމެން އަދި ރައްޓެހިން ވެސް ހެދުން އަޅާފައިވަނީ ދެކުލައިންނެވެ. ހުރިހާ އަންހެން ވެރިން ބާގަނޑީ އާއި މަލްބެރީ ކުލައިން ހެދުން ލާފާ ވާއި ފިރިހެން ވެރިން ހުދު ގަމީޙާ ބާގަންޑީ ޓްރައުޒާގައި ބެގީ ކޮށްފައެވެ. ކުޑަކުދިންތައް ވެސް ހުދުކުލައިގެ ފުއްޕާފައިހުރި ހެދުން ތަކުގައިވާއިރު ފާޓީގެ ދެކުލައިން ހަދާފައިވާ ފްލާވާ ޕޭންޑެއް ބޮލުގައި އަޅާފައިވެއެވެ.
ޕާޓީއަށް، ޒެންޓްރަސް ހޮސްޕިޓަލްގެ ހުރިހާ މުއައްޒަފުންނަށް ދައުވަތުވަނީ ވަނީ ދީފައެވެ. ވާނީ ގެ ބައްޕަ ޖެއިން އަކީ ޔާސިރްގެ ގާތް ރަހްމަތްތެރިޔަކަށް ވުމުން އަދި ހޮސްޕިޓަލްގެ ޑޮކްޓަރެއް ކަމަށް ވުމުން އޭނާގެ ފަހަތުން ވާނީ ވެސް ޕާޓީއަށް އައިސްގެން އުޅެއެވެ. އެހެން ދުވަސްތަކަށް ވުރެން ބޮޑާށް މޭކަޕް ކޮށްފައި ހުރިއިރު ލާފައި ވެސް ހުރީ ގަޔަށް ބާރުކޮން ހުރި ނުހަނު ކުރު ހެދުމެކެވެ. އޭނާ ޕާޓީ އަށް އައިންސުރެން ވެސް އިޒާންއާއި ވާހަކަ ދައްކަން ދެތިން ފަހަރު ދިޔައެވެ. ނަމަވެސް އިޒާން ފާޅުގައި “އިގްނޯރ” ކުރަން ފެށުމުން އޭނާ ރުޅިގަދަވެފައި ހުއްޓެވެ.
ވާނީ އުޅެމުން ދިޔަ ގޮތުން އަލާނިޔަލްގެ ގާތުގައިހުރި އީން އަށް ދިޔައީ ހެވެމުންނެވެ. “ސީރިޔަސްލީ އެހެރަ ޖޯކަރެއް … ދޮންބެ އޭނާއަށް އިގްނޯރ ކުރާއިރު ވެސް މާގަޓް ވެގެން އެބޯޅޭ ވާހަކަ ދައްކަން … ސީރިޔަސްލީ އައި ވޮނަ ސީ ޒިވީގެ ރިއެކްޝަން…އަހަހަހަ..” އީން ހީހީފައި ވާނީ، އިޒާން އާ ހެދި އުޅޭ ވާހަކަ ކިޔާ ދިން އިރު އަލާނިޔަލް ގާތައް ވެސް ހިނިއައެވެ. “އެހެން އަންހެން ކުދިންނަށް ނުކެރޭނެ ދޮންބެ ހުންނަ ސީރިޔަސްގޮތުން އަނގައިން ބުނަން ވެސް .. ..” އަލާނިޔަލް ވެސް އީންގެ ވާހަކައިގައި ބައިވެރި ވިއެވެ.
“ބޭބީ .. ހާދަ ރީއްޗޭ މިރޭ..” އީން ގެ ކަންފަތް ދޮށުގައި އަލާނިޔަލް ބުނެލިއެވެ. ވާނީ އުޅެމުންދިޔަގޮތުން ހެމުން ދިޔަ އީންގެ ހެއުން ހުއްޓުނެވެ. އީންގެ މޫނުމަތިން ލަދުރަކި ހިނިތުންވުމެއް ފެނިލިއިރު މޫނުމަތީ ގައި މަދުރަތް ކަމެއްވިއެވެ. ބާގަންޑީ ކުލައިގެ މަޑު ވިދުމެއް ހުރި ފޮއްޗެއް އަދި ލޭޒް ފޮއްޗެއް ބޭނުންކޮށްފައިވާ، ފައިގެ ތަނބިކައްޓާއި ހަމަޔަށް އަރާ މެކްސީގައި އީން ނުހަނު ލޯތްބެވެ.
“ޑިފީ ވެސް . ” އަލާނިޔަލްގެ އުނަގަނޑުގައި އަތް އަޅޫވާލަމުން އީން ވެސް ތައުރީފް ކޮށްލިއެވެ. ބާގަންޑީ ކުލައިގެ ޓްރައުޒާއާއި ހުދު ގަމީހުގައި ހުރި އިރު އަލާނިޔަލް ނުހަނު ފިރިހެން ވަންތައެވެ. “މާމަ ނާންނަނީތަ..” ސިފްރީނާ މަތިން ހަނދާން ވެގެން އީން އަހައިލިއިވެ. ދުރުގައި ލަވާލް މެން ގާތު ގޮނޑީގައި އިށީންދެ އިން ސިފްރީނާ ދައްކާލަމުން އަލާނިޔަލް ހީލިއެވެ.
އެހެން ތިއްބާ ރާހިލް ވެސް އައެވެ. އޭނާ އާއި އެކު އަންހެން ކުއްޖެއް ހުރުމުން އީން ރާހިލް އާއި ދިމާލަށް އެއް ބުމަ ހިއްލާލިއެވެ.
” އޮހް.. މީޓް މައި ގާލް ފްރެންޑް ތާރާ… ތާރާ .. މި އަހަރެންގެ ބެސްޓްފްރެންޑް ޑިފީ.. ދެން މިހުރީ އޭނާގެ އެކްސް ބެސްޓް ފްރެންޑް އީން ..” ރާހިލް އެމީހުން ތައާރަފް ކޮށްދިން ގޮތުން އަލާނިޔަލް ހޭންފެށިއެވެ. އީން ވެސް ރާހިލް އާއި ދިމާލަށް ދެލޯ އަޅައިލަމުން ތާރާއަށް ހީލަމުން ސަލާމް ކޮށްލިއެވެ. ތާރާ ވެސް އީން ވެސް ހީލަމުން ސަލާމް ކޮށްލިއެވެ. އިރުކޮޅަކު ވާޙަކަ ދައްކަން ހުރެފައި އަލާނިޔަލް އާއި ރާހިލް، އިޒާންމެންގެ ގާތައް ދިޔުމުން ތާރާގެ އަތުގައި ހިފައިގެން އީން ވެސް ޒީވާ އާއި ޔޫމީންގެ ގާތައް ދިޔައެވެ.
***
ފެން ތައްޓެއް ނަގާގެން އެއްފަރާތެއްގައި ހުރި ކައިވަންގެ ނަޒަރު ހުރީ ޒީވާގެ ގާތުގައި ހުރި ޔޫމީންއަށެވެ. ކައިވަން ހުރި ހިސާބާއި ގާތުގައި ޒުވާން ފުރާގެ އަންހެން ކުދިންތަކެއް އޭނާގެ ރިތިކަން ފެނި ތުއިވަމުން ދިޔައިރުވެސް ކައިވަން އަށް ރެއަކާ ވެސް ނުލައެވެ.
ޔޫމީން އަށް ނަޒަރު ހުއްޓާލައިގެން ހުރި ކައިވަން ކުއްލިޔަކަށް ސިހުންލިބުނީ އެއްލިކަޅިއަކުން ގޭގެ ބިއްދޮއްފަޅީގައި މީހަކު ހުރިހެން ހީވެގެން ބަލާލި ހިނދު ފެނުން މީހަކުންނެވެ. ކިތަންމެ ކަޅު އެއްޗިހުނުގައި ފޮރުވެން އުޅުން ނަމަވެސް އެއީ ކެރާ ކަން ކައިވަން އަށް އެނގުނެވެ. ކައިވަން އެދިމާލަށް ހިނގައިގަތުމުން ވިދާލި ވިދުވަރެއް ހެން ކެރާ ޣައިބުވިއެވެ.
ކައިވަން ރުޅިގަދަ ވެފައި ހުރެ އެހިސާބުގަނޑު އެކަށް ބެލިއެވެ. ނަމަވެސް ކެރާގެ ހިލަމެއް ނުވެއެވެ. އޭނާ މިސްރާބު ޖެހީ އިޒާން އާއި އަލާނިޔަލް ހޯދުމަށެވެ.
އެޕިސޯޑު ( 43 )
*****
ކައިވަން ރުޅިގަދަ ވެފައި ހުރެ އެހިސާބުގަނޑު އެކަށް ބެލިއެވެ. ނަމަވެސް ކެރާގެ ހިލަމެއް ނުވެއެވެ. އޭނާ މިސްރާބު ޖެހީ އިޒާން އާއި އަލާނިޔަލް ހޯދުމަށެވެ.
ނީކިޔާ ގޮވައިގެން އުޅެފައި އޭނާ ނިދުމުން ޒީވާ ދިޔައީ ނީކިޔާ ކޮންމެވެސް ކޮޓަރިއެއްގައި ބޭއްވުމަށެވެ. ކޮނޑުމައްޗަށް ލައިގެން ގެޔަށް ވަދެ ވަދެ ހުއްޓައި ޒީހާން އައިސް ޒީވާއަށް ގޮވާލިއެވެ. އިރުކޮޅެއްގައި ވާހަކަ ދައްކަން ހުރުމަށްފަހު އޭނާ ނީކިޔާ އުރާލައިގެން ދިޔުމުން ޒީވާ އަލުން ބޭރަށް ނުކުތެވެ. ފޯނު ނަގާ ބަލާލި އިރު ދެލޯ ބޮޑުކޮށްލެވުނީ އިޒާންގެ އެތައްބައިވަރު މެސެޖްތަކާއި ކޯލްތައް ފެނިއެވެ. ކޮށްފައި ހުރި މެސެޖްތައް ކިޔަމުން ކުރިޔަށް ހިނގަ ހިނގާހުރި ޒީވާ ކުއްލިޔަކަށް ސިހުމެއް ލިބުނީ މީހެއްގެ ގައިގާ ލައިގަތުމުންނެވެ. އިސް އުފުލާ ބަލާލި އިރު ކުރިމަތީގައި އިޒާން ދެލޯ ހަނިކޮށްލައިގެން ހުރެ ފޯނު ނަނގާ ދައްކާލިއެވެ.
“ސޮރީ … ވަރަށް ބިޒީ ކޮން އުޅުނީ… ” އިޒާން ހުރީ ރުޅި އައިސްފައޭ ހީކޮށް ޒީވާ މަޑުމަޑުން ބުނެލިއެވެ.
ޒީވާ އިސްޖަހައިގެން ހުރިއިރު އިޒާން ޒީވާގެ ބޮލުންފެށިގެން ފަޔަށް ނަޒަރެއް ދެވުނެވެ. އޭނާގެ ރީތިކަމުން ދުނިޔެމަތީގަ ދެން ހިނގަމުންދާ ކަމެއް ވެސް ރެޔަކާ ނުލާ އިޒާން އަށް ކަޅި ޖަޙާ ނުލާ ޒީވާއާއި ދިމާ ބަލަހައްޓައިގެން ހުރެވުނެވެ. މަޑުމަޑުން ޒީވާގެ ގާތައް އިޒާން ޖެހެން ފެށިއެވެ.
އިޒާން އެއްޗެއް ނުބުނުމުން ޒީވާ އިސްއުފުލާލި ހިނދު އޭނާ އާއި ނުހަނު ގާތުގައި ކަޅިޖަހާނުލާ ބަލަހައްޓައިގެން ހުރި އިޒާން ފެނި ޒީވާގެ މުޅި މޫނަށް ޖަންބުކުލަ ވެރިވިއެވެ.
“ހިނގާބަލަ..” އިޒާން ޒީވާގެ އަތުގައި ހިފައިގެން އެރީ ގޭގެ ޓެރެހަށެވެ. އެއްވެސް މީހަކު ނެތް ނަމަވެސް އެތަން ފެންނަނީ ފުދޭވަރަށް އަލިކޮށެވެ. ސާދަ ވިލޭރޭގެ ހަނދާއި އޭގެ ބައިވެރިން އުޑުގައި ރަސްކަންކުރަމުން ދިޔައިރު ނުހަނު ނަލައެވެ.
ޒީވާ ރެއިލިންގް ގައި އަތް އަޅުވާލައިގެން ހުރެ ބޭރަށް ނަޒަރް ހިންގާލިއެވެ.. ފިނިމޫސުން ނިމި ހަރީފް މޫސުމް ފެށުނުއިރު ސްނޯވް ތައް ކެހެމުން ގޮސް ގަސްތަކުގައި ވާ ފަތް ތަކަށް ވަނީ ހަރީފްގެ ކުލަތައް ވެރިވެފައެވެ. ބަލާލަން ނުހަނު ރީއްޗެވެ.
ޒީވާ ބޭރަށް ނަޒަރު ހިންގައިގަން ހުރިލެއް ލޯބި ކަމުން އިޒާން އަށް ކަޅި ޖަހާވެސް ނުލާ ބަލަހައްޓައިގެން ހުރެވުނެވެ. ނަމަވެސް ޒީވާއަކަށް ރެއަކާ ނުލައެވެ.
“ބޭބީ…” ޒީވާ ސިހުނީ އިޒާން ޒީވާގެ ފަހަތުން އައިސް ބައްދާލި އިޒާންގެ ގެ ފިރިހެންވަންތަ އަޑު އިވުމުންނެވެ. “ޔެސް ބޭބީ… ” ލަދުގެ ރަކި ހިނިތުންވުމެއްގައި ހުރެ ޒީވާ ބުނެލިއެވެ.
“އަހަރެން މެރީ ކުރަން ބޭނުން … ވަރަށް އަވަހަށް ކިޑް އެއްވެސް ބޭނުން..” އިޒާން ޒީވާގެ މަޑު އަތްތިލާގައި ބޮސްދެމުން ޒީވާގެ މޫނަށް ބަލައިލިއެވެ. ޒީވާގެ މޫނަށް ޖަންބުކުލަ ވެރިވެފައިވާއިރު އޭނާ ލަދުގަންފައިވާ ވަރު އެމޫނުމަތިން ހާމަ ވެއެވެ. ” ބޭނުންވޭތަ … ޒިވީ އޯކޭ ނޫނީ ތަ ..” ޒީވާ އަނގައިން ބަހެއް ނުބުނުމުން އިޒާން ހީކުރީ ޒީވާ ބޭނުން ނުވަނީ ކަމަށެވެ. “ނޫން ނޫން.. އަހަރެން ވެސް ބޭނުން.. އެކަމް ކީއްކުރަން ޔެސް ބުނަނީ…” ވާހަކަ ދައްކަމުން ޒީވާ މޫނު ހަދާލާފައި އިޒާން އާއި ދިމާ ބަލައިލިއެވެ. އިޒާން އަށް އެއީ ކީއްވެގެން ބުނި އެއްޗެއް ކަން އިނގުނަސް ނޭނގޭ ކަމަށް ހަދަމުން ލާނެތް ގޮތަކަށް ހީލިއެވެ. “ޕްރޮޕޯސް ނުކޮށްގެން ތަ ތިހެން ތިބުނީ…” ޒީވާގެ ގައިގާ ކުރިޔަށް ވުރެން ބާރަށް ބައްދާލަމުން އިޒާން ބާރަށް ހޭންފެށިއެވެ. ޒީވާ އިޒާންގެ މޫނަށް ބަލާލަމުން ދެލޯ އަޅާލިއެވެ. ޒީވާގެ އެއާދައިން އިޒާން ގާތައް ކުރިޔަށް ބޮޑަށް ހިނިއައެވެ. “އަދި ނެތެއްނު ނުކުރެވިފައެއް .. ކެތްތެރިވެބަލަ ކުއްޖާ ..” އިޒާން މަޑުމަޑުން ބުނެލިއެވެ. “ހުއް.. ވަޓްއެވާރ..” ކުއްލިއެއް ޖަހާލައިފާ ޒިވާ އިޒާން ގާތުން ސަލާމަތް ވެގެން ތެރެހުން ނުކުތެވެ. އިޒާން ވެސް ޒީވާގެ ފަހަތުން ނުކުތެވެ. ލިފްޓްގައި ލޯބީގެ ވަގުތުކޮޅެއް ހޭދަކޮށްލުމަށްފަހު ދެމީހުންވެސް އެހެންމީހުން ކާރިޔަށް ދިޔައެވެ.
މެމާނުންތައް މަދުވާން ފެށުމުން ދެމީހުންގެ އާއިލާ މީހުން ފޮޓޯ ނެގުމައިގެން އުޅުނެވެ.
“ހޮއި ހޮއި ހާދަ ރީއްޗޭ ރޯމިއޯ އެންޑް ޖޫލިއެޓް..”ޔޫމީން އާއި އެކު ފޮޓޯ އަށް ހުއްޓިލަމުން ކައިވަން އެމީހުންނާއި ދިމާކޮށްލިއެވެ. ކިތަންމެ ވަރަކަށް ސަކަރާތް ޖަހާފައި އުޅުނު ނަމަވެސް ކައިވަން އަށް ވިސްނެނީ ކެރާ ފެނުމުން އެކަމާއެވެ. އިޒާން އާއި އަލާނިޔަލް އާއި ވަކިން ބައްދަލް ކުރެވޭގޮތް ވަންދެން ކައިވަން ކެތްތެރިވެގެން ހުއްޓެވެ. ނަމަވެސް ޕާޓީ ނިމިގެން ގެޔަށް ދާން ވީ އިރު ވެސް އެވަގުތު ކޮޅެއް ނައެވެ.
ޕާޓީ ނިމިގެން ހުރިހާ މީހުންނަށް ގެޔަށް ވަދެވޭ ވަރު ވީ އިރު އެގާރަ ޖަހަނީ އެވެ. ވެފައިވާ ވަރުބަލިން ހުރިހާ ބޮޑެތި މީހުންތައް ޔަޒަކް އާއި މިލާންއަށް މަރުހަބާ ކިޔުމަށްފަހު ވާހަކަ ދައްކާލުމަށް އިރުކޮޅަކު މަޑުކުރުމަށްފަހު ކޮޓާރި ތަކަށް ދިޔައެވެ. ދާނިޔަލް އާއި މާޔާ އަދި މިލާންގެ ރަހްމަތްތެރިން ދިޔުމުން ޒީޥާ އާއި ޔޫމީން އަދި އީން، މިލާން ގޮވައިގެން މިސްރާބު ޖެހީ ލިފްޓަށެވެ. މިލާންގެ ހެދުމުގައި ގައި ހިފައިގެން ޒީވާ އާއި އީން ތިއްބެވެ. ލިފްޓަށް އެރުމަށްފަހު އަށް ވަނަ ފަންގިފިލާއަށް ދިޔައެވެ.
އެގޭގެ އެންމެ މަތީ ފްލޯ ކަމުގައިވާ އަށްވަނަ ފްލޯވަނީ ޔަޒަކް އާއި މިލާން އާއި އަށް ތައްޔާރު ކޮށްފައެވެ. ކައިވެންޏަށްފަހު ދެމީހުން ދިރިއުޅެން ހަމަޖެހިފައިވަނީ އެ ފްލޯގައެވެ. ހަތަރު މީހުން ވެސް ސިޓިންގް ރޫމުގައި ސޯފާގައި ތިއްބެވެ. އީން އާއި މިލާން އާޝޯހް ކަންމަތީގައި ތަންތަން ބަލަމުން ދިޔަގޮތުން ޒީވާ އާއި ޔޫމީން ގާތައް ހިނިއައެވެ.
“ދޮންބެ ދައްތާ.. ދެން ތިހާ ވަރަށް ތަންތަން ނުބަލަބަލަ… މިއީ ކަމަނާފުޅު ކުރިޔަށް އޮތްތާ ގަ އުޅެން ހުރި ތަނޭ… .” ޒީވާ، ހޭންފަށަމުން މިލާން އާއި ދިމާކޮށްލިއެވެ.
މުޅި އެޕާޓްމަންޓް ވަނީ މިލާންއަށް އެންމެ ރީތި ކުލަ ކަމުގައިވާ ހުދާއި ބާގަންޑީ ކުލައިންނެވެ. ކައިވެންޏަށްފަހު ޔަޒަކް އާއި އެކު ގޭގެ ވަކި އެޕާޓްމެންޓެއްގައި އުޅޭކަން އިނގުނު ނަމަވެސް ޔަޒަކް ކާރީގައި ކިޔާ ކިޔާ ވެސް އެތައް އޭގެ ކުރިން އޭނާ ނުގެނެއެވެ.
“ޝޮކް ޖެހޭނެ އެންނު .. ވާވް.. ޒެކް ނުގެނެއޭ އަހަރެންނެއް ކިޔާ ކިޔާ އާދޭސް ކޮށްގެން ވެސް މިތަން ދައްކާލަން ވެސް.. ” މިލާން އަށް ހީލެވުނީ ޔަޒަކް އޭނާ ދެކެ ލޯބިވާ ވަރު އިހްސާސްވުމުންނެވެ.
“އޯކޭ އޯކޭ.. ދޮންބެދައްތާ.. މިރެއަށް ދެން އޮތިއްޔޭ ދޯ އަދި… މިދެމީހުންނާ ހެދި މަވެސް މެރީ ކުރާ ހިތްވެއްޖެ..” ލާނެތް ގޮތަކަށް ޔޫމީން މިލާންއާ ދިމާ ކޮށްލިއެވެ. މިލާން ލަދުން ރަތްވިއެވެ. އީން އާއި ޒީވާ އާއި ވެސް ޔޫމީން އާ ބައިވެރިވެ މިލާން އާއި ދިމާ ކޮށްލި ކޮށްލީނުން މިލާން ރަނގަޅާށް ވެސް ބިރު ގަންނަވާލިއެވެ. ލަދުންގޮސް މިލާން އިނީ އިސް އުފުލާލަން ވެސް ނުކެރިފައެވެ.
***
ހުރިހާ ފިރިހެން ޒުވާނުން ތައް އެއްތަން ވުމުން އޮތީ ޔަޒަކް އާއި ދިމާ ކުރުމެވެ. ޔަޒަކްގެ ރަހްމަތްތެރިންނާއި އިޒާން އާއި ޒީހާން އާއި އަލާނިޔަލް އާއި ވެގެން ޔަޒަކް ހަމަ ތެދުވަންނައިރަށް ހިފަހައްޓާއެވެ. ރާހިލް ވެސް ތާރާ ގެޔަށް ލާފައި އައިސް އެމީހުންނާ ބައިވެރިވިއެވެ. “ބްރޯ މަ ވަރަށް ނިދި އައިސްފި ..މިހާރު އެއޮތްގެން އެކެއްޖަހަނީ…ދެން މަ ފޮނުވަން އުޅޭ..” ޔަޒަކް އާފުރެމުން ތެދުވުމުން އޭނާގެ ކޮނޑުގައި ހިފާ އަނެއްކާ ވެސް ސޯފާ އަށް ވައްޓާލިއެވެ.. “ނޫނޭ ހިނގާ ފީފާ މެޗެއް ކުޅެން .. ކަލޭ ކޮންމެ ރެއަކު ކުޅެމެންނު.. މިރޭ ނުދެވޭނެ އަދި ކޮފީ ތަށި ވެސް ހުސް ނުކޮށް…” އިޒާންގެ ވާހަކައިން ދެން ތިބި މީހުންގާތައް އައީ ނުލަފާ ހިންޏޭވެ. ޔަޒަކް ވެސް ބޮލުގައި އަތް ހިންގާލަމުން
ސޯފާއަށް ވެއްޓިގަތެވެ. މިރޭ މި މީހުން ގާތުން އަވަހަކަށް ސަލާމަތެއް ނުވެވޭނެކަން ޔަޒަކްއަށްއެނގުނެވެ. އަލާނިޔަލް ގޮސް ފީފާ އެޅުވުމުން ޔަޒަކްއަށް ޖެހުނީ ކުޅޭށެވެ. ކައިވެނީގެ ފުރަތަމަ ރޭގައި ވެސް މިޖެހުނީ ގޭމް ކުޅޭށޭ ޔަޒަކް ހިތައް އެރިއެވެ. މިލާން ގާތައް ދިޔުމަށް އޭނާ އިނީ ކެތްތެރިކަން ކުޑަވެފައެވެ.
“ބްރޯ ..ދެން މިރޭކެތްތެރިވެބަލަ.. ދެން މިންމި ކާރީގަ އެންނު އޮންނާނީ އަބަދު.. އަދި ވާނެ އެންނު މި ކޮފީ ނިންމާފަ އެހެން ކޮފީ އެއްވެސް ގެންނަން،،” ޔަޒަކް ގެ ރަހްމަތްތެރި ކައިލް އިނދެފައި ބުނެލިއެވެ. އެއާއެކު އެންމެން ހީގަތެވެ.
ޔަޒަކް އަށް ވެފައި އިންގޮތުން އެހެން އެންމެން ދިޔައީ ގަދަޔަށް ހެމުންނެވެ. އެމީހުން ޔަޒަކްއާއި ދިމާކުރަމުންދިޔައިރު ފިރިހެނަކަށް ވިޔަސް އޭނާ އިނީ ލަދުގަނެފައެވެ. އެމީހުން ކާރިން ސަލާމަތް ވެގެން އެޕާޓްމަންޓަށް ދެވޭ ވަރު ވީ ދޭއް ޖަހާ ބޮޑުވިފަހުންނެވެ.
***
ޔަޒަކް އައިސް ވަންތަން ފެނި ޒީޥާ މެން ލާނެތް ގޮތަކަށް ހީލަމުން ނިކުމެގެން ދިޔައެވެ..
އެމީހުން ދިޔުމުން މިލާން އާއި ޔަޒަކް އެކަނި ވިއެވެ. މިލާން ގެ ހިތް ތެޅެންފެށީ އާދަޔާއި ހިލާފް ބާރުމިނެއްގައެވެ. މުޅި ކުއްޖާ ފިނިވިއެވެ. ދެއަތް ދެއަތާ މޮޑެން ފެށުނީ ޔަޒަކް އޭނާ އާއި ގާތައް އަންނަން ފެށުމުންނެވެ. ޔަޒަކް އައި ގޮތައް އައިސް މިލާންގެ ހިމަ އުނގަނޑުގައި ހިފާ އޭނާގެ އަތް ދަނޑި މައްޗަށް ލައިގެން ކޮޓާރިޔަށް މިސްރާބް ޖެހިއެވެ. ޔަޒަކްގެ ތޫނު ނަޒަރު މިލާންއަށް ހުއްޓިފައި ވާތަން ފެނި މިލާންގެ ހިތުގެ ތެޅުން ވީ އިތުރެވެ. ޔަޒަކް އަކީ މިހާރު އޭނާގެ ފިރިމީހާކަން އިހްސާސްވެ މިލާންގެ މުޅި ކޯތާފަތައް ރަތްކަން ފާއްދާލިއެވެ.
ކޮޓަރިޔަށް ވަދެވުމާއެކު ޔަޒަކް މިލާން ތިރީގައި ބެހެއްޓިއެވެ. މުޅި ކޮޓަރި ހުސް ހުދު ކުލައިން ވާ އިރު މިލާން އަށް ނުހަނު ކަމުދިޔައެވެ.
ކައިވެނީގެ ފުރަތަމަ ރެޔަށް މުޅި ކޮޓާރި ވެސް ވަނީ ނުހަނު ފުރިހަމައަށް ތައްޔާރު ކުރެވިފައެވެ. މުޅި ކޮޓަރި ވަނީ ތާޒާ ރަތް ފިނިފެންމާ ފިޔައާއި އެކި ވަރުގެ އުއްބަތިން ޖަރީކޮށްފައެވެ.
” ވެއިޓް މަށައް އިވުނު ޑިފީ އާއި ކައިވަން ޗުކު ޗުކު ލައްވާ އަޑު.. އެއުޅޭ ކައިލް މެން ގްރޫޕް ގޮތް އެނގެއެންނު..” ކައިވަން އާއި އިޒާން އާއި އަލާނިޔަލް އަދި ޔަޒަކް ރަހްމަތްތެރިން ހީހީފައި ހަވީރު އުޅުން ގޮތުން ޔަޒަކް އެކި ދިމާ ބަލަން ފެށީ ޝައްކުގެ ނަޒަރަކުންނެވެ. އެތައް އިރެއް ވަންދެން މިލާން އާއި ވެގެން ބެލި އިރުވެސް އެއްވެސް ކަމެއް ކޮށްފައިވާތަން ނުފެނުމުން ޔަޒަކް ގޮސް އެނދަށް ޖެހިގަތެވެ.
ކުއްލިޔަކަށް ޔަޒަކް ހަޅޭއްލަވައިގަން އަޑު އިވިފައި ޝޯލް ގައި ވާ ޕިންތައް ނަގަންހުރި މިލާން ސިހިފައި ޔަޒަކް އަށް ބަލައިލި އިރު ފެނުނު މަންޒަރު ދެން ހީވީ އެތާގައި ފުއްޕާހަމެއް ފަޅާލިހެންނެވެ. މިލާން ބާރުބާރަށް ހެމުން ދިޔައިރު އޭނާގެ ލޮލުން ފެން އަންނަމުން ދިޔައެވެ.
ޔަޒަކް އެނދަށް ޖެހިގެން އިރު ގޮސް ވެއްޓުނީ އައިސް ކިއުބުން ފުރިފައި ހުރި ބިލިގާއެއް ތެރެއަށެވެ. އެނދުބައިންދަފާއި އިންތަނުން އެނދު ނަގާފައި އެތާގައި ބައިންދާފައި ވަނީ އެނދާއެއްވަރަށް ހަތަރެސް ކަނަށް ހުރި ބިލިގާއެވެ. އޭގެ މަތިން ބެޑްޝީޓް އަޅާފައި ކުއިލްޓެއް އަޅާފައި ހުރި ގޮތުން އެތަނަށް ކަމެއް ކޮށްފައިވާހެން ވެސް ހީނުވެއެވެ. ހެޑް ބޯޑެއް ވެސް ބައިންދާފައި އިން އިރު ހަމަ ވައްތަރީ ވެސް އަސްލު އެނދަކާއެވެ. ޔަޒަކް ބިލިގާ ތެރޭގައި އޮވެފައި ތެދުވަންނަން އުޅެނިކޮން ދެން ވެސް ލިބުނީ ލަނޑެކެވެ. ހެޑްބޯޑުގައި ކަންވާރު ގަނޑެއް އިނުމުން އެކީއްކުރާ އެއްޗެއް ތޯ ބަލާލަން އެއަށް ދަމާލި ހާ އިރުން މަތީގައި އިން ޗާންދަލިޔާގެ މަތިން ފައިބައިގަތީ ފުށާއި ކުލައެވެ. ސިފަ ވަކި ނުވާ ވަރަށް ޔަޒަކް ގެ މުޅި ގައިގާ އޮތީ ކުލައެވެ. ޔަޒަކް ހަމަ ރަނގަޅާށް ވެސް ރުޅިގަދަ ވިއެވެ. އެކަމުން މިލާންގެ ހެއުން ވީ އިތުރެވެ.
އިތުރަށް އެކޮޓަރީގައި މަޑު ނުކޮށް މިލާންގެ އަތުގައި ހިފައިގެން ހުރެ ޔަޒަކް ވަނީ އެ ފަންގިފިލާގައި ހުރި ދެން ހުރި ގެސްޓް ރޫމަށެވެ.
ޔަޒަކް ފެންވަރާއިގެން ނުކުން އިރު ވެސްހުރީ ރުޅި ގަދަ ވެފައެވެ.
“މާދަން ހޭ އަރުވާލާނަން އެމީހުންނަށް…ހުވާ މިބުނީ..” ޑްރެސިންގް ޓޭބަލް ކައިރިޔަށް ހުއްޓެމުން ޔަޒަކް ބުނެލިއެވެ. އޭރުވެސް މިލާން ހުރީ ހޭށެވެ. “ބޭބް އަދިވެސް ޗޭންޖް ނުކުރަންތަ …” ޝޯލް ނަގާފައި ހުރި ނަމަވެސް މިލާން ކައިވެނީގެ ހެދުމުގައި ހުރިތަން ފެނުމުން ޔަޒަކް އަހައިލިއެވެ. ޔަޒަކް މިލާންގެ އުނަގަނޑުގައި އަތް އަޅުވާލަމުން ގާތައް ދަމާލިއެވެ. މިލާންގެ މޫނަށް މަޑުރަތް ކަމެއް ފާއްދާލިއެވެ. “އަހަރެންގެ ފޮށި ޒިވީގެ ރޫމް ގަ…” މަޑުމަޑުން މިލާންގެ އަޑު އައެވެ. މިލާންއެހާ ލަދުގަނެފައި ހުރުމުން ޔަޒަކް ގެ ގާތައް ލާނެތް ހިންޏެއް އައެވެ. “އޯކޭ ހެދުން ހޯދާނެ ކަމެއް ނެތް ….” ޔަޒަކް މިލާންގެ މޫނާއި ދިމާލަށް ގުދުވެލިއެވެ. މިލާންގެ މުޅިމޫނުން ހީބިހި ހަލުވާލިއެވެ.
****
އެލާމް ވުމުން ޔަޒަކްގެ އަތު ތެރޭގައި ވި މިލާންއަށް ހޭލެވުނެވެ. ލަސްލަހުން އެސްފިޔަތައް ހުޅުވާލުމަށް ފަހު ޔަޒަކް އާއި ދިމާ ބައިލި މިލާންގެ މޫނު ރަތް ވެގެން ދިޔައީ ރޭގައި އެދެމެދުގައި ވީ ހިނގި ކަންތައް ހަނދާން ވުމުންނެވެ. އިރު ކޮޅަކު އެނދުގައި އިނދެލުމަށްފަހު ޔަޒަކްގެ ނިތުގައި ބޮސްދިނުމަށްފަހު ތުވާލި ނަގާ އޮޅާލައިގެން ފާހާނާ އާއި ދިމާލަށް މިސްރާބްދިޔައެވެ. ކޮޓަރިތެރެއަށް ހީވަނީ ތޫފާނެއް އަރާފައިވާ ހެންނެވެ.އެތަނަށް ވެފައި އޮތް ގޮތުން މިލާންގެ ގާތައް ހިނި ވެސް އައެވެ.
****
ކާރުން ފައިބާއިގެން އިޒާން އާއި އަލާނިޔަލް އެކުއެކީ ޒެންޓްރަސް ހޮސްޕިޓާލަށް ވަންނަން ދިޔުމުން ގިނަ ބައެއްގެ ނަޒަރުއެމީހުންނަށް ސިދާވިއެވެ. ނަމަވެސް ދެމީހުން ވެސް އަޅާނުލާ އެތެރެއަށް ވަދެގެން ދިޔައެވެ. ކަޅުކުލައިގެ ގަމީހާ ޓްރައުޒާގައި އިޒާން ހުރި އިރު ބެގީ ކޮށްފައި ވާއިރު ހިމަދިގު ކަޅުކުލައިގެ ޓައީ އެއް ވަނީ އަޅާލައިފައެވެ. އޭނާގެ ފިރިހެން ވަންތަކަމާއި ޝަހުސިއްޔަތުގެ ވަރުގަދަ ކަން ނުހަނު ބޮޑަށް ހާމަވެއެވެ.
އަލާނިޔަލް ހުދު ކުލައިގެ ޓީޝާޓަކާއި ކަނޑު ނޫކުލައިގެ ޖިންސެއްގައި ހުރި އިރު އިޒާންއަށް ދޫނުކުރެއެވެ. އޭނާ އަކީ ވެސް ނިއުރޯ ސާޖަންއަކަށް ވުމުން އައްޒާމް ބޭނުންވީ އޭނާ ވެސް އެ ހޮސްޕިޓަލްގައި މަސައްކަތް ކުރުމަށެވެ. އިޒާން އަށް ހޮސްޕިޓާ.ލްގެ ސީ.އީ.އޯ މަގާމް ދީފައިވުމުން އަދި ޔަޒަކްއަށް ސީ.އެމް.އޯ ގެ މަގާމް ދީފައިވުމުން އައްޒާމް އަލާނިޔަލްއަށް ހޮސްޕިޓަލްގައި ދެވަނައަށް އެންމެ މަތީ މަގާމް ކަމުގައިވާ ޑިރެކްޓާރ ގެ މަގާމް ދިނުމަށް ވަނީ ނިންމާފައެވެ. އައްޒާމް އާއި ޔާސިރް ވެސް ހޮސްޕިޓަލް އަށް ވަޒީފާއަށް ނުކުމަތް ނަމަވެސް ބަލިމީހުން ބެލުމުގެ ބަދަލްގައި ދެމީހުންވެސް ހިޔާރްކުރީ ޔުނިވާސިޓީ ބައިގައި ލެކްޗަރާ ކަންކުރުމެވެ.
އިޒާން އާއެކު ގޮސް އޭނާގެ ޑޮކްޓާރ ކޮޓަރީ ގައި ހުރި ގޮނޑީގައި އަލާނިޔަލް އިށިނެވެ. “ކައިލް ކާރީގަ ބުނިން ޑިފީ ގޮވައިގެން ހުރިހާ ތަނެއް ކިޔާލަދޭން ދާން އަންނާތި އެނގޭ ވެޔޭ…. ދެ މާދަން ޑިފީގެ ފަސްޓް ޑޭ …އެންޑް ބައްޕަ ބުންޏެއްނު ބޮޑު މީޓިން އެއް ވެސް އިންނާނޭ ޑިފީގެ މަގާމް ހަވާލުކުރަން .. ވަރަށް އޮފިޝަލްކޮން އަންނާނީ ކުޑަކޮން މޭކްޕް ވެސް ކޮށްލައިގެން ..” އިޒާން ހޭންފަށާމުން ބުނެލިއެވެ. އެހުނުމުގައި އަލާނިޔަލްވެސް ބައިވެރިވެލިއެވެ. “ދޮންބެ ވެސް ހިނގާބަލަ އަހަންނާއެއްކޮން ” އަލާނިޔަލް އެދުނެވެ. ” ދޮންބެ އެބައިން ޓޫ އަޥާސް ޕޭޝަންޓްސް އިން ބަލަން ދެން ހަމަ ނިމިގެން ކުލާސް ..އެހެން ވެ ކައިލް ކާރީގަ ވެސް ބުނީ..އެހެންނޫންނަމަ ދޮންބެ ދާނަން “އިޒާންގެ ކޮންމެ ވާހަކަ އަކަށް އަލާނިޔަލް ބޯޖަހަމުން ދިޔައެވެ. “ޑިފީ.. ވާހަކައެއް އަހާލަންތަ..” އިޒާން އަލާނިޔަލްގެ މޫނަށް ބަލައިލުމުން އަޅާނިޔަލް އަނެއްކާ ވެސް ބޯޖަހައިލިއެވެ.
“ޑިފީ ގެޔަށް ޗޭންޖުވާން ވީނުން … މިހާރުތިއުޅެނީ ފްރެންޑްއެއްގެ އެޕާރޓްމަންޓްގައި ފުރީ ކޮން ނަމަވެސް އަމިއްލަ ތަނެއް ނޫނެއްނު..” އިޒާންބުނެލިއެވެ. އަލާނިޔަލް ވަރަށް ވިސްނަން އިނދެފައި ބޯ ޖަހައިލިއެވެ.
“ފްރެންޑްގެ ގޭގަ ޔާ.. އޭނާ ބުނެފަ އޮތީ ކިތަންމެ ދުވަހެއް ވަންދެން ވެސް ހުންނާށޭ.. އަހަރެން ވެސް މިހާރު ބޭނުންވަނީ ތިގޮއި .. އެކަމަކު މެރީ ކުރަން ހިތުލައިގެން މިއުޅެނީ ވަރަށްއަވަހަށް އިންޝާﷲ .. ހަމަ ޔަގީނުން ވެސް އީން ބޭނުންވާނީ އީންގެ މަންމަ ކާރީގަ މަޑުކުރަން ..އަހަރެން ހަދާނަން އީން ބުނާ ގޮތެއް… އީން މަންމަ ވަރަށް ބަލިކޮން އުޅެނީ ..”އަލާނިޔަލްގެ ވާހަކަ އަޑުއަހަމުން އިޒާން އީން މަންމައަށް ކިހިނެތް ވީހޭ އަހައިލިއެވެ.
“އީންގެ މަންމަ އަށް ނުވެސް ތެދުވެވޭ..ވަރު ދެރަ ކޮށްލާފަ މީހާ ވަރަށް ބޮޑަށްހިކިއްޖެ… އަސްލު ފުރަތަމަ ހާރޓް އެޓޭކެއް ޖެހުނީ….ބޮޑީގެ ކަނާއަތްފަޅި އެއްކޮން ވާގި ނެތުނީ..ވީލްޗެއާރގައެ ގެންގުޅެނީ… ދެން ބައިވަރު ޓެސްޓްތަކެއް ހެދި..މިހާރު މަންމަ މާބޮޑަށް ވިސްނަނީ ބައްޔާއި ދޭޔެރޭ…އެހެންވެ ބަލިބޮޑުވަނީ..” އަލާނިޔަލް އީންގެ މަންމަގެ އާޔާގެ ބަލިހާލަތު އިޒާން އަށް ކިޔައިދިނެވެ. އިޒާންގެ މޫނުމަތިން ވެސް ފެންނަނީ ކަންބޮޑު ވުމުގެ އަސަރެވެ.
“ޒެކް ނޫނީ އަހަރެމެން އެންމެނަށް ވެސް ނިއުރޯ ވިއްޔަ މިހެދުނީ .. އީން އާ މަށާ ދޮންބެއާ.. އަނެއް ކޮޅުން ކައި އާއި ޒިވީ ވެސް އެހަދަނީ އެ.. ޒެކް ނަސީބެއް ކާޑިއޮލޮގީ ހެދިކަން “އަލާނިޔަލް ހިނިއައިސްފައި އިނދެ ބުނެލިއެވެ. ދެމީހުން ވާހަކައިގައި ތިއްބާ ކައިލް އައިސްވަނުމުން އަލާނިޔަލް ޑޮކްޓާރ ކައިލް އާއެކު ދިޔައެވެ.
އިޒާން ވެސް ބަލިމީޙުން ވަންނަ ގަޑި ޖެހުމުން ބަލިމީޙުންބަލަން ފެށިއެވެ.
އެވަގުތަށް ބަލަން ހަމަޖެހިފައިވާ ޕޭޝަންޓުން ބެލުމަށްފަހު އިޒާން މިސްރާބު ޖެހީ ކުލާހަށެވެ.
***
ފުރަތަމަ ދެގަޑި ނިމުމުން ޒީޥާގެ ގައިގައި އޭނާގެ ކައިރީގައި އިން ނަވާ ކޮއްޓާލީ ދިމާކުރާ ފަދައަކުންނެވެ. ދެން ކުރިޔަށް އޮތީ އިޒާންގެ ގަޑި އެއްކަމަށް ވާތީ ދިމާކުރަނީ ކަން ވިސްނި ޒީވާ ދެލޯ ހަނިކޮށްލިއެވެ.
ނަވާ ލާނެތް ގޮތަކަށް ހީލައިގެން އިން އިރު ޒީވާ ގާތައް ވެސް ހިނިއައެވެ. ޒީވާގެ މިޒާޖް ހުންނަގޮތުން އޭނާއާ ކުދިން އެކުވެރި ވާލެއް ނުހަނު އަވަހެވެ. ނަމަވެސް ޔޫމީން ކޯހުން ވަކިވެ ވަޒީފާއަށް ނުކުންނަން ފެށުމުން ޒީވާ ކުލާހުގައި އިންނަ ވަގުތު އެކަނިވެރިކަން އިހްސާސް ވިއެވެ.
ނަމަވެސް ކުލާހުގައި އިންނަ ޒީވާގެ “ޑެސްކްމޭޓް” ކަމުގައިވާ ނަވާ އާއި ޒީވާގެ އެކުވެރިކަން ނުހަނު ބަދަހިވިއެވެ. ނަވާއަކީ އަކީ ރާއްޖެ ކުއްޖެކެވެ. އޭނާ ވެސް އާއިލާ އާއި އެކު ދިރިއުޅެނީ ސުވިސްލޭންޑްގައެވެ. ކުލާހުން ބޭރުން ވެސް ދިމާވެ އެކު އެކީ ތަންތަނަށްހިނގާލަން ދިޔުމާއި ކާދިޔުން ފަދަ ކަން ކަން ވެސް ދެމީހުން އެކުގައި ކުރެއެވެ. ނަވާއާއި ޒީވާގެ ދެމެދުގައި ސިއްރުތައް ވެސް ހިއްސާ ކުރެވެއެވެ. އިޒާން އާއި ރައްޓެހިވެގެން އުޅޭ ވާހަކަ ޒީވާ، ނަވާ ގާތު ބުނީން ސުރެން ނަވާ އަބަދުވެސް ހުންނަނީ ދިމާ ކޮށްލަ ކޮށްލައެވެ. ނަވާގެ ހުންނަ މަޖާ މިޒާޖުން އަބަދުވެސް ޒީވާ ހެއްވާލުމުގައި އޭނާ ކާމިޔާބް ހޯދައެވެ.
އިޒާން ފުރަތަމަ ވެސް ޒީވާއަށް ހީލިއެވެ. ޒީވާވެސް ލަދުރަކިގޮތަކަށް ހީލިއެވެ. ” ދެން މާ ލަދުގަނެފަ އިންނާނެ ކަމެއް ނެތް އިނގޭ … ” ނަވާ ޒީވާގެ ކަންފަތް ދޮށުގައި ބުނެލަމުން ހޭންފެށިއެވެ. ޒީވާ އިނދެފައި ނަޥާގެ ގައިގާ ވިކާލިއެވެ.
ކުލާހުގައި ކިޔަވާދެމުން ދިޔައިރުވެސް އިޒާން އާއި ޒީވާގެ ލޮލުން ލޯބީގެ އެތައް މެސެޖްތަކެއް ރައްދުކުރިއެވެ. އިޒާންގެ ތޫނު ނަޒަރާއި ފިރިހެންވަންތަ ހީލުން ފެނި ކޮންމެ ފަހަރަކުވެސް ޒީވާގެ ހިއްސުތަކަށް ވާންވެއެވެ. އެމޫނަށް ޖަންބު ކުލަ ފާއްދާލަނީ މަދު ސިކުންތުކޮޅެއްގެ ތެރޭގައެވެ.
ކުލާސްނިމުމުން ނަވާ އާއިއެކު ނުކުމެގެން ދަމުން އިޒާންއާއި ދިމާ ބަލައިލިއިރު އޭނާ ވެސް ބަލަން ހުރުމުން ޒީވާ ލަދުގަތެވެ. އިޒާން އިޝާރާތުން ފޯނަށް ބެލުމަށް ބުނުމުން ޒީވާ ބޭރަށް ނުކުމެފައި ފޯނު ބަލައިލިއެވެ. “ހޭ ބޭބް… އަމް ބިޒީ ޓްޑޭ.. މިރޭ އެއިޓް ވަންދެން ސާޖަރީސް..އެހެންނޫންނަމަ ގެޔަށް ލާދޭން ވެސް ދިޔައީސް…ގެޔަށް ގޮސްފަ މެސެޖް މީ… ވިލް މީޓް ޔޫ ޓްނައިޓް .. މިސްވާނެ ބޭބީ .. ލަވް ޔޫ.. “އިޒާންގެ ލޯބިން ފުރިގެންވީ ،މެސެޖް ފެނި ޒީވާއަށް ހީލެވުނެވެ. އޭނާ ވެސް ޖަވާބުގައި މެސެޖެއް ފޮނުވާލިއެވެ.
***
ޑިއުޓީ ނިމިގެން އިޒާން ގެޔަށް ދިޔުމަށް ކާރަށް އަރަން ދިޔައެވެ. އިޒާންގެ ލޮލުގައި ފުރަތަމަވެސް އަޅާއިގަތީ ކާރުގައި ލެގިލައިގެން ހުރި ރާހިލް އެވެ. އިޒާން އަށް އޭނާގެ މޫނުމަތީގެ ކުލަވަރު ރަނގަޅު ނޫން ކަން އިހްސާސް ވިއެވެ.
“ކިހިނެތް ވީ..” އިޒާން އަހައިލިއެވެ. ޖަވާބު ނުދީ ރާހިލް އެރީކާރަށެވެ.
“ކިހިނެތް ނުވަނީ.. ކެރާ ޒިރާސް މަރައިލާފި… ” ރާހިލް އިޒަންގެ މޫނަށް ބަލައިލަމުން ބުނެލިއެވެ. ނަމަވެސް އިޒާންގެ މޫނުމައްޗަކުން އެއްވެސް ހައިރާން ކަމެއް ނުފެނެއެވެ. ރާހިލް އަށް އެކަމުން ސުވާލް އުފެދިގެން އަހައިލިއެވެ. “އަހަންނަށް އެނގޭ މަރާލާނެ ކަން .. ޑިފީ އެހެންވެދޯ އެހުރީ އެހާ ވަރަށް ގުޅާފަ …
***
“މަންމާ .. ޑިފީ އަންނާނެ އިރުކޮޅަކުން އަހަރުމެން ބަލާ ޑޮކްޓަރަށް ދައްކަން ދާން.. ހިނގާ ރެޑީ ވާން..” ޑިއުޓީ ނިންމާފައި އީން އައިގޮތައް އެންމެ ފުރަތަމަ ވެސް ވަނީ އާޔާ ގެ ކޮޓަރިޔަށެވެ. އާޔާ ބަލިވާން ފެށުމުން އީން ނިދަނީ އާޔާގެ ގާތު އޭނާގެ ކޮޓަރީގައެވެ. އީން ވަނުމުން އެގޭގައި އީން ގެންގުޅޭ ސްވިސަލޭންޑްގެ އަންހެން މީހާ ސަރާ، އާޔާގެ ފައި މޮޑެދޭން އިނދެފައި ހީލަމުން ތެދުވިއެވެ. އީން ވެސް ސަރާއަށް ހީލުމަށްފަހު އެނދުގެ މަގަތުގައި ހުއްޓި ބަލި ތަންމަތީގައި ވި އާޔާ ގެ ގައިގާ ކުޑަކޮން ބައްދާލިއެވެ. އާޔާ ބަލިގޮތަކަށް ހީލަމުން މަޑުމަޑުން ބޯޖަހައިލިއެވެ.
އީން ފެނުމުން އާޔާ ތެދުވަންނަން މަސައްކަތް ކުރުމުން އީން އެކަން މަނާކުރިއެވެ. ހިކިކަމުން އާޔާ ހީވަނީ ހޯލިކޮޅެއް ހެންނެވެ. އީން ، އާޔާގެ މޫނަށް ބަލައިލުމުން އާޔާ ވާހަކަ ދައްކަން މަސައްކަތް ކުރިއެވެ. ނަމަވެސް އާޔާ ވަރުބަލިވެގެން ހުއްޓާލިއެވެ. އީން ސިހުނީ އާޔާގެ އަނގައިގެ މިޔަކަނުން ލޭ ތިއްކެއް ޖަހާލުމުންނެވެ.
އީން ބިރުގަތީ ދެނެވެ. މަޑުމަޑުން އާޔާ ތިރިވަމުން ގޮސް އީންގެ އަތުތެރެއަށް ދެމުނެވެ. “މަންމާ..މަ.ންމާ. ” އީން ތެޅިގަނެފައި އާޔާ އަށް ގޮވަން ފެށިއެވެ. އޭރު އޭނާގެ ލޮލުން ކަރުނަ ފައިބަމުން ދިޔައިރު އާޔާއަށް ކަމެއް ނުވޭތޯ ދުއާކޮށްލެވެނެވެ. ސަރާ އެމްބިއުލޭންސްއަށް ގުޅުމަށްފަހު ފެންތައްޓެއް ގެންއުމުން އީން ، އާޔާ ގެ މޫނުގައި ފެންކޮޅެއް ހާކާލިއެވެ. އާޔާގެ ދެލޯ މަޑުމަޑުން ހުޅުވާލިތަން ފެނުމުން އީން އަށް ހަމްދުކުރެވުނެވެ. ފެންވަރުވަން ވެސް ނޫޅެ އީން އަވަސްވެގަތީ އާޔާ ހޮސްޕިޓަލަށް ގެންދިޔުމަށެވެ. ކަންދިމާކުރި ގޮތުން އަލާނިޔަލްވެސް އައިސް ވަނީ އެވަގުތުއެވެ. އީން އާއި އާޔާ ގޮވައިގެން އޭނާ ވަގުތުން ހޮސްޕިޓަލަށްދިޔައެވެ.
ދެލޯ މެރިފައި އާޔާ އޮތް އިރު މޫނުމަތިން ފެނިގެންދާ ބަލިކަށިކަމުން އާޔާގެ އަތުގައި ހިފައިގެން ގޮނޑީގައި އިން އީންއަށް ދިޔައީ ރޮވެމުންނެވެ. އެމެޖެންސީ ރޫމްގަ ބޭއްވުމަށްފަހު އެތައް ބައިވަރު ޓެސްޓް ތަކެއް ހަދަން އާޔާއަށް ޖެހުނެވެ. ޓެސްޓް ތަކުގެ ނަތީޖާ ލިބޭނީ މިރޭކަމުގައި ޑޮކްޓަރު ބުނުމުން ކެތްތެރިކަމާއި އެކު އީން އިންތިޒާރު ކުރަމުންދިޔައީ މިރެޔަށެވެ.
އީންގެ މަގަތުގައި އެހެން ގޮނޑިއެއްގައި އިން އަލާނިޔަލް އީންގެކޮނޑުގައި ހިފާލައިގެން އިނދެ ނުރޮވުމަށް ބުނެލިއެވެ. އަލާނިޔަލްއާއި މަގަތައް ދަމާލަމުން އީންގެ ދެލޮލުން އައިސްފާވި ކަރުނަތައް ފުހެލަދެމުން އީންގެ ނިތު ގައި ބޮސްދިނެވެ. ދެމީހުން ސިހުނީ އެތެރެއަށް ވަން މިލާން ފެނިފައެވެ.
މަޑުއަޅިކުލައިގެ ނަރުސް ޔުނީފޮމްއާއި އެކުލައިގެ ސްކާފް މިލާންއާއި ނުހަނު ގުޅެއެވެ. މިލާން ހީލަމުން އައިސް އާޔާ ގެ ގާތުގައި ހުއްޓި ގުޅާފައިވި އައިވީ ތަންކޮޅެއް ލަސްކޮށްލިއެވެ.
އަލާނިޔަލް އާއި އީން މިލާން އާއި ދިމާ ބަލަހައްޓާއިގެން ތިބި ގޮތުން މިލާންގާތައް ހިނިއައެވެ. އޭނާ ހައި ޖަހާލިއެވެ.
“މިންމީ.. ކޮންއިރަކު އައީ … ނުވެސް ބުނޭ” އީން އަހައިލިއެވެ. ކައިވެންޏަށް ފަހު މިލާން އާއި ޔަޒަކް ދިޔައީ ޗުއްޓީ ހޭދަކޮށްލުމަށް ސުވިސްލޭންޑްގެ މައްސޫރު ރިޝޯޓަކަށެވެ. އާއިލާގެ ތެރޭގައި ހާލަތު އޮތްގޮތުން ގައުމުން ބޭރަށް ދާކަށް އެއްވެސް މީހަކު ބޭނުމެއް ނުވިއެވެ.
“އިއްޔެ އައީ.. ދެން އައިސްފަ ބޭނުމެއް ނުވި ގޭގަ މަޑުކުރާކަށް .. ޒެކް ކާރީގަ ވަރަށް އާދޭސް ކޮށްގެން ޖޮބް އަށް ނުކުންނަށް އޯކޭވީ.. އަވަސްވީމަ އެހާ އޯކޭ އެއްވެސް ނޫން އޭނަ އަދި ނުކުންނާކަށް..” މިލާން ކިޔައިދިނެވެ.
“މިންމި ޓޫ ވީކް ވަންދެން ވެސް މަޑުކޮށްލިނަމަ… ޒެކް ވެސް ނުކުން ތަ..” އަލާނިޔަލް އަހައިލިއެވެ. “ޔެއާ… އޭނަ ވެސް… ” މިލާން ބޯ ޖަހައިލިއެވެ.
އީން އާއި މިލާން ދާދި އަވަހަށް ވާހަކައިގައި ޖެހުނެވެ. އެއްމިޔަކަނުން ހީލައިގެން ހުރެ އަލާނިޔަލްއަށް ބޯކަހައިލެވުނީ އޭނާ ހުރި މީހަކަށްވެސް ހަދާނުލާ ދެމީހުން އޮލަވާހަކައިގާ ޖެހެން ތައް ފެނުމުންނެވެ..
އެހެން ހުއްޓާ އަލާނިޔަލް އަށް އައްޒާމްގެ ފޯނު ކޯލެއް އައެވެ.
****
ޑިއުޓީ ނިމިގެން ގެޔަށްދާން އުޅެފައިވެސް އިޒާން އާއި ދިމާ ނުވާތީ ޔަޒަކް މިސްރާބު ޖެހީ އިޒާން މެން ގެޔަށެވެ. މިގަޑިގައި އިޒާން ވާނި ގޭގައި ކަން ޔަޒަކް އަށް އެނގެއެވެ. އެ ގެޔަށް ވަދެފައި އޭނާ ފުރަތަމަ އެރީ އައްޒާމް ކޮބާތޯ ބެލުމަށް އޭނާގެ ބަޔަށެވެ. ޔާސިރްއާއި އައްޒާމް އެބައިގެ ސޯފާއާއި ދިމާލަށް ހުރި ކުޑަ ދޮރުކާރީގައި ކޮންމެވެސް ވާހަކައެއް ދައްކަން ތިބިއިރު ދެމީހުންގެ މޫނުމަތިން ފެނިގެންދަނީ ނުތަނަވަސް ކަމެވެ. ސިފްރީނާ ސޯފާ ގައި އިސްޖެހިފައިން އިރު އޭނާ އިނީ ރޮވިފައެވެ. އޭނގެ ކައިރީގައި ޔަމްހާއާއި ޔޫމީން ތިއްބެވެ. ” ކިހިނެތް ވީ..” ޔަޒަކް ހައިރާންވެފައި ހުރެ އެމީހުންގެ ގާތަށް ދިޔައެވެ.
“ބައްޕާ..” ޔާސިރް މެންގެ ގާތައް ދަމުން ޔަޒަކް ގޮވާލިއެވެ. އެ އަޑު އިވި ޔާސިރް ސިހިފައި ބަލައިލިއެވެ. އެދެމީހުން ޔަޒަކް އާއި ދިމާ ބަލާލައިފާ ފުންނޭވާއެއް ޛޫކޮށްލިގޮތުން ޔަޒަކް އިތުރަށް ހައިރާންވިއެވެ.
“ދޭ ބަލަ ޒިވީ ހުރިތާކުން ގޮވާގެން އަންނަން .. ނެތް ވަގުތެއް.. އެތަނަށް ދޭ އޭނާ ގޮވާއިގެން.. އީންގެ މަންމަ ސަކަރާތް ވެގެން ހޮސްޕިޓަލްގަ ޑިފީ ހުރީ.. އެތަނައް މަންމަ ކައިރީގަ ބުނެފިން ދޭބަލާށޭ.. ޑިފީ ވެސް އެބައާދޭ.. ބައްޕަ މެން މިދަނީ..” ޔާސިރް ވެގެން އުޅޭ ގޮތް ނުކިޔާދީ ޒީވާ ގޮވައިގެން އެމީހުންގެ ބިމަށް ދާން ބުނުމުން ޔަޒަކްއަށް ފާޑަކަށް ބަލައިލެވުނެވެ.
“ކެރާ ޒިރާސް މަރާލައިފި..މިއަދު މިއީ ފަހު ދުވަސް މިކަމުގަ އުޅޭނެ..އިންޝާﷲ …މިއަދު މިއީ އަހަރުމެންގެ ދުވަސް… ކައި އާ އެއްކޮންނޯ ޒިވީ ދިޔައީ … އޭނައަށް ގުޅީމަ ބުނި މިއުޅެނީ ގޭ ކައިރީގަ އޭ… އޭނާ ގޮވާގެން ޒާން އާދޭ.. މާގިނައިރު ނުކުރާތި .. ” ޔާސިރް އައްޒާމް ގެ ފަހަތުން ކުޑަދޮރުން ބޭރަށް ފުންމާލީ އިޒާންގެ ޖަޥާބަކަށް ވެސް އިންތިޒާރު ނުކޮށެވެ. ވައިރޯޅިއެއްހާ ހަލުވިކޮން އިޒާންގެ އެޕާޓްމަންޓަށް ވަދެ، ލާފައި ހުރި ގަމީސް ބޭލުމަށްފަހު ކަޅުކުލައިގެ ހޫޑި އެއްލައިގެން އަނެއްއަތުން އަތުން އިތުރު ހޫޑީ އެއް ހިފައިގެން ނުކުތެވެ.
****
(ނުނިމޭ)
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.
Other Articles
ހިރާސް (އިއުލާން)
ހިނިތުންވެލާށޭ ކަލާ 12
4 Comments!
Comments are closed.
After a long timeeeee😭😭
myy lovely sissss is backkkk ❤️
I missed you sooooo muchhhhh 😭
Sis mihaaru haalu kihineh?
Unmydhu ves nukoh huttaa mi libuny kiyaalan
I am so happy
Btw Mi dhe part ves vrh rythi
Next part kon irakun???
Awwvvvv 😭😭😭misseddd youu moree😢
Alhamdhulillah mihaaru good ❤️
Hws you dearrrr ❤️
Yess v dhuvas vehje aslu😢 im so sorry mihaa dhuvas negyma story ge mi part ah😢
Insha allah mirey next part will submit❤️❤️
I wanna let you know that this is my favourite story in esfiya
Hey sis
I’m still waitin for the next part 😭
Hope u are doing well ❤️