”ލައްބަ! އަޅުގަނޑު އެއްބަސް” އިރުކޮޅަކު ނޭވާ ހިފަހައްޓާލައިގެން ހުރެ އައްފާނު ބުންޏެވެ. އެރޭ އައްފާނު ޒަކަރިއްޔާގެ ގޭދޮށަށް ގޮސް އޭނާ ދިން އެގްރީމެންޓްގައި ސޮއި ކުރިއެވެ. މާދަމާ ކިޑްނީ ހަދިޔާ ކުރަން ހޮސްޕިޓަލަށް ދާނެ ކަމަށް ބުނެ، އައްފާނު މިސްރާބް ޖެހީ ގެއަށް ދިއުމަށެވެ.
އައްފާނަށް ގެއަށް ދެވުނުއިރު، ސާޖިދާ ކުކުރަނީއެވެ. ބޮލުގައްޔާއި މޭގައި އަތުން ފިރުމާލަ ފިރުމާލަ އޮތް ސާޖިދާ, އޭނާގެ ބައްޕަ ފެނުމުން ރުއިން ބާރުކޮށްލިއެވެ. އިސާހިތަކު އައްފާނަށް އެ ހަރަކާތްތައް ނަގައިގަނެވިއްޖެއެވެ. ދަރިފުޅާ ކެތްކޮށްލާށެވެ. ބައްޕަ މި ދުނިޔެ ދޫކޮށް ދާންޖެހުނަސް، ދަރިފުޅު ދުނިޔޭގެ ބާއްޖަވެރިކަން ހެޔޮގޮތުގައި ލިބިގަންނާށެވެ. ދާދިކުޑަ ދުވަސް ކޮޅެއްގެ ތެރޭގައި، ދަރިފުޅުގެ އޮޕަރޭޝަން ކުރެވިގެންދާނެއެވެ. ބައްޕަގެ މި ކިޑްނީ ދަރިފުޅަށްޓަކައި ޤުރުބާން ކޮށްލަނީ ހެޔޮހިތުންނެވެ. އައްފާނު ދިޔައީ ހިތާހިތުން ކިޔާލަ ކިޔާލައެވެ.
ތަރިރު ހަނދުގެ ދައުރުވުމާއެކުހެން ދުވަސްތަކާއި ރޭތައް ހަފްތާތަކަށް ބަދަލުވަމުން މަޒީއާ އެކުވަމުން ދިޔައެވެ. އައްފާނު ކަނާތްފަރާތުގެ ކިޑްނީ ވަނީ ޒަކަރިއްޔާގެ ދޮށީ އަންހެންދަރިފުޅަށް ހަދިޔާ ކުރެވިފައެވެ. އެގްރީމެންޓްގައި ވާގޮތުން، ޒަކަރިއްޔާގެ އަންހެން ދަރިފުޅުގެ އޮޕަރޭޝަން ނިމުމަށްފަހު ނޫނީ އައްފާނާ ފައިސާ ހަވާލު ކުރެވުމެއްނެތެވެ. އެހެންކަމުން، އައްފާނަށް ޖެހުނީ އެ ފައިސާ ހޯދުމަށް ދިގު ރާސްތާއެއް ކަޑައްތުކޮށް އެހާމެ ދިގު އިންތިޒާރެއް ކުރާށެވެ.
އޮޕަރޭޝަން ކުރުމަށް ރާއްޖޭން ބޭރަށް ފުރިތާ މަހެއް ފާއިތުވެ ދިޔައިރުވެސް، ޒަކަރިއްޔާގެ ޚަބަރެއް ދަބަރެއް ނުވެއެވެ. އެހެންކަމުން އައްފާނު ނިންމީ ޒަކަރިއްޔާއާ ގުޅާލުމަށެވެ. ”އަހަރެމެންގެ ދިރިއުޅުން ސްރީލަންކާއަށް ބަދަލުކޮށްފިން.. ރާއްޖެ ދެވޭ ދުވަހަކުން އެ ފައިސާ ކޮޅު ދޭނަން” ޒަކަރިއްޔާގެ އެ ހިތި ލަފުޒުތައް ތީރުތަކެއް ފަދައިން އައްފާނުގެ މެޔަށް ހެރެމުން ދިޔައެވެ.
އާހް! އައްފާނުގެ އުންމީދުގައި ކޮޅުފައިންޖަހާ ކޮއްޕާލި އެ ޒަކަރިއްޔާ އަކީ ހާދަހާ އަމިއްލަ އެދުން ބޮޑު މީހެކެވެ. ތިމާގެ ދަރިފުޅު މަރުން ސަލާމަތް ވުމުން، އޭނާއަށް އެހީތެރިވެދިނުމުގެ .ގޮތުން ކިޑްނީއެއް ހަދިޔާ ކޮށްދިން މީހާއަށް ޝުކުރުގެ ބަހެއް ރައްދުކޮށްލުމަކީ ނެތްކަމެއް ހެއްޔެވެ؟ އައްފާނުގެ ހިތާ ސިކުނޑިއަށް އަރައި ފައިބަމުން ދިޔައެވެ
ރިހޭ ފައިމައްޗަށް ފޮއެ ވެއްޓިފައިވާ އައްފާނު، ޒަކަރިއްޔާގެ ފަރާތުން ލިބުނު ކެހި ހަނދާން ނައްތާލައި ވޭނުގެ ކޯވަރުތައް ދިރުވާލުމަށްފަހު އާ ޢަޒުމެއް ކަނޑައެޅިއެވެ. އެއީ ވިލިގިލީ ފެރީޓާރމިނަލް ބިއްދޮށުގައި ޕާކު ކޮށްފައި ހުންނަ އެއްގަމު އުޅަނދުތައް ފޮހުމުގެ މަސަކަތް ކުރުމަށެވެ. އިސާހިތަކު ދުވާލަކު ފަސްސަތޭކަ ރުފިޔާ ލިބެންފެށިއެވެ. އެހާ ބުރަކޮށް ގުދާރު ބިނދޭވަރަށް މަސަކަތް ކޮށްގެން ވިޔަސް މި ގިލަންވެރިކަމުން ސަލާމަތް ވުމަކީ އައްފާނުގެ ޢަޒުމުގެ ޝިޢާރެވެ.
އާދައިގެ މަތިން އައްފާނު ކާރެއް ފުހެން އޮއްވައި އެތަނުން ދިމާވި ނޫސްވެރިއެކެވެ. ހިތްހެޔޮ މިޒާޖެއްގެ އެ ޒުވާނާއަށް އައްފާނުގެ އިންގިލާބެއްފަދަ ދިރިއުޅުން ވިސްނި އެ ވާހަކަ ރާއްޖޭގެ ސަމާލުކަމަށް ގެނައެވެ. އައްފާނުގެ ޤުރުބާނީ އާއި ޙަޔާތުގެ ގިލަން ސިފަކޮށްދީ އެތައް ލިޔުމެއް ޝާއިޢު ކޮށްދިނެވެ. އައްފާނު އުންމީދު ކުރި ގޮތާ ޚިލާފަށް، އައްފާނުގެ އެކައުންޓަށް ފައިސާ ޖަމާވަމުން ދިޔައެވެ.
ދުވަސްތައް ހަފްތާތަކަށް ބަދަލުވެ، ހަފްތާތައް މަސްތަކަށް ބަދަލުވެ، މަސްތައް އަހަރުތަކަށް ބަދަލުވަމުން ދިޔައިރު އައްފާނުގެ އެކައުންޓްގައި ސާޖިދާގެ އޮޕަރޭޝަނަށް ބޭނުންވާނެ ކަމަށް ލަފާކުރެވޭ ވަރަށް ފައިސާ ހުއްޓެވެ. އެހެންކަމުން އައްފާނު އަވަސްވެގަތީ ސާޖިދާގެ އޮޕަރޭޝަން ކުރުމަށެވެ.
ދެ އަހަރު ދުވަސް ވަންދެން ގުދާރު ބިނދޭ ވަރަށް މަސަކަތް ކޮށްގެން ނަމަވެސް މި ފަދަ ޤުރުބާނީއެއް ސާޖިދާ އަށްޓަކައި ވެވުނީތީ އައްފާނު ހުރީ އުފާވެފައެވެ. އަދި އެހާމެ ހިތްހަމަ ޖެހިފައެވެ. މިހާރު ކުރެވެމުންދާ އޮޕަރޭޝަން ކާމިޔާބު ވާނެ ކަމާމެދު އައްފާނު ހުރީ ދެ ފިކުރެއްގައެވެ. އަދި އެހާމެ ކެތްތެރިކަން ކުޑަވެފައެވެ.
އައްފާނުގެ ކެތްތެރިކަން ކޮޅުންލީ ޑަކުޓަރ ޝާހް ފެނުމުންނެވެ. ”މަރުޙަބާ! މި އޮޕަރޭޝަން ކާމިޔާބު.. ސާޖިދާ އަށް މިހާރު ވާހަކަ ދެއްކޭ.. ﷲގެ އިރާދަފުޅުން އެއީ މިހާރު މުޅީން ނޯމަލް ކުއްޖެއް.” ޑަކުޓަރ ޝާހް ބުންޏެވެ.
އެ ވަގުތު އައްފާނުގެ ލޮލުން ނީރާލީ ޝުކުރުގެ ކަރުނައެވެ. އުފަލުން ހިތް ފުރުނެވެ. އޭނާގެ ދިރިއުޅުމުގެ ގިލަން ފަސޭހަވީތީއެވެ. އުފަލުގައި އުޅުމަށް މަގު ކޮށިގެން ދިޔައީމައެވެ.
ދަރިފުޅު ދެކިލުމަށް ކެތްމަދުވެފައިވާ އައްފާނު ޑަކުޓަރ ޝާހްގެ އެދުމުގެ މަތީން އެ ތަނުން ގޮނޑި ބަރިއެއްގައި އިށީނެވެ. އޭރު ޓީވީން ދައްކަމުން ދިޔައީ މެންދުރު ދޭއްގެ ޚަބަރެވެ. އެހެންކަމުން ޝައުޤުވެރިކަމާއެކު ޚަބަރަށް ނަޒަރު ހުއްޓައިލައިގެން އައްފާނު އިނެވެ.
”ދެން މި ބަލާލަނީ ދާދިދެންމެއަކު އަޅުގަނޑުމެންނަށް ލިބުނު ޚަބަރަކަށް.. ކުރީގެ ހެލްތް މިނިސްޓާރ ޒަކަރިއްޔާ ލަތީފް އަމިއްލައަށް ދަންޖެހިގެން މަރުވެފައި އޮއްވައި ފެނިއްޖެ.. ޚަބަރުތައް ބުނާގޮތުން ޒަކަރިއްޔާގެ މަރާގުޅިފައިވަނީ ނަފްސާނީ ކަމަކާ.. އަދި ޒަކަރިއްޔާގެ ސްރީލަންކާގައި ހުންނަ އޭނާގެ ގެ ވަނީ މީގެ ދެ ދުވަހެއްގެ ކުރީން ވިއްކާލާފައި. އެ ގެ ގަތް މީހާ ޒަކަރިއްޔާ އަށް ދޭންޖެހޭ ދެލައްކަ ރުފިޔާ ނުދީ ވަގަށް ފިލީ.. ބޭރު ޤައުމުގެ ޚަބަރުތައް ބުނާގޮތުން މިހާރު އެގޭގެ ރަޖިސްޓްރީ ވެސް ވަނީ ބަދަލުކޮށްފައި.. އަދި ޒަކަރިއްޔާ މަރުވީ މޮޔަވެފައި ހުއްޓާކަމަށް ވެސް މަޢުލޫމާތު ލިބޭ” ޓީވީގެ ނިއުސްކާސްޓާރ ވާހަކަ ދައްކަމުން ދިޔައެވެ.
”އިންނާލިއްލާހި ވައިންނާ އިލައިހި ރާޖިޢޫން” އައްފާނަށް ބޭއިޚްތިޔާރުގައި ބުނެލެވުނެވެ. އައްފާނަށް މަކަރާއި ޙީލަތް ހެދުމަށްފަހު ޒަކަރިއްޔާ އުޅެމުން ދިޔައީ ނުހަނު އުފަލުގައެވެ. އޭރު އައްފާނަކީ ފެންކައްކާ ބޮލީގެ މަޤާމުގައި ހުރި މީހަކަސް، މިއަދު، ޒަކަރިއްޔާ ފޭހުނު އިލޮށި އެ ވަނީ އޭނާގެ ލޮލަށް ހެރިފައެވެ.
އަނެއްކާވެސް އައްފާނުގެ ލޮލުން ކަރުނަތައް ހޯސްލާފައި އޮހިގަތެވެ. އޭނާގެ ހަޔާތުގެ ގިލަން އެއްކޮށް ފަސޭހަ ވީތީ، އެކަމާ އުފަލުންނެވެ.
*********************************
= ނިމުނީ =
22 Comments!
Comments are closed.
hope you guys like ths story.. Insha allah، dhen liyaa wahaka miah wure, dhigu kureweythoa balaanan…..
Salhi.v iburaiy theri story eh
Ottareh ney vaahaka eh
Mihna thibuny vv rangalhu vaahaka eh
amilla ah liyebala dhw maa molhah ingenya
maasha allah u are a good writer and hope in the future we will get more stories of yours to read jaza kallah khairan for the beautiful story
Not bad
nuun mihna, shabee.. mi vahaka v reethi.
shurm, plx avahah ehen vahaka eh liyah chey. i am waiting…..
shurm best of luck 4 ur next story
Iburaih theri . But reehcheh noon mi vaahaka eh . Affaan ah fahun v gotheh ves nethehnu . Hama gaimuves eyna ge beys faruvaa ah ves faisaa haradhu vaane dho enme kidney eh ihnanyaa . Maa avas aruvaalaafa miothy . Better luck next time ..
varah reethi. keep it up!!!:-)
Shaam hihvaraa eku kuriyah dhey ….eh vaahaka eh ves hurihaa meehunah kamakunudhaaneh ekam kamudhaa bayak thibeyneh kan yageen hihvaraa eku miyah vuren furihama story eh fenaaneh kamah umeedhu kuran best of luck 🙂
V reethi..reehcheh Mooney bunaa kudhin ehn Bunyan v reason sky kobaa
Fahun Affaan ah vee gotheh genes dheyfa in nama reethi vis .
v nice …. alhey shurm haadha asarugadha reethi vaahaka ekey dhww…
varah reethi mi story
V reethi
V salhi
Varah reythi story..keep it up..pls keep updating new stories..u are a good writer mashaalla..don’t stop writing stories and always keep going forward..u will be a good writer inshallah..❤️
Masha Allah vrh shalhi story
aslu varah salhi igey !!!!
ehen meehun liyefa huhna vaahaka kee ma skill improve vaane ! just bunelii you ge skill improve vaane eyrun
lovely hhhhhahahahahh!
shaam liyaa vaahakathah varah reethi
romance vaahakaeh liyahchey