ގާތުގާވުމަށް ހިތް އެދެނީ (ފަހުބައި)

އެންމެން ވެސް ވާހަކައިގައި ތިއްބާ ސިހުން ގެނެވީ އެތެރެ އަށްވަން އަދްހަމް އަދި ޒިޔާދު ފެނުމުންނެވެ. ” ހާދަ ފޯރީގައި ކޮން ވާހަކަ އެއް ދައްކަނީ އެންމެން ، ” ހެވިލާފައި ހުރެ ޒިޔާދުބުނެލީ އަދްހަމް އަށް ބަލައިލަމުންނެވެ. ” ސާބަސް ބައްޕާ ދެން ހަމަ ވާހަކަ އެއްދައްކާލަނީއޭ ” ލައިހާ ބުނެލިއެވެ. ” އެހެންތަ، ބައްޕް ގެ ދަރިފުޅު ވަރަށް ރީތި އިނގޭ މާޝާ ﷲ ، މީހުންގެ އެސްފީނާތަކުން ސަލާމަތް ކޮށްދެއްވާންދޭވެ! ” ލައިހާ ކައިރި އަށް ޖެހިލަމުން ޒިޔާދު ނިކަން ލޯބިން ބުނެލިއެވެ. ހިނިތުންވެލަމުން ލައިހާ ޒިޔާދުގައިގައި ބައްދާލިއެވެ. އެދެބަފައިންގެ ހަރަކާތްތަކަށް ބަލަން ބާކީ ތިބި މީހުން ހެވިފައި ހުއްޓެވެ. ” ދެން ހިނގަގަ ތިރިއަށް ދާން މިހާރު ކައިވެނި ކުރާ ގަނޑި ކައިރިވަނީ ، ރިޔާން އާ ޒަޔާން އެބަތިބި ތިރީގާ ” އަދްހަމް ބުނެލިއެވެ. އެއާއެކު ލައިހާ އަދި ޒިވްޔާ ގެ ހިތުގެ ހިނގުމަށް ބަދަލުއައެވެ. ދެމީހުންގެ ވެސް ބަނޑުގާ ކޮކާ އުދުހޭ ހެންހީވިއެވެ. ދެމީހުންގެ މޫނުން ނުތަނަވަސް ކަން ފެންނަން ފެށިއެވެ. ބަލާކަށް ނުހުރެ ޔުލީން ދެމީހުން ކައިރި އަށް ޖެހިލަމުން އެދެމީހުންގެ އަތުގާ ހިފާލަމުން ވަކިވަކިން ދެމިހުންނަށް ބަލާލިއެވެ. ” ޑޯންޓްވަރީ ދެމީހުން ، އަހަރެންނަށް ވެސް ވިތިހެން ބަޓް ފަހުން އޯކޭ ، ޓޭކް އަޑީޕްބްރެތް އެން ލެޓްސް ގޯ ” ޔުލީން ބުނެލިއެވެ. އެދެމީހުން ވެސް އެއްފަހަރާ ބޯޖަހާލަމުން ނޫރިންމެން އެންމެނާ އެކު ތިރިއަށް ފައިބަންވެގެން މިސްރާބުޖެހިއެވެ. ޔުލީންގެ ކައިވެންޏާ ހިލާފަށް މިދެމީހުންގެ ކައިވެނި ބާއްވަން ނިންމީ އަދްހަމް މެންގޭ ހޯލަތެރޭގައެވެ.

ޔޫއާން ކައިރި ވާހަކަ އިގައި ހުރި ރިޔާން އަދި ޒަޔާން ވެސް އިރުކޯކޮޅާ ސިޑިތަކާ ދިމާލަށް ބަލައިލަނީ ހިތުގައި ކުރެހިފައިވާ ތަސްވީރު ފެނޭތޯއެވެ. އެހެންނަމަވެސް އަދިވެސް އެދެމީހުން ނުފާބާތީ ނުވާކަމަކަށް ހަދަފައި ދެމީހުން އެހެންދިމާދިމާލަށް ނަޒަރު ބަދަލުކޮށްލަނީއެވެ. މިމަންޒަރު ބަލަން ހުރި ޔޫއާން ހުރީ ހިނިގަނޑު ހިފަހައްޓާގެންނެވެ. އެއިރު އެންމެން ނަށް ވުރެ ކުރިން ބާރުފިޔަވަޅުތަކެއް ގާ ޔުލީން ފައިބަމުން އައިއިރު މީޙާ އުޅުމަކަށް ނުބަލައެވެ. ބެލީ ވީހާވެސް އަވަހަކަށް ފައިބައިގެން އާދެވޭތޯއެވެ. މިމަންޒަރު ޔޫއާން ގެ ލޮލަށް ކަސިޔާރުވެގެން ނުދިޔައެވެ. ކަންބޮޑުވުން އެކުލެވޭ އަސަރަކާއެކު އެދިމާލަށް އައި ޔުލީންގެ އަތުގެ މުލައްދަނޑީ ހިފާލަމުން ޔުލީން ހުއްޓަވާލިއެވެ. ” ޕިސް ލީން ދެން ތިގޮތް ދޫކޮށްލަބަލަ ، މިހާރު ކިތައްފަހަރު ބުނެފިން މަޑުން އަންނާށޭ ، ކަމެއް ވެދާނެއެއްނު ، ދެން ތިހެން ހަދާފީއާ ރުޅި އިނގޭ ” ހާސްވެފާ ހުރެ ޔޫއާން ބުނެލިއެވެ. ” ސޮރީއޭ ލޯބީ ، ދެން ނޫޅޭނަން އެހެންނެއް ޕްރޮމިސް ، ނައު ސްމައިލް ” ޔޫއާން ގެ އުނަގަނޑުގައި އަތްއަޅުވާލަމުން ނިކަން ބޭބީކޮށް ޔުލީން ބުނެލިއެވެ. އެއާއެކު ރުޅިއައިސްފާހުންނަން ބޭނުންވި ޔޫއާންގެ ތުންފަތަށް ހިނިތުންވުމެއް ވެރިވެގަތެވެ. ” ސާބަސް ދެން ދެމީހުންނަށް މީ ޕަބްލިކޭ ” އެދިމާލަށް އައި ރިޔާން އާ ޒަޔާން ބުނެލިއެވެ. ” ހެޔޮ ލެއްނު އަހަރުން ބަލާނަން ކަލޭ މެން ދެމީހުންނަށް ” ޔޫއާން ބުނެލިއެވެ. ” ދޮންބޭ އެހެރަ އަންނަނީ ކަލޭ މެންދެމީހުންގެ ޕްރިންސަސެސް ” ސިޑިއާދިމާލަށް ނަޒަރު ހިންގާލަމުން ޔުލިން މިހެން ބުނެލިއެވެ. ޔުލީންގެ އަނގާގާ ބަސްއޮއްވާ ފެނުނީ ރިޔާން އަދި ޒަޔާން ވެސް އެދިމާލަށް ބަލައިލިތަނެވެ. އިސްޖަހާލައިގެން ތިބި ޒިވްޔާ އަދި ލައިހާ ފެނި ޒަޔާން އަދި ރިޔާން ވެސް ހިނިތުންވެލެވުނީއެވެ. ހިތާހިތުން ތަޢުރީފް ކުރަމުން ދިޔައީ އެދެމީހުންގެ ފުރިހަމަ ކަމުންނެވެ. ލައިހާ އަދި ޒިވްޔާ ވެސް ހުރީ އިސްއުފުލާލަން ނުކެރިފައެވެ. އެންމެން ގެ ނަޒަރު އެދެމީހުންނަށް ހުއްޓިފާ ހުރިކަން އިނގުމުން ވަކިން ބޮޑަށް ލަދުގަތެވެ. ” ދޮންބޭ ތިއޮށް ސޮނިވެރެނީ ، ރުމާކޮޅެއް ހަރުކޮށްލާގެން އުޅޭށޭ ބުނަން އަހަރެން ހަނދާންނެތުނީ ” ލާނެތް ހިނިތުންވުމަކާއެކީ ނުހާ ބުނެލީ ޒަޔާންގެ ކޮނޑުގައި ޖަހާލަމުންނެވެ. އެއިރު ކައިރީ ހުރި ޔުލީން ހުރީ ހީހީ ބިނދިފައެވެ. ” ސޮނިތުވާލި ކޮޅެއް ހަރުކުރަން ދޮންބެ ވެސް ހަނދާން ނެތުނީއޭ ނުއްކޯ ” ކަޑަނުވާންވެގެން ޒަޔާން ވެސް ބުނެލިއެވެ. އެއިރު އެމީހުންނާ ހިސާބަށް ލައިހާ މެން އައިސްފިއެވެ. ލައިހާ އަދި ޒިވްޔާ ވެސް އިސްއުފުލާލީ އެކުއެކީހެންނެވެ. ކަޅުކުލައިގެ ކޯޓް ފަޓުލޫނު ލައިގެން ދެމީހުން ތިބިއިރު ދެމީހުންވެސް ހުރީ ކަރުގައި ކަޅުކުލައިގެ ހިމަ އޮފީސް ޓާއީ އެއްއަޅާލާފައެވެ. އަޑިން ލައިފާ ހުރީ ހުދު ގަމީހެކެވެ. ރިޔާން ބުމަ ހިއްލާލުމާއެކު ލައިހާ ލަދުން އިސްޖަހާލީއެވެ. އެއިރު ޒަޔާން އަދި ޒިވްޔާ ހުރީ އަތްގުޅުވާލައިގެންނެވެ. ދެޖޯޑް ވެސް ކައިވެނި ކުރެވޭ މޭޒްދޮށަށް މިސްރާބުޖެހިއެވެ. ފުރަތަމަ ކުރެވުނީ ރިޔާން އަދި ލައިހާ ގެ ކައިވެންޏެވެ. އެއަށްފަހު ޒިވްޔާ އަދި ޒަޔާންގެ ކައިވެންޏެވެ.

ލައިހާގެ އުނަގަނޑުގައި އަތްއަޅުވާލައިގެން ހުރި ރިޔާން ދޭތެރެ ދޭތެރެ އިން ލައިހާ ކަންފަތް ދޮށުގައި އެއްޗެއް ބުނެލައެވެ. އެއާއެކު ފެންނަނީ ލައިހާ ލަދުން އިސްޖަހާލާތަނެވެ. ދެމީހުންވެސް ތިބެން ހަމަޖެހިފައިވާ ހިސާބުގައި ތިބިއިރު އެތައް ބައެއް އައިސް ހަދިޔާ ދީ ހަދާ ފޮޓޯވެސް ނެގިއެވެ. ޕާޓީ ނިމުނީ އެގާރަ ވެސް ޖަހާ ނިމުނުފަހުންނެވެ. އެއީ ފޮޓޯ ނަގާ ކާހެދުމަށް ވެސް ފަހުގައެވެ. އެހަތަރު މީހުންނަށް ކައިވެނީގެ ރޭހޭދަކޮށްލަން މާލޭ ގެ ހޮޓަލަކުން ޖާގަލިބުނުއިރު އެމީހުން ނަށް ހޮޓާލާ ދިމާލަށް ދެވުނީ ވެސް އެހާލަހުންނެވެ. ހަތަރުމީހުންގެ މޫނުމަތިން ވަރުބަލިކަން ފެންނަން ހުއްޓަސް އެތުންފަތްތަކުގައި ވާ ހިނިތުންވުން ގެއްލިގެންނެއް ނުދެއެވެ.

ރިޔާން ގެ ފަހަތުން ލައިހާ ކޮޓަރިއަށް ވަންއިރު އެހިތްދިޔައީ މޭފަޅާފާ ނިކުންނަހާ ބާރަށް ތެޅެމުންނެވެ. ކޮޓަރިއަށް ވަދެވުނުހެންނެއް ހީނުވެ ރިޔާން ކޮޓަރިދޮރު ތަޅުލިއެވެ. އެހެންނަމަވެސް ދެމީހުންވެސް ފުރަތަމަ ތާޒާވެލައިގެން ނަމާދުކޮށްލީ އެއީ ދެމީހުންވެސް ބޭނުން ވާގޮތް ކަމުންނެވެ. ނަމާދުކޮށްނިމުމާއެކު ލައިހާ އޭނާގެ މުސައްލަ އޮޅާލަމުން ފަހަތަށް އެނބުރުނު ވަގުތު ޖެހުނީ ރިޔާންގެ ތަނަވަސް މޭގައެވެ. ރިޔާންގެ ގައިން ވަކިވާން މަސައްކަތް ކުރި ވަރަކުން ރިޔާން ލައިހާ ގެ އުނަގަނޑުގާ އަތްއަޅުވާލަނީއެވެ. ” މިރޭ ދެން ސަލާމަތް ވާން ނޫޅޭ ، ” ލާނެތްރާގަކަށް ރިޔާން މިހެން ބުނެލަމުން ލައިހާގެ ނިތްކުރިމައްޗަށާ ކޮލަށް ބޮސްދިނެވެ. މިއޮތްހުރިހާއިރު ލައިހާ ހުރީ ދެލޯމަރާލައިގެންނެވެ. އެއާއެކު ރިޔާން ލައިހާ އަތްދަނޑިމައްޗަށް އުފުލާލަމުން ގޮސް އެނދުގާ ބާއްވާލީ ވަރަށް ބަލައިގެންނެވެ.

ފަތިސްނަމާދުގެ ބަންގިއަޑު ފޯނުން އިވުމާއެކު ލައިހާ އަށް ތެދުވެވުނެވެ. ކައިރީ ނިދާފަ އޮތް ރިޔާންގެ އިސްތަށިގަނޑުހާވާލަމުން ލައިހާ ރިޔާން އަށް ގޮވާލިއެވެ. އެއާއެކު ރިޔާން ވެސް ނިކަން އަވަހަށް ތެދުވެލިއެވެ. ލައިހާގެ ގައިގައި އަތްވަށާލަމުން އިތުރަށް ގާތްވެލަމުން ރިޔާން ނިދަން މަސައްކަތް ކުރިނަމަވެސް ލައިހާ ނަމާދުކުރަން ތެދުވަން ކީމާ ރިޔާންވެސް ތެދުވެލިއެވެ. ދެމީހުން އެތްކޮށް ނަމާދުކޮށްލަމުން ބޭރަށް ނިކުން އިރު ހަތެއް ޖަހަނީއެވެ. އިއްތިފާޤަގުން ޒިވްޔާ އަދި ޒަޔާން ވެސް ވާހަކައިގައި ތިބެގެން އެވަގުތު ނިކުންނަނީއެވެ. ޒިވްޔާ އަދި ލައިހާ ފޯނަށް ވެސް އެވަގުތު އާ ޔުލީންގެ ގުޑްމޯރނިން މެސެޖާއެކު ދެމީހުންނަށް ވެސް އެއްފަހަޜާ ހިނިތުންވެލެވުނެވެ. ހަތަރުމީހުން އެތްކޮށް ނާސްތާކޮށްގެން ހޮޓަލުން ނިކުމެގެން ފުރަތަމަ ވެސް ދާން މިސްރާބުޖެހީ ނުޒްހަތް މެންގެއަށެވެ. ކައިވެންޏަށްފަހު އުޅެން ޒަޔާން އަދި ޒިވްޔާ އަށް ވެސް އަދްހަމް ވަނީ ގެއެއް ހަދިޔާކޮށްފައެވެ.

ދެއަހަރު ފަސް

*******

ކޮޓަރިއަށް ވަން ރިޔާންގެ ފިޔަވަޅުތައް ހުއްޓުން އެރީ އޭނާގެ ފައިގައި އައިސް އޮޅުލާގަން ކުޑަކުޑަ ލަޔާ ގެ ސަބަބުންނެވެ. އެތްއަހަރުވެފާ ވީނަމަވެސް ލަޔާ އެކޭ ބޮޑުމީހެކޭތަފާތެއް ނެތެވެ. އެއިރު ވަރުބަލިވެފައި ހުރެ ލައިހާ ލަޔާ އާ ހިސާބަށް ހަމަކުރިއެވެ. ” ލަޔާ މިއަދު ވެސް މަންމި ވަރުބަލި ކޮށްލީދޯ ،” ލާނެތް ހިނިތުންވުމަކާއެކު މަޢުސޫމް ގޮތަކަށް ހެވިފައި ހުރި ލަޔާ އުރާލަމުން ރިޔާން ބުނެލިއެވެ. ” ރިޔާން ހޭނެ ކަމެއް ނެތް ހަމަ މިލަޔާ މީ ދެވަނަ ރިޔާން ހާދަ ލާނެތޭ ” ދެ އުކުޅުގާ އަތްވިއްދާލަމުން ލައިހާ ބުނެލިއެވެ. ” ލަޔާ ދޫނީ ދެން އަވަހަށް އާދޭ ޔުލީތުއްތަ މެންނާއެކު ރަސްފަންނަށް ދާން ޖެހޭނެއެއްނު ، އަނެތްކާ ލީއާންބޭބެ ވެސް ހުންނާނެ މިހާރު ދަރިފުޅު ނިކުންނަންދެން ” ލަޔާ އާދިމާލަށް އަތްދިއްކޮށްލަމުން ލައިހާ ބުނެލީ ވަރަށް މަޢުސޫމް ކަމާއެކީއެވެ. ” މައިސެކެންޑް ބޭބީ ” ލައިހާ ލަޔާ އުރާލުމާއެކީ ރިޔާން އެދެމައިންގައިގައި ބައްދާލަމުން ބުނެލިއެވެ. ލައިހާ ގެ ތުންފަތަށް ހިނިތުންވުމެއް ވެރިވެގެން ދިޔައިރު ކުޑަކޮށް ކޮރާލަމުން ރިޔާންގެ ކޮލަށް ބޮސްދެމުން ލަޔާ ގޮވާގެން ފާހަނަ އަށް ވަނެވެ. އެއާއެކު ރިޔާންގެ ތުންފަތަށް ހިނިތުންވުމެއް ވެރިވެގެން ދިޔައެވެ.

ލައިހާ ، ރިޔާން އަދި ލަޔާ ކޮޓަރިން ނިކުންއިރު ސިޓިން ރޫމްގާ ނުޒްހަތް އިނީ ޔުލީން އަދި ޔޫއާންގެ ފިރިހެން ދަރިފުޅު ލީއާން އަދި ޒިވްޔާ އަދި ޒަޔާންގެ ދިހަމަހުގެ ދަރިފުޅު ރައްޔާ ގޮވާގެންނެވެ. ކުޑަކޮށް ދުވެލާފައި ލަޔާ ވެސް ގޮސް ނުޒްހަތްގެ ފައިގާ އޮޅުލާގަތެވެ. ހިނިތުންވެލަމުން ލައިހާ އަދި ރިޔާންވެސް އަތުގުޅުވާލަމުން އެތަނަށް އައެވެ. ” ކޮބާ އާދެވިއްޖެ އެއްނު މޮސްޓްބިޒިއަސްޓް މޮމް އެން ޑޭޑް އަށް ” ޔުލީން ބުނެލިއެވެ. ” ކީއްކުރާނީ ޔުލީ ، މިހިރަ ރިޔާން ހަމަ ރަނގަޅަށް ވެސް ލަޔާ ސްޕޮއިލް ކޮށްލާފި ހިފިނުހުރެވޭ އެދަރިއަށް ” ރިޔާން އާދިމާލަށް ލޯކުޑަކޮށް ބަލައިލަމުން ލައިހާ ބުނެލިއެވެ. ” ޔާ އެއީ އަހަރެންގެ ދަރިފުޅޭ އެހެންމާ ލަޔާ އަންނާނީ އަހަރެންގެ ކޮޅަކަންނު ” ދެރަނުވާންވެގެން ރިޔާން ވެސް ބުނެލިއެވެ. ” ދެން ސްޓޮޕް ، ހިނގާ ދާން ” ދެއަތްއުފުލާލަމުން ޔުލީން ބުނެލީ ނިކަން ޑްރެމެޓިކް ކޮށެވެ. ” މަންމާ ދެން ދަނީ އަންނާނަން އިނގޭ ” ނުޒްހަތް އަށް ބަލައިލަމުން ޔުލީން ބުނެލިއެވެ. ހިނިތުންވެލަމުން ނުޒްހަތް ބޯޖަހާލިއެވެ. އެންމެން އެކީ ނިކުންއިރު ލީޔާން އަދި ލަޔާ ނިކުތީ އަތުގުޅުވާލަމުންނެވެ. އެ މަންޒަރު ކިތަންމެ ހާވެސް ލޮއިތްބެވެ. އެންމެން އެކީ ކާރަށް އެރުމުން ރިޔާން ކާރު ދުއްވާލީ ރަސްފަންނާހަމައަށޭވެ. ހަވީރުގެ ހިޔާޖެހިފައިވާ ވަގުތުކަމުން ރަސްފަންނު ގެ ހިތްގައިމު މާހައުލުގައި އެކިއެކި އުމުރު ފުރާގެ މީހުން ދިޔައީ މަޖާނަގަމުންނެވެ. އެކިއެކި ކޮޅުކޮޅަށް ދުވާ ކުޑަކުދިންނާ މާފޮލުވަމުން ދިޔަ ލޯބިވެރިންވެސް ވަކިމަދެއް ނޫނެވެ.

ރިޔާންމެން އެންމެން ގޮސް ހަޓް އެއްގެ ދަށަށް ތިރިވެލިއިރު ކޮންމެ މީހެއްގެ އަތުގައި ޖޫގޯއެތް އޮތެވެ. ލަޔާ އަދި ލީޔާން އަށް އައިސްކްރީމް ދެމުން ދިޔައިރު ކުޑަކުޑަ ރައްޔާ އަތުގައި އޮތީ ޖެލީއެކެވެ. އެންމެން ވެސް ހިޔާލެއް ފިކުރެއް ނެތި ވާހަކަ ދައްކާ ހެމުން ދިޔައިރު އެދެމެދުގައި ވާ ގުޅުމުގެ ވަރުގަދަކަން ހާމަވަމުން ދިޔައެވެ. ކުޑަތިން ކުދިންވެސް ހީހީފައި މަޖާވަމުން ދިޔައިރު ބޮޑު ހަމީހުންގެ ތުންފަތުގައި ވެސް ވަނީ ރީތި ހިނިތުންވުމެއް ކުޅެލިވެފައެވެ. ލައިހާ ގެ އަތުގައި ރިޔާން ހިފާލައިގެން އިންއިރު ރިޔާންގެ އުނގުގައި ލަޔާ އިނީ ލައިހާ ދޭވަރަކުން އައިސްކްރީމް ކާށެވެ. މިކުޑަކުޑަ އާއިލާ އަސް ބަލައިލުމުންވެސް އެދެމެދުގައި ޥާ އުފާވެރިކަމާ ހިތްހަމަ ޖެހުން ފެނިގެންދެއެވެ. ދެހިތުގައި ވެސް އެކަކު އަނެކަކަށް ލޯބިވާއިރު ކުރިއަށްވުރެ ބޮޑަށް ފުންވެގެން ގޮސްފާވާހެން ވެސް ހީވެއެވެ. ދެމީހުންގެ ހިތުގައިވެސް އެންމެ ފަހުވަގުތާ ޖެހެންދެން ވެސް އެކީ އުޅުމަށް ވާއިރު ދުވަހެއްގެ ކޮޅުންވެސް އެކަކު އަނެކަކު ދެރަ ނުކުރުމަށް ވެސް ވަޢުދުވެފައިވެއެވެ. މުޅިޢުމުރަށް ވެސް އެއުފާވެރިކަމާ ހިތްހަމަ ޖެހުމުގާ ލަހައްޓަވާތޯ އެދެހިތުންވެސް ދިޔައީ ދުޢާ ކުރަމުންނެވެ.

(ނިމުނީ)

ނޯޓް :

މިވާހަކަ ފެށުނީއްސުރެ ނިމެންދެން ކިޔުއްވެވި ހުރިހާ ކުދިންނަށާ އަޅުގަނޑަށް ސަޕޯޓް ދެއްވިވެ ހުރިހާ ކުދިންނަށް ވެސް އަޅުގަނޑުފަރާތުން ވަރަށް ބޮޑު ތެންކިޔޫއެއް. ތިގޮތުގާ އަބަދުވެސް ވާނެކަމަށް އަޅުގަނޑު އުންމީދުކުރަން . ކުރިން ބުނެފާ ވީފަދައިން ދެން އަޅުގަނޑު ދިގުވާހަކަ އެއް އަޕްއެއް ނުކުރާނަން ، ކިޔެވުން ފެށިމިއީ އަޅުގަނޑަށް މުހިންމު އަހަރަކަށް ވީތީ ކިޔެވުމަށް ސަމާލުކަން ދިނުމަށްޓަކާ އަޅުގަނޑު އެހަށް ވާހަކަ ލިޔުން މެދުކަނޑާލާ ވާހަކަ ހިތާމައާއެކީ ފާޅުކޮށްލަން ، އެހެންނަމަވެސް ދޭތެރެ ދޭތެރެ އިން އަޅުގަނޑުގެ ކުރުވާހަކަ އެއް ނަމަވެސް ކިޔުންތެރިންނާ ހަމައަށް ގެނެސްދޭން އަޅުގަނޑު ވަރަށް މަސައްކަތް ކުރާނަން ، ލިބޭ ހުސްވަގުތުތަކުގާ އާ ޗުއްޓީގާ ދިގުވާހަކަ އެއް ލިޔަން އަޅުގަނޑު ވިސްނަން ، އެހެންކަމުން އިންތިޒާރުކޮށްލައްވާ ، އިންޝާ ﷲ ވިލް މީޓް ޔޫއޯލް ސޫން ، ކީޕް ވެއިޓިން ، ވިލް މިސްޔޫއޯލް ސޯމަޗް ، ވަންސްއެގެއިން ތެންކިޔޫފޯދަ އެންޑްލެސް ސަޕޯޓް ، އެން ފޯރ ބީއިންވިތް މީއިން ދިސް ޖާރނީ

ލަވްޔޫ އޯލް ، ޓޭކްކެއާ ،  ބާއީ