މަޢާފް ހައްޤުވާނެބާ? – ޓުރެއިލަރ

އުމުރުން އެންމެ ފަންސަވީސް  އަހަރުގެ ޖަނާޙް އަކީ އާދައިގެ ދިރިއުޅުމެއް އުޅެމުން އަންނަ ޒުވާނެކެވެ. މައިންބަފައިންގެ ފުރިހަމަ ލޯތްބާއެކު ބޮޑުވި ޖަނާޙް ކައިވެންޏާ ހަމަޔަށް ދިޔައިރު ދިރިއުޅުމުގެ ހުރިހާ ކަމެއް އޭރުވަނީ ފުރިހަމަވެފައެވެ. ނަމަވެސް ކައިވެންޏަށްފަހު ޖަނާޙްގެ އަންހެނުން ނަވާރް އަލަތު ދަރިފުޅަށް ބަލިވެ އިންދާ ވީނުވީއެއް ނޭނގި މިދުނިޔެ ދޫކޮށް ދިޔައީއެވެ. އެކަމުގެ ސަބަބުން ޖަނާޙްގެ ދިރިއުޅުން ބަނަވެގެން ދިޔައެވެ. ނަމަވެސް އާއިލާއަށްވެސް ނޭނގި ކުއްލިއަކަށް ޖަނާޙްއާއެކު ކިޔެވި އަންހެންކުއްޖެއް ކަމަށްވާ ދާނިޔާ ޖަނާޙް އިނީ ނަވާރްގެ މަރުވިފަހުން މަހެއްވެސް ނުވަނީހެެވެ. ޖަނާޙް ދަންނަ އެތައް ބަޔަކު އޭނަ ދާނިޔާއާއެކު ބާއްވާ އެފެއާ ފޮރުވަން ނަވާރް މަރާލީ ޖަނާޙްއޭ ކިޔައިގެން ޖަނާޙްގެ ބޮލުގައި އެތަކެއް ތުހުމަތުތަކެއް އެޅުވިއެވެ. ނަމަވެސް އެއއިން ކަމަކަށް ޖަނާޙްގެ ސަމާލުކަމެއް ނެތެވެ. އޭނަގެ ވިސްނުން ހުރީ މުޅިން އެހެން ކަމަކަށެވެ. ނަމަވެސް އަނެއްކާ ކުއްލި ގޮތަކަށް ދާނިޔާ ބަލިވާން ފެށުމުން ބަންދުވެފައިވާ އެންމެންގެ ދޫތައް ހުޅުވެން ފެށިއެވެ. ދެން ވާނީ ކިހިނެތް ބާވައެވެ? ޖަނާޙްއަކީ އަންހެނުން މަރާ ޤާތިލެއް ބާވައެވެ? ނަވާރްގެ މަރުގެ ހަޤީޤަތަކީ ކޮބާ ބާވައެވެ?

މިހުރިހާ ހަޤީޤަތެއް ހޯދުމަށް މިވާހަކައަށް އިންތިޒާރު ކޮއްލައްވާ…