މި ވާވަރު ބުނެދޭ ހިތްވޭ

ފަތިސް ބަންގީގެ އަޑަށް އާތިކާއަށް ހޭލެވުނެވެ. އިރުކޮޅެއް ވަންދެން އެނދުގައި އޮތީ އަދިވެސް ނިދި ހުރުމުން ތެދުވާން ބޭނުން ނުވާތީއެވެ. އާތިކާއަށް ކުއްލި ސިހުމެއް ލިބުނީ ފޯން އެލާމްވާ އަޑަށެވެ. އަވަހަށް އެނދުން ތެދުވެ ފާހަނަޔަށް ވަދެ ފެންވަރައިން  ވުޞޫކޮށްލާ  ރީތިވެ  ނަމާދު ކުރިއެވެ. މިއަދު މީ އާތިކާގެ ފުރަތަމަ ޝޫޓިންގް ދުވަސް ކަމުން ހުރީ ތަންކޮޅެއް ކަންބޮޑުވެ ނުބައެއް ހެދިދާނެކަމަށް ބިރުންނެވެ. ސްކރިޕްޓް އަނެއްކާވެސް ކިޔާ ނިމުން ފަހުން ގަޑިއަށް ބަލާލިއިރު 7 ޖަހަނީއެވެ. ގަޑި ޖެހެން 20 މިނެޓަށް ވިއިރުވެސް ތައްޔާރުވެ ނުނިމުމުން އަވަސް އަރުވާލާފައި ކާރައް އަރާ ދުއްވާލީ ސްޓޫޑިއޯއާ ދިމާލަށެވެ. ސްޓޫޑިއޯއަށް ކާރު މަޑު ކޮށްލިއިރު ހުރީ 7:35 ވެފައެވެ. އެއްވެސް ދިމާލަކަށް ބެލުމެއްނެތި އާތިކާ ކާރު ޕާކު ކުރަން އުޅުން ގަޑީ ފަހަތުގައި އޮތް ކާރެއްގައި އާތިކާގެ ކާރު ގޮސް ޖެހުނީ ހިސާބަށް ތުރެއް ތަންކޮޅެއް ބާރަށެވެ. “ކޭން ޔޫ ޕްލީޒް ބީ ކެއާފުލް؟ ނޫނީ ޑްރައިވް ކުރަން ނޭގެންޔާ ހަޔާރ އަ ޑްރައިވަރ.” އާތިކާ ފޭބިއިރަށް ފިރިހެނެއްގެ އަޑު އިވުނެވެ. އަޑު އައި ދިމާލަށް ބަލާލިއިރު 24 އަހަރުގެ ޒުވާން ފިރިހެނެއް ކަޅު ކުލަޔަކަށްދާ ކާރެއް ކައިރީ ހުއްޓިގެން އާތިކާަށް ބަލަން ހުއްޓެވެ. “ސޮރީ. ލަސްވާތީ ބަލާނުލެވުނީ.” މިހެން ބުނެ އާތިކާ އެ ފިރިހެން މިހާގެ ޖަވާބަކަށް އިންތިޒާރު ނުކޮށް ހިނގައިގަތީ ސްޓޫޑިއޯއާ ދިމާލަށެވެ.

“ހާދަ ލަސްވީ؟ މިހާރު 7:30ޔަށް ތުރެއް ބޮޑުވެފަ އެހުރީ. ދެން ފަހަރަކުން ގަޑިއަށް ސަމާލު ވާތި!!” މެނޭޖަރ އާތިކާއަށް ބުނެލިއެވެ. އެއީ ހަމަ އެ ޒުވާނާވެސް އެތެރެއަށް ވަތް ވަގުތު ކަމުން އޭނާއަށްވެސް އެވާހަކަ އަޑު އިވުނެވެ. “އަރީން. ކޮންތާކަށް ގޮއްސަ ތި އައީ؟ މަ އަރީން ހޯދާތާ ކޮން އިރެއް. 10 މިނަޓް އެއޮށް ވީ ބޭރަށް ގޮއްސަ އަންނަން ބުނިތާ.” އަރީން ފެނުމުން މެނޭޖަރ ވާހަކަ ދއްކަން ފެށިއެވެ. “ކޮންމެސް މީހަކު މަގޭ ކާރުގެ ލައިޓް ހަލާކުކޮށްގެން އުޅުނީމަ ލަސްވާނެ ދޯ!” އަރީން މިހެން ބުނުމަށްފަހު އާތިކާ އަށް ބަލާލިއެވެ. އާތިކާއަށް އިސްޖަހާލެވުނީ ގަތް ލަދެއްގެ ބޮޑު ކަމުންނާއި ޝޮކެއްގެ ސަބަބުންނެވެ. “އެއީ އަހަރެން ގަސްތުގަ ކުރި ކަމެއް ނޫނޭ އަޅެ” އާތިކާއަށް އަވަސް އަވަހަށް ބުނެލެވުނެވެ. އަރީން ހީލަމުން އޯކޭ އޭ ބުނެ އެވާހަކަ ދެއްކުން ހުއްޓާލިއެވެ. ވާހަކަ ދެއްކުން އެހާ ހިސާބަށް މެދުކަނޑާލާފައި ޝޫޓިންގްއާގެން ކުރިއަށް ދިޔައެވެ. ގާތް ގަނޑަކަށް މުޅި ދުވަހުގެ އެއްބައި އެއްކޮށް ޝޫޓިންގް ކުރުމައިގެން ކުރިއަށް ގޮސް ނިންމާލީ ހަވީރު 4 ޖެހި އިރުއެވެ. “މަށާ އެކީ ކޮފީއެއް ބޮއެލަންދާން ހިނގާބަލަ” އަރީން އެއްސެވެ. “ނޫން. އައި އޭމް އޯކޭ. އެން ތޭންކްސް.” މިހެން ބުނެ އާތިކާ ދާން ހިނގައިގަތްތަނުން އަނެއްކާވެސް އަރީން ވާހަކަ ދެއްކި އަޑު އިވުނެވެ. “ކާރު ރިޕެއަރ ނުކޮށްދިނަސް ކޮފީއަކަށް އޭގެ ބަދަލްގަ ގޮސްދިނިއްޔާ ވަރަށް ހިތްހަމަޖެހޭނެ” އެއް ލޯ މަރާލާފައި ހީލަމުން ބުނެލިއެވެ. ދެލޯ ރޯލް ކޮށްލުމަށްފަހު އާތިކާ އާނއެކޭބުނެލިއެވެ. “ސޯ ޔުއަރ ސެއިންގް ދިސް އިޒް ޔުއަރ ފަސްޓް ޝޫޓިންގް؟” އަރީން އެއްސެވެ. މިހާރު އެމީހުން ތިބީ ކޮފީއަކަށް އޯޑަރ ކޮއްގެން ބޯށެވެ.”ޔެސް އައި އޯލްވޭޒް ޑްރީމްޑް އޮފް ބިކަމިންގް އަ ސްޓަރ” އާތިކާ ބުނެލިއެވެ. އަރީން ހަމައެކަނި އާތިކާއަށް ބަލަން އިނީ ހިނިތުންވެފައެވެ. ކޮފީއަށް ފަހު ދެމީހުންވެސް ނަންބަރު އެކްސްޗޭންޖްކޮށް ގެއަށް މިސްރާބު ޖެހިއެވެ.

އަރީންގެ ކާރު ގޮސް މަޑުކޮށްލީ އެންމެ މަޝްހޫރު އެއް ބިޒްނަސްމެން ކަމަށްވާ މާހިލްގެ ގެ “ސަންލައިޓް” ކުރިމަތީއެވެ. ގެއަށް ވަދެގެން އައި އިރު މަލާކު ބަދިގެތެރޭ އުޅޭއަޑު އިވިގެން ގޮސް ބަދިގެއަށް ވަނެވެ. “ދޮންބެދައްތާ. ކޮބާ ދޮންބެ؟” އަރީން އަހާލީ މާހިލް ވީ ކޮންތާކުތޯއެވެ. “އަދި ނާދޭ ގެއަކަށް. އިރުއޮއްސޭ އިރު އަންނާނެ.” މަލާކު މަޑު މަޑުން ބުނެލިއެވެ. މާހިލްއަކީ ރެޔާ ދުވާލު މަސައްކަތުގައި އުޅޭ މީހެކެވެ. ހުރިހާ ކަމެއް ނިންމުމަށްފަހު މާހިލް އަންނަނީ އިރު އޮއްސޭއިރެވެ. އަރީން އެހެން އެއްވެސް އެއްޗެކޭ ނުބުނެ ހީލުމެއްދީފައި ކޮޓަރިއަށްދާން މައްޗަށް އެރިއެވެ. ފެންވަރައިން ރީތިވެގެން ތިރިޔަށް ފޭބީ ބަނޑުހައި ވެގެންނެވެ. އޭރު އިރު އޮއްސި 7:00 ވީއެވެ. ސިޓިންގް ރޫމަށް އަރީން ވަތް އިރު މާހިލް އޮފީހުން ނިމިގެން ގެއަށް އައިސް ވަންނަނީއެވެ. “ކޮބާ ޝޫޓިންގް ދިޔައީ ކިހިނެއް” މާހިލްއަށް އަރީން ފެނުމުން އެއްސެވެ. “މަގޭ ކާރު އެންމެ ފުރަތަމަވެސް ފުނޑުވީ. ދެން ދުވަސް ދާނެތަ ރަނގަޅަށް.؟” އަރީން ފާޑެއްގެ ވައްތަރެއް ޖައްސާލަމުން ބުނެލިއެވެ. “ކީއްވެ ހަލާކުވާން ޖެހުނީ؟” މާހިލް ސީރިއަސްކަމާއެކު އެހިއެވެ. “މަށާ އެކީ ޝޫޓިންގް ކުރަން ހަމަޖެހުން އަންހެނެއް. ދެން ކާކު. ސޮރީއޭ ބުނެފަވެސް ބަލާވެސް ނުލާ ސްޓޫޑިއޯއަށް ވަނީ. މަގޭ ހުރީ ރުޅިއައިސްގެން ރަތައް އަރާފަ.”އަރީން ވާހަކަ ދެއްކި ގޮތުން މާހިލްއަށް ހެވުނެވެ. އެތަނަށް މަލާކު އަށް ވަދެވުނީ މާހިލް ހޭންފެށި އިރަށް ކަމުން މަލާކުއަށް މާހިލްގެ ހީލުމުގެ އަޑު ރަނގަޅަށް އަޑު އިވުނެވެ. މާހިލްއަށް މީހެއްގެ ހިލަންވެގެން ބަލާލިއިރު މަލާކު ކުޑަ ހިނިތުންވުމެއް ދީގެން ބަލަން ހުރުމުން އަވަހަށް ހުނުން ހުއްޓާފައި ފެންވަރައިން ރީތިވެގެން މާހިލް ގޭގައި ހުރި އޮފީހަށް ދަނީކަމުގައި ބުނެ އަވަހަށް އެތަނުން ދިޔައެވެ.

7:30 ގައި އުލްވީއަށް ފޯންކޯލެއް އައެވެ. އެއީ އޭނާގެ ބެސްޓްފްރެންޑް ރަފާއެވެ. 8 ޖަހާއިރު ތައްޔާރުވެގެން ހުރުމަށް ބުނެ ފޯން ކަނޑާލުމުން އުލްވީއަށް ޖެހުނީ ތައްޔާރުވާށެވެ. ރަފާއަކީ ގޮތްދޫނުކުރާ މީހެއްކަމުން އުލްވީއަށް ޖެހުނީ އެކަމަށް އެއްބަސްވާށެވެ. އިސްތަށިގަނޑު އައްސާލުމަށްފަހު ދެފަރާތައް ކުޑަކޮށް އިސްތަށިކޮޅުތަކެއް ވައްޓާލުމަށްފަހު ފޯން ނެގީ ރިންގްވާން ފެށުމުންނެވެ.”ކޮބާތަ އަޅެ ތި ބީތާ” ރަފާ ކުޑަކޮށް ރުޅިއައިސް ހުރެ އެއްސެވެ. “މި އަންނަނީއޭ ތިރިޔަށް ޗިލް.” ހެމުން އުލްވީ ބުންޔެވެ. އުލްވީ ގެއިން ނުކުުއޮތް އިރު ރަފާ ހުރީ ރުޅިމޫނު ހަދާފައި ހުރުމުން އުލްވީ ކުއްލިއަކަަށް ހޭންފެށީ ރަފާ ތުން ދަމާފައި ރުޅި ހަދައިން ހުރުމުންނެވެ. އެހެން ރަފާ ހުރި އިރު ވަރަށްވެސް ލޯތްބެވެ. “ބިޗް. ހޭނެ ކަމެއް ނެތް. މަގޭ މީ އޮފްދުވަސްވީމަ ބުނީވެސް މަށާ އެއްކޮށް އަންނަން ޓައިމް ސްޕެންޑް ކުރަން” ރަފާ ބުންޏެވެ. “ހޫ. ދެން ހެވޭ. ބުނެބަލަ. ކޮންތާކަށް މަ ގޮވައިންދާން ތިއުޅެނީ؟” އުލްވީ ވަރަށް ޝައުގުވެރި ވެފައި އެއްސެވެ. “ވެއިޓް އެންޑް ސީ އުލް. ވެއިޓް އެން ސީ” ރަފާ ވިހަ ހިނިތުންވުމެއް މޫނުމައްޗަށް ގެނެސްފައި ޓެކްސީއެއް ހުއްޓުވާ އެޔަށް އުލްވީ އަރުވާފައި ރަފާވެސް އަރާ އިށީނދެ ދާންވީ އެޑްރެސް ބުންޏެވެ.

މަލާކު ރޭނގަނޑުގެ ކެއުން ތައްޔާރުކޮށްފައި އަރީން އަށް ގޮވަން މައްޗަށް ދިޔައެވެ. “ރީން. ކާން ހެދިއްޖެ. އާދޭ ކާން.” މަލާކު ދޮރުގައި ޓަކި ޖަހައިފައި ގޮވާލިއެވެ. “އޯކޭ. ވިލްބީ ދެއާ އިން އަ މިނަޓް.” ފޯން ބާއްވައިފައި ފާހަނާއަށް ވަދެލަމުން އަރީން ގޮވާލިއެވެ. އަރީންގެ ޖަވާބު ލިބުމުން އެންމެ ފަހުން  މާހިލްއަށް ގޮވަން ސްޓަޑީ ރޫމްއަށް ދިޔައެވެ. “މާހިލް. ކާން ހެދިފަ އެބަހުރި. ކާން ދުރުވެބަ.” މަލާކު ވާހަކަދެއްކީ ވަރަށް މަޑުންނެވެ. “އޯކޭ. ގިވް މީ 1 މިނަޓް.” މާހިލް އަބަދުވެސް މަލާކުއާ ވާހަކަ ދައްކާ ގޮތައް ވާހަކަ ދެއްކިއެވެ. އެއް އަހަރުވަންދެން ކައިވެނިކޮށްގެން އުޅުން އިރުވެސް މަލާކުއަށް ލޯބިން މަޑުމައިތިރިކޮށް ވާހަކަ ދައްކާފައެއް ނުވެއެވެ. އަބަދުވެސް ވާހަކަ ދައްކަނީ ވަރަށް ރޫޑްކޮށެވެ. މަލާކު ޑައިނިންގް ޓޭބަލް ކައިރީ ހުއްޓާ އަރީން އާއި މާހިލް އައެވެ. ތިންމީހުންވެސް ކައިގެން އެމީހެއްގެ ރޫމްއަށް ނިދަންދިޔައީއެވެ. ކޮންމެ ރެއަކުވެސް އެންމެން 8 ޖަހާ އިރު ނިދަނީ އެގޭގައި މާހިލްމެން ގޭގައި އެގޮތައް ގަވާއިދު އޮތުމުންނެވެ.

އުލްވީ ހުރީ ބުނާނެ އެއްޗެއް ނޭނގިފައެވެ. ރަފާ ކައިރީ އެވަރަށް އުލްވީ ކޮންސެޓަކަށް ނުދާނަމޭ ބުނުމުންވެސް ގެންދިޔައީއެވެ. ދެން ކުރާނެ ކަމެއް ނެތެވެ. އާދެވިފައި ހުރުމުން ފަސް އެނބުރި ދާން ނުކެރުނީ އެކުވެރިޔާ އަށް ވިސްނާފައެވެ. އުލްވީ ނަސީބަކުން ހެޑްސެޓެއްވެސް ގެނެވުން ކަމުން މުޅި ކޮންސަރޓް ގަޑީ ފޯނުން ލަވަ ޖަހައިން ހެޑްސެޓް ކަންފަތުގައި ޖަހައިން ހުރެވޭނެއެވެ. ކޮނސަރޓްގެ މެދު ތެރޭން އުލްވީގެ ދައްތަ މަލާކު މެސެޖް ކުރީ ނުނިދިގެން ކަމަށް މެސެޖް ކޮށްފައި އޮތުމުން ގުޅަންވެގެން މީހުން ގަނޑުތެރޭން ނުކުމެގެން ދިޔައީ ނުބަލައެވެ. ބެކް ސްޓޭޖަށް ދެވުން އިރުވެސް އުލްވީ އަކަށް ނޭނގެއެވެ. ރަފާ ގޮވީމަވެސް އަޑު ނީވުނީ ލަވަ ޖަހައިން ހުރީމައެވެ. އުލްވީއަށް ހޭވެރިކަންވީ މީހެއް ގައިގައި ޖެހުމުންނެވެ. އުލްވީ ބިންމައްޗަށް ނުވެއްޓެނީސް ގައިގައި ހުޝިޔާރު ކަމާ އެކީ ކައިރީ ހުރި މީހަކު ހިފިކަން އޭނާއަށް އިހުސާސް ކޮށްލެވުނީ ލޯ މަރާފައި ހުރުމުންނެވެ. “އީޒީ ދެއަރ ބިއުޓިފުލް.” އުލްވީއަށް އެ މީހެއްގެ އަޑު ކަންފަތުގައި ޖެހުނެވެ. އަޑު އަހާލަން ވަރަށް ފަސޭހަ އަޑެކެވެ.

✨ނުނިމޭ✨

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.