“އެއީ ހަމަ އަސްލުވެސް ކައިލްތަ؟ ނޫން ދޯ. އެއީ ކައިލްއެއް ނޫނޭ ބުނޭ. ހެޔޮނުވާނެ.” މިފަހަރު ލަޔާލްގެ ވާހަކަ ހުރި ގޮތުން ޒޭންއަށް ޔަގީންވީ ދެމީހުން އުޅެނީ ރައްޓެހި ވެގެން ކަމުގައެވެ. ޔާލްއަށް މިހާވަރު ވެގެން މިއުޅެނީ އެހެން ވެގެން ކަމަށެވެ. ޒޭން ވަރަށް އުފާވިއެވެ. އެއީ ނީޒާ އޭނަގެ ފަހަރިއަށް ހަދަން ބޭނުން ނުވާތީއެވެ. “ސިސީ.. ހަމަ ޖެހިބަލަ. ތިއްތޭ ހޭއަރައިފިއޭ. އިރުކޮޅަކުން ރޫމަށް ބަދަލު ކުރާނެ ވާހަކަ ސިސީގެ ދޮންތަ ބުނެފިއޭ. ހުއްޓާލާ ދެން.” ޒޭން ޔާލްގެ ކަރުނަ ފޮހެމުން ބުންޏެވެ. “ކައިލް އެއީ ޒޭންގެ ބޭބެއެއްތަ؟ ކައިލް އަށް ކިހިނެއްވީ؟ ހިއެއްނުވޭ ކައިލްއަށް ޔާލް އިނގޭނެ ހެނެއް” ލަޔާލް ހައިރާންވެ ހުރެ އަހާލިއެވެ. އޭރު އެ ދެލޮލުގައި ވަނީ ޖަވާބެއް ނެތް ސުވާލު ތަކެކެވެ. “ކީކޭ؟ ތިއްތޭ އަކަށް ނޭނގޭނޭ. ދެން ކީއްވެ ސިސް ތިހާވަރަށް ތި ރުއީ؟ އަނެއްކާ ސިސް ތިއްތޭ ދެކެ. އަހަރެން ހީކުރީ ދެމީހުން އުޅެނީ ރައްޓެހި ވެގެން ކަމަށް” ޒޭން ވާނުވާ ނޭނގި ހުރެ އޮޅުން ފިލުވަން ވެގެން އެހިއެވެ. “ކޯޒް އައި ލަވް ހިމް އައި ވޯންޓް ހިމް ސޯ ބޭޑް ލީ” ލަޔާލް ހަޅޭއް ލަވައިގަތެވެ. އެތާ އިތުރު މީހަކު ހުރިނަމަ ޔާލް ބޭޒާރު ވީސް ކަން ޔަގީނެވެ. ޒޭން ވަރަށް އުފާވިއެވެ. ނަމަވެސް ކައިލް ލޯބި ވަނީ ނީޒާ ދެކެކަން ޒޭންއަށް އެނގެއެވެ. އެހެން ކަމުން އެވާހަކަ ކިޔާ ދިނުމަށް ނިންމީ ޔާލް އޮޅުމެއްގެ ތެރޭގައި ބަހައްޓަން ބޭނުން ނުވާތީއެވެ. އެހެން ކަމުން ވަރަށް ހިތްވަރު ކޮށްފައި އެވާހަކަ ކިޔާދޭން ފެށިއެވެ. ލަޔާލް އަށް ހީވީ ހިތަށް މީހަކު ކަށި ހެރި ހެންނެވެ. އެއީ އެއްވެސް ވަރަކަށް އޭނަ އަޑު އަޑުއަހަން ބޭނުންވި ވާހަައެއް ނޫނެވެ. ނަމަވެސް އޭގަ ކުރެވޭނެ ކަމެއް ނެތެވެ. އެވަގުތަކީ ލައިޝާ ނިޔާޝް ދޫކޮށްލައިގެން ގެޔަށް ގެންދަަން އައި ވަގުތެވެ. އެވަގުތު އޭނައަށް ފެނުނީ އޭނަގެ ލޯބިވާ ކޮއްކޮ ގޮނޑިއެއް ގައި އިނދެގެން ރޯތަނެވެ. ކައިރީގައި ޒޭން އިނދެގެން ކޮންމެސް ވާހަކައެއް ދައްކާ ތަނެވެ. ލައި ހީކުރީ ޔާލް ރޮނީ ބައްޕަ އަނެއްކާ ބަލި ވުމުން ކަމަށެވެ. ނަމަވެސް ކައިރި ވުމުން ވީގޮތް ލައި އަށް ސާފު ވެގެން ދިޔައެވެ. އަދި ކޮއްކޮ އަށްޓަކައި ހަމްދަރުދީވިއެވެ. ލައި އަދި ޔާލްއަށް ވިސްނައި ދޭނެއެވެ. ބޭނުން ކޮންމެ އެއްޗެއް، ލޯބިވާ ކޮންމެ މީހެއް ނުލިބޭނެއެވެ. އެކުދިންް ކުޑައިރު މަންމަ މަރު ވުމުގެ ސަބަބުން ވަނީ މަންމައެއްގެ ލޯބިން މަހުރޫމު ވެފައެވެ. ނަމަވެސް އެއްވެސް ކުއްޖަކު އެކަމާ ޝަކުވާއެއް ނުކުރެއެވެ. އެހެން ކަމުން ލައި ނިންމީ އެކަމާއި ވާހަކަ ދައްކައިގެން ޔާލް ހަމައަކަށް އެޅުވުމަށެވެ. ޔާލްއަށް ގޮވާލުމަށް ފަހު ބައްޕަ އާއެކު ގެއަސްދާ ވާހަކަ ބުނުމުން ކުޑަކުއްޖަކު ފަދައިން ބަސް އަހައިގެން ލައިގެ ފަހަތުން ދިޔައެވެ. ގެއަށް އައި ގޮތަށް ޔާލް ވަނީ ކޮޓަރިއަށެވެ. ބޮޑުދައިތަ ކާން ބުނުމުން ވެސް އޮތީ ނުކައެވެ. އެންމެ ފަހުން ނިޔާޝް އަށް އެކަން އެނގިގެން އައެވެ. އަދި ލަޔާލް ލައްވައި ކާން އެއްބަސް ކުރުވުމަށް ފަހު ނިކުތެވެ. ތަންވަޅު ބަލާފައި ލައިޝާ އެ ކޮޓަރިއަށް ވަނެވެ. އޭރު ޔާލް ފާހަނާއިން ނުކުތް ނަނީއެވެ. ލައި އަށް ޔާލްގެ ރަތްވެ ފައިވާ ދެލޯ ފެނުނެވެ. “ޔާލް އެއްވެސް އެއްޗެއް ނުކައެއްނު ތިހުރީ. ދޮންތި މިއުޅެނީ ޕަނީނޯ ކާން. ޔާލް ކާންނަން ދޯ. ދޮންތި އޯޑާވެސް ކޮށްފިން” ލައި ބޭނުންވީ ގަދަކަމުން ވެސް ޔާލް އަށް އެއްޗެއް ކާން ދޭށެވެ. މަންމަ ނެތްއިރު އަދި ބައްޕަ ބަލިއިރު ޔާލް ނުކާ ހުންނަންޏާ ދެރަވާނެތީއެވެ. ޔާލް ބޯ އައްސައި ރީތި ވެލުމަށް ފަހު ނިކުތް އިރު ލައި އޯޑަރާއި ހަވާލު ވެއްޖެއެވެ. ދެކުދިން ކާން އެރީ ޓެރެސް އަށެވެ. އޭރު ބޯކޮށް ވާރޭ ވެހެމުން ދިޔުމުގެ ސަބަބުން މާހައުލު އޮތީ ފިނިވެފައެވެ. ލަޔާލްގެ ހިތަށް ކޮންމެސް ވަރެއްގެ ލުޔެއް ލިބުނެވެ. ހިތްހަމަ ޖެހިގެން ތިބެ ދެކުދިން ކައި ނިންމާލިއެވެ. އެއާކު ވާރޭ ތެރެއަށް ލައިޗާ ނެރުމަށްޓަކައި އޭނަގެ އަތަށް ޔާލް ދަމަން ފެށިއެވެ. އެއީ އަބަދުގެވެސް އާދައެވެ. ވާރޭ ތެރޭ އެކަކު އަނެކަކު ގަޔަށް ފެންޖަހަން އުޅުމަށް ފަހު ވަރުބަލި ވުމުން ޓެރެސް ގައި ހުރި އުނދޯލީގައި އިށީނެވެ. “ޔާލް. މަންމަގެ ލޯބި ނުލިބުނަސް އަހަރެމެން ބޮޑުވީ ބޮއްތަ އާއި ބައްޕަގެ ލޯބި ލިބިގެން. މަންމަ މަރުވީ ޔާލް އަށް ފަސް އަހަރުގަ. އެކަމު ޔާލް ނުލާހިކު ހިތްވަރު ގަދަ. އެހެންވީމަ މިހާރުވެސް ޖެހޭނެ ހިތްވަރު ގަދަ ކުރަން އިނގޭ. ދޮންތި އަށް ކިޔައި ދީބަލަ ވެގެން އުޅޭ ގޮތެއް. ކައިލް އަކީ ކާކުތަ؟ ބުނީމަ ދޯ އެހީތެރި ވެވޭނީ ވެސް.” ލައިޝާ ލޯތްބާއި އެކު ޔާލްގެ ބޮލުގައި ފިރުމަމުން ދިޔައެވެ. ނަމަވެސް ރުއިން ފިޔަވާ އެހެން ކަމެއް ލަޔާލް ނުކުރެއެވެ. ************** ދުވަސްތައް ފާއިތުވަމުން ދިޔައެވެ. ލަޔާލް ވެސް ހިތްވަރާ އެކު އުޅޭމުން ދެއެވެ. ކުރީގެ މަޖާ މިޒާޖާއެކުގައެވެ. އެހެން ނަމަވެސް އޭނަގެ ހިތުގައިވާ ޒަހަމް ލައިޝާ އަށާއި ޒޭންއަށް ނޫނީ ނޭނގެއެވެ. ކައިލްގެ ހަނދާން ތަކުން ދުރުވުމަށްޓަކއި ޔާލް އަބަދުވެސް ކޮންްމެސް ކަމެއްގައި ބިޒީވެގެން އުޅެއެވެ. ކައިލްގެ ހާލަކީތޯއެވެ. ނީޒާ އޭނައަމެދު ކަންތައް ކުރި ގޮތުން ކައިލް ވަނީ ދިރިއުޅުން މަތިން ފޫހިވެފައެވެ. މިކަމާއި އޭނަގެ މައިންބަފައިން ވަނީ ފިކުރު ކުރަން ޖެހިފައެވެ. އެންމެ ފަހުން އެމީހުންނަށް ވިސްނުނު އެންމެ ރަނގަޅު ގޮތަކީ ޒޭން އާއެކު ލަންކާއަށް ފޮނުވުމެވެ. ޒޭން ޔާލްއަށް ގުޅައި އެވާހަކަ ބުނަން އުޅުނު ނަމަވެސް ގުޅާއިރު ފޯނަށް ޖަވާބު ނުުދޭތީ ކޮންމެ ފަހަރަކުވެސް ނާކާމިޔާބު ވަނީއެވެ. ލަޔާލްގެ ގެ ހުންނަ ތަން އެނގޭ ނަމަ ގެއަށް ގޮސް ބުނެވުނު ނަމަވެސް އެ ގެ ހުންނަ ތަން ވެސް ޒޭން އަށް ނޭނގެއެވެ. ************* ލަޔާލް އޭނަގެ އެފްބީ އައިދީ ހުޅުވާލީ ޒޭން އާއި ވާހަކަ ދެއްކުމަށެވެ. ލަޔާލް ސިހުނީ އޭނައަށް އައިއްސަ ހުރި ޒޭންގެ މެސެޖުތަކުންނެވެ. ކައިލް އާއެކު ލަންކާގައި ކަމާއި ނީޒާގެ ބޭވަފާތެރިކަމާއި ލަޔާލްގެ ކުއްލި ވަކިވިމުގެ ސަބަބުން ކޮށްފައިވާ އެތައް ޝަކުވާއެކެވެ. ޔާލް އަވަހަށް ޒޭން އޮންލައިން ގައި އިންތޯ ބެލިއެވެ. އެތައް އިރަކު އިނުމަށްފަހު ވެސް ޒޭން އޮންލައިން ނުވުމުން ޒޭންގެ މެސެޖުތައް އައިއްސަ ހުރި ގަޑީގައި އޮންލައިން ވުމަށް ނިންމިއެވެ. ޔާލްއަށް އޭނަގެ ލޯބި ކާމިޔާބު ވާން އުޅެނީ ކަމުގައި ދެކެމުން އައި ހުވަފެން ތެދުވަނީ ހެންވެސް ހީވިއެވެ. އުފާވެފަ ހުރި ވަރުން ޔާލްއަށް އުޅެވޭ ނޫޅެވޭ ގޮތެއް ނޭނގުނެވެ. މިނިވަން ދޫންޏެއް ފަދައިން ޓެރަސް ގައި އިންދާފައި ހުރި ގަސްތަކުގައި އަތްލަމުން ރާގެއް އަޅުވަމުން ދިޔައެވެ. ޓެރަސްގެ ދޮރު މަތީގައި މި މަންޒަރު ބަލަން ހައިރާން ވެފައި ލައި ހުއްޓެވެ. ލައިކަރު ކެހެލިއެވެ. ނަމަވެސް ހިޔާލީ ދުނިޔޭގައި އުޅުނު ޔާލްއަށް ހިލަމެއްވި ހެންވެސް ހިއެއްނުވެއެވެ. އެއާއެކު ލައި ކެއްސަން ފެއްޓިއެވެ. ޔާލްއަށް ސިހުން ލިބި ހިޔާލީ ދުނިޔެއިން ނިކުމެވުނެވެ. ވަގުތުން އެކުއްޖާގެ މޫނު ލަދުން ރަތްވިއެވެ. “ކިހިނެއް ވެގެންތަ މިއަދު ދޮންތިގެ ކޮއްކި އަށް ވެގެން މިއުޅެނީ؟” ދެއަތުން މޫނު ފޮރުވައިން ހުރި ޔާލްގެ ދެއަތް މޫނުން ނައްޓަމުން ކުރިމައްޗައް އަރައިފައި ލައި އަހާލިއެވެ. “ދޮންތީ ދެން” ޔާލް އަނެއްކާވެސް ލަދުން ފަހަތަށް އެނބުރުނެވެ. “ކޮންމެސް ކަމެއްވެއްޖެ. އެހެން ނޫނީ ތިހިނެއް ނޫޅޭނެ. ބުނެބަލަ ދޮންތަ ކާރީ. އަނެއްކާ ކައިލް” ލައިޝާ ދުލެއްނުކުރިއެވެ. އޭނަ ހުރީ މިފަހަރު ކޮންމެ އެއްޗެއް ކިޔައިގެން ވިޔަސް އެސިއްރު ހޯދުމަށް އަޒުމް ކަނޑަ އަޅައިގެން ކަހަލައެވެ. “ޔެސް ދޮންތީ. ހީސް ގޮނަ ބީ މައިން ސޫން. އިރާދަކުރެއްވިއްޔާ” ނޭނގި ހުރެ ލައި ކައިރީގައި އޭނަގެ ސިއްރު ބޭރު ކޮށް ލެވުނެވެ. އެހާ އުފާވެފައި ހުރުމުން ކިޔޭ ނުކިޔޭ ވެސް ނޭނގޭ ކަހަލައެވެ. އަދި ލައިގެ ކޮނޑުގައި ބޯ އަޅާލިއެވެ. “އެހެންވީމަ ދޮންތިއަށް ހީވީ ރަނގަޅަށް. ދޮންތި ކުރިން ވެސް ބުނީމެއްނު. އިފް ޔޫ ލަވް ސަމްވަން ވެއިޓް ޓިލް ހީ ސީކްސް ޔޯ ލަވް. ބިލީވް މީ މައި ލިޓްލް އެންޖަލް. ވަންޑޭ ޔޫ ވިލް ބީ ދަ މޯސްޓް ހެޕިއެސްޓް ސިސްޓާރ” ލައިޝާ ދިޔައީ އަދިވެސް ހިތްވަރުކުރުމަށް ޔާލް އަށް ނަސޭހަތް ދެމުންނެވެ.
ނައީމާ ސައި ތައްޔާރު ކުރުމުގައި އަވަދިނެތި އުޅުނު އިރު އައިރީން އާއި އުލްޔާ ވެސް ދިޔައީ އެހީތެރި ވަމުންނެވެ. ގޭގައި ކުޑަ ކުއްޖެއް ނެތް ނަމަވެސް 18 އަހަރުގެ އުލްޔާގެ މިޒާޖު ހުންނަ ގޮތުން ގޭތެރޭގެ ފަޅުކަން ފިލައެވެ. އައިރީން އާއި އުލްޔާ އަކީ އެއްބަފާ ދެމީހުން ކަމާ މެދުވެސް މީހުން ޝައްކު ކުރެއެވެ. ދެމީހުންގެ މިޒާޖު އެހާވެސް ތަފާތެވެ. އައިރީން ގޭތެރޭގައި އުޅެމުން އުލްޔާގެ ސަކަރާތުގައި ބައިވެރި ވިޔަސް ބޭރު މީހުންގެ ކުރިމަތީގައި އަލިފެކޭ ބުންޏަސް ދޮގަކަށް ނުވާނެވެ. “ފެށޭ މަސް ތެރޭ މޮމްއަށްް ބޭސް ކުރަން ދާން ކަމަށް މި ވިސްނަނީ” އައިރީން ބުނަން ނުބުނަން ހުރެފައި ބުނެލި ބަސްތަކުން ނައީމާގެ ހިނިތުންވުން ފަނޑުވިއެވެ. “ކަމް އޯން މޮމް. މިތާ ތިބެގެން ތިބަލީގެ ފަރުވާ ކުރެވޭކަށް ނެތް. އެހެން ނޫނަސް ރީން އަކަށް ކެތެއް ނުވޭ މޮމް ތިހާލުގައި އުޅޭތަން ބަލާކަށް. އެއް ދުވަހު ރަނގަޅަށް ހުރިއްޔާ އަނެއް ދުވަހު ތި އުޅެން ޖެހެނީ އެނދުން ތެދުވާނެ ހިތްވަރު ނެތިފައި. ޕްލީސް މޮމް.” ނައީމާއަށް ވީގޮތް ފެނި ދާން ބޭނުން ނުވާކަން އެނގުމުން އެހިތައް ވަރަށް އަސަރު ކުރިއެވެ. އިތުރަށް އެއްޗެއް ބުނަން އުޅުމުން އުލްޔާ ދެފަރާތަށް ބޯ ހޫރާލި ތަން ފެނުމުން އައިރީނަށް ހިމޭން ވާން މަޖުބޫރުވިއެވެ. އިތުރަށް އެތާ މަޑުކުރާނެ ހިތްވަރު ނެތުމުން ކޮޓަރިއަށް ވަދެ ބަންލާފައި ދޮރު ޖެހިއެވެ. މިމަންޒަރު ބަލަން ހުރި ނައީމާ ލޯކަރުން ފުރިފައިވާ ހާލު ހުއްޓުން އަރާފައި ހުރީ ހިތަށް ކުރި އަސަރެއްގެ ބޮޑު ކަމުންނެވެ. “މޮމް. ދޮންތަ އެހެން އެ ވާހަކަ ދެއްކީ މޮމްދެކެ ރުޅި އައިސްގެނެއް ނޫން. މޮމްދެކެ ލޯބި ނުވާތީއެއް ވެސްނޫން. މޮމްއަށް ކެއާރ ކުރާތީ. މޮމް އަވަހަށް ރަނގަޅު ވާން ބޭނުން ވާތީ. މޮމްއަށް ކެއްކުރެވޭނެތަ މާމަ ބަލިކޮށް އުޅޭތަން ބަލަން؟؟ ނުވާނެ ދޯ. ހަމަ އެގޮތަށް ދޮންތައަށްވެސް ނުހުރެވޭނެ އެއްނު. ޕްލީސް މޮމް ގޮތްދޫކޮށްބަލަ.” އުލްޔާގެ އަޑުގައި ވަނީ މަޑުމައިތިރިކަމާއި ލޯއްބެވެ. އެތައް ގޮތަކުން ވިސްނައި ދިނުމުން އެންމެ ފަހުން ނައީމާ ދާން އެއްބަސްވިއެވެ. “މޮމް އެއްބަސްވެއްޖެ. ކޮން އިރަކުތަ ފުރުން އޮތީ؟ އުލީއަށް ދެވޭނެތަ؟” އައިރީން ބެލްކަނިން ބޭރު ބަލަން ހުއްޓައި އުލްޔާ އައިސްއަހާލިއެވެ. އޭނާގެ އަޑުންވެސް ދާން ބޭނުން ވެފައި ހުރި މިންވަރު އައިރީންއަށް ސިއްރެއް ނުވިއެވެ. “ސޮރީ ކިރިޔާ ދެ ޓިކެޓް ހަމަޖެހުނީ ލޯން ނަގައިންވެސް.” އައިރީންގެ ޖަވާބުން އުލްޔާ މާޔޫސްވީ ނަމަވެސް މޫނު މަތިން އެކަން ނުދައްކާ ވޭތޯ ބެލިއެވެ. “ތި ވާހަކަ އެއް ނޫނޭ. ކޮބާތަ އެއްކަލަ ޓޫތްޕޭސްޓް ބޯއީ؟” ކުއްލިއަކަށް އެއްޗެއް ހަނދާންވި ފާޑަށް އުލްޔާ ބުނެލީ ލާނެތް ކަމާއެކުގައެވެ. “ނޭނގެ. އަހަންނަށްތަ އިނގެނީ އޭނަ ވާތަނެއް؟” އައިރީން ފޫހި ވާކަމަށް ހެދިފައި ބުންޏަސް އެވަގުތު އޭނަގެ ތުންފަތުގައި ސިއްރުހިނިތުންވުމެއް ވިއެވެ. “މިއަދު ތިހެން ފޫހި ވައްތަރު ޖެއްސިޔަސް ފަހުން ތި ރީތި ދެލޯ ބޭގަރާރު ވާނެ އޭނަ ދުށުމަށް.” އުލްޔާ އަނެއްކާވެސް ދިމާކޮށް ލިއެވެ. “ހައް. އަހަރެން އޭނަ ފެނޭތޯ އުޅެނީ؟ ނޯވޭ އަހަރެން ނޫޅެން އެކަހަލަ މީހަކު ނުފެނިގެން.” އައިރީން ތުންކޮޅު އޫކޮށްލާފައި ބުންޏަސް އޭނައަށް އުލްޔާ ބުން ވާހަކަ އަކީ ތެދެއް ކަން އެނގެއެވެ. މިހާރު ވެސް އޭނަގެ ދެލޯ އެސޫރަ ދެކުމަށް ބޭގަރާރު ވާކަން އައިރީނަށް އެނގެއެވެ. “ރުޅިއަކީ ލޯބީގެ ފެށުމޭ ބުނާ އަޑު އަހަންތަ؟” އުލްޔާ އުޅުނީ އައިރީން ރުޅި އަރުވާލާ ހިތުންނެވެ. “އޯ ޕްލީޒް……ލޯބި މައި ފުޓް” އައިރީން ދެން ބުނެލި އެއްޗަކުން އުލްޔާ މިއޮއް ހުރިހާ އިރު ވަންދެން ގަދަކަމުން ހިފަ ހައްޓައިގެން ހުރި ހިނިގަނޑު ފަޅައިގެން ދިޔައެވެ. އައިރީން ވެސް އެ ހުނުމުގައި ބައިވެރި ވިއެވެ. “އެކަމް ވެސް މިއުޅެނީ އޭނަ ކައިރީ ސޮރީ ބުނަން ކަމަށް.” ހުނުން މަތަކޮށް ހަމައަކަށް އަޅުވާލުމަށް ފަހު އައިރީން އެހެން ބުނެލީސީރިއަސް ވެފައެވެ. “އޯ މައި ގޯޑް. ޔޫ އެންޑް ސޯރީ އެވެސް ބޯއީ އަކަށް.” އުލްޔާ ދެލޯ ބޮޑު ކޮށްލާފައި ބުން ގޮތުން ހީވީ ދުވަހަކު ވެސް އަޑު އިވޭނެ ކަމަށް ހީކޮށްފައި ނުވާ އެއްޗެއް އައިރީނަށް ބުނެވުނު ހެންނެވެ. އައިރީނަށް ބަދަލެއް އައިހެން އުލްޔާއަށް ކުރެވުނު ޝައްކު ޔަގީނަށް ބަދަލުވީ އެންމެ ފަހުން އައިރީން އިއްވާލި ބަސްތަކުންނެވެ. އެއީ އެހެންޏާ ފިރިހެން ކުއްޖެއްގެ ވާހަކަ ދައްކަން ފަށާ އިރަށް ކޮންމެސް އެއްޗެކޭ ކިޔާ ރެކެން ވެގެން އުޅޭ ކުއްޖާ މިއަދު ހަމަ ޖެހިލާފައި އިނުމުންނެވެ. ލީވާން އޭނާގެ ބައްޕަގެ ކެބިން އިން ނުކުތް ތަނުން ފޯނެއް އައުމުން އަވަހަށް ފޯނު ނެގިއެވެ. އެއާއެކު އިވުނީ ރިސެޕްޝަނުގައިއިންނަ ކުއްޖާގެ އަޑެވެ. “ސާރ. ކުއްޖަކު އެބަހުރި މީޓް ކޮށްލަން އައިސް” “ޓެލް ޓު ވެއިޓް އިން މައި ކެބިން” އޭ ބުނެ އޭނާާ އަވަސް ވެގަތީ ކެބިން އަށް ދިޔުމަށެވެ. “ޔޫ އަގެއިން” އައިރީން ސިހުނީ ދޮރު ކައިރީގައި ހުރި ލީވާންގެ އަޑަށެވެ. މިފަހަރު ވެސް އެއަޑުގައި ވަނީ ހަރުކަށި ކަމެވެ. “މީ..އެއްކަލަ ރޭ” އައިރީން ބުނަން އުޅުނު އެތި ފުރިހަމަ ނުވަނީސް ފެނުނީ ލީވާން އޭނަ އާއި ދިމާލަށް ހިނގައިގަތް ތަނެވެ. ވަގުތުން އައިރީންގެ އަނގަ ވެސް ބަންދުވި ކަހަލައެވެ. ލީވާން ކުރިއަށް ޖެހޭ ވަރަކަށް އައިރީން އަށް ފަހަތަށް ޖެހެވުނީ ބޭއިހްތިޔާރުގައެވެ. ފަހަތަށް ޖެހެމުން ޖެހެމުން ގޮސް އައިރީން ހުއްޓުނީ ފާރުގައި ޖެހުމުންނެވެ. އޭރު ދެމީހުންނަށް ވެސް ތިބެވުނީ ކިރިޔާ މޫނު ޖެހޭ ނުޖެހޭ ހިސާބުގައެވެ. ލީވާން އޭނަގެ މޫނު އައިރީންގެ މޫނާއި މަޑު މަޑުން ކައިރި ކުރިއެވެ. އައިރީންގެ ހިތް ހީވީ މޭ ފަޅާފައި ނުކުމެދާނެހެންނެވެ. ލީވާންގެ އަމަލުތަކުން އޭނައަށް ކުރެވުނު ހާވެސް ކަމަކީ ލޯ މަރާލުމެވެ. “އެދުވަހު އަހަރެންނަށް ދިން ބަދަލު ބޭނުން ވަނީ ކޮން ގޮތަކަށް؟” އައިރީން އަށް ވީގޮތުން ލީވާނަށް މަޖާވިއެވެ. “އައިމް ސޮރީ” އައިރީންގެ ބަސްތަކުން ލީވާންގެ ހިނިތުންވުން ފުން ވެގެން ދިޔަތަން އައިރީނަށް ނުފެނުނީ ލޯ މެރި ގޮތަށް ނުހުޅުވާ ހުރުމުންނެވެ. “ސޮރީ ގަބޫލު ކުރާނީ ޝަރުތެއްގެ މަތިން” ލީވާން އެހުރި ގޮތަށް ހުރެ ބުނެލިއެވެ. އައިރީނަށް ދެ ލޯ ބޮޑު ކޮށްލާފައި ބަލާ ލެވުނީކުއްލި އަކަށެވެ. “އަނެއްކާ މިމީހާގަނޑު އަހަރެން ލައްވާ ކީއްކުރަން ހިތުލައިގެން މިއުޅެނީ” އައިރީން ހިތާ ހިތުން ކިޔާލިއެވެ. “ލުކް. އަހަރެން މިތަނަށް އައީ ތިމީހާގެ ޝަރުތުތައް އަޑު އަހާކަށް ނޫން. އެރޭ އަހަރެންނަށް ކަންތައް ކުރެވުނީ ރަނގަޅަށް ނޫންކަން ވިސްނުނީމަ މާފަށް އެދެން ވެގެން. ސޯ ވެދާ ޔޫ ފޮގިވް މީ އޯރ ނޮޓް އިޓްސް ނޮޓް މައި ޕްރޮބްލަމް. ހިތަށް ނާރު ވައްޗޭ އެހެން އަންހެން ކުދިންހެން އަހަރެން ތިމީހާގެ ކޮންމެ ބަހަކަށް އާއެކޭ ބުނާނޭ. ނޯޯ ވޭ. މި އައިރީނެއް ނޫޅެން ފިރިހެނުން ތަޅާހާ ބެރަކަށް ނަށާކަށް.” އައިރީން އެއްނޭވާ މަތިން އިއްވާލި ބަސްތަކުން ލީވާން ހުރީ ބުނާނެ އެއްޗެއް ނޭނގިފައެވެ. […]
އައިރީން ވަރުބަލިކަމާ އެކު ގޭ ދޮރު މައްޗަށް އެރި ވަގުތު ތުރުތުރު އަޅާ ބަލި އަޑަކުން މީހަކު ގޮވާލިއެވެ. “ދަރިފުޅާ ފެންފޮދެއް ގެނެސް ދީބަލަ” އެއީ މަންމަ ނައީމާގެ އަޑެވެ. އައިރީން އަވަސްވެގަތީ ނައީމާ އަށް ފެން ދިނުމަށެވެ. މަންމަ ފެނުމުން އައިރީންގެ ހިތުގައި ރިހުމެއް އުފެދުނެވެ. ނައީމާ ފެންނަ ކޮންމެ ފަހަރަކު އައިރީންއަށް މިވަރުވެއެވެ. ނުވާންވީ ސަބަބެއްވެސް ނެތެވެ. ނައީމާގެ ކުރީގެ ރީތި ހަށިގަނޑު ވަނީ އަނަރޫފަވެފައެވެ. ނައީމާ ހިތާމަ ކުރާތަން އެތައް ރެއަކު އައިރީން އަށް ވަނީ ފެނިފައެވެ. މިއިން ކޮންމެ ފަހަރަކު ފިރިހެނުންނަށް އޮންނަ ނަފުރަތު ބޮޑުވެގެން ދެއެވެ. މަންމަ އަށް ފެންފޮދެއް ދިނުމަށްފަހު އައިރީން ނަމާދަށް އަރަން ދިޔައެވެ. ފިރިހެންވަންތަ ހިނގުމެއްގައި ވަދެގެން އައި ޒުވާނާއަސް އެންމެންގެ ނަޒަރު ހުއްޓުނެވެ. އެބައިމަތި ފުޅާ ކަސްރަތީ ހަށިގަނޑު ފެނިއެތާތިބި އަންހެން ކުދިންގެ ހިތްތައް ލެނބެމުން ދާއިރު ފިރިހެން ކުދިންގެ ހިތުގައި ހަސަދަވެރިކަން އުފެދޭނެކަން ޔަގީނެވެެ. ފަން ރީތިއިސްތަށިގަނޑެކެވެ. ނޫ ކުލައިގެ ކަޅިއެކެވެ. އަންހެން ކުދިންގެ ބެލުންތަކަށް ސަމާލުކަން ނުދީ އޭނާގެ ކެބިންއަށް ވަނެވެ. ލޯގަނޑު ކުރިމަތީ ރީތިވާން ހުރި އައިރީން ހުރީ ހާސްވެފައެވެ. “އެންމެ ފުރަތަމަ ދުވަހުވެސް މިދެވެނީ ގަޑި ޖެހިގެން” އައިރީން ހިތާ ހިތުން ޝަކުވާކުރިއެވެ. ހުދު ކުލައިގެ ޓޮޕް ކޮޅަކާއި މެރޫން ކުލައިގެ ސްކާރޓް ހަރުވާޅުގައި ހުރިއިރު އައިރީން އާއި ވަރަށް ގުޅެއެވެ. މުށި ކުލައިގެ ފަން އިސްތަށިގަނޑު ވަނީ ރީތި ގޮތަކަށް ހަދައިފައެވެ. ތުންފަތުުގައި މަޑު އޮރެންޖު ކުލައިގެ ލިޕްސް ޓިކެއް ޖައްސާފައެވެ. ހިތްހަމަ ޖެހޭ ވަރުވުމުން އޭނާގެ ދަބަސް ހިފައިގެން ނުކުތެވެ. “މަންމާ ރީން ދަނީ” ދޮރުން ނިކުންނަމުން އައިރީން ނައީމާއަށް އަޑު އިވޭ ވަރަށް ގޮވައިލިއެވެ. “ގުޑް ލަކް. އިރާދަކުރެއްވިއްޔާ ރީންއަށް ތި ޖޮބު ލިބޭނެ.” ހިނިތުންވެލަމުން ނައީމާ ބުނެލިއެވެ. “މަންމަ ހަނދާން ކޮށް ބޭސް ކައްޗޭ” “އުލީ މިހުރީނު. އުލީ މަމްއަށް ބޭސްދޭނަމޭ ދޮންތާ ބެސްޓް އޮފް ލަކް” ކޮއްކޮގެ ބަސްތަކުން ހިތްހަމަ ޖެހިފައި ހުރެ ބޭރަށް ނިކުމެ ކާރަށް އެރިއެވެ. އަކުއާޕާލް ކޮމްޕެނީގެ ކުރިމައްޗައް ކާރު ހުއްޓުމުން އައިރީން ފޭބިއިރު ހުރީ ހާސްވެފައެވެ. އޭނަ ދުވަހަކުވެސް އިންޓަވިއު އަކަށް ނާރައެވެ. ފުންނޭވާއެއް ދޫކޮށްލުމަށްފަހު އައިރީން ރިސެޕްޝަނުގައި އިން ކުއްޖާގެ ކައިރީގައި އެހުމަށްފަހު އިންޓަވިއު ކުރަން ހަމަޖެހިފައިވާ ތަނަށް ދާން މިސްރާބު ޖެހިއެވެ. އޭރުވެސް އޭނަގެ ހިތް ތެޅޭވަރުން ހީވަނީ ވޭރަށް ފުންމާލަފާނެހެންނެވެ. އެހެން ނަމަވެސް ހިތްވަރުކޮށްފައި ދޮރު ހުޅުވާލާފައި އެތެރެއަށް ވަނެވެ. ދޮރު ހުޅުވުނު އަޑަށް ފޯނު ބާއްވާފައި ފަސް އެނބުރި ދޮރާއި ދިމާލަށް ބަލާލި ވަގުތު ދެބުމަ ގޮށް ޖެހުނެވެ. ކުރިމަތީ ހުރީ ދުވަހެއްގެ ކޮޅުންވެސް ފެންނާނެ ކަމަށް އުއްމީދު ނުކުރާ ސޫރައެކެވެ. އައިރީނަށް ވެސް ވީ އެވަރެވެ. ކުރިއަށް ފިޔަވަޅެއް އަޅާލަން ނޭނގިފައިހުރި އައިރީންގެ ނަޒަރު ހުރީ ކުރިމަތީގައި ހުރި ގޮނޑީގައި އިން ލީވާނަށެވެ. “ޔޫ” ދެ މީހުންނަށް އެއްފަހަރާ އެހެން ބުނެވުނެވެ. އޭރު ދެމީހުންގެ މޫނުން ވެސް ފެންނަނީ ރުޅިވެރިކަމެވެ. ހީވަނީ ދެންމެ ދެންމެ ގަޔަށް އަރައިގަނެ ފާނެހެންނެވެ. “ވަޓް ދަ ހެލް އާރ ޔޫ ޑުއިން ހިއާރ؟” ލީވާންގެ އަޑުގައި ވަނީ ހަރުކަށިކަމެވެ. އަނެއްކޮޅުން އައިރީން ހުރީ ބަހެއްވެސް ބުނަން ނުކެރިފައެވެ. ލީވާންގެ ރުޅިގަނޑު ފެނި އޭނާ ފަސްޖެހެނީއެވެ. ގޮތް ހުސްވެފައިވާ މީހެއް ފަދައިން އައިރީން އެތަނުން ނިކުތެވެ. ކިތަންމެ ރުޅިއަޔަސް ލީވާން އަކީ އެތާގެ ބޮޑު މީހަކަށް ވާތީވެ ބަހުސް ކުރަން ބޭނުން ނުވީއެވެ. އައިރީން ނުކުތް ދޮރާ ދިމާއަށް ބަލަން އިން ލީވާންގެ ހަނދާނަށް އައީ އައިރީން އާއި އެންމެ ފުރަތަމަ ދިމާވި ގޮތެވެ. އެއީ މީގެ ދެހަފްތާ ކުރިއެވެ. ދަތް އުނގުޅާ ބޭސް ފުޅިއެއް ގަތުމަށް ފިހާރައަށް އޭނަ ދިޔައީ އެކަންޏެވެ. ފިހާރައަށް ވަދެ ބޭސް ފުޅީގައި ހިފި ވަގުތު އަންހެން ކުއްޖެއްވެސް އެފުޅީގައި ހިފިއެވެ. އެކުއްޖާއަށް ބަލާލުމާއެކު އެހެންޏާ ނުވާގޮތެއް އެވަގުތު އޭނާގެ ހިތަށްްވެގެން ދިޔައެވެ. ހަމައެފަދައިން އައިރީންއަށް ވެސް އެޒުވާނާގެ ރީތި ކަމަށް ހިތުން ތައުރީފު ކޮށްލިއެވެ. އައިރީނަށް ހޭވެރިކަންވީ ލީވާން ބޭސް ފުޅިއަށް ދެމުމުންނެވެ. “ދޫކުރޭ. އަހަރެން ފުރަތަމަ މީތި ނެގީ” ރުޅި އައިސްގެން ލޯ އަޅާލަމުން އައިރީން ބުނެލިގޮތުން ލީވާން ކައިރިއަށް ހިނިއައި ނަމަވެސް ދޫކޮށްލާކަށް ބޭނުމެއް ނުވިއެވެ. ނަމަވެސް ފަހުން މޮޅު ހިޔާލެއް އައިސް ގެން ދޫކޮށްލިއެވެ. “އަހަރެންނަށްވުރެ މީގެ ބޭނުން ތިކުއްޖާއަށް މާބޮޑު. ސޫ ޔޫ ކޭން ހޭވް އިޓް.” އައިރީނަށް ލީވާން ބުނި އެތި ނަގައި ގަނެވުމުން އައީ އަމަށަކު ރުޅިއެއް ނޫނެވެ. ވަގުތުން ބޭސް ފުޅީގެ މަތިގަނޑު ނަގައި އަތްފުރާ ބޭސް އަތަށް އަޅާލިއެވެ. “ހޭ ޔޫ” ފަސް ދީފައި ދިޔަ ލީވާންގެ ފިޔަވަޅު ތަކަށް ހުއްޓުމެއް އައީ އައިރީން ގޮވާލުމުންނެވެ. އެނބުރި ބަލާލުމާއެކު އަތުގައި ހުރިބޭސްތައް އޭނަގެ މޫނުގައި އައިރީން ހާކާލިއެވެ. “އޫޕްސް…ސޮރީ.. މާގިނައިން ހޭކުނީ” އައިރީންގެ ރީތި ތުންފަތުގައި ވަނީ ފަތަހައިގެ ހިނިތުންވުމެކެވެ. ލީވާން އަށް އެއްޗެކޭ ބުނެވުމުގެ ކުރިން އައިރީން ފިހާރައިން ނިކުމެގެން ދިޔައީއެވެ. ކުޑަ ދޮރުން ބޭރު ބަލަން ހުރި އައިރީންގެ ހިޔާލުގައި ވަނީ މިއަދު އޮފީހުން ފެނުނު ޒުވާނާއެވެ. އެ ދުވަހު ކަންތައް ކުރެވުނު ގޮތުން އޭނަ އަދިވެސް ހުރީ ހިތްހަމަ ނުޖެހިފައި ހުރުމުންނެވެ. ހަމަ އެއާއެކު އޭނައަށްވެސް ކަންތައް ކުރެވުނީ ރަނގަޅަށް ނޫންކަން ވިސްނޭތީ އާއެކުގައެވެ. “މޮމްއަށް ބޭސް ދިނީތަ؟” އުލްޔާ އައިސް ކައިރީގައި ހުއްޓުމުން ހިޔާލީ ދުނިޔެއިން ބޭރުވުމާއެކު ވަގުތުން އެހިއެވެ. ވިސްނަން ހުރުމަށްފަހު އުލްޔާ ކައިރީގައި އެދުވަހު ފިހާރަ ތެރޭގައި ވީގޮތާއި އިންޓަވިއުގާ ވީގޮތް ކިޔައި ދިނުމާއެކު ވަރަކަށް ހެވުނެވެ. “ދެން އުލީ. އިޓްސް ނޮޓް ފަނީ.” އިސްޖަހައިގެން އިން އއައިރީން އުލްޔާ މާވަރަކަށް ހެވޭތީ ބުނެލިއެވެ. ވަގުތުން އުލްޔާގެ ހުނުންހުއްޓުނީ އައިރީންގެ މޫނު މަތީގައިވާ ހާސްކަން ފެނުމުންނެވެ. “ދެން އޭނަ ކައިރިން މާފަށް އެދެނިކޮށް ތި ޖޮބު ދީފާނެއްނު.” އުލްޔާ ހިޔާލެއް ދިނެވެ. “ވަޓް؟ ނެވާ” އައިރީން އަނގަޔަށް ވައްތަރެއް ޖައްސާލަމުން ބުނެލިއެވެ. ރޭގަނޑު ކެއުމަށް ފަހު ވެސް އައިރީނަށް އިނދެވުނީ އެކަމާ ވިސްނާށެވެ. އެންމެފަހުން އޭނާ ނިންމީ އުލްޔާ ބުންގޮތަށް މާފަށް އެދޭށެވެ. އެހެންކަމުން މާދަން އޮފީހަށް ދާން ނިންމިއެވެ. އަދި ނިދަން އެރިއެވެ.
“ސޯ އަގެއިން ޔޫ ބިކޭމް އަމިއުޓް” އެ ޒުވާނާގެ އަޑުން ދެމީހުންގެ ހިމޭންކަން ގެއްލުނެވެ. “މީ… އައެމް ސޮރީ. ޔާލް ގަނެދޭނަން ހަމަ އެކަހަލަ މާތަކެއް” ކަންތައްް ވީގޮތުން ލަޔާލް އިނީ މާފަށް އެދެން ބޭނުންވެފައެވެ. އަބަދުވެސް އަމިއްލަ ނަން ބޭނުން ކޮށްގެން ވާހަކަ ދައްކަން އާދަވެފައި ހުރުމުން މިޒުވާނާގެ ކުރިމަތީގައި ނަން ބުނެވުމުން ލަދުގަތެވެ. “އޯކޭ އޭ. އަސްލު މާފަށް އެދެން ޖެހޭނީ އަހަރެން. ލިއު އޭ ދޯ ބުނީ. ލިއު އާދިމާލަށް ތަންދޮރު ނުބަލައި […]
ނޮއެލްގެ ދެވަނަ ވާހަކައިގެ ފުރަތަމަ ބައިވެސް އިރާދަކުރެއްވިއްޔާ ހަމަ މިއަދު ގެނެސްދޭނަން. މިއީވެސް މި ސައިޓުގައި އިން އެއްކޮށް ނުނިމޭ ވާހަކައެއް. ކިޔުންތެރިންގެ ސަޕޯރޓް މި ވާހަކައަށްވެސް ލިބޭނެކަމަން އުއްމީދުކުރަން. ކިޔުންތެރިންގެ ޝުޢޫރު ފާހަގަ ކޮށްލުން އެެދެން.
“މަންމާ….. މަންމާ…….” ލަޔާލް ދުވަމުން ހަޅޭއްލަވަމުން ސަލާމަތަށް އެދި ގޮވަމުން ދިޔައެވެ. އެހެނަސް، މެންދަމުގެ އެ ހަމަ ހިމޭން ނިދި ގެއްލުވާލައިގެން، ނިކަމެތި އަންހެން ކުއްްޖެއް ސަލާމަތްކުރަން އަންނާނީ ފަހެ ކާކު ހެއްޔެވެ؟ ލަޔާލް އޮފީހުން ނިކުތީ ވަރަށް ގިނައިރު ވަންދެން މަސައްކަތުގައި އިނުމަށްފަހު، ދެންހުރި ކަންތައް ފަހުން ނިންމާލުމުގެ ޚިޔާލު އައުމާއެކު ގެޔަށް ދިއުމަށްޓަކައެވެ.އޮފީހަކީ ޗާންދަނީ މަގުގައި ހުންނަ ތަނެއްކަމުން މަގު ހުރި ސީދަލަށް ވާގޮތަށް، ލަޔާލް ހިނގައިގަތީ ބަނޑުހައިވެފައި ވާތީ އާއެކުގައެވެ. އަދި އެއީ ފަސޭހައިން ގެޔަށްދެވޭނެ އެންމެ ކުރުގޮތް ވީމައެވެ. ވަކި ހިސާބަކުން ބަޔަކު އައިސް ހިފައިގަނެ، އެމީހުން ބޭނުން ވާގޮތަށް ލަޔާލްގެ ހަށިގަނޑު ފޭރި ގަންނަން އުޅުނެވެ. ނަމަވެސް ބޭނުން ކޮށްފައިވާ އެއްޗެއްގެ ސަބަބުން ހަމައިން ނެއްޓިފައިތިބުމުން ލަޔާލް ތެޅިގަތުމުން ސަލާމަތް ވެވުނެވެ. އެއާއެކު ކަރުގައި އޮތް ދޯޕައްޓާގައި ގޮށެއް ޖަހާލުމަށްފަހު ފައިވާން އަތަށް ނަގައިގެން ދުވަންފެށިއެވެ. “އޭތް…. އޭތް… އެއޮށްނައްޓާލީ..” އެތަނުން އެކަކު ހޭވެރިވެގެން ހަޅޭއްލަވައިގަތެވެ. “ދެން އަތެއް ނުވާނެ! ފަހަތުން ދުވާނެ ކަމެއް ނެތް!” އެހެން މީހަކު ތެދުވަމުން ފާޑަކަށް […]
އަޅުގަނޑު އައިޝަތު ނޮއެލް ‘ތިޔަނޫން އެހެން ހިތެއް ބޭނުމެއް ނޫން’ މި ވާހަކަ އިރާދަކުރެއްވިއްޔާ ވަރަށް އަވަހަށް ގެނެސް ދޭން ފަށާނަން. ހުރިހާ ކިޔުންތެރިންގެ ސަޕޯރޓް ލިބޭނެކަމަށް އުއްމީދު ކުރަމެވެ. ވާހަކަ ގެނެސްދެވޭލެއް ލަސް ވިޔަސް ވާހަކަ ގެނެސްދިނުން ހުއްޓައެއް ނުލާނަމެވެ. ކިޔުންތެރިން ނޮއެލް އަށް ރީތި ނަންކޮޅެއް ބުނެދެއްވުން އެދެން.