Skip to content
އެސްފިޔަ

ދޫކޮށްނުލާނަމޭ ކަލާ – 01

“ޔަލީނާ!” ޔަލީނާ ކޮލެޖުގެ ގޭޓުން އަންނަތަން ފެނިގެން ފަރްޒީން ވަރަށް ބާރަށް ގޮވައިލިއެވެ.

ޔަލީނާއަކީ ފިރިހެންކުދިން ހިތް ކިޔާފަދަ ރީތި ސޫރައެއް ލިބިފައިވާ ކުއްޖެކެވެ. އޭނާގެ ‘ހޭޒަލް’ ބޮޑު ދެލޮލާއި ގަދަ ކަޅުކުލައިގެ ދިގު ރާޅުބާނީ އިސްތަށިގަނޑުން އޭނާގެ ސޫރަ އިތުރަށް ރީތިކަމަށް ދައްކައެވެ. މިއަދު އޭނާ ލައިގެން ހުރީ އަތްދިގު ޓީޝާޓްއަކާއި ކަކުލާއި ހަމައަށް އަރާވަރުގެ ސްކާޓްއެކެވެ. އޭނާގެ ދޮން މޫނުގައި އެއްވެސް މޭކަޕެއް ނެތް ކަމުގައިވިއަސް އެރީތިކަމަށް ކުޑަވެސް ބަދަލެއް ނާދެއެވެ.

ޔަލީނާއަށް ފަރްޒީން ފެނުމުން ލަސްކުރުމެއްނެތި ދެފައިގައި ހުރި ބާރެއް ލައިފައި އެދިމާއަށް ދުއްވައިގަތެވެ. ނަމަވެސް އެހެން ލައިފައި ދިޔަ އެހެން ކުއްޖެއްގެ ގައިގައި ޖެހި ޔަލީނާއާއި އެކުއްޖާ އެއްކޮށް ވެއްޓުނެވެ.

“ޕިސް ޕިސް. ބަލައިގެން އުޅެބަލަ.” ޔަލީނާ ތެދުވަމުން ވެއްޓިފައި އޮތް ކުއްޖާއާއި ދިމާއަށް ރުޅިވެރިކަމާއިއެކު ލޯއަޅައިލަމުން ބުންޏެވެ.

“އޭތް! އަޒްލާން؟” ވަރަށް ދުރުން ދުވަމުން އައި މާލިކް ބުންޏެވެ.

އަޒްލާންއަކީ އަންހެން ކުދިންގެ ހިތް ކަތިލާފަދަ ރީތި ސޫރައެއް ލިބިފައިވާ ކުއްޖެކެވެ. އޭނާގެ އެ ފެހިކުލައިގެ ދެލޮލާއި މުށިކުލައިގެ އިސްތަށިގަނޑުގެ އިތުރުން އޭނާގެ ކަޝްރަދީ ހަށިގަނޑުންވެސް އޭނާގެ ފުރިހަމަކަން ދައްކުވައިދެއެވެ. އޭނާ މިއަދު ލައިގެން ހުރީ އައިސް ބްލޫ ޖިންސަކާއި ކަޅުކުލައިގެ ޓީޝާޓްގެ މަތިން ރަތްކުލައިގެ ޖެކެޓެކެވެ.

އަޒްލާން ޔަލީނާއާއި ދިމާއަށް އެއްޗެއް ބުނަން އެބުރެލިތަނާ އޭނާ ހުއްޓުން އެރީ ކުރިމަތީގައި ހުރި ރީތި ސޫރަ ފެނިފައެވެ. އޭނާއަށް ދުވަހަކުވެސް މިކަހަލަ ރީތި ކުއްޖަކު އަދި ފެނިފައެއް ނެތެެވެ. އޭނާއަށް ހިނދުކޮޅަކު ބަލަން ހުރުމަށްފަހު ތެދުވެ ގައި ފޮޅައިލިއެވެ.

“ދެެން ފަހަރަކުންވެސް ބަލައިގެން އުޅޭތި!” ޔަލީނާ އެހެން ބުނެލި އަޑަށް އަޒްލާން އޭނާއާއި ދިމާއަށް ބަލައިލުމަށްފަހު އެއްބުމަ އަރުވައިލިއެވެ.

“އަހަރެންދޯ ބަލައިގެން އުޅެންވީ؟ އެންމެ ފުރަތަމަ އަމިއްލަ މީހާ އިސްލާހުކޮށްފަ އެހެން މީހުން ކައިރީގައި އެވެނި މިވެނި ކަމެއް އިސްލާހުކުރާށޭ ބުނާނީ…..” އަޒްލާން ހަރަމްބަންނަމުން ބުންޏެވެ.

“ހުނ! ތިބުނީ އަހަރެންނޭތަ ކަންކަން އިސްލާހުކުރަންވީ؟ އަމިއްލަ މީހާއެއްނުން ހަމަ އަހަރެންގެ ގައިގައި ޖެހުނީ؟” ޔަލީނާ ރައްދުދިނެވެ.

“އަހަރެން މަތި ނާޅުވާ…… ތިމާވަރުގެ މީހަކު ނެތްކަމަށް ދެލޯ މަރައިގެން ވިއްޔާ ދުއްވައިގަތީ!” އަޒްލާން ބުންޏެވެ.

ޔަލީނާ އަދި އިތުރަށް ރުޅިގަދަވިއެވެ.

“ޕިސް ޕިސް….. ކަލޭއެއްނުންތަ އަހަރެންގެ ގައިގައި ޖެހުނީ؟ އަހަރެން ވަރަށް ބަލައިގެންނޭ އައީ!” ޔަލީނާހުރީ ގޮތް ދޫކުރާފަދަ ގޮތަކަށް ނޫނެވެ.

ކައިރީގައި މިކުޅިވަރުބަަލަން ހުރި ފަރްޒީންގެ އިތުރުން މާލިކްވެސް ހުރީ ކިރިޔާ ނުހެވިއެވެ. ބެލްޖެހި އަޑު އިވުމުން އަޒްލާންއާއި ދިމާއަށް ރުޅިވެރި ނަޒަރަކުން ބަލައިލުމަށްފަހު ފަރްޒީންގެ އަތުގައި ހިފައިގެން ޔަލީނާ ކްލާސްރޫމް އާއި ދިމާއަށް މިސްރާބު ޖެހިއެވެ. ފަރްޒީން ވަކި ހިސާބަކުން ހަނާ އަޅައިލުމަށް ފަހު އޭނާގެ ކްލާހަށް ވަންނަން ދިޔައެވެ. ޔަލީނާ ކްލާހަށް ވަނުމަށްފަހު އެންމެ ފަހަތުގައި ހުރި ދެޑެސްކުން ކުޑަދޮރާއި ވީ ފަރާތުގައި އިން ޑެސްކުގެ ކައިރީގައި އިށީނެވެ. ޕްރޮފެސަރު ކްލާހަށް ނާންނާތީވެ ދަބަސް ވަތްގަނޑަށް ލުމަށްފަހު އޭނާ ކުޑަދޮރުން ބޭރަށް ނަޒަރު ހުއްޓުވައިލިއެވެ. އިރުކޮޅަކުން ކޮންމެވެސް މީހަކު އޭނާގެ ކައިރީގައި އިށީންހެން ހީވުމުން އޭނާ އެކުއްޖާއާއި ދިމާއަށް ބޯ އަބުރައިިލިއެވެ. އެ ވަގުތަކީ އެކުއްޖާވެސް ބޯ އަބުރައިލި ވަގުތުކަމުން ދެމީހުންނަށް އެއްފަހަރާ ކޮޅަށް ތެދުވެވުނެވެ.

“ކަލޭތަ؟” ޔަލީނާއާއި އަޒްލާން އެއްފަހަރާ ބުނެވުނެވެ.

ދެވަނަ ސިކުންތުގައި ދެމީހުން އިށީނުމަށްފަހު ރުޅިމޫނު ހަދައިލައިގެން ދެމީހުން ދެފަރާތަށް ބޯ އަބުރައިލިއެވެ. ކްލާހުގެ ހުރިހާ ސީޓެއް ފުލްވެފައި އޮތުމުން ދެމީހުންކުރެ އެކަކަށްވެސް ބަދަލެއް ނުވެވުނެވެ. ސެޝަން ނިމުމުން ޔަލީނާ އަވަހަށް އެކްލާހުން ނިކުންނަން ދިޔައެވެ. ހަމަ ނިކުމެވުނު ތަނާ ކޮންމެވެސް މީހަކު ޔަލީނާގެ އަތުގައި ހިފުމަށްފަހު ކަލާސްރޫމް ކައިރީގައި ހުރި ހަނި ގޯޅިއަށް ވެއްދިއެވެ. ޔަލީނާ އެއީ ކާކުތޯ ބަލައިލަން އެނބުރެލި ގަޑީގައި ހިނިތުންވެލައިގެން ހުރީ އޭނާއަށް މީގެ ކުރިން އިސްކޫލުގައި އުޅުނު އިރު އޭނާއަށް ލޯބި ހުށައެޅި ޒަރޫންއެވެ.

“ޒް….ޒަރޫން؟” ޔަލީނާއަށް ބުނެވުނެވެ.

“ޝްްްޝްޝް…..” ނަމަވެސް އެބަސް ބޭރުވުމުގެ ކުރިން ޒަރޫން ޔަލީނާގެ އަނގައިގައި ޝަހާދަތް އިނގިލި ޖައްސައިލިއެވެ.

ދެން ޒަރޫން ޔަލީނާއާއި ދިމާއަށް އަންނަން ފެށިއެވެ. ޒަރޫން އަޅާ ކޮންމެ ފިޔަވަޅަކަށް ޔަލީނާ ދިޔައީ ފަހަތަށް ޖެހެމުންނެވެ. އެހެން ގޮސް ޔަލީނާ އެގޯޅީގެ ފާރުގައި ލަށްވިއެވެ. ޒަރޫން އައިސް ހުއްޓުނީ ޔަލީނާގެ ނޭވާ އިޙްސާސްވާހާ ގާތުގައެވެ.

“ލީނާ! އަހަރެންގެ މިސުވާލަށް ޖަވާބުދީބަލަ އިނގޭ! ވިލް ޔޫ ބީ މައިން؟!؟” ޒަރޫން ޔަލީނާއާއި ތަންކޮޅެއް ދުރަށް ޖެހިލައިފައި އެއްސެވެ.

އެ ގޯޅީގެ ކައިރީގައި ފިލައިގެން ހުރި ފަރްޒީން ޔަލީނާއަށް ފެނުނެވެ. ފަރްޒީން ވަރަށް އުފަލުންހުރެ އޭނާގެ ބޮލުގެ ޢިޝާރާތުން އާއެކޭ ބުނުމަށް އެންގިއެވެ. ޔަލީނާ ކުޑަކޮށް ވިސްނައިލުމަށްފަހު ބުނެލި ޖަވާބުން ޒަރޫންގެ އިތުރުން ފަރްޒީންގެެވެސް ދެރަވެގެން އިސްޖަހައިލިއެވެ.

– ނުނިމޭ –

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (6)

  1. ??suru ??

    Me first ??????Varah reethi mi part vas waiting for next part ?????☺️??

    1. Flame Gurl
      ??suru ??

      thnxxxxx dear…… yes u r thi first… mihaar innaane submit kohffa …. insha allah v avahaah kiyaalan libeyne

  2. Nayaa

    Masha Allah vrhh vrhh reethi mi part. When is the next part?? Curiously waiting for the next part. Alhuga vrhh kiyaa hithvey college love stories. ?❤️❤️ Unmeedhu kuran Vaahaka nimendhen upload kohdheyne kamah. May i know your age? ?

    1. Flame Gurl
      Nayaa

      thnx dear…… well…… i cant tell yh my actual age ….. soooo lets say i am a teen…… mihaar innane sbmt khffa

  3. Nuzu

    Masha Allah varah reeti mi part ves ?waiting for next part

  4. Ishoo

    …..❤Masha allah mi part varah reethi
    …..?when next part

Comments are closed.