ތިޔަ ލޯބީގެ އިންތިޒާރުގާ 1

އިރުއޮއްސޭ ވަގުތެވެ. ބަލާލި ކޮންމެ ދިމާލަކުން ވެސް ފެންނަނީ ހަމަހިމޭން ކަމެވެ. އުޑުމަތީގައި ވިލާތައް އެއްވިލާގަނޑާއި ޖެހި އަނެއް ވިލާގަނޑާއި އެކުވެރިކަން ބަދަހި ކުރަމުންދާއިރު އެފެނިގެންދާ މަންޒަރު ދުލުން ބަޔާން ކޮއްދެވޭ ވަރަށް ވުރެ މާ ފުރިހަމައެވެ. ގޮޑުދޮށައް ރާޅު ބީއްސާލާ އަޑު މުޅި ހިސާބުގައި ހިފާލާފައިވެއެވެ. ކޮންމެ ދިމާލަކުން ވެސް ފެންނަނީ ހިތްހަމަޖެހުމެވެ. އަތިރިމަތީގައި ހުރި ދުވަސްވީ ބޮޑު ނިކިގަސް ދަށުގައި އިށީންދެލައިގެން ހުރި ޒުވާން އުމުރުފުރައިގެ ކުއްޖާގެ މޫނުމައްޗަށް އަރާ ފައިބަމުން ދިޔަ ކުލަވަރުތައް ބަލާލާ މީހަކަށް އަންދާޒާ ކޮއްލުން ވެގެން ދާނީ ވަރަށް ވެސް ދަތިކަމަކައްށެވެ.

“އައިރީން، އައިރީން އޭ ބަލަގަ އައިރީން ކިހިނެއް ވެފަތަ ތިހުރީ އަހަރެން ގޮވާ އަޑެއް އަޅެފަހެ މި ކަން ފަތަކަށް އަޑެއް ނީވޭތަ.” އައިރީންގެ އެކުވެރި ލީން މައިނޭވާ ލަމުން އައިރީން ކައިރީ  އިށީންނަމުން ރުޅި މޫނު ހަދައިގެން އިނދެ ކިޔަމުން ދިޔައެވެ.

” ހަހަހަ… ނޫނޭ މިހާރު  އަޑު އިވިއްޖެ” އައިރީން ބުންޔެވެ.

” ނާ މަހީކުރީ ރީންގެ ކަންފަތް ބީރުވީކަމަށް” ލީން މަޖާވެލާފައި ބުނެލިއެވެ. “ލީން އައްނަންދެން ހަމަ މިއިނީ ކަންކަނމާ ވިސްނާލަންވެގެން”. އައިރީން މަދުމައިތިރިކަމާއެކު ބުނެލިއެވެ. ” އޯ! މާލެ ދެވޭތީވެ ފޮނިވަނީ ދޯ! ދެން މާލެ ދެވުނީމަ އަހަރުން މަތިން ހަދާން ވެސް ނުހުންނާނެ ދޯ” ލީން އައިރީން ހިންހަމަ ޖައްސާލަން މަޖާ ކޮއްލިއެވެ. ސަބަބަކީ މާލޭ ބަދަލު ވުމަކީީ އެއްވެސް  އިރެއްގައި އައިރީން ބޭނުން ނުވާކަމެއްކަން އެންމެ ރްނގަޅަށް އިނގިފަ އޮއްނާނީ ލީންއައްށެވެ. “ހޫމމމމމމމ.. ކަންތަކާ ޖެހުނީ ނޫޅެމޭ ލީން ހަނދާން ނައްތާލާކަށް. ލީންއަށް ހަމަ ރަނގަޅަށް އިނގޭނެ މީ ރީން ބޭނުންވެގެން ދާން  އުޅޭ ތަނެއް ނޫންކަން.. އާރގގގގގގގ.. މާލެ އޭ ބުންޔަސް ބޯ ފަޅައިގެން ދާވަރުވޭ. ދެން ލީން ތިހެން ބުނެފިއްޔާ ރީން ލީންއާ އަސްލުކޮއް ރުޅިވާނަން..” ދެރަވެލާފައި ލީން ބުންޔެވެ.

” ދެރަވީތަ މައި ލޯބި ބެސްޓީ.. ދެން ނުބުނާނަން ދުވަހަކުވެސް އެހެންއެއް ޕޮރޮމިސް.” އައިރީން ގައިގެ ބައްދާލަމުން ލީން އެހެން ބުންޔެވެ.

ދެން ދިޔައީ ދެއެކުވެރިން ވެސް އެކި ވާހަކަތައް ދައްކާ މަޖާކުރުމުގައެވެ. އޭރު ވަނީ އެންމެފަހުގެ އިރުގެ ދޯދިތައް ދުނިޔެއާއި އަލްވަދާއު ކިޔަން ތައްޔާރުވެފައެވެ. ދެއެކުވެރިން ވެސް ގެޔާއި ދިމާލައް މިސްރާބު ޖެހީ އިރުއޮއްސުމުގެ ކުރިން ގެޔަށް ދެވޭތޯއެވެ.

މީ އަޅުގަނޑު ލީޔާ ފުރަތަމަ ވާހަކަ. ހުރިހާ ކިޔުންތެރިން އަށް ވެސް ކަމުދާނެ ކަމަށް އުއްމީދުކުރަން. ދެން ބައި ދިގު ކޮށް އިރާދަކުރެއްވިއްޔާ ގެނަސް ދޭނަން.. ވާހަކަ އާދޭތެރޭ ދެކޭ ގޮތް ކޮމެންޓް ކޮއްލަދެއްވާ! ޝުކުރިއްޔާ.