ފުން ލޯބި (34)

” ރާޔާ..”

ކާމިޔާބު ހިނިތުންވުމަކާއެކު އަހަރެންނަށް ބަލަން ރާޔާއިނެވެ. އަހަރެން އެތާނގަ އެންމެ ހިނދުކޮޅަކަށްވެސް މަޑުކުރާކަށް ބޭނުމެއްނުވިއެވެ.

” ކޮކީ ޔަލް ދައްތި ހޮސްޕިޓަލަށް ދާން ޖެހިއްޖެ.. އިޓްސް އޭން އެމަޖެންސީ.. އެހެން ދުވަހަކު އަންނާނީ ދޯ… މިއަދު ދެން ދޮންބެ އާ ދެކުދިން ޕިއްޒާ ކާލާ އިނގޭ.. ސީޔޫ ލޭޓަރ…” ޝާން ބޮލުގަ ފިރުމާލަމުން އަހަރެން އެހެން ބުނެލާފަ ބެލީ އަވަހަށް އެތަނުން ނިކުމެވޭތޯއެވެ. ޝަމްމު އިނީ ކަޅި ޖަހާނުލާ އަހަރެންނާ ދިމާލަށް ބަލާށެވެ. އަހަރެންގެ މޫނު މައްޗަށް އެރި ހުރިހާ ކުލަވަރެއް އޭނައަށް ދެނެގަނެވުނު ކަހަލައެވެ.

އަހަރެން ބޭރަށް ނިކުމެފަ ޒައިންއަށް ގުޅާލީމެވެ. މާގިނައިރު ތަކެއް ނުވެ ޒައިން އައުމުން ދެމީހުން އެކީގަ ބްރޭކްވޯޓަރއަށް ކޮފީއަކަށް އެރީމެވެ.

” ރާޔާ އެންޑް ހައިކް؟..” އަހަރެން ބުނެލީމެވެ.

” ޔަލްއަށް އަދި ތި އިނގުނީތަ؟ ހީކުރީ އެދުވަހު ހައިކް ކިޔާދިން ކަމަށް..” ޒައިން ހައިރާންވެފަ އަހާލިއެވެ.

” ނޯ.. ހައިކް ހަމަ އެކަނި ބުނީ އޭނަ މެރިޑް ވާހަކަ.. އެހިސާބުން އަހަރެންގެ ނެތް އެތާ މަޑު ކުރާނެ އިތުރު  ހިތްވަރެއް.. އޭނަ އިތުރަށް ދައްކަން އުޅުނު ވާހަކަ އަޑުއަހަންވެސް ބޭނުން ނުވި.. އެހެންވެ އަވަހަށް ގޮސް ފެރީއަށް އެރީ އޭނަ ގޮވަ ގޮވާ ހުއްޓާ.. އެކަމް ހައިކް އެންޑް ރާޔާ… އައި ސްޓިލް ކާންޓް ބިލީވް އިޓް.. ރާޔާ ނޫން އެހެން ކޮންމެ މީހެއް ނަމަވެސް ގަބޫލް ކުރެވިދާނެ.. އެކަމް ރާޔާއާ ހައިކް މެރީ ކޮއްގެން ބެބީ އެއްވެސް އެބައޮތް.. އޯ ގޯޑް.. ވަޓްސް ހެޕެނިންގް.. އައި ކާންޓް ޓޮލެރޭޓް ދިސް އެނީ މޯ..” އަހަރެންނަށް ކެތްނުވާ ވަރު ވެގެން ދެ އަތުން ބޮލުގަ ހިފަހައްޓާލީމެވެ.

” ޔަލް އައި ނޯ އުނދަގޫވާނެކަން ހަގީގަތާ ކުރިމަތިލާން.. އަހަރެން ހައިކްއާ އެންމެ އެއްކޮށް އުޅުނު އިރު ހައިކް މެރީ ކުރި ކަންވެސް އަހަރެންނަށް އިނގުނީ ރާޔާ ގޮވައިގެން ގެޔަށް އައިމަ.. އަހަރެން ވަރަށް ސުވާލްކޮށް ހެދިން.. ބުނީ ޒައިންވެސް ތިމަންނަގެ ޕާސަނަލް ކަންތަކާ ނުބެހި ހުންނާށޭ… އަހަރެން ޔަލްގެ ވާހަަކަ ދެއްކީމަ ހައިކް އިތުރަށް ރުޅިއައީ.. އަހަރެން ބުނިން ހައިކަލްގެ ޕާސަނަލް ކަންތަކާ ނުބެހި ހުރެދާނަމޭ.. އެކަމް ހައިކަލްއާ ހެދި ޔަލްގެ ކިޔެވުން ހަލާކު ވެއްޖިއްޔާ ހަނދާން ކޮއްލާށޭ… އެ ޒުވާބު ގަނޑު ތެރޭގަ އަހަރެން އެގޭން ނިކުތީވެސް.. ” ޒައިން ކިޔާދިނެވެ.

ޒައިންއާ އެކު ވާހަކަ ދަައްކަން އިރުކޮޅަކު މަޑުކޮއްލުމުން ކޮންމެވެސް ވަރެއްގެ ހިތްހަމަ ޖެހުމެއް ލިބުނެވެ. ނަމަވެސް ގެޔަށް ގޮސް ކޮޓަރިއަށް ވަދެވުމާއެކު ރާޔާއާ ހައިކަލްގެ ހިޔާލްތަށް އަހަރެން  ވަށާލިއެވެ. ރޭގަ ހައިކަލްއާ މެދު އިތުރަށް ވިސްނާފަ ހިތާމަ ނުކުރަން އަޒުމް ކަނޑައެޅި ނަަމަވެސް މިއަދު ފެނުނު މަންޒަރުން އަހަރެންނަސް ކެތެއްނުކުރެވުނެވެ.  ހައިކަލްއަށް ރާޔާގެ ގޮތް ރަނގަޅަށް އިނގޭއިރު ކައިވެނި ކުރަން ވިސްނީ ކީއްވެބާއޭ ހިތަށްއެރިއެވެ. އަނެއްކާ ރާޔާ މޮޅު ޑްރާމާއެއް ކުޅެގެން ހައިކަލްގެ ހިތް ފަތަހަ ކޮއްލީހެއްޔެވެ. އެކާމާ ވިސްނި ވަރަކަށް އަހަރެންގެ ބޮލުގަ ރިއްސަން ފެށިއެވެ.  އަވަސް އަވަހަށް ގޮސް ވުޟޫ ކޮއްލައިގެން މަޤްރިބް ނަމާދު ކޮއްލީމެވެ. ދެނަމާދު ދޭތެރޭ އަހަރެން ހޭދަ ކުރީ ޤުރުއާން ކިޔެވުމުގައެވެ.

އިޝާ ނަމާދަށް ބަންގިދިނުމުން ނަމާދު ކޮއްލައިގެން ސިޓިން ރޫމަށް ނިކުތީ ހިތްހަމަ ޖެހިލައިގެން ހުރެއެވެ. މާތް ﷲ އެއްވެސް އިންސާނަަކަށް ދެރަގޮތެއް މެދުވެރި ނުކުރައްވާނެ ކަމަށް ވިސްނަދެމުންނެވެ.

” ޔަލް ދައްތާ ޔޫ އޯވް މީ އަ ޕިއްޒާ ޓްރީޓް..” ސިޓިންގް ރޫމްގަ ކާރޓޫން ބަަލަން އިން ޝާން ބުނެލިއެވެ.

” ޔެސް.. އެކަމް މިފަހަރު ދާނީ ޖެލީއަކަށް ނޫން ދޯ.. ” އަހަރެން ބުނެލީމެވެ. ހައިކަލްއާ ރާޔާއާ ޖެލީއިން ފެނުމުން ޖެލީއަށްދާންވެސް ފޫހި ވެއްޖެއެވެ. އަހަރެން ގޮސް މަންމަގެ ކޮޓަރީގަ ޓަލި ޖަހާލީ މިއަދު މެންދުރު ކޭ ފަހުން އަދި ބައްޕައާ ދިމާނުވާތީއެވެ. މަންމަ ދޮރުހުޅުވާލުމުން އަހަރެން އެތަރަށް ވަނީމެވެ. ބައްޕަވީ ނަމާދަށް ގޮސް ކަމަށް މަންމަ ބުނެލިއެވެ. މަންމައާ ވާހަކަ ދައްކަން އިނދެލާފަ ބައްޕަ އަންނަން ވާއިރަށް ރޭގަނޑު ކެއުން ތައްޔާރު ކުރަން މަންމައާ އެކު ބަދިގެޔަށް ދިޔައީމެެވެ.

” ޒާހިރްބެމެންވެސް މިރޭ ބޭރުންނޯ ކަނީ.. އެމީހުންގެ ކޮންމެވެސް އާއިލާ ގެޔަކުން ދައުވަތެއް ލިބިފަ އެބައިނޭ ކީ..” މަންމަ އެހެން ބުނެލުމުން އަހަރެން އުފާވިއެވެ. ގިނަ ދުވަސްތަކެއް ފަހުން މަންމައާ ބައްޕައާ އެކު  އެކަނި ވަގުތުކޮޅެއް ހޭދަ ކޮއްލަން އަހަރެންވެސް ހުރީ ނުހަނު ބޭނުންވެފައެވެ. މާގިނަ އިރުތަކެއް ނުވެ ބައްޕަމެން އައިސްފިއެވެ. ޒާހިރްބެމެން ދިޔުމުން އަހަރެންވެސް މަންމައާ ބައްޕައާ އެކު ކާންދިޔައީމެވެ. ބައްޕަ ބޮޑަށް ހައިކަލްގެ ވާހަކަ ދައްކާތީ އަހަރެން ހުރީ އުނދަގޫ ވެފައެވެ. ނަމަވެސް ބައްޕަ ދެމުން ދިޔަ ނަސޭހަތް އަޑުއަހަން ފޫހިކަމެއްނެތި އަހަރެން އިނީމެވެ. މަންމަވެސް އެތަށް ގޮތަކުން އަހަރެންނަށް ހިތްވަރު ލާދީ ހެދިއެވެ. އަދި އެކަން އަހަރެންނަށް ނާންގާ ސިއްރު ކުރެވުނީތީ މާފަށްއެދުނެވެ. އަހަރެން އެދެމީހުންނަށް މާފް ކުރީ ޝުކުރުވެރިވާ ހާލުގައެވެ. ޔާނުއާ ހައިކަލްްގެ ސަފްހާތައް އަހަރެންގެ ހަޔާތުން އަބަދުގެ އަބަދަށް ފޮހެލީމެވެ. އިތުރަށް އެ ހަނދާންތައް އާ ކުރަން ބޭނުން ނުވާތީއެވެ. މަންމައާ ބައްޕަ އާ އެކު އުފާވެރި ވަގުތުކޮޅެއް ހޭދަކޮއްލެވުމުން އަހަރެން ހުރީ އުފާވެފައެވެ. ފަހުން ބައްޕަވެސް ހައިކަލްގެ ވާހަކައެއް ނުދެއްކައެވެ. ބޮޑަށް ދެއްކީ ހޮސްޕިޓަލްގެ ވާހަކަ ތަކެވެ. އަހަރެންވެސް  ބައްޕައަށް ހޮސްޕިޓަލްގެ ކަންތައް ކިޔާދިނީމެވެެ. ކައިނިމިގެން ސިޓިން ރޫމްގަ ޓީވީ އިން އަންނަމުން ދިޔަ ޕްރޮގްރާމެއް  ބަލަން ތިއްބާ ޝަމްމުމެންވެސް އައިސްފިއެވެ. އަހަރެން ހުރީ ބޭރަށް ގޮސްލާހިތްވެފަ ކަމުން މަންމަގެ ހުއްދަ ހޯދައިގެން ޝަމްމުއާއެކު ބުރެއް ޖަހާލަން ދިޔައީމެވެ. ދެމީހުން ޖައްސާލައިގެން ތިބީ ރަސްފަންނުގަ ހުރި ޖޯއްޔެއްގައެެވެެ. ޝަމްމު މިއަދު ކަންތައްވީ ގޮތް އިނގެން ބޭނުންވެފަ އިނުމުން އަހަރެން އޭނައަށް ރާޔާގެ ވާހަކަތަށް ކިޔާދިނީމެވެ.

” އަޅެ ހާދަ ދެރައޭ.. އެކަމް އައި ތިންކް ސަމްތިންގް އިޒް ފިޝީ.. ބުނީމެއްނު ހައިކް ބުންޏޭ ޔަލްއަށް ދެވުނު މަގާމު އިތުރު މީހަކަށް ނުދެވޭނެއޭ.. އޭގެ މާނައަކީ ހައިކް އަދިވެސް ޔަލް ދެކެ ލޯބިވެޔޭ.. މޭބީ ރާޔާ އާ ހެދި ހައިކްއަށް މަޖްބޫރު ވީކަމަށް ވެދާނެއްނު.. ރާޔާއަކީ ކިހާވަރެއްގެ މީހެއްކަން ޔަލްއަށްވެސް އިނގެއެއްނު..” ޝަމްމު ދެއްކި ވާހަކަތަކުން އަހަރެން އިތުރަށް ވިސްނާލަން މަޖްބޫރުވިއެވެ.

” ނޫން ޝަމްމު.. އަހަރެންނަކަށް ހިޔެއްނުވޭ..  ކޮންމެ ގޮތަކަށް ކަންތައް ވިޔަސް ހައިކްއަށް އަހަރެންނާ ޝެއާ ނުކުރެވޭ ކަމެއް ވާނެ ހެނެއްހިއްޔެއްނުވޭ.. އެހެން ނޫންނަމަ ތިން އަހަރު ވާއިރު ބޮޑު އޮޅުވާލުން ގަނޑެއްތެރޭގަ ނުބަހައްޓާނެ.. ލޯބިވާނަމަ ފައިވް އިޔާސްއަށް ވެއިޓްކޮއްލެވޭނެ.. ގައިމް މަޖްބޫރުވާނީވެސް ރާޔާއާ ކޮންމެެވެސް ގުޅުމެއް  އޮވެގެނެއްނު.. ގައިމް އަހަރެންނާ ޒައިންއަށް އެހެން ކަންކުރި މީހަކާ ހައިކް ގުޅުން ބާއްވަންވީ ސަބަބެއް އެބައޮތްތަ..” އަހަރެން ބުނެލީމެވެ.

” ދެން އެވާހަކަ ބާއްވަމާ.. ޔޫ ޑިސާވް މަޗް ބެޓާރ ޔަލް..” ޝަމްމު އަހަރެންގެ އަތުގަ ހިފާލަމުން ބުނެލިއެވެެ.

” ޔަލް ކޮންމެވެސް މީހަކު ވަރަށް އެބަ ބަލާ.. ހައިކްތަ އެއީ އަނެއްކާ..” ލޮލުގެ އިޝާރާތުން ދުރުގަ ހުރި މީހަކު ދައްކާލަމުން ވައި އަޑުން ޝަމްމު ބުނެލިއެވެ.  އަހަރެންވެސް ނުވާކަމަށް ހެދިލާފަ އެދިމާ ބަލާލި އިރު ހައިކަލް ފެނުމުން ހައިރާންވިއެވެ. ހައިކަލް އަނެއްކާ އަހަރެންނަށް ފާރަލަނީ ހެއްޔެވެ.  “ހިނގާ އަވަހަށް ގެޔަށްދާން… އަހަރެން ބޭނުމެއްނޫން ހައިކް ކުރިމަތީ އެންމެ ހިނދުކޮޅަކަށްވެސް ހުންނާކަށް… އެ ސޫރަވެސް ދެކެން ބޭނުމެއްނޫން..” އަހަރެން ޖޯލިން ތެދުވަމުން ބުނެލީމެވެ. ޝަމްމު ތެދުވެފާ ދާން ހަނދާލި ވަގުތު އަހަރެން ޝަމްމު ގައިގަ ބައްދާލީމެވެ. ހައިކަލް ބަލަން ހުރީމަ އަހަރެންނަށްވެސް މީހަކު ވާކަށް ދައްކާލަން ބޭނުންވީއެވެ.

” ޔަލް ކީއްތި ކުރީ..؟” އަހަރެން ދުރު ކޮއްލަމުން ޝަމްމު ބުނެލިއެވެ.

” ހައިކް ބަަލަން ހުރީމަ އޭނައަށް ދައްކާލީ އަހަރެންނަށްވެސް މީހުން ވާކަން.. އޭނައަށް އެކަނިތަ މެރީކޮއްގެން އުޅެވޭނީ..” ޝަމްމު ފަހަތުން ހިނގައިގަންނަމުން އަހަރެން ބުނެލީމެެވެ.

” ހެހެ އެކަމްވެސް ދޯ.. މިރޭ އަހަރެންނޫން މީހެއް މިތާ ހުރި ނަމަ ތި ހަގްގެ ސަބަބުން ޔަލްއަށް ފޯލްވާނެކަން ޔަގީން..” ޝަމްމު އަހަރެންނާ ދިމާކޮއްލިއެވެ.

” އާން ތިކަން އިނގެޔޭ.. އެހެންވެ އެއްނު ކޮޮންމެ މީހަކުވެސް ޔަލް ދޫކޮއްލާފަ އެދަނީ..” ސައިކަލަށް އަރަމުން ބުނެލީމެވެ.

މާދަން ހެދުނު ޑިއުޓީކަމުން ގެޔަށް ގޮސް އަހަރެން ބެލީ ނިދޭތޯއެވެ. ނަމަވެސް ޝަމްމު ދެއްކި ވާހަކަތައް އަހަރެންގެ ބޮލުތެރޭގަ ހައިޖާނުގަނޑެއް އުފައްދާލައިފިއެވެ. ފުރަތަމަ ފަހަރަށް ހައިކަލްއާ ރާޔާއާ ދޭތެރޭ އެފަދަ ގޮތަކަށް ވިސްނާލަން މަޖްބޫރުވިއެވެ. އަނެއްކާ ހައިކަލް ރާޔާއާ ކައިވެނި ކުރީ މަޖްބޫރު ވެގެން ހެއްޔެވެ؟ ލޯބި ނުވާއިރު މަޖްބޫރުން ކުރާ  ކައިވެންޏެއްގަ ދަރިއެެއް ހުންނަން ވީ ކީއްވެހެއްޔެވެ. ގައިމް ދަރިއެއް ލިބޭނީ ދެމީހުންގެ ކޮންމެވެސް ކަހަަލަ ގުޅުމެއް ހިނގީމަކަން ޔަގީނެވެ. އެ ހިޔާލް ތަކުގެ ސަބަބުން އަހަރެންނަށް އިތުރަށް އުނދަގޫވިއެވެ. އަނެއްކާ ރާޔާ އެހެންމީހެއްގެ ދަރިއެއް ހައިކަލް ބޮލުގަ އެޅުވީހެއްޔެވެ؟ އެކަމް ހުރެލާފަ ހައިކަލްގެ ބޮލުގަ އެފަދަ ބޮޑު ޒިންމާއެއް ނޭޅުވޭނެކަން ޔަގީނެވެ. ކޮންމެވެސް ކަހަަަލަ ސިއްރު ގުޅުމެއް އެދެމީހުންގެ މެދުގަ ވާކަމަށް ހިތް ބުނެލިއެވެ. އެކި ހިޔާލްތަކުގަ އޮއްވާ އަހަރެންނަށް ނިދުނީއެވެ.

ހޭލެވުނީ ފޯނު އެލާމް ވާ އަޑަށެވެ. އަވަހަށް ތެދުވެ ނަމާދުކޮއްލައިގެން އަހަރެން ތައްޔާރުވީ ޑިއުޓީއަށް ދާށެވެ. ޑިއުޓީއަށް ދިޔުމަށްފަހު އެކި ބަލި މީހުން ބެލުމުގަ އަވަދިނެތި އުޅުމަށްފަހު ކުޑަކޮށްވެސް ނޭވާލެވޭވަރުވީ ބްރޭކް ގަޑީގައެވެ.

” ޔަަލް ހިނގާ ލަންޗަށް ދާން.. ބްރޭކް ނަގާާފަ ލެޓް މީ ނޯ..” ފޯނު ބަލާލިއިރު ޝަމްމުގެ މެސެޖެއް އޮތުމުން އަހަރެން ޝަމްމުއަށް ގުޅާލީމެވެ. ޝަމްމު ބަލާއަންނަންދެން ހޮސްޕިޓަލް ދޮރުމަތީ މަޑުކޮއްލައިގެން ހުރީމެވެ.

” ޔާއްކޮ..” ކައިރިން ހުރަސް ކުރި މީހަކު ފެނިގެން އަހަރެން ގޮވާލީ ޔާޝާއާ ވައްތަރު ކަމުންނެވެ.

” ހެއި ޔަލް..” ޔާޝާއައިސް އަހަރެންނާ އަރާ ހަަމަވަމުން ބުނެލިއެވެ.

” ޔާއްކޮ މިކޮޅުގަތަ.. ނުވެސް ގުޅަމެއްނު އަޅެ އައިސް..” އަހަރެން ޝަކުވާކޮއްލީމެވެެ.

” ނުގުޅިގެން މިއުޅެނީ.. މިއަދުއޭ އަދި އައީ.. ވަރަށް ސްޓޯރީސް އެބަހުރި އެކަމް މިވަގުުތު ގޮސްލީއޭ އިނގޭ.. މިރޭ ގުޅާނަން ދިމާވަން އިނގޭ..” ޔާޝާ ފޯނެއް އައުމުން ނަގައި ކަންފަތު ޖަހާލަމުން ހިނގައިގަތެވެ. ޝަމްމު އައިސް އަހަރެން ކައިރީ މަޑުކޮއްލީ އެވަގުތުއެވެ. ކުއްލިޔަކަށް އަހަރެން ލޮލުގަ އަޅައިގަތީ ސައިކަލަކާ އައިސް ޔާޝާ ކައިރީ މަޑުކޮއްލި ހައިކަލްއެވެ. އިއްތިފާގަކުން އަހަރެންނަށް ބަލާލެވުނީ ހައިކަލްވެސް އަހަރެންނަށް ބަލާލިގަޑީގައެވެ. ޝަމްމުއާ އެކު ފެނުމުން އަނެއްކާވެސް ހައިކަލްއަށް ވިސްނޭނީ ގޯސްކޮށްކަން އަހަރެން އިނގެއެވެ. އެހެންވެ ސައިކަލަށް އަރާ އިށީންނީ ޝަމްމުއާ ވަރަށް ގާތުގައެވެ.

” ޑޯންޓް ޓެލް މީ ހައިކް އިޒް ލުކިންގް އޭ..” އަހަރެން މާ ކައިރީ އިނުމުން ޝަމްމު ދުއްވާލަމުން ބުނެލިއެވެ.

” ހަހަ ޔެސް. ބަަލަން ހުރީ އެގަޑީގަ..” ޝަމްމުއާ ދުރުވެލަމުން އަަހަރެން ބުނެލީމެވެ. ޝަމްމު އާ އަހަރެންގެ ގުޅުން ދުވަހެއް ދުވަހަކަށް ބަދަހި ވަމުންގޮސް އަހަރެންގެ އެންމެ ގާތް އެކުވެރިޔާ ކަމުގަ ބެލެވެންފެށެވުނެވެ. ޝަމްމުއާ އެކު ގިނަވަގުތު ހޭދަ ކުރާތީ މަންމަވެސް ދެމީހުން ރައްޓެހިވެގެން އުޅޭކަމަށް ހީކޮއް އަހަރެންނާ އެކަމާ ބެހޭގޮތުން ވާހަކަ ދައްކާހެދިއެވެ. ހައިކަލްއަށް ޓަކައި ދިރިއުޅުން ބޭކާރުކޮއްނުލުމަށް ނަސޭހަތްތެރިވިއެވެ. އެހެނަސް ޝަމްމުއާ ދޭތެރޭ އެފަދަ ނަޒަރަކުން އަހަރެންނަކަަށް ނުދެކެވެއެވެ.

 ނުނިމޭ 

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.