
ހިތުގެ މަގުތައް-14

މަގޭ ބައްޕަ ކުރީ ކޮން ކުށެއް؟” ޝައިހާ ހަޅޭއްލަވައިގަންނަމުން ބުންޏެވެ. އޭނާގެ އަޑު މުޅި ގޭތެރޭގައި ގުގުމާލިއެވެ. އޭނާ ފުލުހުންގެ ކުރިމައްޗަށް ހުރަސް އެޅި ނަމަވެސް، އަޙްމަދު މަޑުމައިތިރިކަމާއެކު ޝައިހާގެ ކޮނޑުގައި އަތްބާލިއެވެ.
“ދަރިފުޅާ… ބައްޕަގެ ހިތް ސާފު. ބައްޕަ އެއްވެސް ނުބައިކަމެއް ނުކުރަން. މާތް ﷲ ހުރިހާ ކަމެއް ބައްލަވައިވޮޑިގެންވޭ،” އަޙްމަދު ހިނިތުންވުމަކާއެކު ބުންޏެވެ. ނަމަވެސް އޭނާގެ ދެލޮލުން ފެންނަމުންދިޔަ ހިތްދަތިކަން ޝައިހާގެ ހިތް ކުދިކުދިކޮށްލިއެވެ. ފުލުހުން އަޙްމަދުގެ އަތުގައި ބިޑި އަޅުވައިގެން ގެއިން ނެރުނުއިރު، ޝައިހާ ބިންމައްޗަށް ވެއްޓިގަނެ ރޯންފެށިއެވެ. އޭނާ ވަގުތުން ޒައިންގެ ނަންބަރަށް ގުޅަން ފެށިއެވެ.
ޝަހާގެ ރޮއެފަ ޒައިންއަށް ގުޅައިގެން ވާހަކަ ދެކިއެވެ. ޒައިން ސައިކަލުގައި ޝައިހާގެ ގެއަށްއައެވެ. އޭނާ ވަތްއިރު ޝައިހާ އިނީ ސިޓިންގްރޫމް ބިންމަތީގައި ގުޅަވެގެން ރޯށެވެ. ޒައިން ދުވެފައި ގޮސް ޝައިހާގެ ގައިގައި ބާރަށް ބައްދާލިއެވެ.
“ޒައިން! ބައްޕަ… ބައްޕަ ގެންގޮސްފި… ވައްކަމުގެ ތުހުމަތުގައޭ ބުނީ… ޒައިންގެ ބައްޕަގެ ކުންފުނިންނޭ ބުނީ… މިއީ ކޮންކަމެއް؟” ޝައިހާ ޒައިންގެ ގަމީހުގައި ހިފާ ތަޅުވައިގަންނަމުން އަހައިލިއެވެ.
ޒައިންގެ ދެލޮލުން ކަރުނަ ފައިބައިގަތެވެ. އޭނާއަށް ހަގީގަތް ހާމަކުރަން މަޖުބޫރުވިއެވެ. “ޝައި… ބައްޕަ ޕޮލިހަށް މައްސަލަ ހުށަހަޅަމުން ބުނީ ބޭންކް އެކައުންޓުން ފައިސާ ގޮސްފައި ހުރީ އަޙްމަދުބޭގެ އެކައުންޓަށޯ. އެކަމަކު އަހަރެން ގަބޫލެއް ނުކުރަން ބޭބެ ތިކަން ކުރި ކަމަކަށް. އަހަރެމެންގެ އެކުވެރިން އެބައުޅޭ ހަގީގަތް ހޯދަން. ޝައި ހިތްވަރުކުރޭ،” ޒައިން ޝައިހާގެ މޫނުގައި ދެއަތުން ހިފަހައްޓާލަމުން ޔަގީންކަން ދިނެވެ.
އެވަގުތު ޔައިޝްގެ ބޭބެ، އައިޓީ އެކްސްޕާޓް އިޔާޒް އިނީ އޭނާގެ ކޮޓަރީގައި ހުރި ބޮޑު ކޮމްޕިއުޓަރު ސިސްޓަމްގެ ކުރިމަތީގައެވެ. ޔައިޝް އާއި ލިޔުޝާ ތިބީ އޭނާގެ ކައިރީގައި ނޭވާ ހިފަހައްޓާލައިގެންނެވެ. އިޔާޒް، ޒައިންގެ ބައްޕަގެ ކުންފުނީގެ މައި ސާވަރަށް ވަދެ، ފައިސާ ޓްރާންސްފާވި ދުވަހުގެ އައިޕީ އެޑްރެސްތަކާއި ލޮގްތައް ބަލަމުންދިޔައެވެ.
“މި ސިސްޓަމް ވަނީ ހެކްކޮށްފައި،” އިޔާޒް ކުއްލިއަކަށް ބުންޏެވެ. “ފައިސާ ފޮނުވާފައިވަނީ ކުންފުނީގެ އެތެރެއިންނެއް ނޫން. ބޭރުގެ އައިޕީ އެޑްރެހަކުން ވަދެ، އަޙްމަދުގެ ކުންފުނީގެ އެކައުންޓްގެ ޔޫސަރނޭމް ބޭނުންކޮށްގެން ފޮނުވާފައި ހުރީ. އެކަމަކު އެންމެ މަޖާ ކަމަކީ، އެ ފައިސާ އަޙްމަދުގެ އެކައުންޓަށް ވަތްތާ ފަސް މިނެޓް ތެރޭގައި އެހެން އެކައުންޓަކަށް ވަނީ ބަދަލުކޮށްފައި! އެއީ ރާއްޖެއިން ބޭރުގެ އެކައުންޓެއް.”
“އެހެންވީމާ ހަގީގީ ވަގަކީ ކާކު؟” ލިޔުޝާ އަވަސްއަވަހަށް އަހައިލިއެވެ.
އިޔާޒް ކީބޯޑުގައި ބާރަށް ޖަހާލަމުން ސްކްރީން ދައްކާލިއެވެ. “މި އައިޕީ އެޑްރެސް ބޭނުންކޮށްފައިވަނީ މާލޭގެ ވަކި ސަރަހައްދެއްގެ ގޭގައެވެ. އަދި އެ އެކައުންޓަކީ… ޒައިންގެ ބައްޕަގެ ކުންފުނީގެ މައި މެނޭޖަރު، ސާލިމްގެ އެކައުންޓެއް!”
ޔައިޝް އާއި ލިޔުޝާއަށް ލިބުނީ ބޮޑު ސިހުމެކެވެ. ސާލިމަކީ ޤާސިމްގެ އެންމެ އިތުބާރު ކުރާ މީހާއެވެ. މިއީ އޭނާ އަޙްމަދުބޭ ބައްދަންވެގެން ކުރި ބޮޑު ރޭވުމެކެވެ.
ޔައިޝް ވަގުތުން ޒައިންއަށް ގުޅާފައި މި ޚަބަރު ދިނެވެ. ޒައިން އާއި ޝައިހާ، ޔައިޝްމެންނާއެކު ފުލުހުންގެ މައި މަރުކަޒަށް ދިޔައީ އިޔާޒް ތައްޔާރުކޮށްދިން ޑިޖިޓަލް ރިޕޯޓް ހިފައިގެންނެވެ. މައްސަލަ ބަލާ އޮފިސަރަށް މި ހެކިތައް ދެއްކުމުން، ފުލުހުން ވަގުތުން ސާލިމް ހައްޔަރުކުރަން އަމުރު ނެރުނެވެ.
އެދުވަހުގެ މެންދުރުފަހު، ސާލިމް އޮފީހުގައި އިންދާ ފުލުހުން ގޮސް އޭނާ ހައްޔަރުކުރިއެވެ. ފުލުހުންގެ ސުވާލުކުރުންތަކުގެ ކުރިމަތީގައި ސާލިމަށް ކެތެއް ނުކުރެވުނެވެ. އޭނާ ވައްކަން ކުރިކަމަށާއި، އަޙްމަދުގެ ބޮލުގައި އެކަން އެޅުވީ އޭނާގެ މައްޗަށް ތުހުމަތު ނުދާނެ ގޮތް ހަދަން ކަމަށް އެއްބަސްވިއެވެ.
ހަވީރުގެ ވަގުތެވެ. އަޙްމަދު ފުލުހުންގެ ބަންދުން މިނިވަންވެގެން ނުކުތް ވަގުތު، ޝައިހާ ދުވެފައި ގޮސް ބައްޕަގެ ގައިގައި ބައްދާލިއެވެ. އެތަނުގައި ޒައިންގެ ބައްޕަ ޤާސިމްވެސް ހުއްޓެވެ. ޤާސިމް ހުރީ އިންތިހާއަށް ލަދުގަނެ، އިސްދަށަށް ޖަހައިގެންނެވެ.
ޤާސިމް މަޑުމަޑުން އަޙްމަދުގެ ކައިރިއަށް ޖެހިލިއެވެ. “އަޙްމަދު… އަހަރެންނަށް މާފުކުރޭ. އަހަރެން ހެއްކަށް އެކަނި ބަލާފައި، އިންސާނިއްޔަތުކަމެއް ނެތް ގޮތަށް ކަންތައް ކުރީ. އަހަރެންގެ އިތުބާރު ކުރި މީހާ އަހަރެންނަށް ކެހިދިނީކަން ނޭނގުނީ،” ޤާސިމް ދެރަވެފައި ބުންޏެވެ.
އަޙްމަދު ޤާސިމްގެ އަތުގައި ހިފާލަމުން ހިނިތުންވެލިއެވެ. “ޤާސިމް، މާފުކޮށްފިން. ދިރިއުޅުމުގައި މިކަހަލަ އިމްތިހާންތައް އަންނާނެ. މުހިންމީ ހަގީގަތް ފާޅުވުން.”
ޒައިން އާއި ޝައިހާ އެކަކު އަނެކަކަށް ބަލައިލީ އުފާވެރިކަމުގެ ކަރުނާއާއެކުގައެވެ. އެމީހުންގެ ލޯބީގެ މަގުގައި އޮތް އެންމެ ބޮޑު ކަޅު ވިލާގަނޑު މިހިސާބުން ފިލައިގެންދިޔައީއެވެ.
އެވަގުތު ޔަޝްމީ އިންޑިއާއިން ވައިބާއިން ގުޅާލިއެވެ. “ޒައިން! ބޭބެ ގޮވައިގެން އަހަރެމެން މާދަމާ ރާއްޖެ އަންނަނީ! ހުރިހާ ކަމެއް ރަނގަޅުތަ؟”
ޒައިން ހީލިއެވެ. “އާނ ޔަޝް! ހުރިހާ ކަމެއް މުޅިން ފުރިހަމަވެއްޖެ. އަހަރެމެން އެންމެން މިތިބީ އިންތިޒާރުގައެވެ.”
ނުނިމޭ!
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.
Comments (5)
Comments are closed.
Mi part ves vrh Reethi MA 💗
I don’t think dhen comment eh kohleveyne hen but will try hama cux GC is going to start very soon 😭😭
This part is hama breathtaking just a WOW ✨
Waiting for the next part When’s next?
Lyssm & Tc 😍🖤
Masha Allah what a masterpiece 😻
Miadhu Adhi kiriya Alhugandhu kiyan feshy
Hurihaa part eh vx vrh Reethi 💯
Wowww 😍
When’s next
Thank youuu all for ur lovely comments 💕
I am so sorry for the delay 😭🙏 story lasvany Alhugandhu rashun Beyruga ulheythy… Ehenve Story nuliyevigen miulhney I think 2 parts left mihaaru… So keep on waiting vrh avahah kiyaalan libeyne IA ☝🏻❤️ thank you for supporting me it means a lot to me Lysm all and Tc 💗