ކަލާގެ ތިޔަ ސޫރަ ދެކިލުމުން

އަނެއް ދުވަހު ހެނދުނު އަޒްކާ ސްކޫލަށް އާދެވުނީ އާދައިގެ މަތިންނެވެ.

ކުރިން ރޭ އޭނައަށް ނިދާފައި އޮތީ ކިރިޔާއެވެ. ލޯ މަރާލި ކޮންމެ ފަހަރަކު ހޯލުން އައި ދިގު ފިރިހެން ކުއްޖާގެ މަތިން ހަނދާން ވެގެން ދިޔައެވެ. އޭނާގެ ފިނި މޫނުމަތީގެ ކުލަވަރާއި، ތޫނު ކަޅު ލޮލާއި، އެ ޒުވާނާގެ ދިގު ފިނި އިނގިލިތައް ޖެހުނު ކުރު ވަގުތުކޮޅެކެވެ.

އޭނަ ބޯ ހޫރާލިއެވެ.

“ވައި އެމް އައި ސްޓިލް ތިންކިން އަބައުޓް ހިމް…؟” އަޒްކާ ރަކިވިއެވެ.

އަޒްކާ އަވަސް އަވަހަށް އޭނާގެ ކްލާސްރޫމަށް ވަދެ އާދައިގެ މަތިން ދަބަސް ތިރީގައި ބައިންދާފައި، ކުޑަދޮރުކައިރީގައި އިށީނެވެ.

އޭގެ ދެތިން މިނެޓް ފަހުން ކްލާހުގެ ދޮރު ހުޅުވިގެން ދިޔައެވެ.

ޓީޗަރު މަޑުމައިތިރިކަމާއި އެކުގައި ހިނގައިގަތީ އެތެރެއަށެވެ.

“އައްސަލާމް އަލައިކުމް. ކްލާސް، މިއަދު އަޅުގަނޑުމެންނާ ގުޅެނީ އާ ދަރިވަރަކު.”

އަޒްކާ މަޑުމަޑުން އިސްއުފުލާ ބަލާލިއެވެ.

އޭނާގެ ދެލޯ ބޮޑުވެގެން ދިޔައެވެ.

ޓީޗަރުގެ ކައިރީގައި ހުއްޓިލައިގެން ހުރީ އެ ދިގު ޒުވާނާއެވެ. ޒައިކްއެވެ.

ހަމަ އެ ފިރިހެން ކުއްޖާއެވެ.

ވަގުތުން އޭނާގެ ހިތް ބާރަށް ތެޅެން ފެށިއެވެ.

ޒައިކް އޭނާގެ އާދައިގެ ކިޔަން ނޭނގޭ މޫނުމަތިން ކްލާސްރޫމް ވަށައިގެން ބަލާލިއެވެ.

“އަޒްކާ ކައިރީގައި ހުރި ހުސް ގޮނޑީގައި އިށީނަސް އެންމެ ރަނގަޅު” އަޒްކާގެ ކައިރީގައި ހުރި ހުސް މޭޒުމައްޗަށް އިޝާރާތް ކުރަމުން މުދައްރިސް ބުންޏެވެ.

އަޒްކާގެ މުޅި ހަށިގަނޑު ފިނިވެގެން ދިޔައެވެ.

އޭނަގެ ކައިރީގައި އޭ؟

ޒައިކް މަޑުމައިތިރި ގޮތަކަށް ހިނގައިގަތީ އަޒްކާ ކައިރީގައި ހުރި ހުސް މޭޒާއި ގޮނޑިއާއި ދިމާއަށެވެ.

އޭނާ ފާއިތުވަމުން ދިޔައިރު ދެމީހުންގެ ދެލޯ ސިކުންތުކޮޅަކަށް ދިމާވިއެވެ.

އަޒްކާ އަވަސް އަވަހަށް އޭނާގެ މޭޒުމަތީގައި އޮތް ނޯޓުފޮތައް ބަލާލިއެވެ.

“މޯނިން…” ޒައިކް މަޑުމަޑުން ބުނެލިއެވެ.

އަޒްކާ ހައިރާންވެފައި ހުރެ ލޯ މަރާލިއެވެ.

“މް-މޯނިން…”

އިތުރު ބަހެއް ނުބުނެ ޒައިކް އިށީނެވެ.

ބާކީ އޮތް ފިލާވަޅުގައި އަޒްކާ ކުރެވެން އޮތް ހުރިހާ މަސައްކަތެއް ކުރީ ސަމާލުކަން ދިނުމަށެވެ. އެކަމަކު އޭނާ ކައިރީގައި އިށީނދެގެން ޒައިކް ހުރުމުން އެކަމެއް ނުކުރެވުނެވެ.

އެވަގުތު ކުއްލިއަކަށް ފައްތާފައި ހުރި ކަރުދާސްކޮޅެއް އޭނަގެ މޭޒުމައްޗަށް ޖައްސާލިއެވެ.

އަޒްކާ އެއަށް ބަލަހައްޓައިގެން ކުޑަ ސިކުންތު ކޮޅަކަށް ހުއްޓެވެ.

މަޑުމަޑުން އެ ހުޅުވާލިއެވެ.

“ޔޫ ޑްރޮޕްޑް ދިސް އިއްޔަ…”

އެތެރޭގައި ހުރީ ހޯލްވޭގައި ގެއްލިފައިވާ ކުޑަ މަޑު ފެހި ކުލައިގެ ބުކްމާކެކެވެ.

އަޒްކާ ޒައިކް އާއި ދިމާލަށް އަސްއުފުލާ ބަލާލިއެވެ.

ޒައިކް ހުރީ ކުޑަދޮރުން ބޭރަށް ބަލަހައްޓައިގެން ހަމަ ދެންމެ އެއްވެސް ކަމެއް ނުވާ ފަދައިންނެވެ.

އޭނާ ޒައިކްގެ ރީތި، ފިރިހެންވަންތަ މޫނަށް ބަލާލައިފައި ހިނިތުންވެލިއެވެ.

ފަހަރެއްގައި ޒައިކް ހުރީ އެންމެން ހީކުރިވަރަށް ފިނިވެފައި ނޫންކަމަށް ވެދާނެއެވެ…