ދުރުވާން ޖެހުނަސް

ޔެސް މޮމް.. އައި މި ތެދުވީއޭ،” ޒައިނާ ބުނެލިއެވެ. އޭނާ ހޭވިފައި ހުރި އިސްތަށިގަނޑު ފަހަތަށް އޮމާންކޮށް ހުޅިއެއް ޖަހާލުމަށްފަހު، ކޮޓަރީގެ ބޮޑު ކުޑަދޮރުގެ ފޮތިގަނޑު ކަހާލިއެވެ. ބޭރުން ފެންނަމުންދިޔަ ހުދު ކުލައިގެ “ކަފަ” މަގުތަކަށް ބަލަހައްޓައިގެން ހުއްޓާ، ފަހަތުން މީހަކު ކަރުކެހިލި އަޑު އިވުނެވެ.

“ހޫމް ދޮންތީ…” ޒީނިޔާ ހުރީ ކޮޓަރީގެ ދޮރުމަތީގައި ލާނެއް ފާޑަކަށް ހިނިތުންވެފައެވެ.

“މިހާރު މަ ކީއްކުރީ؟ ކިހިނެއްވީ؟” ޒައިނާ މޫނު ހަދާލަމުން ބުނެލިއެވެ. ޒައިނާ އާއި ޒީނިޔާއަކީ އެކަކު އަނެކަކާ ދިމާކުރުމުގައި އަރާހުރި ދެބެންނެވެ. އެކުގައި އުޅޭއިރު ހީވާނީ ކުޑަ ދެކުދިން ހެންނެވެ. ނަމަވެސް ދިރިއުޅުމުގެ ކޮންމެ ބޮޑު ކަމެއްގައި އެކަކު އަނެކަކަށް ވާ އެހީތެރިކަމަކީ މިސާލެކެވެ.

“މަންމަ ބުނީ އަވަސްކުރާށޯ. ހެނދުނު ސައިވެސް ބޯންޖެހޭނެދޯ،” ޒީނިޔާ ހެމުން ހެމުން ތިރިއަށް ދިޔައީ މަންމައަށް އެހީވުމަށެވެ.

ޒައިނާގެ އާއިލާއަކީ ތަނަވަސް އާއިލާއެކެވެ. ބައްޕަ މުހައްމަދުފުޅާއި މަންމަ ޒުލޭޙާ، ދެބެންގެ ކިޔެވުމަށާއި ބޭނުންތަކަށް ކުރަންޖެހޭ ކޮންމެ ހޭދައެއް ކުރަނީ އުފަލާއެކުގައެވެ.

އިރުކޮޅެއް ފަހުން ޒައިނާ ތައްޔާރުވެގެން ކާގެއަށް އައިއިރު، މޭޒުދޮށުގައި ބައްޕަ އާއި މަންމަ އަދި ޒީނިޔާ ތިއްބެވެ.

“ހޫމް، މިޔޮށް އައީ މިގޭގައި އުޅޭ ރާނީ… އަވަހަށް ވަޑާގަންނަވާ،” ޒައިނާ ފެނުމާއެކު ޒީނިޔާ ދިމާކޮށްލިއެވެ.

“މަންމާ، މަށެއް ސައެއް ނުބޯނަން،” ޒީނިޔާ އެހެން ބުނުމަށްފަހު ދަބަސް ކޮނޑުގައި އަޅުވައިގެން ގެއިން ނިކުންނަން ހިނގައިގަތެވެ. އޭރު އޭނާގެ ކަންފަތުގައި އިން ހެޑްސެޓުން އިވެމުންދިޔައީ އޭނާގެ އެންމެ މަގުބޫލު ލަވަ “ނޯ ޕްރޮމިސަސް” އެވެ. އެ ލަވައިގެ ރާގާއި އޭގައިވާ ބަސްތަކުން ޒީނިޔާގެ ހިތަށް ކޮންމެފަދަ އަސަރެއް ކުރަނީ ކަމެއް ނޭނގެއެވެ. ނަމަވެސް އެ މިއުޒިކާއެކު ޒީނިޔާ ގެއިން ނިކުމެގެން ދިޔައީ، ފިނި ފިނި ލަންޑަންގެ ހަލަބޮލިކަމުގެ ތެރެއަށް ގެއްލެމުންނެވެ.

“ހޫމް، މިޔޮއް އައީ މިގޭގައި އުޅޭ ރާނީ… އަވަހަށް ވަޑާގަންނަވާ،” ޒައިނާގެ ދައްތަ ޒީނިޔާ، މޫނު ކުނިކޮށްލަމުން މަލާމާތުގެ ރާގަކަށް ބުނެލިއެވެ.

ޒައިނާ އެއަށް އެއްވެސް ޖަވާބެއް ނުދެއެވެ. އޭނާ ހުރީ އަމިއްލަ ދުނިޔެއަކަށް ގެއްލިފައެވެ. “މަންމާ، މަށެއް ސައެއް ނުބޯނަން،” ޒައިނާ ކުރުގޮތަކަށް ބުނެލުމަށްފަހު ގެއިން ނުކުންނަން ހިނގައިގަތެވެ. އޭރު އޭނާގެ ކަންފަތުގައި އިން ހެޑްސެޓުން އިވެމުންދިޔައީ މަޑުމައިތިރި ލޯބީގެ ލަވައެކެވެ. އެއީ އޭނާ އަށް އަބަދުވެސް ވަރަށް ރީތި ލަވައެއް ކަމަށްވާ “ނޯ ޕްރޮމިސް…” އެވެ. އެ ލަވައިގެ ކޮންމެ ބަހަކާއި އިބާރާތެއް އޭނާގެ ހިތުގެ އެންމެ ފުންމިނަށް އަސަރުކުރުވަނީ ކީއްވެގެން ކަމެއް ނޭނގެއެވެ.

ޒައިނާ އުޅެމުން އަންނަ ގެޔާ ކޮލެޖާ އެހާ ދުރެއް ނޫނެވެ. ފައިމަގުގައި ހިނގާލާފައި 15 ނުވަތަ 20 މިނެޓުން ކޮލެޖަށް ދެވެއެވެ. ކޮލެޖްގެ ދޮރުން އެތެރެވުމާއެކު، ބޮލުގައި އަޅާފައި އޮތް ކޯރި ނަގައި ކޮނޑުގައި އަޅުވާފައި އޮތް ދަބަހަށް ލިއެވެ.

އިރުކޮޅެއް ފަހެވެ. ބްރޭކް ގަޑި ޖެހުމާއެކު ރާނިޔާ ދުވެފައި ކަހަލަ ގޮތަކަށް އައިސް ޒައިނާގެ ކޮނޑުގައި އެލިގަތެވެ.

“އޭ ބެސްޓީ! ހާދަވަރަކަށް މެސެޖް ކޮށްފީމޭ. ކޮބައިތޯ ބަލާލަން މިއައީ،” ރާނިޔާ ސަމާސާ ރާގަކަށް ބުނެލަމުން ޒައިނާ ނުވެއްޓޭ ވަރަށް ކޮނޑުގައި ހިފާ ކޮށްޕާލިއެވެ.

“އޭ، އައިގެ ފޯން އޮންނާނީ ‘ޑޫ ނޮޓް ޑިސްޓާބް’ ގަ. އެހެންވެ ނޭނގުނީ،” ޒައިނާ މަޑުމަޑުން ޖަވާބު ދިނެވެ.

ޒައިނާ އާއި ރާނިޔާއަކީ ރާއްޖޭގައި އުޅުނު އިރުވެސް އެއް ކުލާހެއްގައި އުޅެ، އެއްކޮށް ސްކޫލް ނިންމި ދެ ރަހުމަތްތެރިންނެވެ. ނަމަވެސް މިހާރު ދެ ކުދިން ކިޔަވަމުންދަނީ ތަފާތު ދެ ދާއިރާއަކުން ކަމަށްވުމުން، ކޮލެޖް ތެރެއިން ދިމާވުމަކީ އުނދަގޫ ކަމެކެވެ.

“އާރ ޔޫ އޯކޭ؟ ކަމަކާ ވިސްނަނީތަ؟” ރާނިޔާ ޒައިނާގެ މޫނަށް ބަލާލަމުން ސުވާލުކުރިއެވެ.

“ޔެސް، އައި އެމް އޯކޭ،” ޒައިނާ ގަދަކަމުން ހިނިތުންވުމެއް ދައްކާލަމުން ބުންޏެވެ.

މިވަގުތު ލަންޑަނުގެ ފިނިހޫނުމިން ހުރީ 0 ޑިގްރީ ސެލްސިއަސްގައެވެ. ގަނޑުވާ ފިނީގައި ދެ ކުދިން އެކުގައި ހިނގައިގަތީ ކެންޓީނާ ދިމާ އަށެވެ. ކޮފީ ތަށީގެ ހޫނުކަމުން ހަށިގަނޑަށް ތަސައްލީއެއް ހޯދުމަށެވެ. ދިޔަ މަގުމަތީގައި ދެ ރަހުމަތްތެރިންގެ މެދުގައި އެތައް ވާހަކައެއް ދެކެވުނެވެ.

“އަހަރެން މިހާރު އަނބުރާ ރާއްޖެއަށް ދާކަށް ބޭނުމެއް ނޫން،” ޒައިނާ ކުއްލިއަކަށް ބުނެލިއެވެ. އޭނާގެ އަޑުގައި ވަނީ މާޔޫސްކަމެވެ. “އެތައް ހަނދާންތަކެއް ރާއްޖެއާ ގުޅިފައިވޭ. މިހާރުވެސް އޭނާ އަހަންނަށް މެސެޖްތައް ކުރޭ. އެކަމަކު އަހަރެން ޖަވާބު ނުދީ މަޑުން މިހުންނަނީ ކިޔެވުމަށް ހުރަސް އެޅިދާނެތީ.” ޒައިނާގެ އަޑު އައީ ކުރަކިވަމުންނެވެ.

ކޮފީ ބޮއެ ނިންމައިގެން ދެ ކުދިން ދިޔައީ ކްލާހާ ދިމާ އަށެވެ. ޒައިނާ ކްލާހަށް ވަނުމުން ރާނިޔާ އޭނާގެ ކްލާހަށް ހިނގައިގަތް ނަމަވެސް، ރާނިޔާގެ ބޮލުގައި އެނބުރެމުން ދިޔައީ ޒައިނާ ދެންމެ ދެއްކި ވާހަކަތަކެވެ. ޒައިނާގެ ހިތުގައި ފޮރުވިފައިވާ އެތައް ސަފުހާއެއްވާކަން ރާނިޔާއަށް ޔަގީންވިއެވެ.

ލަންޑަން ގަޑިން ހަވީރު 5 ޖެހިއިރު ކޮލެޖް ނިމިއްޖެއެވެ. ޒައިނާ އާއި ރާނިޔާ ގެއަށް ދިއުމުގެ ބަދަލުގައި، ރާނިޔާ ބޭނުންވީ ޒައިނާގެ ގޭގެ ކައިރީގައި އޮންނަ ޕާކަށް ވަންނާށެވެ. ޒައިނާގެ ހިތުގައި އޮތް އުދާސްތައް އޮޅުންފިލުވުމުގެ ބޭނުމުގައެވެ.

ފިނިކަމުން ނޭވާލާއިރު އަނގައިން ދުން ނިކުންނަމުން ދިޔައެވެ. ދެ ރަހުމަތްތެރިން ޕާކުގެ ހުސް ގޮނޑިއެއްގައި އިށީނދެލިއެވެ.

“މިއަދު ހާދަ ބޮޑެތި ވާހަކަތަކެއް ތި ދެއްކީ. އަހަންނަށް ކަމެއް ސިއްރު ކުރަނީ ދޯ؟” ރާނިޔާ ލޯ ބޮޑުކޮށްލަމުން އަހާލިއެވެ.

ޒައިނާ ލަދުވެތި ގޮތަކަށް އިސްޖަހާލުމަށްފަހު ބޯ ޖަހާލިއެވެ. “ސޮރީ ރާނިޔާ… މަށަށް ރާނިޔާއަށް މި ހުރިހާ ވާހަކައެއް ސިއްރުކޮށްގެން މިއޮއްހާ ދުވަހު ހުރެވުނީ. އަހަރެންގެ އަމިއްލަ ނަފްސު އަހަންނަށް ބުނަމުން ދިޔައީ މިކަންތައް ސިއްރުކޮށް ހިފަހައްޓަން،” ޒައިނާގެ އަޑު ބެދެމުން ދިޔައެވެ.

އެވަގުތު ޒައިނާގެ ފޯނު ރިންގުވާން ފެށިއެވެ. ބަލާލިއިރު ގުޅަނީ މަންމަ ޒުލޭހާއެވެ.

“ދަރިފުޅާ ކޮންތާކު؟ އަދިވެސް ކޮލެޖް ނުނިމޭތަ؟” ޒުލޭހާ ކަންބޮޑުވެފައި އަހާލިއެވެ.

“މޮމް… ތަންކޮޅެއް ލަސްވެދާނެ. ރާނިޔާއާ އެކު މި އިނީ،” ޒައިނާ ކަރުގައި އަޅައިގަންނަމުން ބުނެލިއެވެ. ފޯނު ބޭއްވުމަށްފަހު އޭނާ ފުން ނޭވާއެއްލިއެވެ. އޭނާ ރޮއެފިކަން މަންމައަށް ސިއްރުކުރުމަށްޓަކައި މޫނު ފޮހެލާ ހަމައަކަށް އެޅެން މަސައްކަތް ކުރިއެވެ.

“ޒައިނާ، ކޮންމެވެސް ދުވަހަކުން މަންމައަށްވެސް މިކަން އެނގޭނެ،” ރާނިޔާ ޒައިނާގެ އަތުގައި ހިފާލަމުން ހިތްވަރު ދިނެވެ. އެކަމަކު ޒައިނާގެ ހިތް ބުނަމުން ދިޔައީ، ބައެއް ހަގީގަތްތަކަކީ ދުރުގައި ތިބެގެންވެސް ހިތުގެ ކޮޅެއްގައި ރައްކާކުރަން ޖެހޭ އެއްޗެއް ކަމަށެވެ.

2 ވަނަ ބަޔަށް އިންތިޒާރު ކޮއްލަވާ