އަހަރެންގެ ހަޔާތް-2

އަހަރެންވެސް ގަބޫލުކުރަމެވެ. ކައިލް ކިޔަވާ މޮޅު މީހަކަށް ވީމަ އެންމެ އުފާވެސް ވާނީ އަހަރެންނެވެ. އެކި ވަޢުދުތަކާއި ހުވާތައްކޮށް ކައިލް ފުރާފިއެވެ.
……..
ކައިލް ދިޔަފަހުން ހަފްތާއެއް ވީއެވެ. ކައިލްގެ އެއްވެސް ހަބަރެއް ނުވެއެވެ. އަހަރެންގެ ހިތް ބިރުގަންނަން ފަށައިފިއެވެ. ކައިލްގެ މެސެޖަކަށް އިންތިޒާރު ކުރުމުގައި މުޅި ދުވަސް ހޭދަވެގެން ދަނީއެވެ. ކައިލް އަހަރެން މަތިން ހަނދާން ނުވަނީބާއެވެ. ނަމަވެސް އަހަރެމެން ވީ ވަޢުދުތައް އަހަރެން ފުރިހަމަ ކުރާނަމެވެ. ކައިލް ކިޔަވަން ދިޔަ ފަހުން މަހެއް ވީއެވެ. ފުރަތަމަ ފަހަރަށް ކައިލްގެ މެސެޖެއް ލިބުނެވެ. އުފަލުން ގޮސް ހިތް ނުހުއްޓުނީ ކިރިޔާއެވެ. އަހަރެންވެސް މެސެޖު ކުރީމެވެ. މަހެއް ވީއިރު ކައިލް ކޮބާ ހެއްޔެވެ….؟

ކައިލް އެކި ކަންކަމުގައި ވަރަށް ބުރަކޮށް އުޅެން ޖެހުނީއެވެ. ތަފާތު ގައުމުތަކަށް ދެވުނީމައި އެތާގެ އާދަތަކަށް ފަރިތަވާން ދުވަސް ނެގީއެވެ. އޭގެ ފަހުން ކޮންމެ ދުވަހަކުވެސް ކައިލް އަހަރެންނަށް މެސެޖުކުރެއެވެ. ދުރުގައި ތިއްބަސް އެކަކު އަނެއްކަކު ދެކެ އިންތިހާއަށް ލޯބިވެވިއްޖެ އެވެ.

މަސްތައް އަހަރުތަކަށް ބަދަލުވެއްޖެއެވެ. ކައިލް ކިޔަވާ މޮޅު މީހަކަށް ވެގެން ގައުމަށް ހިދުމަތްކުރަން އަންނަން ކައިރިވަނީއެވެ. އަދި ކައިލްގެ ބުރަމަސައްކަތުން ކޯހުން ފަހުރުވެރި އެއްވަނަ ވެސް ހާސިލުކުރިއެވެ. މިއަދު ރަށުގެ ކޮންމެ އާއިލާއަކުންވެސް ކައިލް ބޭނުންވާނެއެވެ. މީހުން ބަލައިގަންނަފަދަ ހަރުދަނާ މީހަކަށް ކައިލްވިއެވެ. އަހަރެން އެކަމާ ވަރަށް އުފާކުރަމެވެ. ކައިލް ރާއްޖެ އައިސް އެންމެ ފުރަތަަމަ ބައްދަލުކުރީ އަހަރެންގެ ބައްޕަ އާއެވެ.
ކައިވެނިކުރަން ބޭނުންވާ ވާހަކަދެއްކިއެވެ.

ކައިވެނީގެ އެކިއެކި މަޝްވަރާތައް ފެށިއްޖެއެވެ. ކައިވެނި ހަފުލާ ކުލަ ގަދަކޮށް ބޭއްވުމަށް ކައިލްގެ އާއިލާއިން ބޭނުންވެއެވެ. ކައިވެނި ހަފުލާ ކުރިއަށް ގެންދާނެ ގޮތުގެ ޕްލޭންތައް ހެދިއްޖެއެވެ. ނަމަވެސް ކައިވެނީގެ ކުރިން ތެލެސީމިޔާ ޓެސްޓުކުރަން ޖެހެއެވެ. ދެމީހުން އެކުގައި މާލެ ގޮސް ތެލެސީމިޔާ ޓެސްޓުކުރީމެވެ. ނަމަވެސް ނަތީޖާ ލިބޭނީ 14 ދުވަސް ފަހުންނެވެ. އެހެންވެ އަހަރެމެން ކައިލްގެ އެކުވެރިޔާ މިފްޝާލް އަށް ނަތީޖާ ނަގަން ހަވާލުކޮށްފައި ރަށަށް އައީމެވެ. ދެފަރާތުގެ އާއަލާ ވެސް ކައިވެނި ހަފުލާގެ ކަންކަމާއި އެކި މަޝްވަރާތައް ކުރަމުންދެއެވެ. ކޮންމެ އަކަސް ކުރިމަތީގައި އެވާ އުފާވެރި ދުވަސްތަކަށް އަހަރެން އިންތިޒާރުކުރަމެވެ.

މިގޮތަށް ދުވަސްތައް ގުނަމުން ދަނިކޮށް ހުރިހާ އުއްމީދުތަކެއް ފުނޑުފުނޑުވެއްޖެއެވެ. ކުރަމުންދިޔަ އިންތިޒާރުގެ ނިމުން އަތުވެއްޖެއެވެ.

ތެލެސީމިޔާ ޓެސްޓުގެ ނަތީޖާ ލިބިއްޖެއެވެ. ދުވަހަކުވެސް މިފަދަ ކަމެއް ކުރިމަތިވާނޭކަމަށް ހިޔާލަށްވެސް ގެނެވިފައިނެތެވެ. އަހަރެންގެ ފައިދަށުން ބިންގަނޑު ކެހިގެންދިޔަ ފަދައެވެ. އަހަރެންނާ ކައިލްގެ ކައިވެންޏަށް ހުރަސް އެޅީ ތެލެސީމިޔާ ޓެސްޓުގެ ނަތީޖާއެވެ.
……. އަހަރެމެން ދެމީހުންނަކީ ވެސް ތެލެސީމިޔާ ކެރިއަރުންނެވެ. އަބަދުގެ އަބަދަށް ކައިލް އާ ވަކިވާން ޖެހުނީއެވެ. މަޖުބޫރުވީ އެވެ. މިއީ ދެފަރާތުގެ އާއަލާއަށް ވެސް ސިހުން ގެނުވި ވަގުތެކެވެ. ނަމަވެސް މުސްތަގުބަލަށް ވިސްނާފައި ކައިލް އާއި ވަކިވުން ނޫން ގޮތެއް ނެތެވެ. ދިރިއުޅުމުގެ މަގްސަދަކީ ދަރިންނާއެކު އުފާވެރި ހަޔާތެއް ވޭތުކުރާށެވެ. ދަރިއަކަށް ގެއްލުންވާނެ އެއްވެސް ފުރުސަތެއް ދޭކަށް ދެ އާއިލާއިން ވެސް ފުރުސަތެއް ނުދެއެވެ.

އަހަރެންނާ ކައިލް އާާ ދުރަށް ދިޔައީ ދުވަހަކުވެސް އެކީ ހަޔާތެއް ފެށެން ނެތީމައެވެ. އަހަރެން ކައިލްގެ ހަނދާނުގައި ފުޑުފުޑުވިޔަސް އިތުރު މީހަކާ ކައިވެނި ކުރާކަށް ބޭނުމެއްނޫނެވެ. އަހަރެންގެ މަންމަ އެތައް ދުވަހަކު މިވާހަކަތައް ނުދައްކާ ހުއްޓެވެ. ނަމަވެސް ގިނަ ދުވަސްތަކެއް ފާއިތުވެއްޖެއެވެ.

އަހަރެން ކައިލް އާ ވަކިވެދިޔަޔަސް އެ ލޯތްބަށް ގަދަރުކުރާނަމެވެެ. ލިބުނު ހިތާމަތަކާއެކު ކައިލް ރާއްޖެ ދޫކޮށް މެލޭޝިޔާއަށް ދިރިއުޅުން ބަދަލުކުރިއެވެ. އެހެން ނަމަވެސް ކައިލް ވެސް އިތުރު މީހެއް ދެކެ ލޯބިނުވާކަން އަހަރެންނަށް އިނގެއެވެ.

ނިމުނީ!
މިބައި ވެސް ކިޔުންތެރިންނަށް ކަމުދާނެ ކަމަށް އުންމީދުކުރަން 😀💗