Skip to content
އެސްފިޔަ

ނޭދެމޭ ވަކިވުމެއް… ހާދަހާ ލޯބިވޭ 50

ކޮޓަރީގައި ދެކޮޅަށް ހިނގާލަ ހިނގާލަ ހުރި ޖާހަތުއަށް އިރުއިރުކޮޅާ އަތުކުރީގައި އޮތް ގަޑިއަށް ބަލާލެވެއެވެ. ހުމާމުގެ ހަބަރެއް އަދިވެސް ނުވެއެވެ. ފޯނުވެސް ވީ އޭނާގެ އަތުގައެވެ.
ގަޑިން ދިހައެއް ޖަހަން ކައިރިވަނީއެވެ. ޖާހަތު ހުރީ ހަމަ އެގޮތުގައެވެ. ދޮރުގައި ޓަކި ދިން އަޑު ކުއްލިއަކަށް އިވިގެން ދިޔައެވެ. ސިހިގެން ދިޔުމާއެކު ކުޅު ދިރުވާލެވުނެވެ. ހުމާމު އެއައީއެވެ. ޖީބުގައި އޮތް ވަޅި ޗެކްކޮށްލިއެވެ. އަދި އެއަށްފަހު މަޑުމަޑުން ގޮސް ދޮރު ހުޅުވާލިއެވެ.

ކުޑަ ސިހުމެއް ލިބިގެން ދިޔައީ ދޮރުކުރިމަތީގައި ހުރި ޝިފާ ފެނުމުންނެވެ. ބޭއިޚްތިޔާރުގައި ދެކޮޅު ބަލާލެވުނީ ހުމާމު ފެންނަން ނެތުމުންނެވެ.
“ކިހިނެތްވީ؟ ކޯއްޗެއް ތި ހޯދަނީ؟” ޝިފާ ސުވާލުކޮށްލަމުން އެތެރެއަށް ވަނެވެ. ހުމާމު ނެތްކަން އެނގި ޖާހަތުއަށް ހަމަ ޖެހުމެއް ލިބުނު ނަމަވެސް ހުމާމު ވީ ކޮންތަނެއްގައިކަން ބަލަން ބޭނުންވިއެވެ.
“އަހަރެންނަށް ކިޔަނީ ޝިފާ. އިނގޭ ދޯ؟!!” ޝިފާ އިސްވެ ޖާހަތުއާ ވާހަކަ ދައްކަމުން ދިޔައެވެ.
“ޖާހަތު!” ޖާހަތު ޝިފާގެ ބަހަށް ބޯޖަހާލަމުން އަމިއްލަ ނަން ބުނެލިއެވެ.
“ކޮބާ ހުމާމު؟” ޖާހަތު ސުވާލުކޮށްލިއެވެ.
“ހުމާމު ދިޔައީ ގެއަށް.” ޝިފާ ހަމަ ޖެހިލާފައި ބުނެލިއެވެ.
“ގެއަށޭ؟ އެހެންވެއްޖެ ނަމަ މިއީ ކޮން ގެއެއް؟” ޖާހަތުއަށް ސުވާލުކޮށްލެވުނެވެ.
ޝިފާ ހީނލިއެވެ. “މިއީ އަހަރެންގެ ގެއެއްނު. ހުމާމުގެ ހުންނާނީ ތަންކޮޅެއް އެކޮޅުގަ. ޖާހަތުއަށް ކިޔައެއް ނުދޭތަ؟”
“ޝިފާއަށް އެނގޭ ކަމެއް ވެއްޖެއްޔާ ކިޔައިދީ ބަލަ އަހަރެންނަށްވެސް. މިގޭގަ އަހަރެން ހުންނަން ޖެހުނީ ކީއްވެ؟”ޖާހަތު އޮޅުން ފިލުވުމުގެ ނިޔަތުގައި ސުވާލުކޮށްލިއެވެ.
“ޖާހަތު ހިތްހަމަ ނުޖެހުނީތަ؟” ޝިފާ ސުވާލުކޮށްލިއެވެ. “އަސްލު ހުމާމުގެ މަންމަމެންނަކީ ވަރަށް ކަންތައްބޮޑުކޮށްގެން އުޅޭ ބައެއް. ތިގޮތަށް އިންނަންނޭ ކިޔާފަ ކުއްލިއަކަށް ގެން ދިޔުމުން އެމީހުން ވަރަށް ހިތްހަމަ ނުޖެހޭނެ. އެހެންވެ ހުމާމު ނިންމީ ފުރަތަމަ އެމީހުން އެއްބަސް ކުރުވަން. އެއަށްފަހުގަ ޖާހަތު އެގެއަށް ގެންދަން. އަހަރެންމިއީ ހުމާމުގެ ކުޑައިރުގެ ރައްޓެއްސެއް. އެހެންވެ މިގޭގަ ބެހެއްޓީ.” ޝިފާ ޖާހަތުއަށް ތަފްސީލުކޮށްދެމުން ދިޔައެވެ. ޝިފާގެ ވާހަކައަށް ޖާހަތު ދިޔައީ ކަނުލާ އަޑު އަހަމުންނެވެ. ހުމާމު ޖާހަތުއަށް ވަރަށް ބޮޑަށް އޭނާގެ ހަޤީޤަތް އޮޅުވާލާފައިވާކަން ޝިފާގެ ވާހަކަ ތަކުން އެނގުނެވެ. މައިންބަފައިންވެސް ހެޔޮހާލުގައި ދުނިޔޭގައި ތިބިކަމާއި އާއިޒުއާ ބައްދަލުވުމުގެ މާކުރިންވެސް ހުމާމު އުޅެމުން ދިޔައީ އެ އުޅުންކަން އެނގުނެވެ. އަދި ހަމަ އެހެންމެ ހުމާމުގެ ކިބައިން ބަދަލު ހިފަންވީ ކިހިނެތްކަން ވިސްނާލިއެވެ. ޝިފާގެ ވާހަކަތައް އަޑުއަހަމުން ދިޔައިރު ދެން ކަންތައް ކުރަންވީ ގޮތްވެސް ހިތުގެ އަޑިން ނިންމަމުން ދިޔައެވެ.
ޖެހިގެން އައި ދުވަހަށް އިރު އެރިއިރުވެސް ރީމް ހުން ފިނިވާ ގޮތެއް ނުވިއެވެ. ނަމަވެސް އެއްވަރަކަށް ވަނީ ކޮންޓްރޯލް ކުރެވިފައެވެ.
އިޔާނާއަށް ހޭލެވުމާއެކީ މަޑުމަޑުން ތެދުވެ އެނދުގައި އިށީންނިއެވެ. ރޭގައި ގައިނަކޮލޮޖިސްޓް އިޔާނާ ޗެކް ކުރުމަށްފަހު އަރާމު ކުރުމަށް އެދިފައިވީ ނަމަވެސް އެގޮތަށް ގިނަ އިރު އޮންނަން ވުމުން ފޫހިވާ ގޮތްވިއެވެ. އިޔާނާ ދެކޮޅު ހެދި ނަމަވެސް އީމަން ކުރުނުކޮށް ގައިނަކޮލޮޖިސްޓެއް ގެނައީ އިޔާނާ ރަނގަޅުތޯ ޔަޤީން ކުރުމަށެވެ.
އެނދުގައި އިށީނދެ ލުމަށްފަހު ލައިގެން ހުރި ހުދުކުލައިގެ ޓީޝާޓް ރަނގަޅުކޮށްލިއެވެ. ދިގުފަން އިސްތަށިގަނޑު އަތުން ރަނގަޅުކޮށްލިއެވެ. އީމަން ހާދަ ރަނގަޅޭ އިޔާނާ ހިތަށް އެރިއެވެ. އަނެއްކާ އީމަންގެ ހިތުގައިވެސް އަހަރެންނަށް މިކުރެވޭ ކަހަލަ އިހުސާސްތަކެއް ހުރީ ހެއްޔެވެ؟ އަހަރެންނާއި މެދުގައި ވިސްނެނީ ހެއްޔެވެ؟ ތަފާތު ގޮތަކަށް އަހަރެންނާއި މެދުގައި ދެކެވެނީ ހެއްޔެވެ؟ އެހެންވާނެނަމަ ކިހާ ރަނގަޅު ހެއްޔެވެ! މިއީ ކޮންފަދަ އުފާވެރި އިހުސާސްތަކެއް ހެއްޔެވެ. ހިލޭ ފިރިހެނަކަށްޓަކައި މިފަދަ އިހުސާށްތަކެއް މިކުރެވެނީ ކީއްވެހެއްޔެވެ؟
ކުރެވެމުން މިދަނީ ގޯސް ހިޔާލުތަކެއްކަން އިޔާނާގެ ސިކުނޑި ކިތަންމެ ވަރަކަށް ވިސްނައިދޭން އުޅުނު ކަމުގައި ވިޔަސް އެ ހިޔާލުތަކުން ދުރުވާކަށް ހިތެއް ނޭދުނެވެ. ބޭނުންވީ އެކަމާ ދޭތެރޭ ވިސްނާށެވެ. ހިތަށް ފޮނި އިހުސާސެއް ކުރެވޭތީއެވެ.
ހިޔާލުތަކުން ނިކުންނަން މަޖުބޫރުވީ ފޯނު ރިންގްވާން ފެށީމައެވެ. ޒާންގެ ކޯލެކެވެ. އިޔާނާގެ މޫނުގައިވި މަޑުމަޑު ހިނިތުންވުން ގެއްލި ދިޔައެވެ.
ކަންފަތުގައި ފޯނު ޖައްސާލުމާއެކީ އެކޮޅުން ޒާން ވާހަކަ ދައްކަން ފެށިއެވެ.”ކިހިނެތްތަ މިހާރު؟ ރަނގަޅުތަ؟”
އިޔާނާ އާނއެކޭ ބުނެލިއެވެ.
“ލޯބީ! ޕްލީޒް ޓޭކް ކެއަރ އޮފް ޔޮއަރސެލްފް! އަހަރެން ވަރަށް ދެރަވޭ ޔާނާ ކައިރީގަ ނުހުރެވޭތީ. ވަރަށް ބޭނުން ޔާނާ ކައިރީގަ ހުންނަން. އިރާދަކުރެއްވިއްޔާ ވަރަށް އަވަހަށް ދާނަން. އިނގޭ!” ޒާންގެ އޯގާތެރި ކަމުން ފުރިގެންވާ ބަސްތަކުން އިޔާނާގެ ހިތުގައި ޖެހުނެވެ. މަޑުމަޑުން އެނދުން ތެދުވެ ކުރިމަތީގައި ހުރި ބޮޑު ލޯގަަނޑު ކުރިމަތީގައި ހުއްޓި އަމިއްލަ ސޫރައަށް ބަލައިލިއެވެ. އެހިނދު ފާހަގަ ވެގެން ދިޔައީ ބޮޑުވަމުން އަންނަ ބަނޑެވެ. އިޔާނާއަށް ބަނޑުގައި އަތް ކާއްތާލެވުނެވެ. ބޮޑު ކަޅު ހެދުމުގައި ހުންނައިރު އެ ބަނޑު އެއްވެސް ވަރަކަށް ނޭނދުނަސް ޓީޝާޓް ލައިގެން ހުރިއިރު ފެންނަނީ ވަރަށް ލޯބިކޮށެވެ. މަޑުމަޑުން ބަނޑުގައި އަތް ފިރުމަމުން ގެންދެވުނެވެ. ހިތަށް އެރިއެވެ. މިދިރިއުޅުމުން އަހަރެންނަށް އުނިވަނީ ފަހެ ކޮންއެއްޗެއް ހެއްޔެވެ؟ އެހެން މީހެއްގެ ހައގަކާ ދޭތެރޭ ވިސްނުމަކީ ގޯސްކަމެކެވެ. ލޯބިވާ ފިރިއެއް ލިބިފައިވާ އިރުވެސް އެހެން ފިރިހެނަކާ ދޭތެރޭގައި ހިޔާލުކުރެވުނީތީ ލަދުގަތެވެ. އަމިއްލަ ނަފްސަށް މަލާމާތް ކުރެވުނެވެ. މަޑުމަޑުން ލޮލުގައި ކަރުނަ ތިކިތައް ޖަމާ ވަމުން ދިޔައެވެ.
އިޔާނާގެ އަޑެއް ނީވުމުން ޒާން ގޮވާލިއެވެ. ލޮލަށް ގިނަވެފައިވާ ކަރުނަތައް އޮއްބާލަން މަސައްކަތް ކުރަމުން އިޔާނާ މަޑުމަޑުން ހޫމް އޭ ބުނެލިއެވެ.
“ކިހިނެތްވީ؟ ރޮނީތަ؟” ޒާން ސުވާލުކޮށްލިއިރު އަޑުގައި ކަންބޮޑުވުމުގެ އަސަރު ހުއްޓެވެ.
“ނޭނގެ ވާ ގޮތެއް. ޒާން އަވަހަށް އާދެބަލަ.” އިޔާނާ ހިތްވަރުކުރަމުން ބުނެލިއެވެ.
“ޔާނާ! ދެރަ ނުވެބަލަ. ތިހެން ރޮންޏާ ބޭބީއަށް އަސަރުކުރާނެ. ‘ބީ ބްރޭވް’ ވީ އެންމެ އަވަހަކަށް ދެވޭތޯ މަސައްކަތް ކުރާނަން. އިނގޭ” ޒާން އިޔާނާ ހިތްހަމަ ޖައްސައިދެވޭތޯ މަސައްކަތް ކުރިއެވެ. އިޔާނާ ޒާން ގެންނަން ބޭނުންވީ އޭނާއަށް ކަތި ފިޔަވަޅެއް އެޅިދާނެ ކަމުގެ ބިރު ހީވަމުން ދިޔުމުންނެވެ.

ހުމާމު އޮތީ ކޮޓަރީގައެވެ. ނިދާ ހޭލެވުނު ނަމަވެސް ބޭރަށް ނިކުންނަށް ޖެހިލުންވެފައި އޮވެވުނީއެވެ. އެތަކެއް އަހަރު ތަކަކަށްފަހު މައިންބަފައިން ކައިރިއަށް އައިސް އުޅެންވުމުން ބީރަށްޓެހިކަންވަނީ ވެރިކުރުވާފައެވެ.
ހުމާމުގެ މައިންބަފައިންނަކީ އައްޑު އަތޮޅުގައި ނަން ހިނގާ ގަދަރުވެރި އާއިލާއެކެވެ. އަދި ހަމަ އެހެންމެ ހުމާމުގެ ބައްޕައަކީ މުޅި އަތޮޅުގައި އެންމެ މަޝްހޫރު އެއް ވިޔަފާރިވެރިޔާއެވެ. އުމުރުން 13 އަހަރުގައި ހުމާމު މާލެއަށް ކިޔަވަން ބަދަލުކުރިއެވެ. ހުމާމުގެ ބައްޕަ ޝިޔާމް މާލެއިން ގެއެއް ގަތުމަށްފަހުގައެވެ. ޝިޔާމުގެ އަންހެނުން ފަރީދާ ހުމާމުގެ ކަންކަން ކިތަންމެ ގާތުގައި ހުރެ ބަލަމުން ދިޔަނަމަވެސް ހުމާމު ދިރިއުޅުން ދިޔައީ ބޮއްސުންލަމުންނެވެ. ފަރީދާގެ އާދޭސްތަކަށް ބީރުކަންފަތެއް ދިނުމަށްފަހު ހުމާމު އޭނާގެ ދިރިއުޅުން ‘ހިފައިގެން’ މަގުމައްޗަށް ނިކުތް ދުވަހަކީ ފަރީދާގެ ހުރިހާ އުންމީދުތަކެއް ފެނަށް ވެގެން ދިޔަ ދުވަހެވެ. ލޯބިވާ ބައްޕަގެ އިއްޒަތާ ޤަދަރަށްޓަކައިވެސް އެއުޅުން ދޫކޮށްލުމަށް ފަރީދާ ކުރަމުން ދިޔަ އާދޭސްތައް އިވެމުން ދިޔައީ ބީރުކަންފަތަކަށްފަދައެވެ. ހުމާމު ރަނގަޅުކުރުމުގެ އެންމެ ފަހު ފިޔަވަޅެއްގެ ގޮތުން ފަރީދާ ހުމާމުގެ ހުރިހާ ކަމެއް ކޮށްދިނުން ހުއްޓާލައި ރުފިޔާ ދިނުމުގެ މަގުވެސް ބަންދްކުރިއެވެ. އެކަމުގެ ނަތީޖާ ނިކުތީ ފަރީދާ ހީވެސް ނުކުރާ ފަދަ ގޮތަކަށެވެ. މާލެއިން ގަނެފައިވާ ގެ ހުމާމު ވިއްކާލީއެވެ. ހުމާމު އެވަނީ އެނބުރި އައުން ނާދިރު މަގަކުން ދަތުރުކޮށްފައިކަން އިހުސާސްވި ހިނދު ފަރީދާ އެނބުރި އައްޑުއަށް އައީ ކަރުނައިން ފުރިގެންވާ ހިތަކުންނެވެ. ކިތަންމެ ވަރަކަށް ހިތުގައި ޖެއްސި ނަމަވެސް މައިވަންތަކަމުގެ ލޯބިން ފުރިފައިވާ އެހިތް ހުމާމުގެ ހުރިހާ ވާހަކަ ތަކެއް ޝިޔާމަށް ކިޔައިދޭން އެއްބަހެއް ނުވިއެވެ. ހުމާމުގެ އުޅުން ހުއްޓުވަން ޝިޔާމު ކުރި މަސައްކަތުން އޭނާގެ އަމިއްލަ އަގު ވެއްޓުން ނޫންކަމެއް ނުވިއެވެ. ހުމާމު އޭނާގެ މައިންބަފައިން ލަދުގަންނަވާލައި އަގު ވައްޓާލުމަށް ކޮށްނުލާ އެންމެ މަސައްކަތެއްވެސް ނެތްފަދައެވެ. އެންމެފަހުން ޝިޔާމާއި ފަރީދާ އަށް ޖެހުނީ ބަލި ގަބޫލުކޮށްގެން އެނބުރި ދާށެވެ.
ކާމޭޒުކައިރީގައި ފުން ހިޔާލު ތަކެއްގަ އިން ފަރީދާ ސިހިގެން ދިޔައީ ޝިޔާމު އައިސް އިށީނުމުންނެވެ.
“ކޮބާ ހުމާމު؟” ޝިޔާމު ފަރީދާ އާ ސުވާލުކޮށްލިއެވެ. ޝިޔާމުގެ އަޑުގައި ނުރުހުމުގެ އަސަރު އެކުލެވިފައިވެއެވެ.
ފަރީދާ ޖެހިލުންވެ ހުރެ ޖަވާބުދިންއިރު އެ ހިތުގައި ބިރުވެރިކަމުގެ ތޫފާނެއް އުފެދެމުން ދިޔައެވެ. އެއްފަރާތުގައި އޭނާ އެންމެ ލޯބިވާ ދަރިފުޅެވެ. އަނެއްފަރާތުގައި އޭނާގެ ލޯބިވާ ފިރިމީހާއެވެ. ދެމީހުންގެ މެދުގައި އުފެދިފައިވާ ހަމަ ނުޖެހުން އިތުރަށް ބޮޑުވެގެން ހިނގައިދާނެތީއެވެ.
ކޮޓަރީގެ ދޮރު ހުޅުވާލުމަށްފަހު ހުމާމު ކޮޓަރިން ބޭރަށް ނިކުމެގެން ސައިކޮޓަރިއަށް މިސްރާބުޖެހިއިރު ހިތުގައި ޖެހިލުންވުމުގެ އަސަރު ހުއްޓެވެ. އޭނާގެ މައިންބަފައިން އޭނާއަށް މަޢާފު ކުރާނެ ހެއްޔެވެ؟
ހުމާމުއަށް ކަންތައް ކުރެވިފައިވަނީ ގޯސްކޮށްކަން އޭނާ ޤަބޫލުކުރެއެވެ. އަދި އެމީހުންގެ ކިބައިން މަޢާފަށް އެދެންވެސް ބޭނުމެވެ. އޭނާގެ ދިރިއުޅުމުގެ ބާކީ އޮތް ދުވަސްތައް އުފަލާއެކީ ވޭތުކުރަން ބޭނުމެވެ. ޖާހަތުއާ އެކީ އެވެ. މައިންބަފައިންގެ ކައިރީގައެވެ. އަމިއްލަ ދިރިއުޅުމުގެ ހުރި ދޯދިޔާ ކަމުން އަންބަކު ގެންގުޅެވޭނެ ފެންވަރު ނެތްކަން ހުމާމު ޤަބޫލުކުރެއެވެ.
ހުމާމު ސައިކޮޓަރިއަށް އައިއިރު ޝިޔާމާއި ފަރީދާ ސައި ބުއިމަށްޓަކައި އޭނާގެ އިންތިޒާރުގައި ތިއްބެވެ. ހުމާމުގެ ހިޔާލަށް އައީ އޭނާގެ އުމުރުން 13 އަހަރުވަންދެން އޭނާއަށް ފެންނަމުން ދިޔަ މަންޒަރެވެ. އޭނާގެ މަންމައާއި ބައްޕަ އޭނާގެ އިންތިޒާރުގައި ސައިކޮޓަރީގައި ސައިބޯންނުފަށައި ހަމަ އެގޮތަށް ތިބެއެވެ. މިއަދު އެތަށް އަހަރެއްފަހުން އެތަށް ކަމެއް ބަދަލުވެގެންދިޔައިރުވެސް އޭނާގެ މައިންބަފައިން ބަދަލެއް ނުވެއެވެ.
ހުމާމު މޭޒުކައިރީގައި އިށީނދެ ސައިބޯންފެށިއެވެ. އޭނާ އިސްވެ ވާހަކަ ދައްކަން ފެށިއެވެ. އޭނާއަށް ކުރެވުނު ކަންތައްތަކަށް މަޢާފަށްއެދެމުންނެވެ. ފަރީދާއާއި ޝިޔާމު އެވާހަކަތައް އަޑު އަހަމުން ދިޔަނަމަވެސް އެއްވެސް ޖަވާބެއް ނުދެއެވެ.
ޝިޔާމު ސައިބޮއެ ނިންމާލުމަށްފަހު ތެދުވިއެވެ. ހުމާމުގެ ވާހަކަތަކަށް އެއްވެސް ޖަވާބެއް ނުދީ ތެދުވުމުން ހުމާމަށް ބޭއިޚްތިޔާރުގައި ތެދުވެވުނީ ބައްޕަގެ ޖަވާބު ބޭނުންވުމުންނެވެ.
“ބައްޕާ!” ހުމާމަށް ގޮވާލެވުނެވެ. ޖަވާބެއް އެދިއެވެ.
ޝިޔާމު ހުއްޓުނެވެ. ނަމަވެސް ހުމާމަށް ބަލައެއް ނުލައެވެ. ހުމާމު ވާހަކަ ދައްކަން ފެށިއެވެ.
“އަޅުގަނޑު ޤަބޫލުކުރަން ބައްޕަ ހިތްހަމަ ނުޖެހޭ ވަރަށް ގިނަ ކަންތައް އަޅުގަނޑަށް ކުރެވިފައިވާކަން. މިއަދު އެކަމާދެރަވަން. ބައްޕަ އަށް ގެއްލިފައިވާ އަޅުގަނޑުގެ އިތުބާރު އަނބުރާ ދޭނެ ގޮތެއް އަޅުގަނޑަކަށް ނޭނގެ. ބައްޕާ! އަޅުގަނޑަށް މަޢާފްކޮށްދެއްވާ!” ހުމާމު ދެރަވެފައިހުރެ ވާހަކަ ދެއްކިއެވެ. ފަރީދާ ތެދުވެގެންއައިސް ޝިޔާމުކައިރީގައި ހުއްޓުނެވެ. ހުމާމަށް ބަލައިލަމުންނެވެ.
“ދަރިފުޅު ތިބުނީ ހަމަ ރަނގަޅަށް. ދަރިފުޅަށް ބައްޕަމެން ކުރަމުން އައި އިތުބާރު ގެއްލުވާލީ ދަރިފުޅު އަމިއްލައަށް. ހުމާމު ދެކެ ބައްޕަމެން މިއަދުވެސް ވަރަށް ލޯބިވޭ. ދަރިފުޅު އުޅެމުން ދަނީ ކިހިނެތްތޯ ބައްޕަމެން އަބަދުވެސް ބަލަން. އެކަމަކު ބައްޕަމެން ދުނިޔޭގަ ތިބިތޯވެސް ދަރިފުޅު ބަލައެއް ނުލާ. ބައްޕަމެން ދަރިފުޅުގެ ދިރިއުޅުމުން ބާކީ ކޮށްލުމަށްފަހު އަމިއްލަ ދިރިއުޅުމުގައި ބޭނުން ގޮތަކަށް އުޅެމުން ދިޔައީ އުފަލުގައެއްނު. ހުމާމު ހިތްއެދެމުން ދިޔަ ގޮތަށް އުފަލުގައި އުލެމުން ދިޔައީ ބައްޕަމެންނަށް އަސަރުކުރަމުން ދިޔައީ ސީދާ މިތަނަށް.” ޝިޔާމު މެޔަށް އިޝާރާތްކޮށްލިއެވެ. ހުމާމު ތިރީ ތުންފަތުގައި ދަތްއަޅައިލަމުން އިސްޖަހާލިއެވެ.
“ވަރަށް ދެރަވި. އެނގޭތަ ކީއްވެގެންކަން؟ ދަރިފުޅު އެންމެ ފުރަތަމަ މި ދެއަތް މަތީގައި އުފުލާލި ދުވަހު ހިތުގައި އެތަށް ހުވަފެންތަކެއް އުފެދުނު. ފޮނި އުންމީދުތަކެއް. ތިއީ ބައްޕަގެ ފަހުރާއި ޝަރަފުކަމުގައި ވުން އެދި. އެކަމަކު……” ޝިޔާމުގެ ހިތަށް ކުރި ފުން އަސަރުތަކެއްގެ ސަބަބުން ވާހަކަ ކުރިއަށް ގެންދެވޭ ގޮތެއް ނުވިއެވެ. ކުރިއަށް ހިނގައިގަތެވެ. ހުމާމު ޝިޔާމު ހުއްޓުވަން އުޅުނު ނަމަވެސް އެކަމެއް ނުކުރެވުނެވެ. ފަރީދާ ހުމާމު ހުއްޓުވިއެވެ.
“މަންމާ! އަޅުގަނޑަށް މަޢާފުކުރޭ. ކަންތައްކުރެވުނު ގޮތުން ހަމަ ހަޤީޤަތުގައިވެސް ވަރަށް ދެރަވޭ. އަޅުގަނޑު ބޭނުން މަންމަމެން ކުރިން ކުރި އިތުބާރު އަޅުގަނޑަށް ކުރަން. ޕްލީޒް މަންމާ. ބައްޕަކައިރީ ބުނެދީބަލަ.”
ފަރީދާ ހުމާމަށް ވިސްނައިދިނެވެ. “ބައްޕަ އެބުނުއްވީއެއްނު. ބައްޕަމެންގެ އިތުބާރު ގެއްލުވާލީ ހަމަ ދަރިފުޅުގެ އަމިއްލައަތުން. އެހެންނޫނަސް އިތުބާރަކީ ބޭނުން އިރަކު ކުރެވޭ އެއްޗެއް ނޫން. އިތުބާރު ޖެހޭނީ ހޯދަން. އެއީ ވެވޭ އެއްޗެއް. އުނދަގޫކަމެއް. އަދި ގެއްލުނު އިތުބާރެއް ހޯދަންވެއްޖެ ނަމަ ވަރަށް މަސައްކަތް ކުރަން ޖެހޭނެ. ދަރިފުޅު ހަމަ ހަޤީޤަތުގައިވެސް އިތުބާރުހޯދަން ބޭނުންނަމަ އެކަމަށް އެދި މަސައްކަތްކުރޭ. ބައްޕަގެ ރުހުން ހޯދާ. އެކަން ކުރަންވީ ގޮތް ދަރިފުޅުއަމިއްލައަށް ވިސްނާ.” ފަރީދާ ނިކުމެގެން ދިޔައެވެ. ހުމާމު ކެތްތެރިކަން ކޮޅުންލާފައިވާފަދަ ހާލަތެއްގައި ރޮވިފައި ހުރީއެވެ.
ފާއިތުވެގެން ދާ ކޮންމެ ދުވަހަކީ ހުމާމުއަށް މަސައްކަތް ބޮޑު ދުވަހެކެވެ. ޝިޔާމުގެ ރުހުން ހޯދަން ބުރަ މަސައްކަތްތަކެއް ކުރަމުންދިޔައެވެ. އަނެއްކޮޅުން އިޔާނާއަށް ކުރިމަތިލާން ޖެހިފައިވަނީ އޭނާގެ ހިތާ ދެކޮޅަށް ކުރަންޖެހިފައިވާ ހަނގުރާމައަކާއެވެ. އީމަންއާ މެދު ވިސްނެނީ އާދަޔާޚިލާފަށް ކަހަލައެވެ. ރީމް ބަލިކޮށް އުޅުމުގެ ސަބަބުން އީމަން ރީމްއާ އަޅާލާ އެހީތެރިވެދޭތަން ފެނި ހިތަށް އަސަރުކުރަމުން ދިޔަ ނަމަވެސް ކަމެއްނުވާކަމުގައި ހެދިލައިގެން އިންނަނީއެވެ. އީމަން ރީމްއަށް އާދަޔާޚިލާފަށް އަޅާލަމުންދާކަން ރީމްއަށް ފާހަގަކުރެވެން ފެށުނުއިރުއްސުރެ އޭނާ އަށް އިނދެވެނީ ވިސްނުމެއްގެ ތެރޭގައެވެ. އީމަންއަށް މިހާ ބޮޑު ބަދަލެއް އަންނަން މިޖެހުނީ ކިއްވެއްހެއްޔެވެ؟ ހައިރާންވާންޖެހެނީ ކޮޓަރީގެ ދޮރުން އެތެރެވެ ދެމީހުން އެކަނިވުމާ ހަމައިން އީމަންގެ އަޅާލަން ކުޑަވާކަމެވެ.
އީމަން އޭނާގެ މަޤްސަދު ކާމިޔާބު ވޭތޯ އެތަށް ގޮތަކުން ބަލަމުން ދިޔައެވެ. އިޔާނާއަށް އޭނާ ރީމްއާ ގާތްކޮށް އުޅޭތަން ފެނި އެއްވެސް ބަދަލެއް އާދޭތޯއެވެ. އެކަންތައް ވަމުން ދިޔައީވެސް ހަމަ އީމަންއަށް ހީކުރެވުނު ގޮތަށެވެ. ކިތަންމެ ސިއްރުކުރަން އުޅުނު ނަމަވެސް އިޔާނާގެ ތަބީޢަތަށް ބަދަލު އަންނަކަން ފާހަގަ ކުރެވެއެވެ. އީމަންއާ ވާހަކަ ދައްކަން އިޔާނާ ހުންނައިރު ހުންނަ އުފާވެރިކަން އެތަނަކަށް ރީމްއައުމުން ގެއްލިގެންދާތަން އީމަންއަށް ކިތަންމެ ފަހަރަކުވަނީ ފެނިފައެވެ.
ޚުދު އިޔާނާއަށްވެސް އޭނާގެ މިޒާޖަށް ބަދަލުތަކެއް އަންނަކަންވަނީ ފާހަގަ ކުރެވިފައެވެ. ބަނޑުބޮޑުވުމުން ވަރަށް ގިނަ ތަފާތުތަކެއް އަންނަކަން އެނގުނަސް ހިތާއި އެހިތުގެ ތެޅުމާއި އެހިތަށް ކުރެވޭ އިހުސާސްތަކަށް ބަދަލެއް ނާންނާނެ ނޫން ހެއްޔެވެ؟ އީމަން އާ ވާހަކަ ދައްކަން ބޭނުންވުމާއި އޭނާގެ ސަމާލުކަން ހޯދަން ބޭނުންވުމެވެ. އީމަން ފެނުމުން ހިތަށް ކޮންމެވެސް ކަހަލަ ގޮތެއް ވާކަން ހަމަ ޔަޤީނެވެ. އެހިތުގެ ތެޅުމަށް ބަދަލު އަންނަކަން ޔަޤީނެވެ. ރީމްއާ ގައިގޯޅިކޮށް އުޅޭތަން ފެނުމުން އެހިތަށް އުނދަގޫވާކަށް ނުޖެހޭނޫން ހެއްޔެވެ؟ ހިތްސުވާލުކުރެއެވެ. އިޔާނާއަށް އީމަންދެކެ ލޯބިވެވުނީހެއްޔެވެ؟

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (26)

  1. SoMeOnE

    When nxt part

  2. leesh

    Mee bodu varu ethah dhuvaheh koh faves thanfuke.then varah foohi

  3. rose

    Haadha kurey anehka eha lahun. V kiyahithun hure kureege part handhaan netheyfshu up vani. V salhi ekamuves mivaahaka. Thanks

  4. idiot

    varah varah hadi .. hageegathuga vexx mi story mathin varah foohivehje ..

  5. someone

    kurin emme kiya hiyyva vaahaka me. ekam mihaaru ma lahun genesdhaythy vvv fooohi kiyan..vaahaka mathin handhaanves nethifa mihunnany.

  6. ashal

    Haadha kurey

  7. Phy

    Mee kithah dhuvahun up kuraa vaahakehtha..javaabeh libeynebaa

  8. Mary

    Mee boduwaru thn…?miwahaka miee kiyuntherimge bolu rihumakah wejje …. gebesdhey nama rangalaha genesdhunun edhen… liye nimifa effaharu fonuwafawes oh waahaka eylh wiyyaa….miwaru miwaneee

  9. saaaaa

    Vaahaka nimidhaane athy birugahnanee thoache

  10. someone

    saaaaa thibuny ranagalhah. ehenna midhen boduvaru.

  11. Aimsithu

    Mihaaru kureeege part thah handhaan ves nethey haa dhuvas vejje ..:@

  12. Depika

    Mee bodu undhagulennu

  13. Ish

    Kuryge part ha’ndhaan nethey fahun dhn onna part kiyaalan libeny,miahvure avahah upload nukureveynytha,,vaahakage shauguverikan gelleyvaru,bt vaahaka kiyaahiyvaa kudhin abadhuvs site balaanedho,ehen storythahvs kiyanve,kithanme dhuvahakun nerunas kiyaaneviyyadho

  14. ken?

    mi story liyaa kyjjaa ah bunelan othy 55 part hama kohfa dn ninmaalaashey…so i request dn last 5 parts eikoh liyefa knme dhuvahaku part ei up kuran…dn mihen hadhanyaa 100 part ves liyeveyne dhw…mibnuy part alah 2 paragraph liyefa up kuranee mahaku eifaharu..so may b mihen vanyaa mi aharu nimeyiruga mi story ves nimeynee…?

  15. aish

    mivaahaka upload nukoh huttaalan mashah fennanee..

  16. prblm

    Pis pis mee dhnn boduvaru. Ehaa lahun up kuraairuvx ehaa kuru.. Ehn authors vejjiyyaa two three parts up kohfa ehisaabun stop kohlany… Bt meena dhn up kohdhemey bunan vegn up kuraahn hyvany… Aslu mihn hadhanyya foohi vaaane dhw.. Faharuga bxy v ma lahun up kurevidhaane. Bt knme faharaku mihaa lahun………….
    Anyways, thihaa lahunvx up kohdheythyve thankxxx bt up kuraaleh kury… Plxxxxxx, miahvure dhigukn up kohdhybala…
    Migothah up kuraathyve shakuvaa kureveny. Sry 4 dat……

  17. pinky

    Vahaka v rythi
    Ekam thankolhei avahah up kuraanama dhw

  18. idiot

    bayyeh huwaa .. isthiufaa dhee ?

  19. Anonymous

    ==Konmes Kuhjeh==
    Mi vaahaka mi ee kurin mi site ga nerefa in vaahaka eh….mi vaahaka eh kn nimen dhn kiyaalin…v v v reethi vaahaka eh mee…v dhera vey vaahaka nimey thaaga jaahathu maruvyma

    1. nee
      Anonymous

      Hama minamugatha mi story kurin vx up kohfa inee???t

  20. me

    Eha lahun story up kuraa iruves haadha gina kiyuntherinnekey dhw.. ehnveema avahah story up kohdhy.. heyo nuvaane. :'(

  21. shima

    Alhey dh haadha lahey.y????

  22. Shaa shaa

    Vvvvvv nice

  23. aloo

    v v foohi kuru kamun………

  24. jaahath

    mikan dhen ninmaa nuwanya

  25. jaahath

    kurin wes ninmaafa in wahaka eh mee anehka wes e waahaka nagaafa maa liyevey myhakah wegen anehka up kuran feshy e bein dhi nama weee ehnun nuwaa warun ..:/

Comments are closed.