މި ޝުޢޫރު ފޮނުވާނީ

ބަދަލު ވީ ކޮން ކަމެއް ހެއްޔޭ މަގޭހިތް މަޑުނުވެވި ތެޅެނީ

ބަދަލުވާ ހިތުގެ ސަމުގާ ކަށި އަމާޒެއް ނެތި ދަތުރު ކުރަނީ

މި ހަށިގަނޑުގައި ދަތުރު ކުރި ލޭ ކަލާ ފެނުމުން އެއައި ބަދަލުން،

ބެހޭ ގަދަ އޮއިވަރެއްގެ ތެރޭ ދުވެލި މަތަ ނުވެވި ރޭސް ޖަހަނީ

މަގޭ ނެތި އިޚްތިޔާރެއް ވެސް ނުނިދި ހުރެ ފެންނަ ހުވަފެނުގައި

މަގޭ އުނގުގައި ކަލާ ވާތީ ނިދަން މި ދެލޯ ނުވެސް އެދެނީ

ހިތަށް ކުރެވޭ މިއިހްސާސުން އިވޭ ލޯބީގެ ރާގުތަކުން

އެތައް ފަހަރަކު  ޚިޔާލުގެ އަސް ވިލާތަކުގައި އުދުހި ނަށަނީ

ނެތޭ ބާރެއް، ނެތޭ އަމުރެއް ހިނގާ ހަމައެންމެ ވިންދެއްވެސް

މިތަންވަޅު މިހިތުގައި ތިނަމުން ޖަހާ ވިންދެއް މިހިރަ ޖަހަނީ

ހަޔާތުގެ ދަތުރުގައި ތިޔައީ ލިބުނު އަގުހުރި ޖަވާހިރެކޭ

ވަޔާއި ހަވާލުކޮށް ހިތުގައި ހިނގާ މި ޝުޢޫރު ފޮނުވާނީ