ބަލި އެނދުގަ އޮންނަން ޖެހުމުން…

ބަލި އެނދުގަ އޮންނަން ޖެހުން މީ ބަލިވުމަށްވުރެ ބޮޑުކަމެއް
އަލި މަގެއް އަދި ނުފެނުނަސް ކޮށްލަން ހުރަސް ނޭދޭ އިމެއް
ރޭގަނޑާއި ދުވާލު އޮޅި، ސިކުނޑިގެ އެނބުރުން ބަދަލުވެވި
ނޭގި ވަގުތާ އިރުގެ ހިނގުމާ ބަނދެވިގެންދާ ގަދަ ހުމެއް
“އައިސޮލޭޝަން” ގައި ވުމުން، ނަރުހާއިޑޮކްޓަރު ނޫން އެހެން
އައިސް ގޮވާލާ ހާލުދެކިލާނޭ އެކަކުނެތް! ދެރަކަމެއް
ބަލި ނުވާނަމަ ނިދުމަކީ އުފަލެއްކަމަށް ދެކުނަސް މިއަދު
ބަލިވުމުން ނިދިވެސް ރުޅިން ދެލޮލާއި ވަކިވާ ވަކިވުމެއް
ހަމަހިމޭންކަން ދެކެ ވެވުނު ލޯތްބާއިމެދު ހައިރާންވެޔޭ
ހަމަހިމޭނުން އޮވެވުނަސް އަމުދުން ހިތަށްނެތް ލުއިކަމެއް