އިޖާބީ ވިސްނުން

އިޖާބީ ވިސްނުން

އިސްމާޢީލްޢަލީ ކަނދޮޅުދޫ

އައްސަލާމް ޢަލައިކުމް، އަޅުގަނޑުގެ ލޮބުވެތި ދަރިވަރުންނޭވެ!

މިއަދު ތިޔަ ހުރިހާކުދިންގެ ޙާލު ކިހިނެއް؟ (ޖަވާބުތަކަށް މަޑުކޮށްލުން.) ތިޔަކުދިންގެ ހިނިތުންވެފައިވާ މޫނުތައް ފެނުމުން އަޅުގަނޑު ވަރަށް އުފާވެއްޖެ! މިއަދު އަޅުގަޑު ވާހަކަ ދައްކާލާނީ ޕޮޒިޓިވް އެޓިޓިއުޑް ނުވަތަ ފަހިކޮށް ވިސްނުމުގެ ބޭނުންތެރި ކަމާއި ބެހޭގޮތުން.

އިޖާބީ ވިސްނުމެއް ގެންގުޅުމަކީ، އަޅުގަނޑުމެން ބޭނުންވާ ގޮތަށް ކަންތައްތައް ނުހިނގި ކަމުގައިވިޔަސް، ކަންކަމުގެ ރަގަޅު ކަންތައްތަކަށް ބެލުން. އެއީ އަޅުގަނޑުމެންނަށް ހުރިހާ އެއްޗެއްގައިވެސް ރަނގަޅު ކަންތައްތައް ފެންނަން އެހީތެރިވެދޭ ޚިޔާލީ އައިނުއެއް އެޅުން ފަދަ. މިކަން ތިޔަކުދިންނަށް ވިސްނައިދިނުމަށްޓަކައި އަޅުގަނޑު ވާހަކައެއް ކިޔައިދޭނަން. ވާހަކައިގެ ނަމަކީ

އުޖާލާ އާއި ވިއްސާރައިގެ ވާހަކަ އެއްފަހަރަކު

އުޖާލާ އާއި ވިއްސާރަ ކިޔާ ދެ ރަޙްމަތްތެރިން އުޅުނު

އުޖާލާ އަބަދުވެސް ބުނަނީ، “ވާހޫ، މިއަދަކީ އުފާވެރި ކަންތައްތަކުން ފުރިގެންވާ ދުވަހެކެވެ!” ވާރޭވެހުނު ކަމުގައިވިޔަސް، އުޖާލާ ބުނާނީ، “ވާރެއިން ގަސްތައް ހެދުމަށް އެހީވެދެއެވެ!”

އެހެންނަމަވެސް، ވިއްސާރަ ގިނަފަހަރު ބުނަނީ، “އޯހޯ، ހުރިހާ އެއްޗެއް ވެސް ގޯސްވަނީއެވެ،” އިރު އަރައިގެން އުޅުނު ކަމުގައިވިޔަސް މެއެވެ.

އެއްދުވަހަކު، އުޖާލާ އާއި ވިއްސާރަ ދެމީހުން ގޮނޑުދޮށުގައި ވެލިގަނޑެއް ހަދަން މަސައްކަތް ކުރިއެވެ. ބޮޑު ރާޅެއް އައިސް އެ ވެލިގަނޑު ފޮހެލައިފިއެވެ. އުޖާލާ ހިނިތުންވެލަމުން ބުންޏެވެ، “މިހާރު އަހަރެމެންނަށް މީގެ ކުރިން ހެދި އެއްޗަށްވުރެ ބޮޑު އަދި ރީތި އެއްޗެއް ހެދިދާނެއެވެ!” އެކަމަކު ވިއްސާރަ މޫނު ކުނިކޮސްލާފައި ބުންޏެވެ، “އޯހޯ، މިހާރު މިހުރިހާ އެއްޗެއް ހަލާކުވެއްޖެއެވެ. އަހަރެން ދެން ދާނީ.”

ތިކުދިންގެ ޚިޔާލުގައި މި ދެމީހުންކުރެ ކާކަށް އެންމެ މަޖާވީ ؟ ރަނގަޅެވެ – އުޖާލާއަށެވެ! އުޖާލާގެ ހެޔޮ ވިސްނުމުން އެ ދުވަސް އިތުރަށް ރަނގަޅުވާން އެހީތެރިވިއެވެ.

ހެޔޮ ވިސްނުމެއް ބެހެއްޓުން މުހިންމުވަނީ ކީއްވެ؟

ތިކުދިންގެ ކިބައިގައި ހެޔޮ ވިސްނުމެއް އޮތުމުން:

ކުދިން އުފާވެއެވެ – ތިކުދިން ހިނިތުންވާ ހިނދު، ރަނގަޅު އިހުސާސެއް ނުކުރޭތަ؟

ތިބާ އެންމެ ރަނގަޅަށް މަސައްކަތްކުރެއެވެ – އެއްޗެއް އުނދަގޫވިޔަސް، އެކަން ކުރެވޭނެކަމަށް ތިބާ ޤަބޫލުކުރެއެވެ!

އެހެން މީހުންނަށްވެސް އުފާވެރިކަން ގެނެސްދެއެވެ – ތިބާގެ ރަނގަޅު މޫޑަކީ އެހެން މީހުންނަށް ފެތުރޭ އިރުގެ އަލިކަމެއް ފަދައިންނެވެ.

ކިހިނެއްތަ ހެޔޮ ވިސްނުމެއްގައި ހުރެވޭނީ؟ މިހާރު މިބުނެދެނީ ހެޔޮވިސްނުމެއް ގެންގުޅެވިދާނެ ފަސޭހަ ތިން ގޮތް.

ފުރަތަމަ

ހެޔޮ ބަސްތައް ބުނުން – ތިބާގެ އަމިއްލަ ނަފްސަށާއި އެހެން މީހުންނަށް. “އަހަރެންނަކަށް ނުކުރެވޭނެ” ބުނުމުގެ ބަދަލުގައި “އަހަރެން ވީހާވެސް ރަނގަޅަށް މަސައްކަތްކުރާނަން!” ބުނޭ!

ދެވަނައަށް

ކޮންމެ ހާލަތެއްގައިވެސް ރަނގަޅު ގޮތެއް އޮތްކަމަށް ޤަބޫލުކުރުން.  – ކުޅިވަރެއްގައި ބަލިވިޔަސް، ރައްޓެހިންނާއެކު ކުޅުމުގެ އުފާ ލިބިދާނެއެވެ.

ތިންވަނަ ކަމަކީ

ޝުކުރުވެރިވުން – ކޮންމެ ދުވަހަކު ތިބާ ޝުކުރުވެރިވާ އެއް ކަމެއް ވިސްނާލާށެވެ.

އާދެ، އަހަރެމެން އެކުގައި މަސައްކަތްކުރަމާ ހިނގާށެވެ!

މިއަދު ހިނގައިދިޔަ ރަނގަޅު އެއް ކަމެއް ތިބާއަށް ވިސްނޭތަ؟ (ޖަވާބު ދިނުމަށް މަޑުކޮށްލާށެވެ.)

ދެން ފަހަރަކު ތިބާ ހިތްހަމަނުޖެހިއްޖެނަމަ، ތިބާގެ އިހުސާސް ރަނގަޅުކުރުމަށް ތިބާގެ އަމިއްލަ ނަފްސަށް ކީކޭ ބުނާނީ؟ (ޖަވާބު ދިނުމަށް މަޑުކޮށްލާށެވެ.)

މިކަން ހަނދާންކުރާށެވެ: ތިބާގެ ހެޔޮ ވިސްނުމަކީ ތިބާގެ ދުވަސް އުޖާލާކޮށް، އުފާވެރިކުރުވާ ކުޑަ ޖާދޫއެއް ފަދައެވެ. އެހެންވީމާ، އުޖާލާއެކޭ އެއްފަދައިން ކޮންމެ ދުވަހެއްގައިވެސް ރަނގަޅު ކަންތައްތައް ހޯދުމަށް އަހަރެމެން ވަޢުދުވަމާ ހިނގާށެވެ.

އަޑުއެހިކަމަށްޓަކައި ޝުކުރިއްޔާ، އަދި ހަނދާންކުރާށެވެ – ތިބާއަކީ ވަރަށް ޚާއްޞަ މީހެކެވެ!