ދުވަހަކު ވަކިވިމެއް ނޭދެން ހުވާ 1

” ސަރ… ދެންމެ ނުރައްކާތެރި އެކްސިޑެންޓެއް ހިގައި 2 މީހަކު ވަނީ ގެނެއްސަ.. އަންހެން މީހާ އަކީ މާބަނޑު މީހެއް އަދި ފިރިހެން މީހާ ހީވަނީ މަސްތުވާ ތަކެތި ބޭނުން ކޮއްގެން ހުރި މީހެއް ހެން” އަހަރެން އިނީ އަހަރެންނަށް ޙާއްސަ ކުރެވިފައިވާ ކޮޓަރީގައެވެ. އެވަގުތު އެތަނައް އައި ނަރުސްގެ ވާހަކައިން އަތުގައި ހުރި ކޮފީތަށި ބެހެއްޓުމަށް ފަހު އެމެޖެންސީ ރޫމް އާއި ދިމާލަށް ދުއްވައިގަނެވުނެވެ. އިތުރު ނަރުހުންނަށާއި ގެނެވިފައި އޮށް 2 ޕޭށަންޓުންގެ ޢާއިލާއަށް އެންގުމަށް ބުނެލީމެވެ. އަދި ޙާލު ދެރަވެފައި އޮތް މާބަނޑު ޕޭށަންޓަށް އަވަސް ފަރުވާދޭން ފެށީމެވެ.

” ސަރ.. އަޅުގަނޑުމެން މިހާރު 2 ޕޭށަންޓުންގެ ޢާއިލާ އަށް އަންގައިފިން ..އެކަމަކު އަންހެން ކުއްޖާގެ ޢާއިލާއިން ބުނަނީ އެމީހުން އެއްވެސް ޒިންމާއެއް ނަގަން ނުޖެހޭނެ ކަމަށް.” ނަރުސް ކުއްޖާގެ ވާހަކައިން އަހަރެެންނަށް ހައިރާންކަން ލިބިގެން ދިޔައެވެ. އަދި އެއީ ކޮންކަހަލަ ބައެއް ބާއޭ ހިތަށް  އަރަމުންދިޔައެވެ. އެންމެފަހުން އަހަރެން ނިންމީ އެކުއްޖާއަށް ވެދެވެން ހުރި އެހީއެއް ދިނުމަށެ. އެވަގުތަކީ އަހަރެންގެ ޑިއުޓީވެސް ނިމޭގަޑި ކަމުން އަހަރެން ނިންމީ އެކުއްޖާ ކައިރީގަ ހޮސްޕިޓަލުގައި މަޑުކުރުމަށެވެ. އަދި އަވަސް އަވަހަށް މަންމަމެންނަށް ގުޅާލުމަށްފަހު ކުޑަގޮތަކަށް ވީގޮތް ކިޔާދިނީމެ. އަދި އެކުއްޖާ ދޫކޮއްލުމުން ގެޔަށް ގެންދާނެ ވާހަކަވެސް ބުނީމެވެ.

2ގަޑިއިރު ފަސް

އަހަރެންނަށް ހޭލެވުނީ އެ އަންހެން ކުއްޖާގެ އަތް ދަމައިގަތުމުންނެވެ. “ސޮރީ..” އަހަރެން ބުނެލީމެވެ. ” ކޮބާ އަހަރެންގެ ޢާއިލާ މީހުން؟ ތީ ކާކު؟” އެކުއްޖާ ފަހަރަކު ސުވާލެއް ކުރަމުން ދިޔައެވެ. އަހަރެންނަށް އިތުރު ގޮތއެއް ނެތުމުން ކަންވީގޮތް ކިޔައިދޭން ފެށީމެވެ. އަދި އިތުރު ގޮތެއް ފެންނަންދެން އަހަރެން އެކުއްޖާއަށް އެހީވެދޭނެ ކަމުގައިވެސް ބުނީމެވެ. “ސުވާލެއް ކޮށްލަންތަ؟” އަހަން ނާހަން ހުރެފައިވެސް އަހާލީމެ. އަދި އެކުއްޖާގެ ހުއްދަ ލިބުމުން އަހަރެންގެ ހިތުގައި ވި ސުވާލު ކޮށްލީމެވެ. “ކޮބާ ފިރިމީހާ؟” އެއާއެކު އަންހެން ޖުއްޖާގެ ލޯ ކަރުނުން ފުރުނެވެ. ކިޔައިދޭން އުދަގޫނަމަ އެވާހަކަ ނުދެއްކުމަށް އަހަރެން ބުނެލީމެވެ. ނަމަވެސް އެ އަންހެން ކުއްޖާ ފުން ނޭވާއެއް ލުމަށްފަހު އެ ވާހަކަ ކިޔައިދޭންފެށިއެވެ.” ބައިދަ ވޭ އައިއޭމް ރައުނާ” ވާހަކަ ދައްކަމުންގޮސް ވަކި ހިސާބަކުން އެޖުއްޖާ ތަޢާރަފްވެލިއެވެ. “މީ ނުކްޝާން..” އަހަރެންވެސް ހިނިތުންވެލަމުން ބުނެލީމެވެ. ރައުނާގެ ވާހަކައިން ރައުނާގެ ފިރިމީހާ އެހެން އަންހެނެއްގެ ފަހަތުން ދިޔަކަން އެގިގެން ދިޔައެވެ. 2 ދުވަސް ފަހުން ރައުނާ ދޫކޮށްލުމުން އަހަރެން ރައުނާ ގޮވައިގެން ދިޔައީ އަހަރެންގެ ގެޔަށެވެ. މަންމަ އާއި ބައްޕަގެ އެޕާޓްމެންޓުން ނިކުމެ އަހަރެން ދިޔައީ އަހަރެން އުޅޭބަޔަށެވެ. އަދި ކޮޓަރިއެއް ދެއްކުމަށްފަހު މިއަދުން ފެށިގެން އެއީ ރައުނާގެ ކޮޓަރިކަމުގައި ބުނެލީމެވެ.” މީ.. ހެދުން..” އެވަގުތު ރައުނާ ބުނަން އުޅުނީ ކީކޭކަން އަހަރެންނަށް ނަގައިގަނެވުނެވެ. ވުމާއެކު ކޮޓަރީގައި ހުރި އަލަމާރީގައި ހެދުން ތިބޭނެ ކަމަށް ބުނެ ހިނިތުންވެލުމަށް ފަހު އަހަރެންގެ ކޮޮޓަރިޔަށް ދިޔުމަށްޓަކައި ހިގައިގަތީމެވެ.

~ ރައުނާގެ ނަޒަރުން ~

” ނުކްޝާން އަހަރެންނަށް މިހާ ރަނގަޅަށް ކަންތައް ކޮށް ދެނީ ކީއްވެބާއެވެ.” ސުވާލުތަކުން ސިކުނޑި ފުރި ބާރުވަމުންދާތީ އަހަރެން ނިންމީ ބެލްކަންޏަށް ނިކުމެލުމަށެވެ.އެހެން ހިތަށް އެރުމާއެކު އަވަސް އަވަހަށް ފެންވަރާލުމަށްފަހު އަލަމާރިހުޅުވާލީމެވެ. އެއަށްފަހު ރަތް ކުލައިގެ ހޫޑީއަކާއި ކަޅު ކުލައިގެ ކާގޯ ޕޭންޓްސް އެއް ނަގައި ގަޔަށް މަހާލީމެވެ.

ނުނިމޭ

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.