القرآن އިން ލިބުނު ޝިފާ

އިންސާނާ ދުނިޔެއަށް ފޮނުއްވާ ދުވަހުން ފައްޓާން އެކި ބަލިތައް އޭނާގެ ހަށިގަނޑުގާ އަށަގަންނަން ދިމާކުރެއެވެ. މި ބަލިތަކުން ދިފާއުކުރުމަށް އެންމެ ތުއްތުއިރުން ވެކްސިންވެސް ދެމުންގެންދެއެވެ. ނަމަވެސް ބައެއް ބޭސްތަކުން އިންސާނާއަށް ފަރުވާނުލިބި އުންމީދުކަނޑާލާ ހިސާބަށްވެސް ގޮސްފާ އެބަހުއްޓެވެ. އެފަދަ ދަނޑިވަޅެއްގާ ގިނަ އިންސާނުންނަށް ހެއްދެވިފަރާތްމަތިން ހަނދާންވެސްވެއެވެ. އަދި މާތް ﷲ ބާއްވާލެއްވި ފޮތާ ދިމާލަށް ދުއްވާވެސްގަންނަ މީހުން މަދެއްނޫނެވެ.

ކޮރޯނާ ބަލި ދުނިޔެއަށް ފެތުރި މީހުންތައް ބަލިވެ މަރުވަމުންދާ ހަބަރު ލައްކަ ބާރަށް ފެތުރެން ފަށާފިޔެވެ. މި ބައްޔަކީ ފުއްޕާމޭޔަށް އެތައް ގެއްލުމެއްދޭ ވަރުގަދަ ބައްޔެކެވެ. މި ބަލި ޖެހޭ މީހުން ގިނަފަހަރަށް ވެންޓިލޭޓަރަށްވެސް ލައިގެން ސަލާމަތްނުވެއެވެ. މި ބައްޔަށް އެތައް ރައްކާތެރި ފިޔަވަޅެއް އެޅިޔަސް ފަރުވާ ކުޑަ އިންސާނުންގެ ސަބަބުން މި ބަލި އިތުރަށް ބާރަށް ދިޔައީ ފެތުރެމުންނެވެ. ޒާހިރުއަކީވެސް ހަމަ އެފަދަ މީހެކެވެ. އޭނާއަކީ ކޮރޯނާގެ ކުރިން ވަރުގަދަ ރެސްޓުއަރެންޓްއެއް ހިނގަމުން އައި މީހެކެވެ. ޒާހިދު މުއްސަނދިވެފާވަނީ އެތަނުގެ ސަބަބުންނެވެ. އެ މުއްސަނދިކަމުގާ އޭނާވަނީ ހެއްދެވި ފަރާތްމަތިން ހަނދާންވެސް ނައްތާލާފައެވެ. ކޮންމެޔަކަސް ކޮރޯނާ މާލެޔާ ހަމަޔަށް އައުމުން ޒާހިދުއަށް ގެއްލުންތައްވަމުންދިޔައީ އަމަށަކު ވަރަކަށް ނޫނެވެ. ސަރުކާރުން ރެސްޓުއަރެންޓްތައްވެސް ބަންދުކުރަން އަނގާފިޔެވެ. މިކަމަށް ޒާހިރު ބޯނުލަނބާ ހުއްޓި އެންމެ ފަހަށް ކަމާ ބޭހޭ ފަރާތުން އައިސް އިންޒާރުދީ އެތަން ބަންދުކުރިޔެވެ. އެކަމާ ޒާހިދު ވަރަށް ހިތްހަމަ ނުޖެހުނެވެ. އެހެންކަމުން ވަގުވަގަށް މީސްމީޑިޔާގާ ޕޭޖްއެއް ހުޅުވާން ޓޭކްއަވޭ ހިދުމަތްދޭކަމަށް އިއުލާންކުރިޔެވެ. އެއާއެކު ޒާހިދުއަށް އެތައް ކޯލްއަކާއެކު އެތައް ފައިދާއެއްވާންފެށިޔެވެ.

ދުވަސްތައް ފާއިތުވެގެންގޮސް އެންމެ ފުރުތަމަ ކޮރޯނާ ބަލީގެ ޝިކާރައަކަށްވީ ޒާހިރު ތަނުގާ އުޅޭ ކާތަކެތި ގެންގޮސްދޭ ކުއްޖާއެވެ. އެހެންކަމުން ޒާހިރު އޭނާއަށް ގޭގާ މަޑުކުރުމަށް އެނގިޔެވެ. އެޔަށްފަހު އިތުރު މީހެއް ނެތުމުން ޒާހިރު އަމިއްލަޔަށް ކާތަކެތި ގެންދަން ނުކުތެވެ. ގޭގެޔަށް ވަންނައިރު ބައެއް ފަހަރު ހުންނަނީ މާސްކް ނަގާންނެވެ. އަތަށް އެއްވެސް އަނގިޔެއް އެއްޗެއްވެސް ނުލައްވައެވެ. މިހެން އުޅުމުގެ ތެރޭގާ ގެޔަކަށް ކާތަކެތި ގެންދިޔަވަގުތު ޒާހިރު ކައިރިން ދިޔަ މީހަކު ވަރަށް ގަދަޔަށް ކެއްސާ ކިނބިހި އަޅަމުންދިޔައެވެ. އެއިރުގާ ޒާހިރު ހުރީ މާސްކްވެސް ތިރިކޮށްލާންނެވެ. އަވަސް އަވަހަށް މާސްކް މައްޗަށް ހިއްލާލުމަށްފަހު ޒާހިރު ގޮސް ކާތަކެތި ހަވާލުކުރުމަށްފަހު އެރެޔަށް ނިންމާލިޔެވެ. ފައިސާތައް ގުނާ ނިންމުމަށްފަހު މުވައްޒިފުންގެ އުޖޫރަދީ ނިންމާލިޔެވެ. އެޔަށްފަހު އެންމެން ގެޔަށް ފޮނުވާލިޔެވެ.

އޭގެ ހަފްތާއެއް ފަހެވެ. ޒާހިރު އާދަޔާ ހިލާފަށް ބަލިވާންފެށިޔެވެ. ނޭވާ ލާންވެސް އުނދަގޫވާން ފައްޓާފިޔެވެ. ރަނގަޅަށް ނިދެނީކީނޫނެވެ. ހުންވެސް އެހާ ގަދަޔެވެ. ހޮޑުވެސް ލެވެންފެށިޔެވެ. އެންމެ ފަހަށް ރޯގާ ވަރުގަދަވެ ބޮލަށް ތަދުވެ މީހާ ނުތެދުވެވޭ ވަރުވެއްޖެއެވެ. އެންމެ ފަހަށް އެޗްޕީއޭއަށްވެސް ގުޅާފިޔެވެ. އެދުވަސްވަރަކީ އެޗްޕީއޭވެސް އެންމެ ބުރަ ދުވަސްވަރުކަމުން މީހުން ފޮނުވަން އެމީހުންވެސް ވަރަށް މަސައްކަތްކުރިޔެވެ. ގިނައިރުވާ ވަރަކަށް ޒާހިރުގެ ކެތްތެރިކަން ދިޔައީ ކޮޅުން ލަމުންނެވެ. އެތައް ފަހަރަކު ގުޅާ ހާލަތު ކިޔާދެމުންދިޔައެވެ. އެންމެ ފަހަށް ފަތިސްވެއްޖެއެވެ. ބަންގި ގޮވާ އަޑު ޒާހިރު ކަންފަތުގާ ޖެހުނެވެ. މިއޮށް ހުރިހާ ދުވަހު ސަމާލުކަން ނުދިން އެ ގޮވާލުމަށް މިއަދު ޒާހިރު ސާމާލުކަންދީ ތެޅިގަނެފިޔެވެ. ގަދަކަމުން ތެދުވެގެންގޮސް ފާހާނާއަށްވަދެ ވުލޫކޮށްލާފިޔެވެ. އެއަށްފަހު ގޮނޑިޔެއްގާ އިށީނދެ ނަމާދުކުރަންފެށިޔެވެ. ނަމާދުކުރަން ފެށުމާއެކު ޒާހިރުގެ އުނދަގޫތައް ދިޔައީ ލުއިވަމުންނެވެ. ނަމާދުކޮށް ނިމިގެން ލިބުނު ކުޑަ ލުޔާއެކު މީގެ ކުރިން ހިރަފުސްކުރަން ބާއްވާޕައޮތް ހަތިމްވެސް ނަގާ ކިޔަވަން ފައްޓާފިޔެވެ. ކިޔަވަމުންދާވަރަކަށް ހަށިގަނޑަށް ދިޔައީ ލުއިކަން ލިބެމުންނެވެ.

ހަށިގަނޑަށް ލުއިކަން ލިބުމުން ޒާހިރުއަށް ކޮންމެވެސް ވަރަކަށް ނިދީގެ އަރާމުވެސް ލިބިގެންދިޔައެވެ. ނަމަވެސް އިރުކޮޅަކުން ހޭލެވުނީ އެޗްޕީއޭ މީހުންގެ ޓަކީގެ އަޑަށްށެވެ. ޒާހިރު އެމީހުންނާއެކު ގެންދެވި ފަރުވާދޭންފެށުނެވެ. ޒާހިރުއާ ގާތުން މީހަކުވެސް ދިޔައީ ފަރުވާ ދެވެމުންނެވެ. ދެމީހުން އިސާހިތަކު އެކުވެރިކަން އާލާވެއްޖެއެވެ. އެކަކު އަނެކަކަށް ކޮރޯނާ ޖެހުނުގޮތް ކިޔާދީހެދިޔެވެ. ނަމަވެސް މިއަދު ޒާހިރުގެ އާ ރަހްމަތްތެރިޔާގެ ހާލު ކުއްލިޔަކަށް ހަމަ ގޯސްވިޔެވެ. ޑޮކްޓަރުން ދުވެފާ އައިސް އެމީހާއަށް ފަރުވާދޭން އެތައް މަސައްކަތެއްކޮށް ވެންޓިލޭޓަރުވެސް ގުޅާފިޔެވެ. ނަމަވެސް އެންމެން ކުރިމަތީ އޭނާގެ ފުރާނަ މިދުނިޔެއާ ވަކިވެގެންދިޔައެވެ. ޒާހިރުގެ ހިތަށް ވަރަށްވެސް ބޮޑަށް އަސަރުކޮށްފިޔެވެ. އަދި ބިރުވެސް ގަންނަން ފަށާފިޔެވެ. ކުރިމަތިން ފެނިގެން އެދިޔައީ މަރެވެ. އެކަމަށް ތައްޔާރުނުވެއްޖެނަމަ ހުރި ވޭން އޭނާއަށް އިހުސާސްވާންފެށިޔެވެ. އެހެންކަމުން ޒާހިރު ބާއްވާފަ އޮތް ތަނުގާ ހުރި ގޮނޑި ބޭނުންކޮށްގެން ނަމާދުކުރުމުގާ އަވަދިނެތި އުޅުނެވެ. އަދި ފޯނަށް القرآن ކިޔަވަމުން ގެންދިޔައެވެ.

ފަނަރަ ދުވަހަށްފަހު ޒާހިރު ދޫކޮށްލާފިޔެވެ. މީހާ ހުރީ ފުރިހަމަ ސިއްހަތުގައެވެ. ގެޔަށް ދިޔައީވެސް ވަރަށްވެސް ބަލާގެންނެވެ. ގެޔަށްގޮސް މުޅިތަން ސާފުކޮށް ނަމާދުކޮށް ހެދުމާ القرآن ކިޔެވުމަށް ވަކިތަނެއް ގިބްލައަށް ވާގޮތައް ހަދާލިޔެވެ. އެޔަށްފަހު ކޮންމެ ދުވަހަކުވެސް ގެއިން ނުކުންނަނީ القرآن ގެ މިންވަރެއް ކިޔަވާލާންނެވެ. ކޮންމެ ނަމާދަކަށްފަހުވެސް القرآن ގެ ތިން ސަފްހާ ކިޔުމަށް އާދަކުރިޔެވެ. ޒާހިރުގެ އަޒުމަކީ ހަމައެކަނި ކޮރޯނާއިން ސަލާމަތްވެ ހުރުމެއްނޫނެވެ. އާޙިރަތްވެސް ބާއްޖަވެރިކުރުމެވެ.

– ނިމުނީ –