ތި ހިތް ހިބައިން މަށަށް ދޭނޭ

ނެތީމާ ޖާގައެއް ކުޑަވެސް މަށަށް ތިހަޔާތުގައި ދޭނޭ
އޮތީ ނިމުމެއް ނުވާ ރިހުމާ ވެވުނު ލޯބީގެ ހިތި ވޭނޭ

ތި ދެ ލޮލުން ލޯބި އުތުރޭތީ ދުށީ މެންދުރުގެ އިރު ފަދައިން
މި ދެލޮލުން ދުށް ހަގީގަތަކީ ފެނުނު ހުވަފެންތަކެއް ނޫނޭ

ނޭތޭ ދުނިޔޭން އެދޭ އުފަލެއް ތިހިޔަނީގައި ނިދުން ނޫނީ
ނެތޭ އެކަމެއް ލިބެން އެހެނަސް އެނގޭ ހިނދު މޮޔަ މިހިތް ރޯނޭ

ދެ ރޭ ފެނިފައި ދަމުން ސިއްރުން ހިތާހިތް ކުރި އެ ރީތި ވައުދު
މިރޭ ބޭކާރު ކޮށްލީތީ ޒަމާން އުފަލުން ވަރަށް ހޭނޭ

މި ދުނިޔޭގައި ވިޔަސް ބާކީ ތި ދިން ހިތް ގެންދިޔަސް އަނބުރާ
އެ ދުނިޔޭގައި ތިބާ ދެއަތުން ތި ހިތް ހިބައިން މަށަށް ދޭނޭ

Comments (6)

Comments are closed.