ފިރުމާލުމަށް އެދެމޭ…

ފިރުމާލުމަށް އެދެމޭ

ހިތުގައި ނިކަން ރަކި ފާޑަކަށް ވިންދެއް ޖަހައިފިޔެ ހަރު އަޑުން،
އަތުގައި ހިމޭން ފިނި ތުރުތުރެއް އުފެދިއްޖެޔޭ މާ މަޑުމަޑުން
ނުވެޔޭ ދިމާ ދެލޮލާ ދެލޯ، މަސްތުގެ ކަނޑަށް ގެނބުމުން ދެ ހިތް
ހެވެމުން އެ ސަކަ ވައިރޯޅިތައް، ނާނާ ކިޔާލީ ވައި އަޑުން
ނުފޮޅޭ މަލާމެލި ފޮޅުވަމުން، ވައުދާ ހުވާ މަންމަން ބަހުން،
ހަފޮޅުން އެތެރެވީ ހަނދުވަރަށް ސިއްރުންކުރީ މުޅި ހަށިގަނޑުން
ފެނުމުން އެވާ ގޮތް ނުބުނެދޭން ދުށުމަށް ދެލޯ އެދުނަސް ހިތަށް
ހަނުހުރުމަކީ މޮޅުގޮތް ކަމަށް ސިކުނޑިން ބުނީ މާ ހަރު އަޑުން
ނުލިބޭނެކަން ކަށަވަރު ތިއީ ހަދިޔާއެކޭ ބޭނުން ވިޔަސް
ބަލި ހިތްވެ ނުދަނީސް އެއްފަހަރު ފިރުމާލުމަށް އެދެމޭ މަޑުން