މަގޭ ހިތުގެ ވިންދު

އައުޅެން

މަގޭ ހިތުގެ ވިންދު

އިސްމާޢީލް ޢަލީ ކަނދޮޅުދޫ

މަންމަގެނަން މިހިތުގައި ބިންވަޅު ނެގިފައިވެއެވެ.

މިހިތުގައިވާ ލޯތްބަކަށް ބަދަލުއައުމެއް ނުވެއެވެ.

މިހިތުގައި ޖަހާވިންދު ގުޅިފައިވަނީ ތިޔަހިތާއެވެ.

މަންމަ އަހަރެންގެންގުޅުނީ ޖަވާހިރެއް ފަދައިންނެވެ.

މަންމަގެ ދެއަތުން އަހަރެން ތާހިރުކުރީ އުފަލާއެކުއެވެ.

މަންމަގެ ދެތުންފަތުން އަރިދަފުސް ފޮހެދިނެވެ.

މަންމަގެ ދަތްތަކުން  ކާތަކެތި ހިމުންކޮށް ދިނެވެ.

އަލިފުގައި އަބަފިލިޖެހީމާ އާ ކިޔާށޭ ދަރިފުޅާއޭ ލަވަ ކިޔައެވެ.

ބަލިވެއްޖެ ނަމަ ރޭ ނިދި ނަގާލައި ހޭހަން ކުރެއެވެ.

ފެންވަރުވައިދީ ފުއްޖަހައިދެނީ ހިނިތުންވެ އިނދެއެވެ.

ހިނގަންދަސްކުރި ދުވަސްވަރު މަންމަ ސިހިސިހި އިނދެއެވެ.

އެއްޗަކަށް ބޭނުންވެގެން ކުކުރާލަފާނެތީ ތައްޔާރަށް ހުރެއެވެ.

މަގޭ އުރަށްލައިގެން ހިނގާއިރު އަތުގައި ބޮސްދެއެވެ.

ބަސްމޮށޭން ފެއްޓުމަށްޓަކައި މަންމަބައްޕަ ކިޔައިދިނެވެ.

ފިލާލިޔެދީ ވޮށުފިލާ އަޅާދިން އެދުރުދައިތައަކީ މަންމައެވެ.

ނިދެންދެން ޝަހާދަތްކިޔައިދީ ވާހަކަ ކިޔައިދިނެވެ.

ރަގަޅުގޮތާއި ނުބައިގޮތް އޮޅުންފިލުވައިދިނެވެ.

ތަޢުލީމާއި ތަރުބިއްޔަތު ދިނުމަށް ފޮނުވިއެވެ.

އަތްވާއިވާރޭގައި މަގެއަށްޓަކައި ޤުރުބާން ވިއެވެ.

މިއަދު މަގޭ އެމަންމައަށްޓަކައި ފަޚުރު ވެރިވަމެވެ.

މަންމަވީ ޤުރްބާނީގެ އަގު އަދައެއްނުކުރެވޭނެއެވެ.

މަގޭ މަންމަދެކެ ވަރަށް ވަރަށް ލޯބިވަމެވެ.

ދުވަހަކުވެސް މަންމަ ހިތުގައި ނުޖައްސާނަމެވެ.

މަގޭ ކުޑައިރު މަންމަ ދިން ޚިދުމަތް ދޭން ބޭނުމެވެ.