ލޭގެ ތޫފާން (ޣައްޒާ)

އޮއި ދެމޭ ކޯރުގައި ކުޑަކުދިން ބެހިދަނީ،
އޮއިވާރާ ލޭގެ ތޫފާނުގާ ގެނބި ދަނީ

އޮވެ ފަލަސްޠީނު ޅަދަރިން މައިން ވަކިވަނީ،.
ކޮއި ލޮލުގެ ފަދަ މިއުންމަތް ޝަހީދުވެ ދަނީ

ކޮން ކުށެއްތޯ އޮތީ މުސްލިމުން އެގޮވަނީ
ކޮން ބައެއްތޯ މިއަޑުތައް އަހަން ކުޅެދެނީ؟

ކޮން ހިސާބެއްގަތޯ މުސްލިމުން ތިތިބެނީ؟
ކޮން ޖަވާބެއް އިލާހަށް ދެވެން ފަހެ އޮތީ؟

ނެތްހެ ކުޅަދާނަކަން މުސްލިމުން ވާން އެހީ؟
ނެތްހެ ހައްގައްޓަކާ ބަސްބުނާނޭ ވެރީން؟

ނެތި މިއުންމަތް ފަނާ ކޮށްލުމޭ ގަސްދަކީ
ނެތި ރަހުމު ހިތު ޔަހޫދީން އަމާޒަށްވަނީ

މަސްޖިދުގެ ހުރުމަތާ މާތްބިމުގެ ބަރަކަތީ
ފަސްނުޖެހި ދޭން ހިމާޔަތް ވަށާލަން ވަނީ

އަސްކަރީ ބާރުގައި މާތް ޖިހާދޭ ވަނީ
ފަސްލެވޭ ގިނަ ޝަހީދުން އެ ގުރްބާން ވަނީ

ކޮން ލޮލެއްތޯ މިތާ ކަރުނައިން ނުފުރެނީ؟
ކޮންމެ ބަޔަކުމެ މިތާ އެ ދިދަ އުފުލާލަނީ