ޤުދުރަތީ ޤާނޫނު

އައުޅެން

ޤުދުރަތީ ޤާނޫނު

އިސްމާޢީލް ޢަލީ ކަނދޮޅުދޫ

ގެއެއްގެ މާ ބަގީޗާގައި ފޮޅުނު ފިނިފެންމަލަކީމެވެ.

ތޫނުކަށިތަކުން ރައްކާތެރިކަމުގެ ފާރު ލެވިފައިވެއެވެ.

މުޅި ފަޒާގައި ފެތުރިފައިވަނީ މަޑުމަޑު މީރުވަހެކެވެ.

އެންމެރީތި ފިޔާތޮށި ކުލައިން ޖަރީ ވެފައިވެއެވެ.

ކައުނުގެވެރި ރައްބުގެ އުފެއްދެވުމުގެ ފުރިހަމަ ކަމާއެވެ.

އެކަލާނގެ ދެއްވި ނިޢުމަތުގެ ގިނަކަމާއެވެ.

ރީތިކަން ލިބުނީތީ ބޮޑާ ވުމެއްނެތެވެ.

ގުރުނޑުފިޔަ ލިބުނީތީ ހިތާމައެއް ނުކުރަމެވެ.

މާދަމާވާއިރު ފިޔަތައް ރޫޅި މިލާމޯޅިވާނެއެވެ.

ކާއިނާތުން އަހަރެންގެ އަސަރު ނެތިދާނެއެވެ.

އެތަކެއް ބައެއްގެ ހިތަށް ތަސައްލީ ދިނުމަށްފަހުއެވެ.

ޢިބުރަތުން ފުރިގެންވީ ފިލާވަޅު ތަކަކާއިއެކުގައެވެ.

ނެތިދިއުމަކީ ޤުދުރަތީ ޤާނޫނުކަން ބުނެދީފައެވެ.

ރީތިކަމަކީ ވަގުތީ އެއްޗެއްކަން ހަނދާން ކޮށްދީފައެވެ.

މަތިވެރިވީއިލާހުގެ ރޭއްވެވުމުގެ ފުރިހަމަކަމާއެވެ.