ނޭދެމޭ ދުރުވާކަށެއް ލޯބިވާ

އެލާމް ގެ އަޑަށް ނައުޝީން ފުންމާގެން ކަހަލަ ގޮތަކަށް ތެދުވިއެވެ. އެއިރު ފަތިސްނަމާދު ބަންގި ގޮވަން ދިހަމިނެޓް ހުރުމާއެކު ނައުޝީން އަވަސް ވެގަތީ ތާޒާވެލުމަށެވެ. ނަމާދުން އަވަދިވެގެން ކަބަޑުމަތީގައި އޮތް ޤުރުއާން ޙަތިމް ހިފައިގެން ކުޑަދޮރުކައިރި ހުރި ގޮނޑީގައި ނައުޝީން ހަމަޖެހިލީ ކިޔަވާލުމަށެވެ. އާދަވެގެން ކޮންމެ ދުވަހަކު ނައުޝީން ނަމާދައް ފަހު ޤުރުއާން ކިޔެވުމަށް އިސްކަންދެއެވެ.

ޤުރުއާނުން މިންވަރެއް ކިޔަވާލުމައް ފަހު އަވަސް ހިނގުމެތްގައި ނައުޝީން ބަދިގެ ފަރާތައް ދިޔައީ އޭނާ ގެ މަންމަ ފަޒީނާ އަށް ފަސޭހަ ކޮށްލަދިނުމަށްޓަކައި ރޮށިފިހެ ސައިކައްކާ ދިނުމަށެވެ. ގޭތެރޭގެ މަސައްކަތް ކުރުމަކީ ނައުޝީން އެންމެ ކުރާހިތްވާ ކަންތަކޭ ބުންޏަސް ދޮގަކަށް ނުވާނެއެވެ. ނަމަވެސް ބަދިގެތެރެ އަށް އަޅާލި ފުރަތަމަ ފިޔަވަޅާ އެކު ނައުޝީން ހުއްޓުން އެރީ ބަދިގެތެރޭގައި ހަރަކާތްތެރިވަމުން ދިޔަ ފަޒީނާ ފެނުމުންނެވެ. ބަދިގެތެރޭން ފަޒީނާ ފެނުމަކީ ނައުޝީން ހައިރާން ވާވަރުކަމެތް ނޫނެވެ. ފަހަތުން މީހެއްގެ ހިލަންވެގެން ފަޒީނާ ފަހަތް ބަލައިލީ ކާކުކަން އިނގިހުރެއެވެ. ” އަހަ ، ދަރިފުޅާ މަންމަ ބުނަމެންނު ސުކޫލު އޮންނަ ދުވަސްދުވަހު ބަދިގެފަރާތައް މަސައްކަތް ކުރަން ނާންނާޗޭ ” ނައުޝީން ގެ ބޭނުން އިނގިހުރެ ފަޒީނާ ބުންޏެވެ. ” ދެން މަންމާ އަޅެ ޕްލީސް އަހަރެން ވަރަށް ފޫހިވޭ މިގަނޑި ދެން ވަކި ކޮންކަމެތް މިގަނޑީ ކުރަންހުންނާނީ ” ތުންކޮޅުދަމާ ލަމުން ޝަކުވާގެ ރާގަކަށް ނައުޝީން ބުނެލިއެވެ. ” އެކަމް ވެސް ހެޔޮ ، މަންމަ މަނައެއް ނުކުރަމެން ނު ބަންދުވަސްތަކަކު ، ދެން އުޅޭ ސައިބޯން މަންމަ ވެސް މަސައްކަތް ފެށުމުގެ ކުރިން ސައިބޯން މިއޮޅެނީ ” ކެކެމުން ދިޔަ ފެންއެތި އުނދުނުން ނަގަމުން ފަޒީނާ ބުނެލިއެވެ. ކޮންމެ ދުވަހެކޭ އެއްފަދައިން މިއަދުވެސް ނައުޝީން ކަރުއެލުވާލަމުން ސައިބޯން އުޅެގަތެވެ.

އިރުގެ އަލިކަން ދޮރުފޮތިގަނޑު މެދުވަރިކޮށް ކޮޓަރިއަށް އެޅުނީ ނައުޝީން ސްކޫލަށް ދާން ތައްޔާރުވެގެން ހުއްޓައެވެ. ތައްޔާރުވެ ނިމުމާއެކު ކިޔަވާ މޭޒުމަތީގައި އޮތް މަޑުފިޔާތޮށިކުލަ އަދި ކަޅުކުލަ ހިމެނޭ ބެކްޕެކް އެތް ކޮނޑުގައި އަޅުވާލުމަތް ފަހު ދެލޮގް ފޮތް އަތަށް ހޮޔޮވަރުކޮށްލަމުން ނައުޝީން ކޮޓަރިން ނިކުމެގެން ދިޔައެވެ. ބަދިގެ ދޮރު ހުރަސްކުރި ނައުޝީން ފެނުމާއެކު ފަޒީނާ ނިކަން އަވަހަށް ނައުޝީން އަށް ގޮވާލިއެވެ. ” ދަރިފުޅާ ސައިނުބޮއެތަ ދަނީ ” ރޮށިފިހަން ފުއްގުޅަ ހަދަމުން ފަޒީނާ އަހާލިއެވެ. ” އާން މަންމާ ނުބޯނަން ދެންމެ އެތް ނު ގައިމު ސައިބުއީމިގެން ދެން ދަނީ އިނގޭ ލަމް ވެސްމިހާރު އައިސްފި ” ދޮރުން އެތެރެ އަށް ވަދެގެން އައި ލަމްހާ ފެނި ނައުޝީން ނިކަން އަވަހަށް ބުނެލިއެވެ. ” ހޫމް ބަސްއަހާތި އިނގޭ ” ކޮންމެ ދުވަހަކު ދޭނަސޭހަތް ފަޒީނާ ދިނެވެ. ” ޔެސް މޮމް ” ހިނިތުނެވެލަމުން ނައުޝީން ބުނެލިއެވެ.

ވާހަކައިގައި ތިބެ ސްކޫލު ގޭޓުން ލަމްހާ އަދި ނައުޝީން ވަންއިރު އެވަގުތު ސުކޫލަތެރޭ ހުސްވެސް ހަރަކާތްތެރިވަމުން ދިޔައީ ސްކޫލް ޓީޗަރުން އަދި ޕްރެފެކްޓް ދަރިވަރުންނެވެ. ދެމީހުންވެސް ސޮއެ ކޮށްލުމަށްފަހު ކުލާސްތެރެ އަށް ވަންނަން މިސްރާބުޖެހިއެވެ. އެޅި ފުރަތަމަ ފިޔަވަޅާއެކު ނައުޝީން ގެ ހިތް ބާރަތް ތެޅެން ފެށީ ދޮރާދިމާލަށް އޭނާ އާއި ދިމާލަށް ބަލަހައްޓައިގެން އިން މާހިލް ފެނިފައެވެ. ” ހެލޯ ނައޫ” ލާނެތްރާގަކަށް މާހިލް ބުނެލިއެވެ. މާހިލް ގެ ފިރިހެން ވަންތަ އަޑުކަންފަތުގައި ޖެހުމާއެކު ނައުޝީން ގެ ގައިން ހީބިހި ނެގިއެވެ. ނުވާކަމަކަށް ހަދާފައި ނައުޝީން ހޫމް އަޅުވާލިއެވެ. ” އެތް ކަލަ ދެމީހުން ދެން މިގަނޑީ ތޮޅެން ފައްޓާނީކީ ނޫން ” ޑެސްކް ކައިރި ހުރިގޮނޑީގައި ހަމަޖެހިލަމުން ލަމްހާ ބުނެލިއެވެ. ނައުޝީން އަދި މާހިލް އެކަކު އަނެކަކަށް ބަލާލުމަތް ފަހު ކުޑަކޮށް ހިނިތުންވެލިއެވެ. ” އަހަރުން އެބައުޅޭ ދޯ ނުތޮޅެވިގެން އަދި މާ ހެދުނުވީމާ ނުތޮޅެން މިހުންނަނީ ” ހެމުންހެމުން މާހިލް ބުނެލިއެވެ.

ރަނގަބީލް ޖަހަން ފަސްމިނެޓް އަށް ވުމުން ނައުޝީން އަދި ލަމްހާ ވެސް ޑިއުޓީއަދާކުރަން ދާންތެދުވިއެވެ. އެއިރު މާހިލް އޭނާގެ އެކުވެރިއަކާ އެކު އޭނާ ޑިއުޓީ އަދާކުރާ ގޭޓް އާދިމާލަށް ދިޔައެވެ. ” އޭއި ނަޢޫ މަންޖެ ޖެހެނީ މާހިލް އާއެކު އޭނާ ހުރި ގޭޓް އަށް ދާން ، ކަލޭނޭ ދެން އެތާ ތޮޅެން ނުފައްޓާތި ” ކަންބޮޑުވެފައި ހުރި ނަމަވެސް ލާނެތް ރާގަކަށް ލަމްހާ ބުނެލިއެވެ. ” އޭން އަސްލުތަ ، ދެން ނުތޮޅޭނަމޭ ލަމް މާވަރަކަށް ދިމާނުކޮށްބަލަ ދޯ ” ރަކިވެފައި ހުރެ ނައުޝީން ބުނެލިއެވެ. މަޑުހިނގުމެތްގައި ނައުޝީން މާހިލް ކައިރިއަށް މިސްރާބުޖެހިއިރު އޭނާގެ ހިތް ނެގިނެގިފައި ތެޅެމުން ދިޔައެވެ. ކިތަންމެ ވަރަކަށް ދެމީހުން ތޮޅުނެތް ކަމަކު ނައުޝީން ގެ ހިތުގައި މާހިލް އަށްޓަކައި ދެވިފައިވާ މަޤާމު ދަށެއްނުވެއެވެ. މާހިލް ގެ އަމަލުތައް ކިތަންމެ ވިޔާނުދާކޮށް ހުއްޓެއްކަމަކު ނައުޝީން މާހިލް ދެކެ އިންތިހާއަށް ލޯބިވެއެވެ.

ބެލްގެ އަޑާއެކު ނައުޝީން ގޭޓް އިންވަންނަ ކުދިންނާ ދިމާލަށް މޫނުއަނބުރާލިއެވެ. އެންމެން އެތްކޮށްވަދެ ނިމުނަސް އެދެމީހުން އެތާ މަޑުކުރަން ޖެހުނީ ކަނޑައެޅިފައިވާ ގަނޑި ނުޖެހޭތީއެވެ. އެންމެ ފަހުކަމަކަށް ގޭޓް ދޮރުލައްޕަން އުޅުނުގަނޑީ އެތެރެ އަށް ވަންނަން އާއި ނައުޝީން އާއި އެތްކުލާހެއް ގައި އުޅޭ ޒިއާން ފެނުމާއެކު ހިނިތުންވެލަމުން ނައުޝީން ކުޑަކޮށް ގޭޓް ހުޅުވާލިއެވެ. އެއިރު އެތްޖީބައް އަތްޖަހައިގެން ހުރެ ފިރިހެންވަންތަ ހިނގުމެތްގައި ޒިއާން ވަތީ ނައުޝީން އަށް ހިނިތުންވުމެތް ހަދިޔާކޮށްފައެވެ. އެއިރު މިހުރިހާ މަންޒަރެތް ބަލަން ފާޑާކަށް އަނގަހަދައިގެން މާހިލް ހުރިއެވެ. ދެމީހުން އެކުއެކީ ކަހަލަ ގޮތަކަށް ކުލާހަށް ވަންއިރު މާހިލް ގެ ކަތިނަޒަރު ހުއްޓިފައި ވަނީ ނައުޝީން ގެ ދޮން މޫނަށެވެ.

އާދައިގެ މަތިން ކްލާސްނިމިގެން ދިޔައީ ނައުޝީން އާއި މާހިލް ގެ ހޫނު ޒުވާބު ގަނޑަކުންނެވެ. ނައުޝީން ރުޅިއެރުވުމަކީ މާހިލް އެންމެ ކުރާހިތުން ކުޜާ އެތްކަމެވެ. މިހުރިހާ މަންޒަރެތް ބަލަން އިން ޒިއާން ގެ މޫނުމަތީގައި ވަނީ ދެނެގަންނަށް އުނދަގޫ އަސަރުތަކެކެވެ. އޭނާ ކައިރި އިން ލަމްހާ އެއްޗެއް ހޯދާފަދައިން ނައުޝީން ގެ މޫނަށް ބަލާލުމަށްފަހު ޒިއާން ގެ މޫނަށް ބަލައިލައެވެ. ޒިއާން އަކީ ނައުޝީން ކައިރި އެތައް ފަހަރަކު ރައްޓެހިވާން އަހާފައި ހުރި ކުއްޖެއް ނަމަހީވެސް ނައުޝީން އާއި ޒިއާން ނުލާހިކު އެކުވެރިއެވެ. ޒިހާން ގެ ހިތުގައި ވާ އިޙްސާސްތައް ފަސްއަޅަން މަޖްބޫރުވީ މާހިލް ދެކެ ނައުޝީން ވާލޮއިއްބެތްގެ ބޮޑުކަމުންނެވެ. ނަމަވެސް މާހިލް ނައުޝީން އަށް ބަހައްޓާ ދުރުމިނުގެ ސަބަބުން ޒިއާން ގެ ހިތުގައި ނައުޝީން ހާސިލް ކުރުމުގެ ހުޅުކޮޅު ބޮޑުވެގެން ދިޔައެވެ. މިކަމަށްޓަކައި ނައުޝީން ގެ އެކުވެރިއެތްގެ އެހީ އަށް އޭނާ ހުރީ ބޭނުންވެފައެވެ.

” އަމް ލަމްހާ ވާހަކަ އެތް ދައްކާލަން ކަމަށް ” ޤުރުއާން ކްލާސް ނިމިގެން ގެއަށް ދާން ދިޔަ މަގުމަތީގައި ޒިއާން ލަމްހާ އާއި ދިމާކޮށް ލަމުން ބުނެލިއެވެ. ” ކޮންވާހަކަ އެތް އަނެތްކާ ” ޝައުޤުވެރިވާ ގޮތަކަށް ލަމްހާ ބުނެލިއެވެ. ” އަހަންނަށް އެހީއެތް ވެދީފާނަން ތަ؟ ” ކެރިހުރެ ޒިއާން ބުނެލިއެވެ. ލަމްހާ ބޯޖަހާލިއެވެ. ” އަހަރެން ބޭނުން ނައުޝީން އާއި ގުޅެން އޭނާ އަށް މިކަން އަންގާ ދީބަލަ ، އޭނާއަހަންނާ ގުޅެން ބޭނުންތޯ އަހާދީބަ ” ޒިއާން ބުނެލިއެވެ. ” މައްސަލައެތް ނެތް ، އެކަމަކު އަހަންނަށް ފެންނަގޮތުގައި ނައުޝީން ޒިއާން އަކާ ގުޅޭކަތް އެއްބަހެއް ނުވާނެ މިހާރު ތިއުޅޭ އުޅުން އުޅެންޏަކާ ، ތަންކޮޅެތް ބަދަލުވެލަބަ ، އައިމީން ރަނގަޅަށް އުޅެބަލަ ، އިނގިއްޖެ ދޯ މިބުނާ އެއްޗެއް ” ދެއަތް އުރާލަމުން ލަމްހާ ބުނެލިއެވެ. ” ހޫމް ” ބޮލުގެ ފުށްކިބައިގައި އަތް ހިންގާލަމުން ޒިއާން މިހެންބުނެ އެތަނުން ދިޔައެވެ.

ހަވީރުގެ ވަގުތެވެ. ލަމްހާ އާއި ދެމީހުން ހިނގާލަން ދާން ރާވާފައިވުމުން ނައުޝީން ތައްޔާރުވާން ހުރީ ލަމްހާ ގުޅާނެ ކަމަށެވެ. މާގިނައިރެތް ނުވެ އައި ފޯނުކޯލާ އެކު ނައުޝީން ބޭރަށް ނިކުތެވެ. ” ހިނގާ މިތާ ބީޗް އަށް ދާން ނައު ކައިރި ދައްކަން ޖެހޭ ވަރަށް މުހިންމު ވާހަކަ އެތް އެބައޮތް ” ލަމްހާ ބުނެލިއެވެ. ވަކިއެއްޗެއްނުބުނެ ނައުޝީން ބޯޖަހާލަމުން ހިނގައިގަތެވެ.

” ސޯ އަހަރެން މިކިޔާ އެއްޗެއް ރަނގަޅަށް ވާނެ ނައޫ އަޑުއަހަން ވިސްނާފައި ފިޔަވަޅެތް އަޅާނީ ” ހެއްލާ ޖޯލިއެތްގައި ހަމަ ޖެހިލަމުން ލަމްހާ ބުނެލިއެވެ. ” ސޯ މިވީ އެއްޗަކީ ޒިއާން އަދިވެސް ނައޫ ދެކެ ލޯބިވޭ ، އެން މިއަދު އަހަރެން ކައިރި ބުނީ ނައޫ އާ ގުޅެން ބޭނުމޭ ދޯ ، ހަޤީޤަތައް ބުނަންޏާ އަހަރެންނަށް މާހިލް އަށް ވުރެ މާރަނގަޅު ޒިއާން ، އޭނަ ވާ ނައޫ އަށް ރެސްޕެކްޓް ކުރޭތާ އެކަމަކު މާޙިލް އޭނާ ހަމަ ހިތަށް އެރިގޮތެއް ، ދެން ނައޫ އަށް އިނގޭނީ ” ލަމްހާ ބުނެލިއެވެ. ބުނާނެ އެއްޗެއް ނޭނގިފައި ނައުޝީން އިނެވެ. ” އަހަރެން ވިސްނާލަން ވަގުތުކޮޅެތް ބޭނުން ، އަހަރެން ބޭނުމޭ މާހިލް މަތިން ހަނދާން ނައްތާލަން ބަޓް އައި ކާންޓް ،އަހަރެން ވަރަށް މަސައްކަތް ކުރަން އަސްލު އިނގޭ ” ދެރަވެފައި އިނދެ ނައުޝީން ބުނެލިއެވެ. ” އަހަންނަށް ވެސް އިނގޭ ނައޫ ތަންކޮޅެތް ޒިއާން އާ ކްލޯސްވެލަބަ އޭރަށް ހަނދާން ނެތިދާނެ ހަމަ ” ލަމްހާ އޭނާ އަށް ފެންނަ ގޮތް ބުނެލިއެވެ. ނައުޝީން ވެސް ބޯޖަހާލީ އެހިޔާލަތް ތާއިދް ކުރާ ފަދައިންނެވެ.

ދުވަސްތައް ހަލުވިކޮށް ދުވަމުން ދިޔައިރު ނައުޝީން މެން ސްކޫލް ނިމޭ ދުވަސް އައިއްސިއެވެ. ލަމްހާ ގެ ނަސޭހަތުގައި ހިފާ ޒިއާން އާއި ގާތް ވުމުގެ ސަބަބުން ނައުޝީން އަށް ޒިއާން އާއި ގަޔާވެވުނެވެ. ނަމަވެސް މާހިލް ގެ ހަދާން ތައް އެ ހިތުގެ ކަނެތްގައި އަދިވެސް ވެއެވެ. އޭނާ އަށްޓަކައި ވީ ލޯބިވެއެވެ. ނަމަވެސް ކުރިން ވީހާއެތް ނޫނެވެ. ޒިއާން ގެ އުޅުމުގެ ފާޑެއް ބަދަލެތް ނުވެއެވެ. އެހެންޏާ އުޅޭ ވިޔާނުދާ އުޅުން އުޅުނެތް ކަމަކު ނައުޝީން އަށް އަޅާލައެވެ. ޒިއާން ގެ އުޅުމާ މެދު ނައުޝީން ކިތަންމެ ހިތްހަމަ ނުޖެހި ރުޅިއައެތް ކަމަކު އެކަމެތް ނުދައްކައެވެ.

ނައުޝީން ގެ އޯލެވެލް ނަތީޖާ ރަނގަޅުވުމާ ގުޅިގެން ފަޒީނާ ނުލާހިކު އުފާވިއެވެ. އިތުރަތް ކިޔެވުމުގެ ހިޔާލު ނައުޝީން ނުގެންގުޅުނީވެސް މަންމަ އާއި ދުރައް ދާން ޖެހޭތީއެވެ. ފާއިތުވެގެން ދިޔަ ދުވަސްތަކުގައި ޒިއާން ގެ ހަބަރެތް އެއްގޮތަކަށް ވެސް ނައުޝީން އަކަށް ނުވެއެވެ. އެކަމާ މާ ބޮޑަށް އޭނާ އަށް އާޅާއެތް ނުލެވެއެވެ. މާހިލް ގެ ހިޔާލުތައް އަބަދުވެސް ނައުޝީން އަށް އުނދަގޫކުރެއެވެ. އަދިވެސް މާހިލް ދެކެ ލޯބިވާވާކަން ނައުޝީން އަށް އިނގެއެވެ. ނަމަވެސް އެއީ ލިބެންނެތް ލޮއިއްބެތް ކަން އިނގެއެވެ.

ހިނގަމުން ދިޔަ ހަފްތާއިން ދުވަހެކެވެ. އެކަނިމާއެކަނި މަޑުހިނގުމެތްގައި ނައުޝީން ގެ މިސްރާބު ހުރީ އެހެންޏާ ވެސް އާންމުކޮށް އޭޏާ ދާ އަތިރި އާދިމާލަށެވެ. ދުވަސްކޮޅަކީ ލަމްހާ ވެސް ބަލިވެގެން އުޅޭ ދުވަސްގަނޑަށް ވުމާއެކު ނައުޝީން ހުންނަނީ ފޫހިވެފައެވެ. ހެއްލާ އުނދޯލިއެތްގައި އިނދެ މަޑުމަޑުން ނައުޝީން ހެއްލަމުން ދިޔައިރު އޭނާ ގެ ނަޒަރުވަނީ ހިކިފައިވާ ތޮށިގަނޑުމައްޗައް ހުއްޓިފައެވެ. ފަހަތު ގަސްތަކު ތެރެއިން ބަޔަކު ވާޙަކަ ދައްކާ ހެން ހީވެގެން ނައުޝީން ކުޑަކޮށް ތެދުވެލާފައި ކުރިމަތީގައި ހުރި ގަހުގެ އޮފިތައް އެއްފަރާތް ކޮށްލިއެވެ. ފެނުނު މަންޒަރުން ނައުޝީން ގެ ދެލޯ ބޮޑުވެގެން ދިޔައެވެ. ޒިއާން ގެ އަތުތެރޭގައި އޮތް އަންހެންކުއްޖާ އާއި ޒިއާން ގެ އަމަލުތަކުން އެއީ ރައްޓެހިންނަށް ވުރެ ގާތް ބައެތްކަން އިނގުނެވެ. ވަގުތުން އެހިތުގައި ޒިއާން އާއި މެދު ފޫހިކަން އުފެދުނެވެ. އެކަހަލަ އިންސާނަކާ ގަޔާވެވުމުން ވެސް ނައުޝީން ރުޅިއައެވެ. އެ ރުޅިކަން މަތީ ގެއަށް ދާން މިސްރާބުޖެހިއެވެ. މަގުގެ ވަކި ހިސާބަކުން މާހިލް ފެނުމާއެކު ނައުޝީން އަށް އިސްޖަހާލެވުނެވެ. މާހިލް ގެ ތުންފަތުގައި ވާ ހިނިތުންވުމުގެ ސަބަބުން ނައުޝީން ލަދުގަތީއެވެ. އަދިވެސް މާހިލް ގެ ލޮއިތްބަށް ޓަކައި ނައުޝީން ގެ ހިތް ތެޅިފޮޅެއެވެ. އެ ލޯބި ޙާސިލް ވުމަތް އެތައް ދުޢާ އެތް ކުރެވެއެވެ. ނަމަވެސް އޭނާ ގެ ހިތުގެ އެދުން ފުރިހަމަ ވާނެ ކަމާމެދު ވެސް ޝައްކުވެއެވެ.

އޭގެ ހަފްތާ އެތް ފާއިތުވެގެން ދިޔައިރު މާޙިލް ގެ އުޅުން ވަރަށް ތަފާތެވެ. މަގުމަތިން ނައުޝީން ފެނުނަސް ހިނިތުންވުމެތް ދެއެވެ. މިކަމާ ނައުޝީން ނުހަނު އުފާކުރެއެވެ. މަދުމަދުން ނަމަވެސް ސުކޫލު ދައުރުއް ސުރެ ކުރަމުން އަންނަ ޖެއްސުންތައް މާހިލް ނައުޝީން ފެނުމުން ކޮށްލައެވެ.

ރޭގަނޑުގެ ވަގުތެވެ. ލަމްހާ ކައިރި އަށް ގޮސްލާފައި ނައުޝީން ގެއާ ކައިރިވެ ހުއްޓާ އޭނާ ގެ އަތުގައި ހިފާ މީހަކު ދަމާގަތީ ގޭގެ ބިއްދޮށަށެވެ. އަނދިރިވެފައި ވާ މާހަލު ފެނި ނައުޝީން ގެ ހިތްތެޅިގަތެވެ. ގޭގެ ފާރުގައި އެމީހަކު ނައުޝީން ޖެއްސުމަތް ފަހު ފާރުގައި ދެއަތް ވިއްދައިލާގެން އެމީޙާ ހުއްޓެވެ. އަނދިރިކަމުން އެއީ ކާކުކަން ނޭނގިފައި ހުރި ނައުޝީން ހުރީ ބިރުންނެވެ. އިރުކޮޅަކުން އިވިގެން ދިޔަ މާހިލް ގެ ފިރިހެން ވަންތަ އަޑާއެކު ނައުޝީން ގަނޑުވިއެވެ. ކޮންމެސް ވަރަކަށް ހަމަޖެހުނެވެ. ” މާހިލް އަހަރެން މިތަނަށް…” ނައުޝީން ގެ ޖުމްލަ ފުރިހަމަ ނުވަނީސް މާޙިލް ގެ ޝަހާދައް އިނގިލި ނައުޝީން ގެ ތުންފަތުގައި ޖެއްސިއެވެ. ” އަހަރެން ދައްކާ ވާހަކަ އަޑުއަހާއެހައް ” މާހިލް ބުނެލިއެވެ. ނައުޝީން ބޯޖަހާލިއެވެ. ” ނައުޝީން އަހަންނާ ރައްޓެހިވާން ވީނު ، ސްކޫލް ދައުރުއްސުރެ އަހަރެން ނައުޝީން ދެކެ ލައިކް ވޭ އެކަމަކު ވެސް އަހަރެން ބޭނުން ވީ ސްކޫލް ނިންމާފައި މިކަމާ އުޅެން ، ސޯ ބުނެބަ ވިލް ޔޫ ބީ މައިން ” ނުހަނު ލޮއިތްބާ އެކު މާހިލް ބުނެލިއެވެ. ނައުޝީން ގެ ހިތްހީވީ އުފަލުންނަޝާހެންނެވެ. ފުރަތަމަ ލޯބި ކާމިޔާބުވީއެވެ. ދެލޮލަށް އުފާވެރިކަމުގެ ކަރުނަ ޖަމާވިއެވެ. މަޑޫމަޑުން ހުރެ ބޯޖަހާލިއެވެ. ވީ އުފަލަކުން މާހިލް ނައުޝީން އެ މޭގައި ފޮރުވާލިއެވެ. ” ދުވަހަކު ވެސް ޝީން އަށް ދެރައެތް ނުދޭނަން ، ދުވަހަކުވެސް ދުރުވާކަށް ނޭދެން އައިލަވްޔޫ ” އަސަރާއެކު މާހިލް ބުނެލިއެވެ. އިތުރަތް ނައުޝީން އެމޭގައި ބޮޑިވެލިއެވެ. ވީ އުފަލެތްގެ ބޮޑުކަމުންނެވެ.

(ނިމުނީ)