ޓްރެއިލަރ
ފުރޭތައެކެވެ. ބޮޑުބޮޑު ގައިގައި ފަތްފަޅައި، ނަޢަމްސޫއްޕާއި ސޫފި ނޫން އެހެން އެއްޗެއް ނުދިރުވޭ ފުރޭތައެކެވެ. ކުދިންކޮޅުގެ ހިތުން ފަތްގަނޑު ފުރޭތައެވެ.
ކިޔައިދީދީ ވެސް ގަބޫލުކުރާނޭ މީހަކު ނުވެއެވެ. މިއީ ހަގީގަތެއް ކަމަށް ގަބޫލުކުރީ ސާމިއު އެކަންޏެވެ. ނަމަވެސް ފަހުން ސާމިއުގެ ދެއެކުވެރިންވެސް ސާމިއުއާއި އެއްބައިވެ ޓީމެއްގެ ގޮތުގައި މަސައްކަތް ކުރަން ބޭނުންވެއެވެ. އަދި އެކަމަށް ތައްޔާރުވެއެވެ.
“ނޭނގެ .. ސަރ ދުވަން ދަނިކޮށް ފަތްގަނޑެއް ފެނުނީޔޯ .. އެ ފަތްގަނޑު ދަށުން އެއްޗެއް ފެނުނީއޯ .. މުޅި ގައިގަ ރެދަނޯ .. އަހަންނަކަށް އެ މާނަ ކުރާ އެއްޗެއް ނަގައިގަންނާކަށް ނޭނގެ” .
“ތިއީ އަސްލެއްކަމަށް ވާނަމަ އަހަރެން ތައްޔާރު”.
އެއީ ބިރުވެރި ތަނެކެވެ. ކިއްލާއެކެވެ. މާޒީވެގެން ގޮސްފައިވި ސަފްހާތަކުން ސަފްހާއެކެވެ.
ހަމްދީބޭއެވެ. ޖެހިލުން ކުޑައެވެ. މުސްކުޅިމީހެކެވެ. ފަންޑީތައިގައި އުޅެއުޅެ އެދަސްވެފައިވި ތަކުރެކެވެ. މީހުން ބުނާގޮތުން ނަމަ ހަމްދީބޭ ބުނެ އުޅެނީ ތެދެވެ. ނަމަވެސް މިކަމުގައި ދޮގު ބުނަން ފަށަނީއޭ ބައެއް މީހުން ހިތާއި ފުރާނަ ފަދައިން ގަބޫލުކުރެއެވެ.
ފުރޭތައިންނަކީ އިންސާނުންނެއް ނޫނެވެ. އެއީ ބާރުގަދަ ބައެކެވެ. ޖިންނި ޝައިތޯނުންގެ ނަސްލުން އައިސްތިބި ބައެކެވެ. މީހުން ބުނެއުޅެނީ އެއީ ރޯނުބައި ބުޚްތާނީ ވާހަކަތަކެއް ކަމަށެވެ. ނަމަވެސް ތެދަކީ އެއެއް ނޫނެވެ. ދޮގަކީ އެއީ ކަމާއިމެދު ޝައްކެއްވެސް ނެތެވެ.
މީހުން ބުނާނޭ އެއްޗަކަށް ނުވިސްނާ ސާމިއު މަސައްކަތް ފެށި ކަމުގެ ނަތީޖާއަކީ ކާމިޔާބެވެ. އެކުވެރިޔާއެކީ އެކުވެރިޔާގެ ބޭބެއާއި އަމިއްލަ ލެޔާއި ގުޅިފައިވި އަމިއްލަ ބައްޕައަށް އިންސާފު ހޯދައި ދިނުމަށް ދުއްވައިލި އަގުހުރި ވަގުތުތަކުގެ ހެޔޮ ބަރަކާތެވެ.
** ** ** ** **
ފުރަތަމަ އެޕިސޯޑު އެކެއް 2021 ގައި ..
( އިންތިޒާރުކޮށްލައްވާ )
( މިއީ އަޅުގަނޑުގެ ދެވަނަ ބިރުވެރި ވާހަކައެވެ. ކޮންމެ ހަފްތާއަކު ދެ ޕަރޓް އަޅުގަނޑު ގެނެސްދޭނަމެވެ. މި ވާހަކަވެސް ތިޔަ ބޭފުޅުންނަށް ރީތިވާނެ ކަމަށް އަޅުގަނޑު އުންމީދު ކުރަމެވެ.
އިންޝާ ﷲ
Other Articles
ޤާތިލް
