ފަނާ 1

ކަޅުފޮއި ރޭތަކުގެތެރޭން ބިރުވެރިކަން އިންތިހާއަށް ގޮސްފައިވާ ރެއެކެވެ.އަހަރެން ކޮޓަރިތެރޭ އޮށޯވެލައިގެން އޮތީ ގަނެއްފައިވާ ބިރެއްގެ ސަބަބުން ނުނިދިގެންނެވެ. ދެލޮލުން ހޯސްލާފައި ކަރުނަތަށް ފައިބަމުން ދިއައީ އަހަރެންހާ ކުޑަކުއްޖަކު މިބޮޑުގޭގައި އެކަނި ހުރީތީއާއި ބޭރުގައި އުފެދިފައިވާ ތުފާނުގެ އަޑު ގަދަ ކަމުންނެވެ. އަހަރެންގެ މަންމަ އާއި ދެ ކޮއްކޮ މާމަ ގެއަށް ދިޔަގޮތަށް ނައިސް މިހާރު އެތައް އިރެހޭދަވެއްޖެއެވެ. އަހަރެން ވިސްނިއަސް މަންމަމެން ތިބޭނީ އަރާމުގަ އުފަލުގައި ނިދާފަކަންވެސް އަހަންނަށް އެގެއެވެ. އަހަރެންގެ ހާލުކިތަންމެ ބޮޑަސް މަންމައަށް ކީއްހެއްޔެވެ؟ މިއޮތްބޮޑު ވިއްސާރައިގަ އެންމެ ކުޑަމިނުން އަހަރެންގޭގަ ސަލާމަތުން ހުރިތޯ ބަލާނުލައެވެ. ބަނޑުހައިވެގެން ގޮސް ހާންތިވާވަރު ވެއްޖެއެވެ ު ބިރުން ބޭރަށް ނުނިކުނައް ނިއްމައިގެން ހުރި އަހަރެންނައް ކެތްނުވާވަރު ވުމުން ތެދުވެ ސިޓިންރޫމަށް ނުކުމީމެވެ. އެތާނގެ ހުރިނަމަ ހުރިހާ ބޮއްކެއް ދިލުމަށް ފަހު ގަޑިއައް ބަލާލީމެވެ. މާތްކަލާކޯއެވެ. ގަޑިން މެންދަމުދޭއްޖެހީއެވެ. ބިރުން ވިރިގެންދާ ކައިރިވިނަމަވެސް ވެފާހުރި ހައިހޫނު ފިލުވުމަށް އައިސްއަލަމާރި ދޮރު ހުޅުވާ އޭގެ ތެރެ ރަގަޅަށް ބަލަލީމެވެ. އޭގެ ތެރޭހާވާލުމަށްފަހު އަހަނަށް މީރު ޗޮލްލެޓެކަައި ޖޫސްޕެކެޓެއް ހިފައިގެން ނިކަންއަވަހަށް ކޮޓަރިއަށްވަދެ ބަނޑު ހާކަން ފިލުވިއިރު އަހަންނެކޭ އަހަރުދުވަހު ނުކާހުރި ފަގީރެކޭ އެގޮތޭހިތަށް އެރިއެވެ. ލޮލުން ފައިބަމުން ދިއަ ކަރުނަތައް ހުއްޓުމަށް އައީ ހަށިގަނޑުން ހޫނުކަން ފިލީމައެވެ. ކައިނިންމާ ގޫސްބޮއެގެން އައިސް ޖައްސާލީ ނިދޭތޯއެވެ. އޭރުވެސް ވާރޭގެ އަޑު އިވެމުންދެއެވެ. ވެފައިހުރި ވަރުބަލިކަމަށް ލިބުނު އަރާމެއްގެ ސަބަބުން އިސާހިތަކު ނިދީގެ ތެރެއަށް އަހަރެން ގެބިގެން ދިއައެވެ.                                              ހެދުނުގެ އަލިކަންވެރިވިއިރު ފަޒާގެ ތެރޭގައި ފިނިފިނި ތެތްކަމެއް އެކުލެވިފައިވެއެވެ. އަހަރެންނަށް ހޭލެވިގެން ގަޑިބަލާލިއިރު ނުވައެއްޖެހީއެވެ. ގޭގެތެރޭގަ މަންމަ އުޅޭ ކަން އެގުމުން ހިތަށް ހަމަޖެހުމެއް ލިބިގެންދިއައެވެ. އަވަސްއަވަހަށް އަހަރެން ފެންވަރައިގެން ކާގެއަސް ދިއައިރު ގޭގަ މަސައްކަތް ކުރަންއުޅޭ ލަތާ ދައްތަ ހުރީސައިހަދާފައެވެ.އަހަރެން ކުޑަ ގޮތަކަށް ސައިބޮއިގެން ބޭރަށް ނުކުނަން މިސްރާބްޖެހިތަނާ ސިހިގެން ދިއައީ ފައިގަ އައިސް ޖެހުނު ކޮތަޅެއްގެ ސަބަބުނެވެ. އެނަގާގެން ތެދުވެބަލާލިއިރު ކުރިމަތީ އަލިފާން ނަޒަރަކުން މަންމަ ބަލަހައްޓައިގެން ހުއްޓެވެ. “ތީ ކަލޭ ދޮންތަ ސާއިގާ ފުރަންދަމުން ކަލެއަށް ދިންއެއްޗެއ،ް ކަލޭ ނޫން އެހެން ދަރިއެއް ޒުހޭރުގެ ހުންނަކަމެއް އެއަންހެނާ ގަނޑަކަށް ނޭގޭނެ ހުއް..ދެންވެސް ތިހިފައިގެން މިތާ ނުހުރެ ރައްކާވޭ މަކުރިމަތިން” މަންމަގެ ވިހަ ޖުމްކަ ކުރި އަސަރަވުރެ ދޮންތަ ފަރާތުން ލިބުނު ހަދީޔާގެ ސަބަބުން އަހަރެން ހުރީ އުފާވެފައެވެ. މާދަމައަކީ އަހަރެންގެ 12 ވަނަ އުފަންދުވަސްކަން ހަނދާންވީވެސް އޭގެ އެތެރެ ބަލާލީމައެވެ. ދޮންތަ ދިން ލޯބިޅޯބި ހެދުމުގަ އަތްްޖައްސާލައިގެން ހުރެ ހިތާހިތުން ސުކުރުވެރިވީ އުފަލުންނެވެ. އަހަރެންގެ ދޮންތަ ރަށައް އަންނަނީ ވަރަށް މަދުންނެވެ.ކެންސަރުގެ ސިކާރައަކަށް ވެފަވާ އެ ދައްތަ ނޫނީ އަހަންނާ ލޯބިން ވާހަކަ ދައްކާ މީހެއް އާއިލާގަ ނުވެއެވެ. ދޮންތަ ހުންނަނީ ރާއްޖޭން ބޭރުގަކަމުން ދޮންތަ ފެންނަނީ ހާހަކުން ފަހަރަކުވެ. އެކަމުވެސް ސަކުވާއެއް ނެތެވެ.އަހަރެންގެ ދުއާއަކީ ދޮންތަގެ ބަލީހާލް ރަގަޅުވެ އެނބުރިއައުމެވެ. ދޮންތަގެ ހިޔާލުގައި އަހަރެން އަރަގުވަނިކޮށް އިވެންފެށީ ގޭދޮރުގެ ބެލް ރިންގްވާ އަޑެވެ. ލަތާ ގޮސް ދޮރުހުޅުވިއިރު ކުރިމަތީ ހުރި މީހާފެނި އަހަރެންގެ ހަތަރެސްފައި ގަނޑުވެގެން ދިޔަކަހަލައެވެ…….(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.