ހިތް ނޭދުނަސް – ޓްރެއިލަރ –

“އައި ޑޯންކް ކެއަރ ތީ ކޮންމެ މީހަކަސް. ޑޭޑް ކައިރީ ބުނަންވީ ހަމައެކަނި މި ކައިވެންޏާ ދެކޮޅޭ. ” ފާރާއި އިލްފް އާއި ދޭތެރޭގައި ފިތިފައިހުރި ޒީކްއާ ދިމާލަށް ރުޅިވެރިކަމާއިއެކު ބަލާލަމުން އިލްފް ބުންޏެވެ. އެ ދެލޮލުން ފެނުނީ ނުރައްކާތެރި ވިދުވަރެކެވެ. ވަރަށް ބޮޑަށް ކަމަކާއި ހިތްހަމަ ނުޖެހިފައިހުރިފަދައެވެ. ޒީކް ޙިޔާރުކުރީ ހިމޭންކަމެވެ.

“ތި ހަމަހިމޭންކަމުން ނަގަންވީ ކޮން މާނައެއްކަމެއް އަހަންނަކަށް ނޭނގުނު” ކަތުރުކަށިގަނޑަށް ވާންވެގެން ދިޔައިރު އިލްފް މަސައްކަތްކުރީ ރުޅިގަނޑު މައިތިރިކުރެވޭތޯއެވެ. އެހެން ނޫންނަމަ އޭނާއަށް މި ނާޒުކު އަންހެންކުއްޖާއަށް ކޮންމެފަދަގޮތެއްވެސް ހެދިދާނެއެވެ. ތެމިފައިވާ ދެލޮލުން އިލްފް އާއި ހިނދުކޮޅަކަށް ހަތަރުކަޅި ހަމަކޮށްލާފައި ޒީކް އިސްޖަހާލީއެވެ.

“ޑޭމް އިޓް ” ޒީކްގެ ކޮނޑާއިދިމާލުން ދެފަރާތުން ފާރުގައި ޖައްސާލައިގެންހުރި އަތް ތިރިކޮށްލަމުން ފައިން ފާރުގައި ޖަހަމުން އިލްފް ބުންޏެވެ. ޒީކް އެއްޗެކޭ ނުބުނާނެކަން ޔަޤީންވުމާއިއެކު އެކޮޓަރިން ނުކުމެގެންދިޔައިރު ދެ އަތްވީ މުއްކަވާލެވިފައެވެ.

އިންތިޒާރުކޮށްލައްވާ!