ހަޔާތް (ދެވަނަ ބައި)

ސިޔާޒާ އޮތީ އެނދުމަތީގަ ފޮތެއް ހިފައިގެން ކިޔަންށެވެ. ކުއްލިއަކަށް ސިޔާޒާގެ ފޯން ރިންގްވާން ފަށައިފިއެވެ. ފޯން ބަލާލިއިރު ނުދަންނަ ނަންބަރެކެވެ.ސިޔާ އަޅާނުލާ ފޮތް ކިޔަން ފަށާފިއެވެ. އަނެއްކާވެސް ފޯން ރިންގްވާން ފެށުމުން ފޯން ނަގާފަ ހަލޯ އޭ! ބުނެލިއެވެ.
**********************************
ތި ސިޔާތަ؟ އެކޮޅުން ވާހަކަ ދެއްކި ފިރިހެނަކު އަހާލިއެވެ. އާނ މި ސިޔާ! އެކަމަކު ތީ ކާކު ކަމެއް ނޭނގުނު! ސިޔާ ހައިރާންވެ ހުރެ އަހާލިއެވެ. މީ ނިހާމް. އެކަމަކު ހީވަނީ މީ ކާކު ކަމެއް ސިޔާއަކަށް ނޭނގޭނެހެން. އެކަމަކު އަހަރެން ސިޔާ ދަންނަން. ނިހާމް ބުނެލިއެވެ.
ކިހިނެއް އަހަރެން ދަންނަނީ؟ ސިޔާ އަށް އެއަޑަކީ ކުރިން އިވިފައިވާ އަޑެއް ނޫން ކަމުން އަނެއްކާވެސް ސުވާލުކޮށްލިއެވެ.
މަށަކީ މިރަށު މީހެއްނޫން! މިރަށައް މިއައީ އިއްޔެގަ. ސިޔާ ފެނުނީ ސުކޫލުން އަންނަނިކޮށް. އަހަންނަށް ސިޔާ ވަރަށް ކަމުދޭ! ނިހާމް އެއްކޮލުން ހީލާފަ ބުނެލިއެވެ. އެކަމަކު އަހަންނެއް ނުދަންނަން! ކިހިނެއް ނަންބަރ ހޯދީ؟ ސިޔާ އަނެއްކާވެސް ސުވާލުކޮށްލިއެވެ. މިހާރު ނަންބަރ ހޯދުމަކީ އުނދަގޫ ކަމެއް ނޫނެއްނު.ނިހާމް ބުނެލިއެވެ.ނުދަންނަ މީހުންނާ ވާހަކަ ދެއްކުމަކީ އަހަރެން ކުރާހިތްވާ ކަމެއް ނޫން ދެން ބާއްވަނީ. މަޑުކޮށްބަލަ ސިޔާ. ވާހަކަ ދެއްކީމައެެއްނު އިނގޭނީވެސް. އަނެއްކާ ސިޔާ ރުޅި އައީތަ؟ ސިޔާ ފޯން ބާއްވަން އުޅެނިކޮށް ނިހާމް އަހާލިއެވެ. އާނ ދެން އޯކޭ ފިލާވަޅު ދަސްކުރަން މި އުޅެނީ. ސިޔާ ހިތްހަމަނުޖެހި ހުރެ ބުނެލިއެވެ. އޯކޭތަ މަ ގުޅިޔަސް؟ އޯކޭ އެކަމަކު އެހާ ގިނައިން ނުގުޅާތި! ސިޔާ އަވަސް އަވަހަށްަ ފޯން ބޭއްވިއެވެ.
ނިހާމް އުފަލުން ހުރެ ފޯނަށް ބޮސްދިނެވެ. އެވަޤުތު ނިހާމް ގެ އެކުވެރި ފައިސަލް ކޮޓަރިއަށް އައިސްވަނެވެ. މާ އުފާވެފަ ކިހިނެއްވީ؟ އަނެއްކާ ސިޔާ ސެޓްވީތަ؟ ފައިސަލް ހިނިގަނޑެއް ޖަހާލަމުން އަހާލިއެވެ. ނޫން މި އުޅެނި ސެޓްކުރަންވެގެންނު. ނިޙާމް އެނދުމަތިން ތެދުވެލަމުން ބުނެލިއެވެ. އޭ! މަ ނަންބަރ ދިން ވާހަކަ އަނެއްކާ ސިޔާ ގާތު ބުނީތަ؟ ފައިސަލް ދެލޯ ބޮޑުކޮށްލާފަ އަހާލިއެވެ
ކަމޯން ފައި މަ ދެން އެހާ ޅައެއްޗެއް ނަހަދާނެއެއްނު! ހިނގާދޯ ކޮފީއަކަށް. ނިހާމް ހިނގާގަންނަމުން ބުނެލިއެވެ. ސިޔާ އާއި ފައިސަލް އުޅެނި އެއް ކުލާހެއްގައެވެ. ނިހާމްއަކީ މާލެއަށް އުފަން ކުއްޖެކެވެ. ނިހާމް ފޮނަދޫއަށް އައީ ޗުއްޓީ ހޭދަކޮށްލަންށެވެ، ފައިސަލް އާއި ނިޙާމް ގެ ބޭބެގެއަކީ ދެ އެކުވެރިންނެވެ. ފައިސަލްގެ ބޭބެ މަސައްކަތް ކުރަނީ ނިހާމްގެ ބޭބެއާ އެއް އޮފީހެއްގަ، މާލެގައެވެ.
*****************************
ދުވަހަކީ ހޫނުގަދަ ދުވަހެއް ކަމުން ސިޔާ އާއި ސިޔާ ގެ ކުލާސްކުދިން މޫދަށް އެރިންވެގެން ދިޔައެވެ. މޫދަށް ގޮސް އެންމެން ވެގެން ފައިތަޅާ ކުޅެން ފެށިއެވެ. ނަމަވެސް ސިޔާ މާ ދުރުގަ ގަހެއްގެ ބުޑުގަ ފޮތެއެ ހިފާގެން ކިޔަން އިނެވެ. އެވަޤުތަކީ ނިހާމް އާއި ފައިސަލްމެން އަތިރިމައްޗަށްނިކުތް ވަޤުތުކަމުން ނިހާމް ލޮލުގަ ފޮތެއްހިފާގެން އިން ސިޔާ ފެނުނެވެ. ނިހާމް ވަޤުތުގެ ބޭނުން ހިފިއެވެ. ދަނޑިވަޅު ބަލާފަ ސިޔާއިން ދިމާލަށް ހިނގާގަތެވެ.
(ނުނިމޭ)