މަގޭ ވާހަކަ

މިވާހަކައިގައި ބޭނުން ކުރެވިފައި ވާ ނަންތަކަކީ ބަދަލު ކުރެވިފައިވާ ނަންތަކެކެވެ…………………………………………… *************************************************************

މިވާހަކައަކީ އހަރެންގެ ހަޔާތުގެ ވާހަކައެވެ. ދިރިއުޅުމުގައި އަހަރެން ވީ ގުރުބާނީ ތަކާއި އަހަރެން އުފުލި ވޭން އަހަރެންނޫން އެހެން މީހަކަށް ނޭނގޭނެއެވެ. އަހަރެންނަކީ އާދައިގެ އާއިލާއަކަށް އުފަން އަންހެން ކުއްޖަކީމެވެ. މީގެން ބައެއ ވާހަކަތަކަކީ އަހަރެންގެ އާއިލާއަށްވެސް ސިއްރު ކުރެވިފައިވާ ވާހަކަ ތަކެވެ. އަހަރެން ނަކީ އެއްވެސް ވިސްނުމެއް ފިކުރެއް ނެތި އުދުހެމުން ދާ ކޮކާލެއްފަދަ ކުއްޖަކީމެވެ. އޭރު އުމުރުން ވާނީ 11 ނުވަތަ 12 އަހަރެވެ. އަހަރެން ފުރަތަމަ ކުއްޖަކާ ރައްޓެހި ވީ މި އުމުރުގައެވެ. މިގުޅުމަކީ ފާޑެއްގެ މަޖުބޫރެއްގެ މަތިން ގުޅެވުން ގުޅުމެއްގެ ގޮތުގައި އަހަރެން ދެކުނީމެވެ. ސަބަބަކީ އެދުވަހު ކަންވެގެން ދިޔަ ގޮތެވެ. އަހަރެން އޭރުގެ އެންމެ ގާތް އެކުވެރިޔަކީ ގޭ ކައިރި ކުއްޖެކެވެ. އޭނާގެ ނަމަކަށް އަހަރެން ލިޔާނީ އަމާނީއެވެ. އަމާނީއާއި އަހަރެންނަކީ އެކުވެރިންނަށް ވުމުގައި އަހަރެންގެ އުމުރާއި އަމާނީގެ އުމުރު އެއްވަރުވުން ވިއެވެ. އަދި ދެމީހުން އެއް ގުރޭޑްއެއްގައި ތައުލީމު ހާސިލް ކުރުން ވިއެވެ. ދުވަސް ވަރަކީ ބޮޑު ބަންދުގެ ދުވަސް ވަރެވެ.
މާލޭގައި ދިރިއުޅެމުންދާ މީހުން ޗުއްޓީހޭދަ ކުރުމައް އަންނަމުން ދިޔައެވެ.. އަހަރުމެން އާއްމުކޮށް ހުސްވަގުތު ހޭދަ ކުރަމުން ދިޔައީ ގެއާއި ޖެހިގެން ހުރި ގެއެއްގައެވެ. އެގޭ ދައްތައަކީ ވަރައް ރަނގަޅު ދައްތައެކެވެ. ދައްތަގެ އަހަރުމެން އުމުރުގެ ފިރިހެން ކުއްޖެއް ހުރެއެވެ. ދައްތަގެ ފިރިމީހާ މަސައްކަތް ކުރަނީ މިރަށުގައި ދުއްވާ މާލެ ދޯނީގައެވެ. އެއްދުވަހަކު މި ބުނާ ފިރިހެން ކުއްޖާ (ލުމާން) އެގެއަށް އައެވެ. ލުމާންއަކީ ދައްތަގެ ފިރިމީހާގެ އާއިލާ މީހެއްގެ ދަރިއެކެވެ.