އައިރާ 1

އަރައިގެން އައި އިރާއެކު މީހުންގެ ކަންފަތުގައި ޖެހުނީ އަލްވިން މަރާލައިގެން އުޅޭ ހަބަރުގެ ވާހަކައެވެ..ރަށުގެ ކުދިބޮޑު އެންމެން ތިބީ ބިރުވެރިކަމެއްގައެވެ. މިހެންނުވާންވީ ސަބަބެއް ނެތެވެ. މީގެ ދުވަސްކޮޅެއް ކުރިން ރަށުގެ އެންމެން ޤަދަރުކުރާ ރަށު އޮފީހުގައި މަސައްކަތް ކުރާ ބޭފުޅެއްވަނީ ވަރަށް އިހާނެތިކޮށް މަރާލެވިފައެވެ.އަދި ހަމަ އެހެންމެ އަލްވިން   ވެސް ވަނީ ވަރަށް އިހާނެތިކޮށް މަރާލެވިފައެވެ. އަލްވިން އޮތްގޮތް ފެނުނު ކޮންމެ މީހަކުވެސް ބިރުންތުރުތުރު އަޅައެވެ.       އައިރާގެ ހިތުގައި ޖެހިފާވަރު ހުދު އައިރާއަށްވެސަ ނޭނގެއެވެ. އަލްވިންގެ މަރާއެކު އައިރާ ގެ  އުޅުން ބަދަލުވިއެވެ. އައިރާއަކީ މީހުންގެ ލޯބި ލިބޭ ރަށު ކުދިބޮޑު އެންމެންވެސް އިޙްތިރާމް ކުރާ ކުއްޖެކެވެ. އުމުރުން އަދި 21 އަހަރުގެ އައިރާ ، އަލްވިން ދެކެ އިންތިހާއަށް ލޯބިވެއެވެ. ނަމަވެސް ، އީތަން އަކީ ފެންނަ ކޮންމެ މަލެއް ފަހަތުން ދުވާ މީހަކަށްވާތީ އައިރާ ގެ އިހްސާސްތައް ފޮރުވާލެވިފައިވަނީ އައިރާގެ ހިތުގައެވެ. އައިރާއަކީ ކިޔަވާގެން ހުރި މޮޅު ޤާނުނީ ވަކީލެކެވެ.

އިރުއޮއްސިގެން ދިޔަ ވަގުތަކީ ރަށުގެ ތުނޑީކޮޅަށް އައިރާ ފައިބާގެންއައި ވަގުތެވެ. އެ ރީތި އިސްތަށިގަނޑުވަނީ ދޫކޮށްލެވިފައެވެ. ތުންފަތުގައި މަޑު ރަތް ކުލައެއް ޖައްސާލެވިފާވެއެވެ. ލައިގެން ހުރި ނޫ ކުލައިގެ ޖީންސް އަކާއި ހުދު ކުލާއިގެ ސްވެޓާރ އެކެވެ. ފެންނަ ފެނުމަށް އައިރާ އަކީ ވ ސާދާކޮށް ހުންނަ ކުއްޖެކެވެ. އައިރާ ގޮސް ޖައްސާލީ އަތިރިމަތީގައި އިން ގޮނޑިއެއްގައެވެ.    ކުއްލިއަކަށް އައިރާ ސިހުނީ ފޯނު ރިންގްވާ އަޑަށެވެ.  އެ ގުޅަނީ މަންމަ ކަން އިނގުުމުން އައިރާ ހިނގައިގަތީ ގެއާ ދިމާއަށެވެ. އޭރު ގަޑިން 6:30 ވެއްޖެއެވެ. މަގުތައް ކުޑަކޮށް އަނދިރިކަމަށް ދައްކަނީ ވިއްސާރައިގެ އަސަރު ހުރުމުންނެވެ. އައްޑޫގައި އައިރާ އުޅޭތާ މިހާރު 5 އަހަރު ވަނީއެވެ. އިރުއޮއްސޭ ވަގުތު ބަލާލަން ދިއުމަކީ އައިރާ އަބަދުވެސް ކުރާ ކަމެކެވެ. ކުއްލިއަކަށް އައިރާ ސިހުނީ ކުރިމަތިން ބުޅަލެއް ހުރަސް ކޮށްލުމުންނެވެ. ބުޅާގެ ދެލޯ ވަނީ ރަތް ކުލައިން ދިއްލިފައެވެ. އައިރާ ބަލާކަށް ނުހުރެ ދުއްވާއިގަތީއެވެ. ކުއްލިއަކަށް ގޮސް އެއްޗެގައި ޖެހިފައި އައިރާ ބިންމައްޗަށް ވެއްޓުނީއެވެ…..

ނުނިމޭ ……………