ތިޔަ ލޯބިން ލިބުނު ހަދިޔާ

ގަޑިއަކީ ދަންވަރު 12:30 ވިއިރެވެ. އަޒްކާ ހޭލެވުނީ އޭނަގެ ގޭގެ ކައިރީގައި ހުރި ޖަންގައްޔަކުން ކުޑަކުޑަ ކުއްޖެއް ގޮވައިލި އަޑަށެވެ. އަޒްކާގެ ހިތައް އެގަޑީގައި ބިރުވެރިކަމެއް އައެވެ. އަޒްކާ އަވަސް އަވަސްއަވަހައް ދުވެފައި ގޮސް އޭނަގެ ކުޑަ އަންހެން ދަރިފުޅު ސާރާގެ ކޮޓަރިއަދިޔައެވެ، ދިޔައިރު ކަމަކުދާކަށް ނެތެވެ. ކޮޓަރިތެރެ ހުރީ އެހެން މިހެންނެވެ. ކޮޓަރިތެރެބަލައިލިއިރު ސާރާ ފެންނާކަށް ނެތެވެ. އެވަގުތު އަޒްކާ ހުރީ ބިރުން ފިނިވެފައެވެ. އަޒްކާ އަޒްކާގެ ދަރިފުޅު ހޯދަމުން ދަނިކޮއް ބޭރުގައިހުރި ބަންކެޔޮ ގަހެއްގެ ދަޝުގައި ހުރި އައްޓެއްގައި ކުޑި އަންހެން ކުއްޖެއް އިންތަން ފެނުނެވެ. އަޒްކާ ބިރުންހުރެ ބޭރައް ނުކުތެވެ. އަދި މަޑު މަޑުން އެކުއްޖާގެ އަތުގައި ހިފާގަތެވެ. އެވަގުތު ކުއްލިއަކަށް ޖެހުނު ވިދަކާއި އެކު އަޒްކާއަށް އެކުއްޖާގެ އަތުން ވީއްލުނެވެ އަދި އެކުއްޖާ ގެއްލުނެވެ. އަޒްކާ އެއީ އޭނައް ހީވި ހީވުމެއް ކަމަށް ހީކޮށް ބިރުން ހުރެ ސާރާ އަށް ގޮވަމުން ގެއާ ދިމާލަށް ދުއްވާގަތެވެ. އަދި ގޮސް އަވަހަށް ސާރާގެ ކޮޓަރި ބަލާލިއެވެ. ބަލާލި އިރު ކަމަކުދާކަށް ނެތެވެ، ސާރާ އޮތީނިދާފަ އެވެ. އަދި ކޮޓަރިތެރެ ހުރީވެސް ރީތި ކޮށެވެ. އަޒްކާ ސާރާގެ ކޮޓރިއަށް ވަނުމާއެކު ސާރާއަށް ހޭލެވުނެވެ. އަދި ސާރާ އަހާލިއެވެ. “މަންމާ ކިހިނެށްވީ؟؟. ކީއްވެ ރޮވިފަތިހިރީ؟؟..” އަޒްކާ ބުންޏެވެ. “ކަމެއްނުވޭ، އަދި މަންމަ އެއް ނޮރޮން. މަންމަގެ ލޮލުން ކަރުނަ އައީހަމަ..” މިހެން ބުނެފަ އަޒްކާ ކޮޓަރިއައް ގޮސް އެންދުމަތީގަ ނިދަން އޮށޯވެގަތެވެ. އެކަމަކު އަޒްކާއަށް ބިރުން ހުރިވަރުން ނުނިދުނެވެ. އަޒްކާ ހުރީ މިރޭ އަޒްކާ އައް ފެނުނު މަންޒަރުތަކެއްގެ ސަބަބުން ނިދަން ނުކެރިފައެވެ. މިހެން ވިސްނަ ވިސްނަ އޮއްވާ އަޒްކާ އަށް ނިދުނު އިރު ގަޑިން 3:30 ވުރެ ބޮޑުވެއްޖެއެވެ. ރިންގް ރިންގް. އަޒްކާ އަށް ހޭލެވުނީ ފޯނުގެ އެލާމްގެ އަޑަށެވެ. އޭރު ގަޑިން 4:45 ވެއްޖެއެވެ. އަޒްކާ އަވަސް އަވަހަށް ތެދުވެގެން ސާރާ އަށް ނަމާދުކުރަން ގޮވިއެވެ. އަދި ސާރާ ތެދުވުމުން އަޒްކާ ނަމާދުކުރަން ދިޔައެވެ. އަޒްކާ އާއި ސާރާ ދެ މީހުން ނަމާދު ކޮށް ނިމިގެން ޤުރުއާން ކިޔަވަން އިނެވެ. އަދި 5:30 ނިންމާލާފަ ސާރާ ދިޔައީ ސުކޫލަށް ދާން ތައްޔާރުވަން އަދި އަޒްކާ ދިޔައީ  ބަދިގެއާދިމާލައް ހެނދުނުގެ ނާސްތާ ތައްޔާރު ކުރާށެވެ. ސާރާ ތައްޔާރުވެގެން ހެނދުނު ނާސްތާ ކޮއްގެން ސުކޫލަށް ދިޔައެވެ. އަޒްކާ ގޭގެ ހުރިހާކަމެއް ކޮށް ނިންމާލާފަ ބޭރުގަ ހުރި ބަންކެޔޮ ގަހުގެ ދަށުގައި ހުރި އަށީގަ އޮށޯވެގެން އޮތެވެ. އަދި ކުއްލިއަކަށް ރޭގަ ވި ކަންކަން ހަނދާންވިއެވެ. އަޒްކާ އެއީ ތިމަންނައަށް ފެނުނު ހުވަފެނެއްކަމަށް ހީކޮށް އެކަމާ މެދު މާ ބޮޑަށް ނުވިސްނައެވެ. ސާރާ އަށް ސުކޫލުން އީދެވުނު އިރު ގަޑިން 12:00 ވެއްޖެއެވެ. ސާރާ ސުކޫލުން އައިސް ޔުނިފޯމް ބަދަލު ކޮށްގެން ފިލާވަޅު ހަދާނިންމާފަ އޭނަގެ ރައްޓެހިންނާއެކު ހަވީރު ބުރެއްޖަހާލަން ދިޔައެވެ. އަދި އަޒްކާ ހުރީ ގޭގަ އެކަނި ކަމުން އޭނަ އޭނަގެ ދައްތަ އެއްގެ ގެއަށް ދިޔައެވެ. އަދި އެތާގައި ވާހަކާގައި ހުރެވުނެވެ. ގެއަށް ދާން ގަޑި ބެލި އިރު ގަޑިން 6:17 ވެއްޖެއެވެ. ބިރުން ހުރި ކަމުގައި ވިޔަސް ގެއަށް ދާން ނުކުތެވެ. އަޒްކާގެ ގެއަށް ދެވެން ދެ ގޮތެށް އޮތެވެ. ދިގުމަގަކާ ކުރު މަގެއް، ދިގުމަގުން ގޮއްސިއްޔާމު އިޝާނަމާދަ އަށް ބަންގި ދިނުމުގެ ކުރިން ގެއަށް ނުދެވޭނެ އެވެ. އަދި ކުރުމަގުން ދާން ވެއްޖިއްޔާމު 15 ވަރަކަށް މިނުޓް ތެރޭ ދެވިދާނެއެވެ އެކަމަކު އެއީ ބޮޑު ޖަންގައްޔެއް ހުރަސް ކޮއްފައެވެ. އަޒްކާ ބޭނުންވީ އަވަހަށް ގެއަށް ދާށެވެ. އެހެން ވެގެން ކުރުމަގުން ދިޔައެވެ. ބިރުން ފިއްކެނޑިފަހުރި އަޒްކާއަށް ދެވުނީ ތަންތަން ހޯދަމުންނެވެ. މިހެން ދަނިކޮށް ފަހަތުން ކުއްޖަކު ހީލި އަޑަށް އަޒްކާ އަށް ފަހަށް ބަލާލެވުނެވެ. ފަހަތް ބެލިއިރު އެއްވެސް މީހެއްގެ ކީއްކުރަން އެއްވެސް އެއްޗެއްގެ ވެސް ހިލުމެއް ނެތެވެ. ގެއަށް ދާންވެގެން ކުރިމައްޗަށް ބެލިއިރު ފެނުނު މަންޒަރަކުން އަޒްކާ ދިޔައީ ތުރު ތުރު އާޅާ ވަރު ވެފައެވެ. އަޒްކާ ހުރީ އެބޮޑު ޖަންގަލީގެ އެންމެ އެތެރޭގަ ހުރި ބިޔަ ގަހެއްގެ ދަށުގައެވެ. ދާނެ ކޮޅެއް ނޭނގެ އެވެ. އަޒްކާ އަށް ބިރުން ރޮވުނެވެ. ކުއްލިއަކަށް އެ ބިޔަ ގަސް ހެލެން ފެށުނެވެ. އަދި ކުޑަ ކުއްޖެއްގެ ރުއިމުގެ އަޑު އިވެން ފެށިއެވެ.

*އަދިނުނިމޭ…*