މާހާ – ޓްރެއިލާރ

” ޕައްއްއްއް ” ކުއްލިއަކަށް އެއްޗެއް ފަޅައިގެންދާފަދަ ބާރުއަޑެއް ކަންފަތްދޮށުގައި އިވުމުން، ސިހިފައި މާހާއަށް ބަލާލެވުނެވެ. އޭރު، އޭނާއާއި ޖެހިގެން ހުރި ގޮނޑީގައި އިން ޝިމާޒް އިނީ އަނގަޔަށް ވަރަށް ހެއްވާ ވައްތަރެއް ޖައްސައިގެން، މަލެއްދޭ ފަދައިން ޕިނެއް ދިއްކޮށްގެންނެވެ. ފަޅައިގެން ގޮސްފައިއޮތް މާހާ ގެންގުޅުނު ރަތް ފުއްޕާހަމުގެ އެތިކޮޅުތައްވެސް ބިންމަތީގެ އެކި ދިމަދިމާއަށް އެޅިފައިއޮތެވެ. ޝިމާޒް އިންގޮތް ފެނުމުން މާހާއަށް ބިނދެބިނދެފައި ވަރަށް ބާރަށް ހޭންފެއްޓުނެވެ. މާހާ ކިތަންމެ ވަރަކަށް އަދި ކިތަންމެ ގިނައިރަކު ހޭންއިނަސް ޝިމާޒްއަށް ވަރިހަމައެވެ. ޝިމާޒް އިނީ ހަމަ އޭނާގެ ގޮތުގައެވެ. އެހެންކަމުން، މާހާއަށްވެސް ހޭންފެއްޓިގޮތަށް އެތައްއިރެއްވަންދެން ހުއްޓުމެއްނެތި ހެވުނެވެ.

……………………………….

އެހެންނަމަވެސް، މާހާއަކީ އެފަދަ ކުއްޖެއް ނޫނެވެ. އޭނާ ކިތަންމެ މޮޅަސް، ބޮޑާވެރިކަމުގެ އެއްވެސް ސިފައެއް ނުހުރެއެވެ. އޭނާ، އެކުދިންވެސް ގެންގުޅެނީ ވަރަށް ގާތްކޮށްގެންނެވެ. ޝިމާޒަކީވެސް އެފަދަ ކުއްޖެކެވެ. މާހާގެ ކިލާހު އެކުވެރިއެކެވެ. މާހާ، އެކުދިންނާއި ވާހަކަދައްކައި ހީސަމާސާވެސް އެވަރަށް ކުރެއެވެ. އަދި ފިލާވަޅުވެސް ބުނެދެއެވެ. އެރީތި ސިފަ މާހާގެ ކިބައިގައި ހުރުމުގެ ސަބަބުން އެކުދިންގެ ހިތްތަކުގައިވެސް އެއްވެސް ބުރަކަމެއް މާހާއާއިމެދު ނުވެއެވެ. މާހާގެ އެކުވެރި މޮޅު އެހެން ކުދިން، އެކުދިންނާ މެދު ކަންތައްކުރާގޮތުން އޭނާގެ ހިތްވެސް ނުރުހެއެވެ. ބައެއްފަހަރު ފޫހިވެސްވެއެވެ. އެކުދިންގެ ކޮންކުށެއް އޮވެގެން ބާއޭ އޭނާގެ ހިތަށްވެސް އަރައެވެ.

……………………………….

ކިލާހުން ނިކުމެގެން ހިނގާފައި ޝާންއާއެކު އައި ޒާހިލް ފެނިފައި، އަވަސްއަވަހަށް މާހާ އޭނާގެ މޫނު އަނެއްފަރާތަށް އަނބުރާލީ އެދިމާއަށް ނުބަލަންވެގެންނެވެ.

އެއީ އޭނާއަށް ހީވިގޮތް ހެއްޔެވެ؟ ނޫނެކެެވެ. ޝާންއާއެކު ދިޔަ ޒާހިލް އެދިޔައީ ހަމަ ރަނގަޅަށްވެސް އޭނާގެ ގައިގައި ޖެހިގަނެފައެވެ.

( މި ޚިޔާލީ ވާހަކައިގައި މަޖާ، ލޯބި، ހިތާމަ ކެޓެގަރީ އެކުލެވިގެންވިފައިވާނެ. އިންތިޒާރުކޮށްލައްވާ.)