ލޯތްބައްޓަކާ ހިތްއެދި ރުޔަސް

ހާދަ ހޫނު ގަދައޭ،ހިގާ އަވަހަށް ގެެއަށް ދާން.ޝަޒީ ކޮޑުގަ އޮތް ދަބަސް ރަގަޅު ކޮއްލަމުން ބުނެލިއެވެ.ޝަޒީމެން ގުރޫޕް މަޑުކޮއްލައިގެން ތިބީ ސުކޫލް ގޭޓު ކައިރީގައެވެ.ވާހަކަ ދެކެވެމުން ދަނީ ގުރޫޕްް ސްޓަޑީ ހަދަން ދާނެ ގަޑިއަކާ މެދުއެވެ.
“ދޭއް ޖަހާއިރު އެންމެން އާދޭ ޝަޒީ މެން ގެއަށް.ދޯ ޝަޒީ”ޢަސްމާ ބުނެލިއެވެ.ެއެންމެ ރަގަޅޭ ބުނެ ޝަޒީ ހިގައިގަތީ އަވަހަށް ގެއަށް ދިއުމަށެވެ.ހޫނު ގަދަކަމުންނާ ވެފައިވާ ވަރުބަލިން އަވަހަށް ގެއަށް ގޮސް ފެންވަރާލުމުގެ ބޭނުމުގައެވެއޭރު އަސްމާ ވެސް ފަހަތުން އައިސް ޝަަޒީއާ އަރާހަމަކޮއްލަމުން، ހާދަ ބާރަކަށޭ ތިހިގަނީ ބުނެލިއެވެ.ޝަޒީ ވެސް ޖަވާބުގައި ހިނިތުން ވެލިއެވެ.
“ހޭއި ރެޕަންޒްލް “އެއަޑު އައި ދިމާލަށް ޝަޒީ އާއި އަސްމާ އަށް ބަލައި ލެވުނީ އެއްފަހަރާއެވެ.އޭރު މަގުގެ އަނެއްފަރާތުގައި ފިރިހެން ކުއްޖަކު ކުޑަކޮއް ހެވިލާފަ ހުއްޓެވެ. ޝަޒީ މެން ބަލާލުމުން ކުޑަކޮއް އަތް ހޫރާލިއެވެ.އެވަގުތު ދެމީހުންނަށް ވެސް އެކަކު އަނެކެއްގެ މޫނަށް ބަލާލީ ކާކުހޭ އަހާލާ ފަދަ ގޮތަކަށެވެ.ޝަޒީ ދެކޮޑު އަރުވާލަަމުން ބޯހޫރާލީ ވަކި މީހަކު ނޭގޭތީއެވެ.އެއީ މިހާތަނަށް ޝަޒީ އަށް އެރަށުން ފެނިފަނުވާ ޒުވާނެކެވެ.އަދި އޭނަ އެގޮވާލި ނަމަކީ ޝަޒީއަށް އަދި އަސްމާ އަށް ވެސް ނިކު ނަމަކަށް ވެސްކިޔާ އުޅޭ ނަމެއް ނޫން ކަމުން ދެމީހުން ވެސް ހިގައިގަތީ އަނެއްކާވެސް އައި ކޮޅަށެވެ.ނަމަވެސް ދެވަނަ ފަހަރަށް ވެސް މަޑުކޮއްލަން ޖެހުނީ ހަމަ އެނަމުން އޭނަ ގޮވާލުމުންނެވެ.އެބުރި ބަލާލި އިރުަ ދިގު ފިޔަވަޅުތަކެއްގަ އައިސް އޭނަ ޝަޒީމެން ކައިރިއަށް މަޑުކޮއްލަނީއެވެ.
“މިރަށު ކޮންތާކު ސައިބަކެފޭ އެއް ހުންނަނީ” ލައިގެން ހުރި ޖިންސްގެ ޖީބަށް އަތްޖަހާލަމުން އޭނަ ސުވާލު ކޮއްލިއެވެ.އަނެއްކާ ވެސް ޝަޒީއަށް ބަލާލެވުނީ ކައިރީގަ ހުރި އަސްމާއަށެވެ.އަދި ކުރިމަތީ ހުރި ކެފޭއަށް އަތުން އިޝާރާތް ކޮއްލަމުން އެހެރީ އޭ ބުނެލިއެވެ. ޝަޒީ އިޝާރާތް ކުރިދިމާއަށް ބަލާލަމުން އޭނާ ހިނިތުން ވެލިއެވެ.
“އެތާ ކުރިމަތީ ހުރެފަ އައި އިރުވެސް ބަލާނުލެވުނީމަ ނުފެނުނީ، އެންޑް ތޭންކުސް” ބޮލުގެ އިސްތަށިގަޑުގާ އަތް ފުނާ އަޅާލަމުން އެޒުވާނާ ބުނެލިއެވެ.ޝަޒީ ވެސް ހިނިތުން ވެލިއެވެ.
“ތީމިރަށު މީހެއްތަ؟ މިރަށަކުން ނުދެކެން އެހެންވެ އަހާލީ.” ކުއްލިއަކަށް އަސްމާ ވާހަކަ ދައްކަން ފެށުމުން ޝަޒީ އަސްމާގެ މޫނަށް ބަލާލިއެވެ.”ނޫން، މިރަށެއް ނުން.ފުވައްމުލައް. މީ ޝިފާން ތި ދެކުދިންނަށް ކިޔަނީ ކޮންނަމެއް؟ ” ޝަޒީއާއި ދިމާލަށް އަތް ދިއްކޮއްލަމުން ސުވާލު ކޮއްލިއެވެ.ޝަޒީއަށް އެއަތަށް ބަލާލިއެވެ.އަދި އަނެއް ފަހަރު ޝިފާންގެ މޫނަށް ބަލާލިއެވެ.ދިގު އިސްކޮޅެކެވެ.ބައިމަތި ފުޅާ ހަށިގަޑެކެވެ.ހަމުގެ ކުލަ އެހާ އަލިނޫނަސް ކަޅެއްނޫނެވެ.ފަންއިސްތަށި ގަޑުކަހާލާފަވާ ގޮތުން ނިތްކުރި މައްޗަށް އެއްބައި ވެއްޓިފައި އޮތެވެ. ކަޅުކަން ގަދަކަޅިއެކެވެ.އެދެލޮލުގާ ވަރުގަދަ ވިދުމެއް ވާކަން ހަމަގައިމެވެ.އަންހެން ކުދިންގެ ހިތްކަތިލާފަދަ ފިރިހެން ވަންތަ ކަމެކެވެ.”މީ އަސްމާ އެން މީ ޝަޒީ.”އަސްމާ ޝިފާނުގެ އަތުގާ ހިފާ ސަލާމް ކޮއްލިއެވެ.
“ސަލާމް ވެސް ނުކުރާނަންތަ؟”ޝަޒީ ބަލަހައްޓައިގެން ހުރުމުން ޝިފާން ސުވާލު ކޮއްލީ ސީދާ ޝަޒީގެ ލޮލަށް ބަލަން ހުރެއެވެ.ބުރައުން ކުލައިގެ އެބޮޑު ދެލޮލުގެ ފުންމިން އެގިގަންނަން އުޅޭފަދައެވެ.ޝިފާންގެ އަތުގާ ހިފާ ސަލާމް ކޮއްލުމަށްފަހު ދަނީ ކަމުގައިބުނެ ހިގައިގަތެވެ.ފަހަތުން އަސްމާވެސް ހިގައިގަތެވެ.ޝިފާންވެސް ޝަޒީމެންނަށް ބަލާލުމަށްފހު ކެފޭއާއި ދިމާލަށް މިސްރާބު ޖެހިއެވެ.
އަސްމާގެއަށް ވަނުމުން ޝަޒީވެސް އަވަހަށް ގެއަށް ދިއުމަށް ހިގައިގަތެވެ.ގެއަށް ގޮސް ވަންވަގުތު ފެނުނު މަންޒަރުން ދެލޯބޮޑުކޮއްލެވުނެވެ.ކުރިއަށް އަޅަން ނެގިފިޔަވަޅު ވެސް ފަހަތަށް އަޅާލެވުނެވެ.
ނުނިމޭ