ސާދަ ފެބުރުއަރީ

މީ މި ސައިޓަށް އަޅުގަނޑު ލިޔާ ފުރަތަމަ ވާހަކަ އެވެ. އަދި އަޅުގަނޑު ލިޔުނު ފުރަތަމަ ވާހަކަ ވެސް މެއެވެ. ފާޑު ކިޔުމަކީ އަޅުގަނޑު ގެ ކުރި އެރުމެވެ. އެހެން ކަމުން ބިނާ ކުރަނިވި ފާޑު ކިޔުން ތައް އުފަލާއި އެކު އަޅުގަނޑު ބަލައި ގަންނާ ނަމެވެ. ޝުކުރިއްޔާ.

ގަޑިން ބާރަ ޖަހަން ދެން އިނީ އެންމެ ފަސް މިނެޓެވެ. އުނޫޝާގެ އަސަރު ގަދަ އަޑުން ކިޔައި ފައިވާ މީ ލޯބި ވެރިންގެ ރެޔޭ، މީ އިޝްޤު ގެ މަންޒިލެކޭ، އާދޭ އުފާ ހޯދަން، މި ޒުވާން ކަން މާދަމާ ނެތިދާނޭ ޔާރުނޭ…. ލަވަ އިން ސީކުރެޓް ރެސިޕީ ތެރެ ވަނީ އެއް އަޑަކަށް ގުގު މާލައި ފައެވެ.

ހީވަނީ ހަމަ އެރެޔަށް ޓަކައި ސީކުރެޓު ރެސިޕީ ރެސްޓޯރެންޓު ވެސް ތަތްޔާރު ކޮށްފާ ވާ ހެންނެވެ. ފަނޑު އަލި ކަމެއް  ތަނަށް ވެރި ވެފައި ވާ އިރު ކަޕުލްސް ކަޕުލްސް އަށް ތިބެވޭ ގޮތަށް މޭޒު ތައް ވަނީ އަތުރާ ލެވިފަ އެވެ.

އަހަރެންނާ އަޒަލް ވެސް ތިބީ ސީކުރެޓު ރެސިޕީ ތެރޭގައި ވަކިން ބައިން ދާފައި ހުރި މޭޒެއް ކައިރީ ގައެވެ. އޭރު  ދެތިން މޭޒެއް ކައިރީ އިތުރު ކަޕުލްސް ތަކެއް ވެސް ތިއްބެވެ.

މީ އަހަރެން އަޒަލް އާ މި ފަދަ ގޮތަކަށް ބައްދަލު ވި ފުރަތަމަ ފަހަރެވެ. ރައްޓެހި ވެގެން މި ވީ މަހެއް ހާ ތެރޭގައި އަދި ދިމާވެފަ އެއް ނެތެވެ. އެކަމަކު ގުޅާ ކޮންމެ ފަހަރަކު ވެސް ބައްދަލު ވާން އަޒަލް އެދެއެވެ.

ނަމަވެސް ކޮންމެ ފަހަރަކު ވެސް ފަހުން ފަހުންނޭ ކިޔާ އަހަރެން ހަމަޖައްސައި ލަނީއެވެ. ގޯސް މީހަކަށް އަޒަލް ވެދާނެތީ ހަމަ ފަސް ޖެހެވެނީ އެވެ.

އެހެނަސް މިރޭ އަހަރެން އަޒަލް އާ ބައްދަލު ވުމަށް ހިތް އެނދުނީ ކީއްވެ ކަމެއް ވެސް ޚުދު އަހަރެން ނަކަށް ވެސް ނޭން ގެއެވެ. އެހެނަސް އަހަރެންނަށް އެނގޭ ހާ ވެސް ކަމަކީ އަހަރެން އަޒަލް ދެކެ ލޯބިވާ ކަމެވެ. ނޭންގޭ ކަމަކީ އަހަރެންނާ ދޭތެރޭ އަޒަލް ގެ ހިތުގައި އޮތް އެއްޗެކެވެ.

ލަދު ރަކި ގޮތަކަށް އިސްޖަހައި ލައިގެން އަހަރެން އިން އިރު އަހަރެންގެ އެއް އަތް އޮތީ އަޒަލް ގެ އަތު ތެރޭގަ އެވެ. އަހަރެންނާ އަޒަލް ގެ މެދު ގައި އިތުރު ވާހަކަ އެއް އެވަގުތު ނުދެކެވުނަސް ދެމީހުން ވެސް އައީ ހަރަކާތުން ބޭނުންވާ މެސެޖު ފޯރު ކުރަމުން ނެއެވެ. ހަމަ އެހެންމެ ބާރަ ޖަހަން ކައިރި ވަމުންދާ ވަރަކަށް އަހަރެންގެ ހިތް ވެސް އައީ އަވަސް ވަމުންނެވެ.

ބާރަ ޖެހިކަން އަޒަލް ގެ އަތުގައި އަޅާފަ އޮތް ގަޑިން އިޢުލާން ކުރުމާ އެކު އަޒަލް ގޮނޑިން ތެދުވެ ހެޕީ ވެލެންޓި އެންސް ޑޭ ބުނެ ޖީބުން ނަގާ ދިއް ކޮށްލީ ގަދަ ރަތް ކުލައިގެ ރީތި ފިނިފެން މަލެކެވެ.

އެވަގުތު އަހަރެންނަށް އުފަލުން ގޮސް ދެ އަތް އަނގަ މަތީ ގައި އެޅުނެވެ. އަޒަލް ވެސް އަހަރެން ދެކެ ލޯބި ވާކަން އެނގު މުންނެވެ.

އަހަރެން ހީކުރި ފަދަ ގޯސް މީހަކަށް އަޒަލް ނުވީތި އަހަރެން އުފާވިއެވެ. އަދި ތެންކިޔޫ އޭ ކިޔައި އަހަރެން އަޒަލް ގައިގަ ބައްދައި ލީމެވެ.

*** *** ***

ކެއުމަށް އިންސާފު ކުރުމަށް ފަހު ސީކުރެޓު ރެސިޕީ ތެރެއިން ނުކުމެ ދެމީހުން މަޑު މަޑު ހިނގުމެއްގައި އެކި އެކި ވާހަކައިގަ ތިބެގެން ހިނގާފައި ދިޔަ އީ މަޖީދީ މަގު ހުރި ގޮތަށް ރަސް ފަންނު ބީޗާ ދިމާ އަށެވެ.

ނަމަވެސް ކަންތައް ވެގެން ދިޔައީ ވަރަށް ވެސް ދެރަ ގޮތަކަށެވެ. ވާހަކަ ދައްކަމުން އަހަރެންނާ ދިމާލަށް ބަލަން ހުރެ ޗާނދަނީ މަގު ހުރަސް ކުރަން ކަފި ހުރަސް މަތީ އެޅި ފިޔަވަޅާއި އެކު އެ މަގުން ބާރު ސުޕީޑެއް ގައި އައި ސައިކަލެއް ގައި ޖެހި އަޒަލް ދިޔައީ ވިއްސައި ގެން މާ ދުރަށެއެވެ.

އެވަގުތު އަހަރެންނަށް ވީ ގޮތް ވެސް ނޭންގުނެވެ. އަޒަލް އޭ ކިޔާ ހަޅޭއް ލަވައި ގަނެވުނެވެ. ނަމަވެސް ސައިކަލް މަޑު ވެސް ކޮށް ނުލައި ދިޔަ ގޮތައް ދިޔަ އީ އެވެ.

އަހަރެން ބާރު ބާރަށް ދުވެފައި ގޮސް އަޒަލް ނަގާ އަހަރެންގެ އުނގު މަތީ ބާއްވާ ލުމަށް ފަހު ރޮމުން އަޒަލް އަށް ގޮވަން ފެށީމެވެ. އޭރު އަޒަލް ގެ މޫނު މަތި ވަނީ ލެއިން ތަތް ތެޅި ފައެވެ. ދެ އަތުން ހަން މެށިފައި ވާ އިރު ލައިގެން ހުރި ޖިންސް ވަނީ ކަކުލު ހުޅާ ހަމަ އިން ވީ ދައިގެން ގޮއްސައެވެ.

އިރު ކޮޅެއް ނުވެ މީހުން ތައް ވެސް އެތަނަށް ޖަމާވާން ފެށިއެވެ. އެއްވި މީހުންގެ ތެރެއިން މީހަކު އެމްބިއުލެންސަށް ގުޅީ ވެސް ކަން ނޭންގެއެވެ.

އިރު ކޮޅެއްގެ ތެރޭގައި އެމްބިއުލެންސް އައުމުން ހޮސްޕިޓަލަށް ގެންދިޔުމަށް ޓަކައި އަޒަލް އެމްބިއުލެންސް އަށް އެރުވިއެވެ. އަހަރެން ވެސް އަޒަލް އާ އެކީ އެމްބިއުލެންސް އަށް އެރީމެވެ.

އެމްބިއުލެންސްގެ ތެރޭގައި އަހަރެން އިނީ ވެސް އަޒަލްގެ އަތުގައި ހިފައިގެން އަޒަލްގެ މެރި ފައިވާ ދެ ލޮލަށް ނަޒަރު ހުއްޓައި ލައިގެން ރޮވި ފައެވެ.

އެހެނަސް ވާން ހުރި ގޮތެއް ވާނެއެވެ. އެކަމަށް އަހަރެމެން ނަކަށް ބާރެއް ނުފޯރު ވޭނެއެވެ. އަހަރެން އެހެން ބަލަ ބަލާ އިންދާ އަޒަލްގެ އެންމެ ފަހުނޭވާ ހޮސްޕިޓަލަށް ގެންދެވުމުގެ ކުރިން އަހަރެންގެ ކުރިމަތީ ދޫކޮށް ލިއެވެ.

އެވަގުތު އަޒަލް ނެތް ދުނިޔެ އެއްގައި އަހަރެން ވެސް ހުންނާކަށް ބޭނުމެއް ނުވިއެވެ. އިރުކޮޅަކު އެހެން އިނދެފައި އެމްބިއުލެންސް ދުއްވަ ދުއްވާ ހުއްޓައި ކުއްލި އަކަށް ތެދުވެ އަހަރެން އެމްބިއުލެންސްގެ ދޮރު ހުޅުވައި ލުމަށްފަހު ބޭރަށް ހުއްމައި ލީމެވެ.

އެވަގުތު އަހަރެން ލައިގެން ހުރި ހެދުމުގެ ފަސް ބައި އަޒަލް ބާއްވައިފައި އޮތް އެނދުގައި އަޅައި ގަތުމުން އެނދު ގެ އެއް ބައި އެމްބިއުލެންސް ގެ ބޭރަށް ނުކުތެވެ. އަދި އެމްބިއުލެންސް ދުއްވައިފަ ދިޔަލެއް ބާރު ކަމުން އަޒަލް ވެސް އަހަރެންނާ އެކު މަގު މަށްޗައް ވެއްޓުނެވެ.

އަހަރެން ފުރޮޅެމުން ފުރޮޅެމުން ގޮސް ޖެހުނީ މަގު މަތީގަ ހުރި ހޮޅި ދަނޑި އެއްގައެވެ. އަޒަލް ގޮސް ޖެހުނީ އެތާ ޕާރކު ކޮށްފައި އޮތް ކާރެއްގެ ކުރީ ބިއްލޫރި ގަނޑު ގައެވެ. އަދި ހަށިގަނޑު އެއްބައި އޮތީ އެ ކާރުގެ ތެރެޔަށް ވަދެ ފައެވެ. އެ މަންޒަރު ފެނިފަ ވަގުތުން އަހަރެން ހޭނެތުނެވެ.

އަހަރެންނަށް ހޭވެރިކަން ވީ ހޮސްޕިޓަލް ގައި އޮންނަތާ ދެ ދުވަސް ފަހުންނެވެ. ހޭ އެރުމާ އެކު އަޒަލް ގެ މަތިން ހަނދާން ވުމުން އަހަރެންނަށް އަޒަލް އަށް ގޮވައި ލެވެނެވެ.

އެހެނަސް އޭރު ވަނީ ހުރިހާ ކަމެއް ވެ ނިމި ފައެވެ. އަހަރެންގެ އަލަތު ލޯބި ވެރިޔާ އަހަރެންނާ މުޅި އުމުރަށް ވަކި ވީއެވެ. އަހަރެންގެ ހިތް ކުދި ކުދި ކޮށްލައި ފައެވެ. އަދި އެއީ ވެސް ލޯބިވެރިންގެ ދުވަހުއެވެ.  އެއީ ސާދަ ފެބުރުއަރީ އެވެ.

ނިމުނީ