Skip to content
އެސްފިޔަ

އެ ޚިޔާލުގައި

Listen to this story Audio · 5:27 Powered by Esfiya Voice
0:00 5:27

ބާބު 1: ބައްދަލުވި އުފާވެރި

ހުޅުމާލޭގެ ހާބަރު ސަރަހައްދުން އިރުއޮއްސޭ މަންޒަރަކީ ހިތްތަކަށް ހަމަޖެހުން ގެނެސްދޭ، ކުލަގަދަ މަންޒަރެކެވެ. އުޑުމަތި ރަންކުލައިން ފުރި، ކަނޑުގެ ލޮނުގަނޑަށް އެ އަލި އެޅިފައިވާއިރު ހީވަނީ ކުރެހުމެއްހެންނެވެ. އައިޝް އިނީ ހާބަރުގައި ހުންނަ ލަކުޑި ޖެޓީގެ ކައިރީގައި، ފައި އެލުވާލައިގެން އިށީނދެއެވެ. އޭނާގެ ކަންފަތުގައި ޖަހާފައިވާ އާލަތުން އިވެމުންދިޔަ މަޑުމައިތިރި މިއުޒިކާއެކު، އޭނާ ބަލަމުންދިޔައީ ހުޅުލެއިން ފުރަމުންދިޔަ ބޯޓުތަކަށެވެ. އެ ބޯޓުތައް އުޑުމައްޗަށް އަރައިގެންދާއިރު، އައިޝްގެ ހިތުގައިވެސް ނޭނގޭ ފުން އިހުސާސްތަކެއް ދައުރުވަމުންދިޔައެވެ.
ކުއްލިއަކަށް އޭނާގެ ކައިރިން ކެމެރާއެއްގެ “ކްލިކް” އަޑު އިވުނެވެ. އައިޝް ސިއްސައިގެން ގޮސް ބަލާލިއިރު، އޭނާއާ މާ ދުރު ނޫން ހިސާބެއްގައި ޒުވާނަކު ހުއްޓެވެ. އޭނާ ހުރީ ވަރަށް ފަރުވާތެރިކަމާއެކު ކެމެރާގެ ފޯކަސް ރަނގަޅުކޮށް، ހުޅުލެއިން އަރައިގެންދިޔަ ފްލައިޓެއްގެ ފޮޓޯ ނެގުމަށެވެ. އެއީ ލޫތެވެ.
“މާފުކުރައްވާ، މިއީ ފޮޓޯ ނަގަން ވަރަށް ރީތި ސްޕޮޓެއް ދޯ؟” ލޫތު އޭނާގެ ކެމެރާ ތިރިކޮށްލަމުން އައިޝްއަށް ހިނިތުންވެލިއެވެ. “ޚާއްސަކޮށް މިތަނުން އިރުއޮއްސޭ ވަގުތު ފްލައިޓްތައް އަރައިގެންދާ މަންޒަރު ފެންނަލެއް ވަރަށް ފުރިހަމަ.”
އައިޝް އޭނާގެ ކަންފަތުން އާލަތް ނައްޓާލަމުން ހީލިއެވެ. “އާދެ، އަހަރެންވެސް މިތަނަށް އަންނަނީ އެ މަންޒަރު ބަލާލަން. ވަރަށް ހިތްހަމަޖެހޭ.”
ލޫތު އައިޝްއާ ކައިރީގައި ލަކުޑި ޖެޓީގެ މަތީގައި އިށީނދެލިއެވެ. “އަހަރެން މިއީ ލޫތު. އަބަދުވެސް މިކަހަލަ މަންޒަރުތައް ކެމެރާގައި ރައްކާކުރުމަކީ އަހަރެން ކުރާ ހިތްވާ ކަމެއް،” އޭނާ އަމިއްލައަށް ތައާރަފުވެލިއެވެ. އައިޝްވެސް އޭނާގެ ނަން ބުނެދިނެވެ. އިރުއޮއްސި، އުޑުމަތި އަނދިރިވަމުން ދިޔައިރުވެސް އެ ދެމީހުން ތިބީ އެކަކު އަނެކަކަށް ދިރިއުޅުމުގެ ވާހަކަތައް ކިޔައިދޭށެވެ.
ލޫތަކީ ފޮޓޯގްރަފީއަށް ލޯބިކުރާ، ޚިޔާލީ ދުނިޔެއެއްގައި އުޅޭ ޒުވާނެކެވެ. އައިޝްއަކީ ފޮތްކިޔުމަށާއި ކަޅުސަޔަށް މަރުދޭ، ހިތްތިރި ކުއްޖެކެވެ. އެކަކު އަނެކަކުގެ ވާހަކަތަކުން އެނގުނީ އެ ދެމީހުންގެ މެދުގައި ހީނުކުރާހާ ގިނަ އެއްގޮތް ކަންތައްތަކެއް ހުރި ކަމެވެ.
“އަހަރެން ދެން ދާންވީ،” ލޫތު ތެދުވަމުން ބުންޏެވެ. “އައިޝްގެ މީސްމީޑިއާ އައިޑީއެއް ލިބިދާނެތޯ؟ އަދި އިތުރަށް ވާހަކަދައްކާލަން ބޭނުން.”
އައިޝް އޭނާގެ އައިޑީ ކިޔައިދިނެވެ. އެއީ އެ ދެމީހުންގެ ހަޔާތް ބަދަލުކޮށްލި ފުރަތަމަ ސޮފުހާއެވެ.

ގެއަށް ދިޔަ މަގުމަތީގައި އައިޝްގެ ފޯނަށް މެސެޖެއް އައެވެ. ލޫތު އޭނާއަށް ފޮލޯކުރަން ފެށީއެވެ. އައިޝްގެ ހިތް އުފަލުން ތެޅިގަތެވެ. އެރޭގެ ފަހުން އެ ދެމީހުންގެ ދެމެދުގައި އޮތް ބީރައްޓެހިކަމުގެ ފާރު މުޅިން ނެތިގެން ދިޔައެވެ.
ފުރަތަމަ ދުވަހު ދެކެވުނީ އާދައިގެ ވާހަކަތަކެވެ. ނަމަވެސް ދެވަނަ ދުވަހު، ތިންވަނަ ދުވަހު، އެ މެސެޖުތައް ދިގުވާން ފެށިއެވެ. އައިޝް ހެނދުނު ހޭލައިގެން ބޯ ކޮފީ ތަށީގެ ފޮޓޯ ފޮނުވަން ފެށިއެވެ. ލޫތު އޭނާ ކުޅޭ ގިޓާގެ ރާގުތައް ރެކޯޑުކޮށްފައި ފޮނުވަން ފެށިއެވެ. އެމީހުންގެ ދުނިޔެ ހަނިވެ، ހަމައެކަނި ފޯނުގެ ސްކްރީނަށް ބަދަލުވިއެވެ.
ލޫތު: “އައިޝް، ކީއްވެތަ އަހަރެމެން ކުރިން ބައްދަލުނުވީ؟”
އައިޝް: “ފަހަރެއްގައި މިހާރު މި ބައްދަލުވީ އެންމެ ރަނގަޅު ވަގުތު ކަމަށް ވާތީ ކަންނޭނގެ.”
ނަމަވެސް އެއީ އެންމެ ރަނގަޅު ވަގުތު ހެއްޔެވެ؟ ލޫތު ކިޔަވަން އިނގިރޭސިވިލާތަށް ފުރަން އޮތީ އެންމެ ދެ ހަފުތާ ފަހުންނެވެ. އެކަން އެނގުމުން އައިޝްގެ ހިތަށް ތަދުވިއެވެ. އެހާ ގާތްވި ކުއްޖަކު އެހާ އަވަހަށް ދާން ޖެހުމަކީ ގަބޫލުކުރަން އުނދަގޫ ކަމަކަށް ވިއެވެ. އެކަމަކު އެމީހުން ނިންމީ އެ ދެ ހަފުތާގެ ކޮންމެ ސިކުންތެއްވެސް އެކުގައި ހޭދަކުރުމަށެވެ.

ސެޕްޓެމްބަރު ފަނަރަ، ރޭގަނޑު ދިހައެއް ޖެހި ވަގުތެވެ. އައިޝް އާއި ލޫތު ތިބީ އެކަހެރި ކަނެއްގައި ހުއްޓިގެންނެވެ. ލޫތުގެ އަތުގައި ބޮޑު ދެ ފޮށި އޮތެވެ. އޭނާގެ ހަށިގަނޑު ހުރީ ލަންޑަނަށް ދާން ތައްޔާރުވެފައެވެ. އެކަމަކު އޭނާގެ ހިތް އޮތީ އައިޝްގެ އަތްތިލަ ތެރޭގައެވެ.
ލޫތު އޭނާގެ ކޮނޑުގައި އޮތް ދަބަހުން ކުޑަ ސިޓީއުރައެއް ނަގައި އައިޝްގެ އަތަށް ދިނެވެ. “މި ކަނޑާލާނީ އަހަރެން ފުރައިގެން ދިޔައީމާ،” އޭނާ ބުންޏެވެ.
އެތެރެއަށް ވަންނަން ގޮވަން ފެށުމުން، ލޫތު އައިޝްގެ ގައިގައި ވަރަށް ބާރަށް ބައްދާލިއެވެ. އެ ވަގުތު ދުނިޔެ ހުއްޓުނު ފަދައެވެ. ވައިގެ ބަނދަރުގެ ހުރިހާ އަޑެއް ކެނޑި، ހަމައެކަނި އިވެމުންދިޔައީ އެ ދެމީހުންގެ ހިތުގެ ތެޅުމެވެ.
“ލޯބިވޭ،” ލޫތު ވަރަށް މަޑުން އައިޝްގެ ކަންފަތް ކައިރީގައި ބުންޏެވެ. އެއީ އޭނާ އެ ބަސް ބުނި ފުރަތަމަ ފަހަރެވެ.
އައިޝްއަށް ރޮވުނީއެވެ. “އަހަރެންވެސް ލޯބިވޭ،” އޭނާއަށް ބުނެވުނީ އެވަރަށެވެ.

އެއާޕޯޓުން މާލެއަށް ދާން އޮތް ފެރީއަށް އައިޝް އެރިއެވެ. އޭނާ ލޫތު ދިން ސިޓީއުރަ ކަނޑާލިއެވެ. އޭގެ ތެރޭގައި އޮތީ އެ ދެމީހުން ފުރަތަމަ ބައްދަލުވި ދުވަހު ލޫތު ސިއްރުން ނަގާފައިވާ އައިޝްގެ ފޮޓޯއެކެވެ. ފޮޓޯގެ ފަހަތުގައި ލިޔެފައި އޮތެވެ:
“މި ފޮޓޯ ނެގި ވަގުތު އަހަރެންނަށް އެނގުނު އައިޝްއަކީ އަހަރެންގެ ހަޔާތުގެ އެންމެ ރީތި މަންޒަރުކަން. މި ދަތުރަކީ އަހަރެމެންގެ ވާހަކައިގެ ނިމުމެއް ނޫން، މިއީ ވަރަށް ބޮޑު އިމްތިހާނެއްގެ ފެށުން. އިންތިޒާރު ކުރާނަން.”
އައިޝް އެ ފޮޓޯ މޭގައި ޖައްސާލިއެވެ. އޭނާގެ ފޯނަށް މެސެޖެއް އައެވެ.
ލޫތު: “އައިޝް، އަހަރެން ބޯޓަށް އަރައިފިން. ލަންޑަނަށް ދެވުނުހާ އަވަހަކަށް ގުޅާނަން. ހިތްވަރު ކުރައްޗޭ.”
އައިޝް ފެރީގެ ކުޑަދޮރުން ބޭރު ބަލާލިއެވެ. އުޑުމަތި ވަނީ ކަޅުވިލާތަކުން ބައްދާލާފައެވެ. އެކަމަކު އޭނާގެ ހިތުގައި އޮތީ އެންމެ އުންމީދެކެވެ. އެއީ ދުރުމިނަކީ ލޯބީގެ ކުރިމަތީގައި އެއްވެސް އެއްޗެއް ނޫންކަމެވެ

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (8)

  1. Anonymous

    U boy eh tha

    1. Ya ee sh
      Anonymous

      Hehe yes

  2. Anonymous

    Aish eii girl eh tha

    1. Ya ee sh
      Anonymous

      Kiyuntheriyaa ah sifa v kihineh tho

  3. Shaba_17

    Mi part ves vrh Reethi MA! 💗
    Vrh interesting story. waiting for the next part
    When’s next?
    Lyy and Tc <3

    1. Ya ee sh
      Shaba_17

      Thank you. IA in 2 days

  4. Hudhuna

    Are u a new writer?? New writer akaa balafa vrh ragalhu fashun i like it cant want for next ep

  5. Anonymous

    He’s not a new writer

Comments are closed.