ޒުވާންވީ ލޯބި…

ޅެން: ޒުވާންވީ ލޯބި

ރާގު: ކުޗް ކުޗް ހޯތާ ހޭ

 

ޒުވާންވީ އެ ލޯބިން ކިޔާދިން ދެހިތް

 

ޒުވާންކަމުގެ ލޭ ކެކި އުތުރެމުން ދެހިތް

 

***************************

 

ޒުވާންވީ ހިތެއްގައި ޖަހާލީ އެވިންދުން

 

ޒުވާން ރޫޚޫގައި އަލިވި ލޯބީގެ ޒިންދުން

 

ޒުވާން ލޯބި އަޑުތައް އިއްވާލި އެހިނދުން

 

ޒުވާންކަމުގެ ލޭ ކެކި އުތުރެމުން ދެހިތް

 

****************************

 

ދުވާލާއި ރޭގަނޑު ވެދާއިރު ގުޅުން

 

ސުވާލާއި ޖަވާބުން ފުރޭހެން ގުޅުން

 

ހުވާކޮށް ކިޔައިދޭ ހިތާވީ ގުޅުން

 

ޒުވާންކަމުގެ ލޭ ކެކި އުތުރެމުން ދެހިތް

****************************

ހަޔާތާ އެކީ ރުހުން ދިން ގޮތުން

 

ނަޔާވީ އުޅުން ގެނުވި ނޫރީ ގޮތުން

 

ސަމާވީ އަލަތު ލޯބި ފަރިވީ ގޮތުން

 

ޒުވާންކަމުގެ ލޭ ކެކި އުތުރެމުން ދެހިތް

****************************

 

ފުދުންހޭ ލިބުން ފޮނި ކަމާ ރާހަތުން

 

މި ދިން ކުލުނު ލޯތްބާއި ނިޢުމަތުން

 

ނިދިން ހޭލަދީ ކުރެހި ރަން ކުލަތަކުން

 

ޒުވާންކަމުގެ ލޭ ކެކި އުތުރެމުން ދެހިތް

 

****************************

 

އަތާ އަތް ގުޅާދިން އެމަންޒަރު ތަކުން

 

ހިތާ ލޯ ދިރާލީ މި މަޚްފަލް ތަކުން

 

ނިތާ މޫނު ދިރުވީ މި މަޖިލިސް ތަކުން

 

ޒުވާންކަމުގެ ލޭ ކެކި އުތުރެމުން ދެހިތް

 

****************************

 

ސިކުންތެއް ހަނދާންނުވެ މިކަން ވާނޭހޭ؟

 

ފިކުރުކޮށް ޚިޔާލުން ފިލާ ދާނެހޭ؟

 

ޝަރަފުވެރިކަމާއެކު އެޅުނު ލޯތްބެކޭމީ ދޯ؟

 

ޒުވާންކަމުގެ ލޭ ކެކި އުތުރެމުން ދެހިތް

 

25 ޛުލްޤައިދާ 1447                 23 އޭޕްރިލު 2026