މުޅި ކާއިނާތު އަހަންނާއި  ރުޅިހަދަނީ ކީއްވެހެއްޔެވެ؟

އަހަރެންގެ ހިތަށް ހަމަޖެހެމެއް ނުލިބެއެވެ.

ދެލޯ އަބަދު ނުހުއްޓި ރޮނީއެވެ.

މާ ކުރީގެ ކަންކަމާއި ހަނދާންތަކުގައި ފީނަނީއެވެ.

ބައެއް ފަހަރަށް އަހަރެން ޅަފަތުގެ ދުވަސްވަރެވެ.

އަނެއްބައި ފަހަރު ސުކޫލް ދައުރުގެ ހިތި ދުވަސްވަރެވެ.

ހަމަޖެހުމެއް  ލިބޭތޯ އުޅި އުޅި އަހަރެން ވަރުބަލިވެއްޖެ؟ މުޅި ކާއިނާތު އަހަންނާއި  ރުޅިހަދަނީ ކީއްވެހެއްޔެވެ؟

ހަޔާތުގެ އެ ފޮނި ދުވަސްތަކާއި ކަޅު ދުވަސްތަށް މާބޮޑަށް ހަނދާން ވަނީއެވެ.

އެ ހަނދާންތަކުން އެކަނިވެރިކުރުވަނީއެވެ.

ދުނިޔެއާއި ދުނިޔޭގައި ވާހާ ކަމަކުން މީހާ ބޭރުކޮށްލަނީ އެވެ.

އިއާދަވުމެއް ނެތް ހިޔާލީ މަނާޒިރަކަށް ގެންދަނީއެވެ.

ހަމަޖެހުމެއް ލިބޭތޯ އުޅި އުޅި އަހަރެން ވަރުބަލި ވެއްޖެއެވެ؟ މުޅި ކާއިނާތު އަހަންނާއި  ރުޅިހަދަނީ ކީއްވެހެއްޔެވެ؟

މަޑުމައިތިރި އަޑުމަޑު މަންޒިލަކަށް ދެވޭނެނަމައެވެ.

މި އެކަނިވެރިކަން ހާމަކޮށްލާއި އަޑުން އަޑުނަގައި ރޯލަން ބޭނުމެވެ.

އަދި އެހެން އަބަދު ރޮވުނަސް, އިހްސާސްތަށް ބޭރެއް ނުވެއެވެ.

ކަރުނައިގެ  އެ މުއިތަކުން ލިބޭ ފިނިކަމެއް އަރާމެއްނެތެވެ.

ހަމަޖެހުމެއް ލިބޭތޯ އުޅި އުޅި އަހަރެން ވަރުބަލި ވެއްޖެއެވެ؟ މުޅި ކާއިނާތު އަހަންނާއި  ރުޅިހަދަނީ ކީއްވެހެއްޔެވެ؟

މިހެން ހިތާމަކޮށްކޮށް މިހާ ވަރުދެރަވެއްޖެއެވެ.

ހަށިގަނޑު ހަކަތަ ހުސްވީއެއް ނޫނެވެ.

ވިސްނާ ވިސްނާ ސިކުނޑި ގޮވީއެވެ.

ރެނދުލާލާއި ހިތް ކުދިކުދިވީއެވެ.

މި ވަރުދެރަވުމަކަަށް ދެން ދާއިމީ ފަރުވާއެއް އޮތްކަމަށް ނުދެކެމެވެ.

ހަމަޖެހުމެއް ލިބޭތޯ އުޅި އުޅި އަހަރެން ވަރުބަލި ވެއްޖެއެވެ؟ މުޅި ކާއިނާތު އަހަންނާއި  ރުޅިހަދަނީ ކީއްވެހެއްޔެވެ؟