އަލީނާގެ ހަޔާތް…2

ކްލާސްރޫމުގައި ޓީޗަރު ކިޔަވައިދެމުން ދިޔައިރު އަލީނާ ހުރީ އެހެން ދުނިޔެއެއްގައެވެ. އޭނާ ވިސްނަމުން ދިޔައީ ގަނާ ކުރި ކުއްޖާ ދެއްކި ވާހަކަތަކާ މެދުގަ އެވެ. އެލީނާގެ ސިކުނޑި ފުރެމުން ދިޔައީ އެކި ކަހަލަ ސުވާލު ތަކަކުންނެވެ. އޭނާގެ ބޮލައް އެންމެ އުނދަގޫ ކުރަމުން ދިޔައީ ދެ ސުވާލެވެ. އެއީ……. “ގަަނާ ކުރާކުއްޖާ އެކިޔަނީ ހަމަ ތެދައްބާ؟” “ބައްޕަ ހަމަ އަހަރަމެން އެކަނި ދޫކޮއްލާފަ ދިޔައީ އަހަރަމެން ދެކެ ބައްޕަ ލޯބި ނުވާތީބާ ؟” މި ހިޔާލު ތަކުތެރޭން ނުކުމެވުނީ ކްލާސް ބެލް އެޅުމުންނެވެ.

**ޕާޓް 2**

ހަވީރުގެ ވަގުތުގައި އަލީނާ އަތިރިމައްޗަށް ދާން ތައްޔާރުވަމުން ދިޔައީ ސިކުނޑިއަށް ލުޔެއް ދިނުމަށެވެ. އޭނާ އެކަނި ދާން ބޭނުން ނުވާތީ އާއިރާއަށް ގުޅާފައި، އާއިރާ އާ އެކުދާން ނިންމިއެވެ. އަލީނާ ބޭރަށް ނުކުތީ އާއިރާ ބަލާ އެގެއައް ދިއުމަށެވެ. އައިރާއާ އެކު ބޭރަށް ދާން އުޅޭ ވާހަކަ އަލީނާ އޭނާގެ މަންމަ ގާތުބުންޏެވެ. އަދި އޭނާ ބޭރަށް ނުކުތެވެ. އެތައް އިރަކު ހިނގާފައި ދިއުމަށްފަހު އައިރާގެ ގެއާ ހަމައަށް އާދެވުނެވެ. އަލީނާ ދިއައިރު އައިރާ އަލީނާގެ އިންތިޒާރުގައި ހުއްޓެވެ. އައިރާ ދުވެފައި ގޮސް އަލީނާގެ ގައިގައި ބައްދާލިއެވެ. އަދި ދެމީހުން އެކުގައި އަތިރި އާ ދިމާލަށް ހިނގައިގަތެވެ. އަތިރިމައްޗަށް ދިޔަ މަގުމަތީގައި އެމީހުން ބޯބާ ވިއްކާ ތަނަކައް ވަދެ ބޯބާ ގަނެގެން ނުކުތެވެ.

****

އަތިރިއަށް އަދެވުމާއެކު ދެމީހުނަށް ތިބެވޭހެން ލަކުޑިން ހަދާފައި ހުރި އުނދޯލީގައި އިށީނެވެ. އަދި އެކި ކަހަލަ ވާހަކަތައް ދައްކަން ފެށިއެވެ. މަޑުމަޑުން އެ މީހުންގެ ބުއިންތައް ވެސް ހުސްވަަމުންދިޔައެވެ. އިރުއޮއްސެން ކައިރި ވުމުން ދެމީހުން އެކުގައި ގެއަށް ދާން ހިނގައިގަތެވެ. އައިރާ އަލީނާގެ ގައިގައި ބައްދާލުމައްފަހު ގެއަށް ވަނެވެ.

****

އާދުވަހަކަށް މަރުހަބާ ކީ އިރު އަލީނާ އުޅުނީ އިސްކޫލަށް ދާން ތައްޔާރުވާށެވެ. ތައްޔާރުވުމަށްފަހު އޭނާ ސްކޫލަށް ދިޔައެވެ. ސްކޫލްގެ ގޭޓް ކައިރިން އައިރާ އާއި ބައްދަލުކޮށް އޭނާ އެކުގައި ކްލާހަށް ވަނެވެ. ހަތަރު ޕީރިއަޑަށް ފަހު ބްރޭކް ޓައިމް ލިބުނެވެ. އައިރާ އާއި އަލީނާ އެކުގައި ކެންޓީނަށް ދިޔައެވެ. އެއަށްފަހު ދެ ޕިއްޒާ އާއި ޗީޒް ސޭންޑްވިޗެއް ހިފައިގެން ހުސް ބެންޗެއްގައި އިށީނެވެ. ކައި ނިމުމުން ބްރޭކް ނިމުމުން އެމީހުން އެތާ މަޑުކޮށްލައިގެން ކުޑައިރުކޮޅަކު ވާހަކަ ދެއްކިއެވެ. ކުރިންދުވަހު އައިރާ ބުނި ވާހަކަ ހަދާން ވެގެން އަލީނާ އެހިއެވެ. “އައިރޫ..އައިރު ބުނީމެނު އާ ކުއްޖެއް ސްކޫލައް ވަންނަ ވާހަކަ؟”. “އެއީ ކޮން އޭޖް އެއްގެ ،ކޮން ގްރޭޑަކައް އަންނަ ކުއްޖެއްތަ؟”. އަލީނާ އެހި ގޮތުން އައިރާ ގާތައް ހިނިއައެވެ. “ބިޓެއް ބޭނުން ވީތަ..؟” އައިރާ މިހެން ބުނުމުން އލީނާ އައިރާ ގައިގަ ބޮނޑިއެއް އަޅާލިއެވެ. ދެންންންން.. އައިރު ވެސް ކިޔާ އެއްޗެހި ދޯ. އެ އާ ކުއްޖަކީ އަހަރަމެން ކްލާހައް އަންނަ ކުއްޖެއް… ސޭމް އޭޖް.. އޭނާ އަކީ ފިރިހެން ކުއްޖެއް. ހޫމް ބޭނުން ދޯ އެސޮރުގެ ނަން އެގެން. މަށައް އެނގޭ އެސޮރުގެ ނަން އެނގެން ބޭނުންވެފަކަންތިހުރީ…. އެސޮރައް ކިޔަނީ ސާހިލް.

****

ހިސާބު ކްލާހުގެ މެދުތެރޭގައި އަލީނާ ވިސްނަމުން ދިޔައީ ސާހިލް އަކީ ކޮންކަހަލަ މީހެއްތޯ އެވެ. ހަމަބިމަށް އާދެވުނީ ހިސާބު ކްލާހުގެ ބެލް ޖެހުމާއެކުއެވެ. ކްލާސްތައް ނިމުމުން އަލީނާ ސްކޫލު ދަބަސް ޕެކް ކުރިއެވެ. ދެން އެލީނާ އާއި އައިރާ ސްކޫލްގެ ގޭޓް ކައިރިއަށް ގޮސް އެމީހުންގެ ގެޔަށް ދިޔައެވެ. ގެއައް ދިޔަ މަގުމަތީގައި އޭނާ އާ އެއް އުމުރެއްގެ ފިރިހެން ކުއްޖެއްގެ ގައިގާ އަލީނާ ލައިގަތެވެ. މާފަށް އެދެން އިސްއުފުލާލި ނަމަވެސް އަނގައިން އެއްވެސް ބަހެއް ނުނިކުތީ ކުރިމަތީގައި ފެންނަން ހުރި ހިތްގައިމު, އަންހެން ކުދިގެން ގެ ހިތް ތައް ކަތިލާނެ ފަދަ އެތައް ސިފައެއްލިބިފައި ހުރި ޒުވާނާ ފެނިފައެވެ. އެ ފިރިހެން ކުއްޖާގެ ހަލަކީތޯއެވެ. ކުރިމަތީގައި ހުރީ ސާދަވިލޭރޭގެ ހަނދައް ވުރެއްވެސް ރީތި ހޫރު ޕަރީއެކެވެ. އޭނާ އައް ހުރެވުނީ ލޮލުފިޔަ ޖަހަން ވެސް ނޭނގިފައެވެ.

ނުނިމޭ